Uncategorized

رواية طفلة حطمت قسوتي الفصل السادس 6 بقلم حكايا من ورق

  رواية طفلة حطمت قسوتي الفصل السادس 6 بقلم حكايا من ورق

رواية طفلة حطمت قسوتي الفصل السادس 6 بقلم حكايا من ورق

رواية طفلة حطمت قسوتي الفصل السادس 6 بقلم حكايا من ورق

_جاسر :كامل الدمنهوري ????
_مازن:ماله؟
_جاسر:كامل الدمنهوري هو اللي ورا كل اللي بيحصل لنور ده ؟
_مازن:اشمعنا كامل  الدمنهوري؟
_جاسر:هقولك ،نور لما جت الشركة في الانترڤيو اول حاجه عرفتها عنها انها كانت شغالة في شركة الدمنهوري وسابت الشركة ولما سألتها عن السبب قالتلي سبب شخصي وفيه حاجه كمان 
_مازن بتساؤل :ايه هيا ؟
_جاسر :لو تفتكر لما اتخانقت معاها ساعة شاهيناز النجار ,قالتلي انها لولا حد قذر واقف في طريقها كانت اشتغلت في مكان احسن من كده 
_مازن بتذكر :فعلا ،انا فاكر انها قالت حاجه شبه كده 
_جاسر:بالظبط ،يبقي اكيد كامل الدمنهوري هوه اللي ورا ده كله أو علي الاقل ليه يد فيه 
_مازن:عندك حق ؛طب هو اللي كان بيحاول يقتل نور ده انت قدرت تعرف شكله ؟!
_جاسر بغضب:للاسف لا لانه كان مقنع وانا كان كل همي وقتها أنه ما يهربش ولو كنت بدأت بالهجوم كان ممكن يضربها بالنار بس 
_مازن :بس ايه ؟
_جاسر:اكيد فيه واحد علي الاقل من امن المستشفي شافه 
_مازن:اتمني عموما اكيد هنروحلهم ونعرف منهم إذا كانوا شافوه ولا لا بس الاهم من ده أننا كده للاسف مش هنعرف نتحرك إلا بدليل وده مش هيكون في ايدينا لا لما نور تفوق 
_جاسر بحزن:عندك حق ؛يارب بقي متطولش زيادة عن كده انا تعبت 
_مازن بشك :اه أن شاء الله عشان نكشف المجرم بس مش اكتر 
_جاسر بتلعثم :ها؟اه طبعا اومال هيكون عشان ايه يعني ،انا انا هروح بقي عشان اتطمن علي هنا والحق انام شوية عشان الشغل 
_مازن بتهكم :ااااه هنا ،طيب خدني بقي في طريقك عشان انام انا كمان 
_جاسر بغيظ:طيب يا اخويا يلا قدامي 
_مازن بضحك :طيب متزوقش الله ????????
______________________________
“جاسر في عربيته في طريقه للڤيلا تيلفونه بيرن برقم هنا “
_جاسر:الو يا هنا 
_هنا بصريخ:عاااا جاسر الحقني 
_جاسر بخوف :هنا مالك في ايه ايه اللي حصل 
_هنا برعب :تعالي يا جاسر الحقني بسرررعه 
_جاسر :انا في الطريق ربع ساعة بالظبط واكون عندك فهميني فيه ايه 
_هنا :لما تيجي يا جاسر لما تيجي انا هحاول اسيطر عليه لحد ما تيجي عااااااا
_جاسر:مين اللي تسيطري عليه انطقي فيه ايه عندك 
_هنا :لارد 
_جاسر:الو الو يا هنا روحتي فين ؟
“حاول يرن عليها تاني تيلفونها غير متاح “
تيلفون مازن بيرن 
_مازن:يا ابني انت ورايا ورايا مش لسة سايبك 
_جاسر برعب :الحقني يا مازن 
_مازن:فيه ايه يا جاسر مالك 
_جاسرر:هنا يا مازن هنا 
_مازن برعب اول ما سمع اسم هنا :هنا مالها يا جاسر انطق 
_جاسر:مش عارف يا مازن اتصلت بيا وقالتلي تعالي الحقني وبتقول أن فيه حد بتحاول تسيطر عليه هات الرجاله والحقني علي القصر بسرعه وانا خمس دقايق وهكون عندك 
