رواية لعبة الحياه الفصل الثامن 8 بقلم حنين الماضي

رواية لعبة الحياه الجزء الثامن

رواية لعبة الحياه البارت الثامن

رواية لعبة الحياه الحلقة الثامنة

صباح : مالك يا شهد فى أية
شهد : 😭😭 سيبينى انتحر واخلص
صباح : لية بس حصل اية
شهد : حتى نينا مش طيقانا وكل شوية تضربنى وتشتمنى وتعايرنى طب انا مااالى باللى ابويا وامى عملوة انا خلاص تعبت من كل شوية حد يذلنى ويطردنى وحاسة انى ماليش حد فالدنيا ، يارب اموت يارب اموت بقى واخلص ، اعيش لمين وانا اهم اتنين عندى مش عاوزنى قوليلى اعيش لمين 😭😭😭 يااارب لو بتحبنى خدنى من الدنيا السودا دى اللى مفيهاش رحمة وكلها تعب وذل ، يارب ادينى اى شارة انك معايا أنا الشيطان كل شوية يقولى موتى نفسك واستريحى وانا بخاف من عقاب ربنا واقعد اقول مافيش عربية تخبطنى وانا ماشية وتخلصنى وابقى كدة موت من غير ما ربنا يغضب عليا 😭😭😭
صباح : طيب يا حبيبة قلبي بس بس أهدى انا هتصرف واكلم خالك ومينفعش تقعدى هنا خلاص وهعملك اللى عاوزاة بس لو بتحبينى بلاش تعيطى ،قلبى بيوجعنى لما بشوفك كدة ، 😭 حسبى الله ونعم الوكيل فيهم حسبى الله ونعم الوكيل فيهم
😭😭😭😭😭😭😭😭
خال شهد : خلاص يا شهد انتى مصممة تمشى من هنا
شهد.: اة يا خالو
خالها : خلاص تعالى اقعدى وسط بناتى ولولا انى عارف انك محترمة ومؤدبة مكنتش وافقت اخدك ومرات خالك وأخواتك البنات هيفرحوا بوجودك يا حبيبتى وكمان هساعدك تكملى دراستك على قد ما اقدر .
شهد : يا حبيبى يا خالو ،هقوم احضر شنطتى
صباح : قومى يا حبيبتى ربنا يفرحك يارب
خالها : البنت فرحانة كأنها فى سجن وخرجت
صباح : خد بالك منها وحياتك بناتك البنت دى شافت اللى محدش شافة ولا يقدر يستحملة .
خالها: متقلقيش انا هوصى ام البنات .
_______________
عدا شهرين
—————-
ابو ملك: بقولك ايه يا ملك ابن واحد زميلى شافك معايا مرة وابوة النهاردة فالشغل كلمنى يجوا يشوفوكى أية رأيك
ملك : بس انا معرفهوش
ابو ملك: عشان كدة هديهم ميعاد ويجى وتقعدوا مع بعض
ملك : خلاص ماشى يا بابا
_____________
ملك : اهلا وسهلا
سامح : اهلا بيكى ، انا الحقيقة حابب اتعرف عليكى لان انا شوفتك من بعيد
ملك : وانا كمان عاوزة اعرفك
سامح : انا أسمى سامح بشتغل فى شركة خاصة فالمهندسين
ملك : وانا قربت اتخرج من تجارة واتخطبت مرة قبل كدة ومحصلش نصيب
سامح : لية
ملك : تقدر تقول متفقناش
سامح : طيب انا حاسس ان فى قبول ليكى من ناحيتى وانتى ؟
ملك : مش هكدب عليك أنا محتاجة اصلى استخارة وارد عليك
سامح : خلاص ماشى هستنى ردك
_________
بعد يومين 👇
ابو ملك: ها يا ملك فكرتى فالعريس
ملك : بص يا بابا انا صليت استخارة وقولت الدعاء لكن محلمتش بحاجة لكن قومت من النوم مستريحة .
ابو ملك: خلاص هحدد ميعاد لقراءة الفاتحة معاهم والف مبروك
__________
يوم الفاتحة
____________
ابو سامح : الحمدلله الولاد عندهم قبول لبعض واحنا بردوا مخدناش حد غريب
ابو ملك : شرف لينا وملك بنتكوا اكيد
ابو سامح : كمان ٣ شهور نحجز القاعة ونعمل الشبكة
ابو ملك: على بركة الله
ابو سامح : نقرا الفاتحة
لولولى لولولى لولولى
ملك بالرغم من أنها وافقت على سامح لكن محستش بالفرحة زى يوم فاتحتها على تامر وقالت هدينى هجرب ما انا لازم اتجوز واستقر .
عدت الشهور ونزلت ملك تختار الشبكة وتحجز الفستان والقاعة .
