رواية أحبني تاجر سلاح الفصل الخامس 5 بقلم نور أحمد

محمود: أدخل

دادة سميحه: الشوربه يابني أهي

محمود: شكرا يادادة وقفلي الباب وراكي 

سميحه : حاضر يابني 

محمود: يلا علشان تأكلي 

نورا : مش عايزة 

محمود: بيجز علي أسنانه نورا متعصنيش اخلصي افتحي بقك 

نورا : بدموع مليش نفس 

محمود: معلش حبيبي علشان تخدي العلاج وتخفي 

نورا : انا هأكل نفسي 

محمود : بتنهيدة اتفضل ياستي 

نورا: خلاص شبعت 

محمود: فين اللي كلتيه عموماً مش غصب عليكي دواكي اهو 

خدت العلاج وهو ساعدني إني انام وغطاني وقفل النور وطلع 

تاني يوم صحيت فتحت عيني لقيته قاعد جنبي وبيبصلي 

محمود: عامله اي دلوقتي 

نورا : الحمدلله

محمود وحط أيده علي دماغي وقال الحمدلله مفيش حرارة يلا قومي خديلك دوش علي ما اجيب الفطار قمت واحدا شور وغيرت هدومي وصليت 

محمود: الفطار وصل 

كلت علي قد ماقدرت واخدت العلاج ويوم في التاني وبقيت أحسن 

طق طق طق 

نورا : أدخل 

محمود : مساء الجمال علي عيون حبيبي 

نورا : ببرود مساء الخير 

محمود: مش عايزة تعرفي انا جي منين 

نورا : مايهمنيش اعرف 

محمود: طب ياستي أنا هقولك مدام مصممه تعرفي 

نورا : دمك خفيف 

محمود: وهو بيعدل لياقه القميص عارف المهم ياستي أنا كنت في الجامعة النهارده أو بمعني أصح كنت في الكليه بتعتك ودفعت المصاريف وجبت والاسطوانه وطبعت كتاب التدريب وقابلت العميدة علشان الايام اللي غبتيها قولتلها إنك تعبانه وهي مش هتحسبهملك غياب ياستي اي خدمه 

نورا : ببرود خلصت 

محمود:اه

نورا:وأنا مش هروح الجامعه تاني 

محمود: مش بمزاجك علي فكرة 

نورا : امال بمزاج مين مزاجك أنت 

محمود: اه بمزاجي أنا وهتروحي غص**ب عنك ياروحي حتي لو هوديكي بالعافي***ه 

بيقول كدا وهو بيقرب وبيجز علي أسنانه 

نورا : بلعت ريقي بصعوبه  خلاص ماشي هروح 

محمود: مراتي شطورة وبتسمع الكلام  

خدي ياستي دي الاسطوانه وكتاب التدريب اهو وكل الأبحاث اللي اطلبت وأنتي غيبه عملتهم في المكتبه ودا تلفون جديد اهو ولاب عندك علشان تذاكري الميدترم خلاص بقي عليه اسبوعين 

سابني وخرج وانا شوفت الأبحاث والاسطوانه 

والمغرب إذن اتوضيت وصليت وبعدين دادة سميحه جابتلي العشا ما أنا مش بنزل خالص اصلا مفيش حد في البيت غير محمود وأخوه فارس وابوة ودادة سميحه وأم محمود وفارس ميته معندوش اخوات بنات 

اتعشيت وجبت التلفون حاولت افتكر رقم حد من اصحابي أو أهلي مش فاكرة وفجأة ..التلفون رن 

نورا : الوووو 

محمود: الووو 

نورا : أيوة مين 

محمود: طب والله عيب في حقي إن مراتي ماكنش مسجله رقمي عموماً ياستي بتصل علشان أسألك عايزة حاجة من برا 

نورا : لا مش عايزة 

محمود: متأكدة 

نورا : ببرود اه متأكدة 

محمود: ماشي ياحبيبي سلام 

وقفلت معاه والعشاء بتأذن قمت اتوضيت وصليت وبعدين عملت كوبايه شاي بنعناع ما هو في الاوضه سخان شاي وتلاجه صغيره كدا علي قد المشروبات 

وبعدين جبت الاب توب وشغلت الاسطوانه وجبت المنهج 

اي دا محتاجه ورقه وقلم الاقي فين بقي قعدت ادور مش لاقيه وأنا بدور وقعت الشنطه اللي فيها كتاب التدريب ولقيت فيها كشكول محاضرات وأقلام كتير كل ألوان 

نورا : والله انا ما اعرف انت اي شخص كويس ولا شرير مرة تا**جر سلا**ح ومرة شخص طيب وجدع مش مهم 

قعدت اذاكر والخص المحاضرات اللي فاتتني وشربت خمسين كوبايه شاي ومحستش بنفسي اي دا الساعه بقت 12باليل 

وفجأة الباب اتفتح 

محمود: أي دا حبيبتي لسه صاحيه بتعملي اي بقي 

نورا: ببرود زي ما انت شايف بذاكر وبكرا الجمعه إجازة فقالت استغل الوقت

محمود: طب ياحبيبتي ربنا معاكي ويوفقك واي كوبايت الشاي دي كلها دا غلط عليكي 

نورا: مالكش فيه 

محمود: لا لي ماهو أنا اللي بشيل في الاخر وبصراحة أنتي تقيله وظهري اتقطم اخر مرة حاولي تخسي 