_مازن بغضب :وانا نص ساعه بالكتير وهكون عندك وأقسم بالله اللي هيمس شعرة منها انا هنسفه سلام يا جاسر 
_________________________
“في ڤيلا جاسر الحديدي “
“بيدخل جاسر برعب علي الڤيلا وبيسمع صوت عالي جاي من فوق “
_جاسر:فيه ايه يا دادة سعاد ايه اللي بيحصل وايه الصوت ده 
_سعاد :والله يا ابني ما اعرف انا من ساعة كده سمعت صوت هنا بتصرخ حاولت افتح الباب مرضيتش تفتحلي وعمالة تقول كلام غريب 
_جاسر بتعجب وهوه بيجري :كلام زي ايه يا دادة 
_سعاد :يعني يا ابني ابعدي يا دادة لازم اسيطر عليه وكلام غريب اوي  استني يا ابني 
_جاسر:ايه يا دادة متعطلينيش فيه ايه 
_سعاد:يبني هيا مش في اوضتها 
_جاسر :اومال فين 
_سعاد:في اوضة الضيفه اللي انت جبتها من كام يوم يا ابني 
_جاسر:ينهار اسود بتقولي ايه 
“في غرفة نور “
_جاسرعلي الباب :افتحي يا هنا انا جاسر 
_هنا بصريخ:أبيه انت جيت بجد ولا انت كمان عفريت انطقي ده عفريت منكم وانتي اللي باعتاه
_جاسر بعيون مفتوحه :ينهار اسود يبنتي افتحي انا اخوكي والله بطلي جنان وافتحي 
_هنا:ههههه فاكرين هتضحكوا عليا اديني امارة انك جاسر يبابا 
_جاسر:بابا ????يبنتي امارة ايه أنتي مجنونة فيه بين الاخوات امارات افتحي بدل ما اقسم بالله اكسر الباب واكسر دماغك بعدها وهنا سمع صوت نور 
_نور:انتي يبنتي مجنونه انتي جيتيلي منين وبعدين انا بشر زيك يخرب عقلك فكيني بقي 
_جاسر بذهول:نور ????معقول تكون فاقت؟!!!! وبعدين ايه فكيني دي ينهار اسود احسن تكون وهنا سمع صوت من وراه
_الممرضة:بالظبط يا جاسر باشا آنسة مها مكتفة الآنسة نور ومحدش قادر يفتح الباب 
_جاسر:انتي بتقولي ايه وانتوا يبهايم كنتوا فين 
_الممرضة:والله يا جاسر باشا احنا مفارقنهاش من ساعة ما جينا واول ما فاقت انا فرحت جدا وجربت ارن علي حضرتك بس الفون كان غير متاح جريت علي آنسة هنا افرحها أن المريضة فاقت جت معايا تشوفها ومن ساعة ما شافتها وهيا تصرخ وتقول عفريت وكتفتها وطردتنا كلنا زي ما حضرتك شايف
_جاسر بذهول يا بنت المجانين ????طول عمري عارف ان اختي مهبولة بس مكنتش اتخيل انها توصل لكده 
هنا اخر مرة بقولك افتحي الباب احسن اقسم بالله حسابك معايا هيكون عسير انتي فاهمه وهنا كان مازن وصل 
_مازن :جاسر فيه ايه مالها هنا انطق يا جاسر انطق
_جاسر بغضب :مش لما تديني فرصة انطق انت كمان 
_مازن :طيب سكتت اهو انطق مالها هنا وايه الصوت ده 
_جاسر وهوه بيمسح وشه بأيديه:انت جبت الرجالة صح 
_مازن:اه طبعا كلهم تحت 
_جاسر:مشيهم يا مازن مشيهم 
_مازن بصدمة :ليه هنا ايه اللي جرالها 
_جاسر:لا واي حاجه ولا تقلق خالص اختي المصونه مكتفة نور بس الموضوع بسيط يعني 
_مازن :اه طيب الحمد ……ايه؟!!!!!!
_جاسر:ايووووة زي ما سمعت بالظبط نور فاقت من الغيبوبة واختي المصونة شافتها ومن ساعتها وهيا تقول عفريته وطردت الممرضات وكتفتها ????ورافضة أنها تفتح الباب عشان تنول شرف السيطرة علي الشبح لوحدها ايه رايك 
_مازن بضحك شديد :لا مش معقول انت بتتكلم بجد انا هموت ????????????????