ابو ملك: ها يا ملك جبتى شبكة أية
ملك : جبت ٣ خواتم ودبلة وتوينز و٣ خواتم وانسيال وغويشتين
ابو ملك: طيب جميل الف مبروك
______
سامح : انا مش حابب القاعة اللى انتى عمالة تقولى عليها دى
ملك : بس عجبانى وانا من حقى اختار
سامح : انا عاوز قاعة تانية
ملك : طيب اية اللى مش عجبك فيها
سامح : هو كدة أنا عاوز التانية
ملك : وانا بقى مصممة على دى
سامح : هو انتى بتعندينى ولا أية
ملك : افهم اللى تفهمة
سامح : انتى مش متربية وبنت كلب
ملك اتصدمت ومشيت وسابتة
طبعا بعدها كلمها وقالها خلاص حقك عليا مش هعمل كدة تانى ووعد منى مش هزعلك بس اوعى تقولى لحد .
وعدت الشبكة وبقت ملك وسامح يجهزوا شقتهم لأنهم المفروض هيتجوزوا فالصيف ،لحد يوم دهانات الشقة
سامح : أية دة تعالى
ملك : فى أية
سامح : انتى واقفة مع النقاش لية
ملك : عادى بختار الالوان مش قولتلى اختارى اللى عاوزاة وبعدين ماما واقفة معايا
سامح : 😡 انتى بنت كلب فعلا ومش محترمة وعاوزة توقفى مع الرجالة
ملك : انا مش هسكتلك تانى على شتيمتك لابويا .. وتغور الجوازة دى .
ملك خرجت لمامتها بس مقالتش حاجة واتصلت بأبو سامح تشتكيلة وطبعا قالها معلش وهخلية يجى يصالحك واوعدك دة مش هيتكرر.
وفعلا سامح راح لملك البيت ورضاها وهى سامحتة وبعدها بفترة نزلوا يحجزوا قاعة الفرح
ملك : حلوة دى
سامح : لا نشوف واحدة تانية
ملك : بس دى عجبانى اوى
سامح : هو كل حاجة انتى تختاريها
ملك : دى ليلة العمر واى بنت بتكون نفسها تختار اللى عاوزاة
سامح : لا مش دى
ملك : وانا عاوزاها
سامح : انتى بقيتى لا تطاقى وأسلوبك مش محترم ومش متربية
ملك : انا اللى مش متربية
سامح : طب امشى من وشى يا بنت ال ……
ملك والله ما هكمل الجوازة ومش عاوزاك
_______
أم ملك : مالك يا ملك
ملك : ماما انا مش عاوزة سامح وعاوزة افسخ كل حاجة بينى وبينه
أم ملك: اية اللى حصل، دة ناقص شهر على جوازك
ملك حكت لمامتها كل الشتائم اللى سامح قالها
أم ملك : حرام عليكى نفسى افرح بيكى وتبقى فى بيتك زى اخواتك ،عاوزة اطمن عليكى قبل ما اموت واسيبك لإخواتك كل واحد يتحكم فيكى شوية
ملك : ماماااا ماماااا مالك ماما ردى عليا .
ملك : الو الو ايوة يا بابا ماما وقعت منى ومش بترد
ابو ملك: اتصلى بسرعة بالمستشفى
أم ملك الضغط على عليها وتعبت وحجزوها فالرعايا المركزة .
اخت ملك : ماما حصلها أية
ملك : كنت بقولها ….
اختها : لو ماما حصلها حاجة هتكونى انتى السبب ومحدش هيسامحك فاهمة
ملك : ان شاء الله هتقوم وانا موافقة اتجوز سامح خلاص
ملك : عشان خاطرى يا ماما قومى وانا موافقة اتجوز سامح خلاص .
___________
وفعلا جة يوم فرح ملك وسامح واتجوزوا وطلعوا الأهل معاهم يوصلوهم لشقتهم .
سامح : مبروك
ملك : الله يبارك فيك
سامح : تحبى اساعدك
ملك : لالا انا هدخل اغير الفستان واجى
سامح : خلاص براحتك هستناكى هنا
________
ملك دخلت تغير فستانها لكن معرفتش تفك السوستة ( بعيد عن الرواية مافيش عروسة هتعرف تفك سوستة الفستان لوحدها بعيد عن اى سهوكة والله )
ملك فتحت الباب تنادى سامح يساعدها واتفاجئت أنة رافع بنطلونة وماسك المساحة والشقة مليانة ماية وهو عمال يشد الماية على التويليت وطبيعى ملك تساعدة .
