رواية حب متملك الفصل السادس 6 بقلم وعد حامد

رواية حب متملك الجزء السادس

رواية حب متملك البارت السادس

رواية حب متملك الحلقة السادسة

فارس بهدوء : انا هفهم حضرتك وهقولك علي كل حاجه !!
فجأة دخل يونس وهو بيتكلم بسرعه : عمي هو ……
أكمل كلامه بهدوء غريب وهو ينظر لفارس : هو ده بيعمل ايه هنا ؟
محمد بتوتر : كان جاي يتكلم معايا شويه يا ابني
يونس بشك : في إيه يعني ؟؟
نظر محمد لفارس بحيرة وهو لا يعرف ماذا يقول ليونس هل يقول له أنه يود الرجوع لخديجه مره أخري أم ماذا ؟
فهم فارس نظراته فوراً ووقف امام يونس وهو يقول بهدوء : ممكن نتكلم لوحدنا يا بشمهندس
نظر له يونس بنظره غريبه وهو يومأ له وقف يونس وفارس في مكان بعيد عن محمد الذي كان قلقاً بشأنهم ويشعر بالخوف من ردة فعل يونس عندما يخبره فارس !!
عند خديجه
كانت قاعده في غرفتها بتعيط بأنهيار وحزن كبير وهي بتقول بشحتفه وصوت مكتوم من العياط : انا مش عايزاه مبحبوش بكرهه مش عايزه أتجوزوا مش عايزه
فجأة دخلت عليها ليلي وهي بتقول بخضه بعد أن رأت شحوب وجهها : في إيه يا بنتي مالك ؟
خديجه بعينان دامعه ونظره ترجي : مش عايزه اتجوز يونس يا ماما عشان خاطري اعملي اي حاجه ومتخلنيش اتجوزوا
ليلي بأستغراب و صدمه : طب اهدي بس يا بنتي وقوليلي في إيه ؟
مسحت خديجه دموعها بطرف البلوزه وهي بتحاول تهدي من عياطها قائله : حاضر
عند رحمه
كانت نايمه علي السرير بهدوء غريب وحزن مسيطر عليها فجأه دخلت والدتها ( سعاد ) وهي بتقول لها بعتاب : يا بنتي بقي حرام عليكي نفسك من ساعه اخر مره كنتي فيها عند فارس وانت مش مظبوطة وفيكي حاجه غريبه ولا بتأكلي ولا بتشربي ونايمه علي طول وكل اما أسألك تقوليلي مفيش حاجه انا المرادي مش هخرج من الاوضه غير لما اعرف فيه ايه بالظبط ؟؟
رحمه بتعب و حزن : مفيش حاجه والله يا ماما انا تعبانه بس شويه
سعاد بلهفه : تعبانه نروح للدكتور يلا قومي البسي
رحمه بسرعه و تعب : يا ماما ارجوكي سبيتي لوحدي وانا هبقي كويسه مش مستاهله نروح لدكتور
سعاد بأستسلام : ماشي يا بنتي علي راحتك
خرجت خارج الغرفه وهي حزينه علي رحمه
ورحمه مازالت راكضه علي السرير بتعب وحزن كبير ودموعها بتنزل بحزن كبير و انكسار و هي بتلعن قلبها اللي حبه في يوم من الايام !!
عند يونس وفارس
مسك يونس فارس فجأه من ياقه قميصه وهو بيقول : انت ايه اللي جابك عنده مش انا حذرتك لو حكيت حاجه هزعلك وهتشوف وشي التاني
فارس بأستفزاز : مش مصدقك شكلك بوق علي الفاضي
فارس بغضب كبير : أنا بقي هوريلك البوق ده هيعمل فيك إيه !!