_جاسر بغيظ :ربنا ياخدك وارتاح منك ده وقت تضحك فيه يا حيوان بقولك مكتفاها
_مازن وهوه بيحاول يكتم ضحكته:احم خلاص اهدي انت بس وانا هحلها 
هنا افتحي الباب ارجوكي 
_هنا:انت مين انطق
_مازن:انا مين ؟!!!!!انا مازن يا هنا العقلي وافتحي الباب 
_هنا :اديني امارة انت فاكرني هبلة 
_مازن وهوه بيبص لجاسر:امارة؟!
_جاسر بهدوء مصطنع:أيوة زي ما سمعت عادي يا ابني دي طلبت مني انا امارة مش هتطلبها منك عادي عادي خليك ريلاكس 
_مازن بذهول :ريلاكس !!!ينهار اسود اتجننتوا يا ولاد الحديدي 
طب بصي يا هنا افتحي الباب وانا هقولك الامارة بيني وبينك وهقولك حاجه كمان انتي افتحي عشان نساعدك تسيطري علي العفريته دي 
_هنا :لا انت بتضحك عليا انت عفريت زيها 
_مازن:عفريت ايه بس ،طب بصي افتحي ولو لقيتنا عفاريت زيها سيطري علينا انتي قوية وهتقدري 
_هنا بغرور :طبعا عندك حق انا هفتح ولو طلعتوا عفاريت هسحقكم زي ما سحقتها
_جاسر بذهول :ينهار منيل بتقولك سحقتها قتلتها يا مازن اختي وانا عارفها 
_مازن وهوه بيكتم ضحكته بصعوبة :متقلقش أن شاء الله عايشة استني بس 
اه يا حبيبتي افتحي وابقي اسحقينا براحتك 
“واخيرا بتفتح هنا الباب وبيجري جاسر ومازن علي الأوضة”
_جاسر جري علي نور :نور نور انتي فقتي بجد انتي كويسة طيب ها عملت فيكي ايه 
_نور :بتتكلم كلام مش مفهوم بسبب اللزقه علي بقها 
_جاسر:اتكلمي يا نور انتي ليه مش بتردي 
_مازن :وهترد عليك ازاي يا فالح وهيا كده 
_جاسر:ها ؟ايوة فعلا عندك حق وبيشيل اللزقه من علي بوقها وبيفكها 
_نور بغضب :ايه اللي بيحصل وايه اللي جابني هنا 
_هنا:قولي لنا انتي يا اختي ايه اللي جابك هنا اما انتي عفريته بجحة صحيح 
_نور بغضب:عارفه اقسم بالله حظك اني مش فايقة وتعبانه تعرفي انا لو بصحتي وربنا كنت مسحت بكرامتك الارض اصبري عليا بس 
_هنا بغضب مماثل :تمرمتي بمين يا حبيبتي لا ميغركيش القصر والابهة دي انا بيئة اكتر  منك 
_نور وهيا بتحاول تقوم تضربها :انا بيئة طب والله ل……
_جاسر بصراااخ:بااااااااااااس ولا حرف تاني 
مازن خد البت دي من وشي عشان اقسم بالله لو مسكتها هموتها في أيدي 
_مازن بضحك:لا خلاص الطيب احسن حمد الله علي سلامتك يا نور وانتي يا قردة قدامي 
_هنا بتصميم :مش قبل ما اعرف مين دي وهنا بتعمل ايه 
_مازن:قدامي وهفهمك كل حاجه يلا امشي 
_هنا وهيا بتضرب رجلها في الأرض بحركة طفوليه :يوووة طيب اوووف 
_مازن بيهمس لجاسر :انا اخدتها ومشيت اهو اي خدمة بس سيب الباب مفتوح احسن الشيطان شاطر ماشي ????