ملك : أية دة فى أية
سامح : شكلة حد من العيال لما طلعوا فتح المحبس وضرب
ملك حطت فستانها بين رجليها ومسكت مساحة وقعدت تمشى الماية معاة لمدة ساعتين
ملك : طلع بقى السجاجيد برة عالسلم لحسن مليانين ماية
سامح : ماشى
ملك: يوووة كملت النور قطع
سامح : أية اليوم دة طب وبعدين
ملك : نستنى يمكن يجى
سامح اهو جة يالا قومى غيرى فستانك
ملك : تمام انا جاهزة
سامح : انتى متلجة كدة لية وعمالة تترعشى
ملك : انا حاسة انى تعبانة
سامح : متخافيش بس لازم نتعامل
ملك : لا انا تعبانة
سامح : طب ارتاحى هنزل اجيبلك علاج واجى
ملك نامت بعد ما خدت العلاج وصحيت تانى يوم كويسة
سامح : بقيتى احسن
ملك : اة الحمدلله
سامح : طب يالا بقى عشان هتلاقى اهلك واهلى عمالين يتصلوا عشان يطمنوا
ملك : طيب ماشى ثوانى اجهز نفسى
سامح : فى أية
ملك : مش عارفة
سامح : طب ساعدينى وركزى معايا
ملك : كفاية انا تعبت
سامح : خلاص نحاول تانى بالليل
_______
أم ملك اتصلت بيها : ايوة يا ملك ها عملتى أية
ملك : ولا حاجة يا ماما
أم ملك: ولا حاجة لية
ملك : امبارح منفعش عشان ……
أم ملك : طيب النهاردة
ملك : حاضر يا ماما ولما هخلص انا هكلمك اطمنك
_____
سامح : يالا تعالى وبطلى قلق
ملك : حاضر
سامح : خليكى معايا متقلقيش
ملك : 🙈🙈
سامح : مبروك خلاص وابقى أدى المنديل دة لمامتك
ملك : حاضر .
________
بعد اسبوعين من الجواز كان سامح لازم ينزل شغلة وملك قاعدة فالبيت مستنياة ،كانت حضرت الاكل وعدلت بيتها ولبست بيجامة وشدت الستارة عشان محدش من الجيران يشوفها .
سامح : السلام عليكم
ملك : عليكم السلام
سامح : أية دة
ملك : فى أية
سامح : انتى ست مش محترمة ازاى قاعدة كدة وكاشفة نفسك عشان طبعا الراجل اللى فالبلكونة اللى قدامنا يشوفك عشان انتى ست وو……
ملك : اخرس قطع لسانك انت دماغك مريضة
سامح ضرب ملك بالقلم على وشها وهى بيشتمها بأبوها ولما زعقت معاة فضل يجرها من شعرها لحد الاوضة جوة وجاب خرطوم غسالة فكة ونزل ضرب فيها لحد ما اغمى عليها ،
سامح : ملك ملك قومى حقك عليا أنا معرفش عملت كدة ازاى قومى وانا اسف ومش هعمل كدة تانى
ملك : انا كنت هموت تحت ايدك وانت مش مبطل ضرب
سامح : معلش اول واخر مرة وخلاص متقوليش لحد وتعالى نطلع كام يوم اسكندرية
ملك : ماشى
__________
طلعوا اسكندرية وللاسف اتكررت نفس الخناقة واتأسف وهى سامحتة ،كل دة وملك مقالتش اى حاجة لأهلها لأنها لسة عروسة وخايفة على مامتها كمان .
زاد الموضوع سوء كل شوية
سامح : انتى ازاى قاعدة كدة والراجل اللى قدامنا افرض شافك وطبعا عاوزاة يشوف شعرك ودرعاتك العريانة
ملك : انا طافية النور كلة وشادة الستارة هيشوفنى فين
سامح : انتى ست مش محترمة وعاوزة اللى يربيكى وانا المرة دى هربيكى وشد ملك من شعرها ونزل ضرب فيها بالحزام وبردوا اعتذر بعدها .
لحد لما ملك بقت حامل وكان الكل مبسوط لكن حتى وهى حامل مكنش مبطل خناق وضرب فيها .
لحد يوم الولادة ،ملك ولدت بنوتة حلوة الكل فرح بيها ماعدا أم سامح قالتلها مبحبش خلفة البنات
سامح : بس انا كنت عاوز بنت عشان تكون حنينة عليا
واتعمل سبوع حلو لبنتهم ، لكن للاسف سامح متغيرش ونفس الشك عندة ناحية ملك مراتة واتخانق بردوا معاة وكانت ملك حاطة بنتها على رجلها بترضعها ،راح سامح شدها من شعرها وسحبها على الأرض وبنتها بترضع منها ونزل ضرب فيها بالحزام 🙂
_____________
لمتابعة رواية لعبة الحياة لااايك وكومنت عشان نعرف ملك كملت حياتها ازاى وعملت أية وكمان شهد لما راحت عند خالها استريحت ولا لاة ؟
حلقة مستفزة جدا بالنسبالى 😡