نورا : مين دي اللي تقيله وتحاول تخس

محمود: أنتي ياروحي 

نورا : اخس دا أنا كيرڤي مش اي حد يقدر يبقي زي دا أنا بطه في نفسي وجيت مشوحه بأيدي كدا

محمود: من ناحيه بطه فأنتي احلي بطه شوفتها في حياتى وجه غمزلي 

وبعد ما استوعبت أنا قولت اي رجعت قعدت مكاني علي السرير وبقلب في الاب توب 

محمود: دا شويه آيس كريم مشكل شوكولاته بيضاء وسودة وفانيلا ومانجا سمعت إن مراتي الكيرڤي بتموت فيه قولت اجبلها

نورا : مش عايزة وانا ببص علي الشنطه اللي في أيديه

محمود: انا هحطها في التلاجه لو غيرتي رائيك يعني 

نورا: لا مش هغير رأيي 

محمود: تمام هدخل اخد شور وانام لاني هموت من التعب 

هو دخل الحمام وانا قعدت ابص علي التلاجه نفسي في الآيس كريم 

محمود طلع وطلع التلفون يلعب بي وانا قفلت اللاب توب ودخلت الحمام غيرت هدومي وتوضيت وصليت ركعتين قبل ما انام صليت وظبط المنبه علي الفجر ورحت علي السرير علشان أنا 

نورا: لو خلصت أقفل النور علشان أنام 

محمود: ماشي ياحبيبتي اعتبريني خلصت 

وقفل النور وانا نمت صحيت علي الفجر صليت وقرأت الاذكار وورد القرآن وصليت الضحي 

 في نفسي بما إنه نائم هروح اطلع آيس كريمه وأكلها من غير ما يعرف ورحت عند التلاجه اتسحب زي الحرامي ???????? واخدت آيس كريمه كلتها ????ورميت الكيس بعيد علشان مايعرفش ورحت نمت تاني ????????(ولا مين شاف ولا مين دري)

صحيت علي 11ونص نزلت تحت مع إني مش بعملها كتير لقيت فارس طالع من اوضته

فارس : نورا عامله اي 

نورا : الحمدلله انت عامل اي

فارس : الحمدلله

نورا : رايح فين كدا 

فارس : رايح المسجد الخطبه بدأت 

نورا : ببسمه المسجد

فارس : اه في اي مالك مستغربه

نورا : أبدا مفيش ربنا يصلح حالك ويوفقك يارب

فارس : أنا وأنتي صحيح محمود قالي إنك هتنزلي الجامعه من يوم الاحد 

نورا : بيقول

فارس : بعد أذنك بقي اتاخرت علي الجمعه 

نورا: اتفضل 

والله حاجه غريبه أوي اخين عكس بعض تماماً وحد مش بيركعها وتاني مش بيفوته وقت في الجامع يلا ربنا يهدي الجميع 

نورا : صباح الخير يادادة سميحه 

سميحه: صباح الخير يا بنتي عايزة حاجة اجبهالك 

نورا : لا أبدا ً حبيت انزل اجهز الغداء النهارده 

سميحه: متتعبيش نفسك يابنتي انا هجهزه

نورا : مش تعب ولا حاجه 

وبعد مرور ساعه 

محمود: اي يادادة رائحه الاكل الجامد دا 

اي دا حبيبتي بتعمل اي هنا دا فكرتك في الحمام 

سميحه : مراتك اللي طابخه يابني 

محمود: مراتي شيف شطورة هو إحنا قليلين في البلد ولا اي 

فارس : صباح الخير يامحمود عامل اي ياحبيبي 

محمود: الحمدلله ياحبيبي أنت عامل اي 

فارس: تمام 

فارس مش هنأكل ولا أي 

محمود : هنأكل طبعاً أنت متعرفش مين اللي محضره الاكل 

فارس : مين متقلش اللي بالي 

محمود: أيوة اللي بالك 

فارس : مراتك ربنا يستر معاك رقم الإسعاف ولا لا علشان نلاقي حد يساعدنا 

نورا: بضحك الله يسامحك يافارس دا حتي شيف شطورة 

فارس: أما نشوف

محمود وقر**ب من**ي وهمس في ودني ما بنعرف نضحك اهو آمال في أي مركبالي الوش الخشب لي ياروحي 

مردتش عليه وحطيت الاكل وقعدنا نأكل 

فارس: لا تسلم ايدك يامرات أخويا

نورا : الله يسلمك بس أسمي نورا 

فارس وحاول يغير الموضوع لانه لاحظ إن محمود تضايق إني رديت كدا

فارس : احم الا صحيح يامحمود هو بابا هيرجع امتا 

محمود: علي الخميس كدا 

فارس: تمام ماشي  أنا خلاص شبعت وقام 

محمود: وبيحاول يقلدني انا أسمي نورا وخبط علي السفرة

كتمت ضحكتي الحمدلله أنا كمان  شبعت وطلعت علي فوق طلعت اللاب توب وعملت كوبايه شاي وقعدت اذاكر 

طق طق طق 

نورا: ادخل