_جاسر بغضب :امشي من قدامي يا مازن عشان عفاريت الدنيا بتنطط في وشي 
_مازن :احم طيب سلام بقي هنا أنتي فين ؟
_نور:هو كان بيقولك ايه 
_جاسر :ها لا ولا حاجه اتفضلي اقعدي 
_نور:طيب شكرا ،ممكن اعرف بقي ايه اللي حصل وايه اللي جابني هنا ؟
_جاسر :هو انتي مش فاكرة حاجه خالص 
_نور:اخر حاجه فاكراها اني قدمت استقالتي ومشيت وفيه عربية تقريبا خبطتني بعدها مش فاكرة اي حاجه 
_جاسر:تمام انا هحكيلك كل حاجه 
“وحكالها كل اللي حصل من اول ما عرف انها خبطتها العربية لحد دلوقت “
_نوربانهيار :قتل ؟!هيا وصلت بيهم للقتل انا مش قادرة اصدق مش معقول يكون فيه ناس كده 
_جاسر بهدوء:هما مين هما مين يا نور اللي بتتكلمي عنهم 
_نور بشرود :…..لارد
_جاسر :نور اسمعيني كويس انا لازم اعرف كل حاجه عشان اقدر اساعدك 
_نور وهيا بتفتكر كل اللي حصل من جاسر :أظن أن ده شيء ميخصكش ده تاري وانا اللي هعرف اخده ازاي ومن مين أما حضرتك فشكرا جدا لاهتمامك بيا واستضافتك ليا في بيتك وكل اللي اتكلفته انا هردهولك في اقرب وقت 
_جاسر بغضب:اتكلفته ايه وزفت ايه انا بقولك ايه وانتي بتقولي ايه يا بنتي انتي مجنونة بقولك ناس عاوزين يقتلوكي ولازم نعرفهم تقوليلي اتكلفت وكلام فاضي 
_نور بغضب:لا مش كلام فاضي والناس دول انا اعرفهم كويس والموضوع ميخصكش وانا لازم امشي دلوقت حالا 
_جاسر بغضب مماثل :استني هنا انتي مش هتتحركي من هنا حتي لو اضطريت اني احبسك هنا لحد ما تموتي انتي فاهمه 
_نور بصراخ :اوعي ايدك انا همشي غصب عنك واوعي تكون فاكر هتعرف تسيطر عليا وتضمني الإمبراطورية بتاعت سيادتك اللي انا ما القش بيها ولا فاكرني نسيت 
_جاسر :نور ارجوكي ،انسي كل حاجه حصلت قبل كده وانا اوعدك اول ما نخلص من الحكاية دي انا هخرج من حياتك للابد بس الاول اكون متطمن عليكي ارجوكي 
_نور :وانت تتطمن عليا ليه اخصك في ايه انا انت انسان اناني ومغرور ميهموش غير نفسه والامبراطورية بتاعته عاوز مني ايه 
_جاسر بغضب  بصدمة من كلامها:أيوة بالظبط انتي عندك حق انا ميخصنيش اني أحافظ عليكي بحاجه وماليش دعوة بيكي وفعلا كل همي الإمبراطورية بتاعتي ومس هسمح لوحده زيك تهدها بعد كل السنين دي وانتي قدامهم تخصيني وبقيتي جزء من المكان ده من اول ما اشتغلتي فيه ولا انتي ناسية انك شغالة في شركتي 
_نور بغيظ :وبعدين انت عاوز مني ايه دلوقت 
_جاسر ببرود :من غير كلام كتير من هنا ورايح اللي انا هقوله بس هوه اللي هيتعمل ومش هسمع نقاش بحرف واحد انتي هتفضلي هنا وهتكوني في نظر الكل لسة ما فوقتيش من الغيبوبة مفيش اتصال بحد ومفيش خروج من باب القصر ده لحد ما انا اللي امر انتي سامعه 
_نور بغيظ :انت ايه الغرور والعنجهية اللي انت فيها دي عمال بتدي أوامر وفاكر الكون كله ماشي علي كيفك انت ايه يا اخي 
_جاسر ببرود:خلصتي؟بالظبط زي ما قولتي انا مغرور وعنجهي واللي قلته هيتنفذ سواء كان برضاكي أو غصب عنك ….اه صحيح حمد الله علي السلامة ????
_نور بغيظ وغضب :اوووووف ايه البرود ده طيييب مش انت اللي صممت افضل هنا والله لاكرهك في عيشتك انت وبنت المجانين اللي كانت هنا مش كفاية هو رايح متجوزلي وحده أجن منه وربنا لاوريكم 
_________________________
“في مكان آخر في جنينة قصر الحديدي”
_هنا بغضب:اديني جيت اهو ممكن تفهمني بقي مين دي وايه اللي جابها القصر 
_مازن :هتعرفي كل حاجه في وقتها بس ممكن تعرفيني ايه اللي خلااكي تعملي فيها كده ؟
_هنا:انا عملت ايه يعني انت حط نفسك مكاني كنت هتعمل ايه يعني ؟
_مازن بهدوء:طيب فهميني الاول عشان اعرف احط نفسي مكانك زي ما بتقولي مش جاسر كان قالك أن فيه وحده معاه وانتي شفتيهم وهما جايين بعربية الإسعاف 
_هنا :اه فعلا هوه قالي بس ايه ده انت عرفت ازاي انت مكنتش موجود وقتها 
_مازن بتلعثم:ها ؟اااا ..اه فعلا بس انتي عارفه جاسر مش بيخبي عليا حاجه ولا ايه 
_هنا بتفهم:اه فعلا عندك حق 
_مازن وهو بيحاول يغير الموضوع:نرجع لموضوعنا ممكن اعرف ايه اللي خلااكي تعملي كده 
_هنا :عشان انا كنت عارفه انها وحده ست لكن مكنتش اعرف انها ملاك يا مازن 
_مازن :ملاك !!!!ملاك ماتت من سنين يا هنا وانتي عارفه 
_هنا بدموع:اه ده اللي انتوا كنتوا واهميني بيه وصدقته لكن للأسف كله طلع كدب 
_مازن :كدب؟!انتي متخيلة أننا ممكن نكدب عليكي يا هنا أنتي مجنونة والجنازة وفترة مرضها دي كلها كدب بردة 
_هنا بحيرة:يووووة اومال انت عاوز تفهمني أن دي وحده شبهها مثلا ؟
_مازن :أيوة فعلا دي وحدة شبهها 
_هنا:نعم؟!!!!!
_مازن :افهميني بس اصل …….وقطع كلامهم رنين تيلفون مازن 
_مازن :احم طب عن اذنك يا هنا هرد علي الفون بس وبعد عنها شوية 
_مازن :الو 
_شخص:مازن باشا وحشتنا يا اخي 
_مازن بغضب:بقولك ايه انا مبحبش الطريقة دي وانت عارف ده كويس اتعدل معايا احسنلك 
_الشخص :الله الله اهدي بس ما تزوقش احنا مش المفروض أن فيه ميعاد بينا 
_مازن :اه عارف ولسة مجاش وقته
_الشخص:أيوة بس فيه حاجات جدت كان المفروض تيجي عشان تقولها ولا ايه 
_مازن :انا اللي احدد المفروض ده يبقي أمتي ومش مازن السيوفي اللي هياخد أوامر من حد وانا كده كده كنت هجيلك من غير الشويتين دول 
_الشخص باستفزاز:طبعا يباشا كلنا عارفين مين مازن باشا رمز الالتزام واحترام المواعيد والوفاء هههههههه
_مازن بغضب:حظك اني مش لوحدي وانك في التيلفون يارب بس لما اشوفك متتحماش في رجالتك وانا ساعة باالكتير اوي وهكون عندك 
_الشخص باستفزاز :الله ايه يباشا بهزر معاك مقدرش ازعلك  ولا انت نسيت أن مصلحتنا وحده 
_مازن:لا منستش وده بس اللي مصبرني عليك اقفل دلوقت وانا ساعه وهكون عندك 
_الشخص:تنورني يباشا،سلام
مازن بيرجع لهنا 
_مازن:هنا اسف اتاخرت عليكي 
_هنا :لا لا ولا يهمك شكلها المكالمة مهمة اوي 
_مازن بتلعثم:ها لا لا ولا مهمة ولا حاجه ده عميل رزل وكنت بوزعه مش اكتر 
_هنا بغضب واضح:اااااه عميل اه طبعا اومال ايه مهو واضح عن اذنك 
_مازن :استني رايحة فين فجأة كده مش احكيلك الاول طيب ؟
_هنا:لا شكرا مش عاوزه اعرف حاجه اشبعوا بيها دي حياتكم وانتوا حرين فيها لا هيا اول بنت ولا اخر بنت هتعرفوها عن اذنك يا….مازن باشا 
_مازن :هنا استني يبنتي استني ،ايه المجنونة دي بنات ايه اللي نعرفها وايه مازن باشا دي كمان عموما ماشي اخلص بس من اللي بيحصل ده واعرفك شغلك يا مفعوصة انتي 
______________________
“في مكتب كامل الدمنهوري”
_هبة :كامل باشا فيه حد برة عاوز يقابل حضرت…وهنا جه صوت من وراها وهوه بيزقها 
“مش مازن السيوفي اللي يستاءذن يا حلوة وانا حذرتك ومفهمتيش وانت مش قبل ما تشغل وحده جديدة تعرفها علي الشغالين معاك يا كامل بيه ولا هيا سويقة ولا ايه “
يتبع…
لقراءة الفصل السابع : اضغط هنا
لقراءة باقي فصول الرواية : اضغط هنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى