رواية مالك قلبي الفصل السادس 6 بقلم بنت الصعيد

في النادي الليلي 

اخرج الشاب مطوة وغرسها في جنب كريم

مليكة صرخت …..كريييييم 

هرب الشاب مسرعا إلي الخارج واسرع الحراس وسندوا كريم واخرجوه من الملهي وادخلوه سيارة مليكة

مليكة …بخوف …اطلع يا عم حسن اطلع علي اقرب مستشفي

كريم ..بوجع….انتي ايه اللي جابك المكان القذر دا

مليكة …..بدموع ….ولما هو قذر ايه اللي خلاك تروح هناك 

كريم….مليييكة اااه ردي ايه اللي جابك هناك 

مليكة…..رحت انقذك خفت عليك ترتكب جريمة ف حق نفسك وتغضب ربنا منك 

كريم ….وليه تعملي كده افرض ما كنتش شوفتك في الزحمة 

كان ايه اللي ممكن يحصلك انتي مجنونة حسابك معايا بعد ما أخف يا مليكة ..ليه عملتي كده ليبيه

مليكة …. باندفاع ….عشان بحبك 

كريم برق عينيه …ايييه……ااااه.بتحبيني…وغاب عن الوعي

مليكة …..كريييييم ..بسرعة يا عم حسن بسرعة

_____________________________________

عند مي 

مي ومالك في الجنينة 

مي ….دكتور انا اسعد إنسانة في الدنيا أنا مش مصدقة

مالك ….ابتسم ..دكتور؟؟؟!!!!…مي حبيبتي انا خطيبك يعني قولي مالك وبس …أو حبيبي مالك اي حاجة غير دكتور دي دمها تقيل اوي

مي ….بهمس مالك مالك  حبيبي الله حلوة اوي مالك حبيبي

مالك يضحك…ويمسكها من خدها…..والله طفلة

أما في داخل الفيلا والدة مالك ووالدة مي يتحدثوا ويضحكوا وكأنهم اصدقاء من زمان 

واللواء نجيب وكامل والعمدة يشربوا القهوة ويتحدثون وادهم السيوفي صامت وشارد وهو ناظر الي نادية طليقته  التي لا تستطيع تجاهل نظراته هي الاخري

وحسام يهمس لزوجته شهناز 

حسام …مليكة فين يا شهناز

شهناز …مش عارفة يا حبيبي دا حتي كريم ابن عمك مش موجود

حسام أنا برن عليها والزفت فونها  هنا الهانم خرجت وسابته 

وكريم كمان برنله مش بيرد 

___________________________________

في المستشفي 

كريم خرج من العملية ولسة مافاقش 

مليكة اتصلت بحسام من فون المستشفي و كان هيتجنن لما عرف …واسرع إليهم

حسام وصل المستشفي 

مليكة ارتمت في حضن اخوها وانفجرت ف البكاء 

حسام …اهدي اهدي يا حبيبتي فين كريم.

دخلوا وجدوا كريم بدأ يفوق 

حسام ….ايه اللي عمل فيك كده 

كريم .بسرعة الف قصة…….أنا كنت خارج اتمشي شوية بالعربية ومليكة طلبت مني تشتري حاجة من الصيدلية فطلعو ا علينا شوية بلطجية واتخانقوا معايا وضربوني بس كده

حسام بشك….نظر اللي مليكة واكتفي بالنظر

مليكة …ايوا صح كده صح 

حسام …طيب تمام تعالي اوصلك وارجع لكريم هبات معاه

مليكة ….تمام

_____________________________________

في الصعيد

تجلس ياسمين علي سريرها مهمومة وابنها زين ينام بجوارها

ياسمين تلمس شعر زين و تحدث نفسها بصوت جوهري…..خلاص يا زين اني وانت انكتب علينا الفراج والوحدة .كنت فاكرة أنه مالك هيفضل جنبك طول عمره بس خلاص بكرة يجوز ويخلف وينساك ….وانتي يابت عاصم السيوفي حياتك انتهت جبل( قبل )ماتبدأ اجوزتي اتنين وليه  جلبك لساتوامعاه ….ااااه يا علي يا تري انت لسة بتحبني ولا خلاص حبيت واجوزت بس اكيد انت اجوزت ونسيت ياسمين…اااااااه يا جدي ربنا يسامحك لاني مش مسمحاك

دخلت فاطمة

فاطمة….وواه انتي بتبكي يا ياسمين 

ياسمين …لا يا اما اني بس تعبانة شوية هنام وهابجي كويسة

فاطمة بشك ….ماتعرفيش جدك راح البندر  ليه. .أنا جلبي مش مطمن كيف مالك ياجي ياخده ويمشوا اقده فجأة 

ياسمين ….بتوتر …ماعرفش حاجة يا اما اني هنام واغمضت عيناها

_____________________________________

في القاهرة صباحا وتحديدا في الجامعة 

سها….حمزة انت يالا ياحمزة…حمزة كان سامع ومطنش 

سها ضربت حمزة علي رأسه بكتابها …انت مش سامع ولا منفض 

حمزة …بعند …منفض غوري بقا من وشي 

سها بسهوكة وبتبربش عيونها …اهون عليك يا حموزو

حمزة ….حموزو ايه  القرف دا تصدقي انا غلطان اني سايبك عايشة للحظة دي انتي المفروض ينقطع لسانك وبعدين رقبتك 

سها ….تصدق انا اللي غلطانة اني وافقة وبكلمك برومانسية ودلع

حمزة ….هو دا اخرك في الدلع الله يحرقك يا شيخة وتركها وذهب

سها ….لنفسها ….بحبك والله يا حمزة بس لازم اعمل كده معاك عشان تتربي وتبطل تبصبص للبنات

__________________________________

وصل مالك الجامعة وهبط من السيارة هو ومي ليعلن للجميع انها تخصه.وهي كانت مبسوطة جدا من الشعور دا

مايا نظرت بغل وذهبت تجاههم 

مايا …مبروك يا قلبي…أنا خايفة والله قلبك الضعيف دا مايستحملش الفرحة دي كلها وتوقعي مننا ونخسرك

مالك امسك يد مي ….مش هسمحلها أنها حتي تفكر أنها تتعب …ممنوووع يا ميوش.يلا بقا نمشي

مي عينيها امتلأت بالدموع من كلام صديقتها  ذهبوا هي ومالك وتركوا خلفهم بركان ثائر داخل مايا

انتهت المحاضرة 

ومي عزمت معظم الدفعة علي خطوبتها وكتب كتابها وبعدين قالت لمالك أنه والدتها عازماه ع الغدا وركبوا سيارته وذهبوا اللي منزل عائله مي

في مكان آخر في الجامعة 

يجلس حمزة حزين ويسأل نفسه بصوت مسموع ….هي بتحبني فعلا ولا ندمانة أنها وافقت علي الخطوبة دي مش واحدة بتحب خالص أنا جبت اخري …وفجأة تجلس بجواره فتاة

حمزة نظر إليها ولم يعلق

…هي مش بتحبك لو بتحبك مش هتعملك كده دي زي ماتكون بتنتقم منك انت تستاهل واحدة احسن منها بكتير واحدة رقيقة تدلعك مش واحد صاحبك

حمزة…علي اساس انها صاحبتك 

مايا …هي صاحبتي وانت عاجبني

حمزة عقد حاجبيه …عاجبك دا اللي هو ازاي يعني

مايا ….اقتربت منه زي اي حد ما بيعجبه حد

وتركته وغادرت بعدما لعبت في عقله

____________________________________

في منزل عائله مي

يجلس مالك ومي يتحدثوا ويضحكوا وفجأة يدخل كريم يسند علي حسام ويمسك جنبه وملابسه مليانة دم

مي ركدت نحو كريم

مي بخوف …كريم ايه اللي حصل …ماله يا ابيه حسام 

حسام ….متخافيش مشكلة شباب 

مي …بخوف….وايه الدم دا كله وماسك جنبك ليه

مالك كان متابع المشهد في صمت ولكن بداخله النار تشتعل من الغيرة ..وقف بهدوء

مالك …ايه اللي حصل يا كريم انت كويس 

كريم بقرف …امممم .

حسام أنا هطلعه اوضته اتفضلوا انتوا اقعدوا

مالك بهمس….اوضته؟؟؟!

جلس هو ومي

مي ….منهم لله ازاي يعملوا كده ف كريم

مالك مسك مي من معصم يدها وتكلم بغضب ….اسمعي 

كريم دا ابن عمك علي عيني وعلي راسي بس السهوكة اللي حصلت من شوية دي ماتتكررش فاهمة….تتعاملي معاه كأنه واحد غريب عليكي مش هقول كلامي دا تاني بدل ماخلي  الخطوبة جواز 

مي كانت مصدومة من كلام مالك هو رجع يزعقلها تاني ويتعصب عليها…عينيها امتلأت دموع 

مي ….أنا عملت ايه غلط دا زي اخويا وكنت بطمن عليه 

مالك حس أنه زودها ف عصبيته ماكانش لازم يتعصب 

كان لازم يفهمها بهدوء

مسك يدها وحاول يسيطر علي غضبه وغيرته

مالك..اسمعي يا مي أنا راجل صعيدي ..لا صعيدي ايه بصراحة أنا بغير عليكي حتي لو مش صعيدي من اي حد حتي اهلك ياريت تستحملي غيرتي شوية أنا مش عايزك الا ملكي انا وبس 

ماتهتميش بحد غيري انا 

مي….مسحت دموعها…ومين قالك أنا شايفة حد تاني اصلا 

مالك انت حياتي وروحي وحبيبي أنا عمري ما حبيت حد غيرك اصلا …بس كريم زي اخويا والله زي ابيه حسام عندي

مالك.ابتسم………أنا متأكد بس برضو لازم معاملتك معاه تبقي محدودة ..اوك….وايه اوضته دي هو ساكن معاكم ولا ايه

مي ….. ….لا هو قاعد مؤقتا لغاية ما انكل وطنط يرجعوا من  العمرة

مالك….اممممم….طب تبقي تاخدي جنب منه وماتحاوليش تحتكي بيه فاهمة

مي مطيعة..    فاهمة 

____________

في المطبخ

مليكة ….خلاص يا مامي خلصتي الغدا زمانهم جعانين 

سارة …خلاص يا حبيبتي الاكل جاهز بس قولي لزهرة تودي الغدا فوق لكريم ياحبيبي تلاقيه جعان هو كمان

مليكة …زهرة مشغولة …هاتي يا مامي أنا هطلعلوا الغدا

سارة …اوك

_____________________

في غرفة كريم

دخلت مليكة ووضعت الطعام بجوار. كريم

كريم ….تذكر كلام مليكة عندما قالت انها تحبه

مليكة …انت بتبصلي كده ليه

كريم ….بحاول استوعب الدنيا ليه كل واحد بيحب واحد مش حاسس بيه …تعرفي انا دلوقتي مش قادر الوم مي عشان ماحستش بيا …طب مانا كمان عملت زيها بالظبط معاكي

مليكة….كريم أنا ما قولتلكش كده عشان احسسك بالذنب صدقني ماكانش نفسي ابدا انك تعرف شعوري ناحيتك

بس طلعت في لحظة غضب

كريم …تيجي نبقي صحاب 

مليكة بابتسامة ….موافقة

__________________________________

مر الأسبوع سريعا وجاء حفل الخطوبة وكتب الكتاب كان حفلا جميلا يضم معظم طلاب الجامعة واهل مي ومالك

(بارك الله لكما وبارك عليكما وجمع بينكما في خير)

مالك….باس ايد مي برقة ….مبروك يا عروستي 

مي بخجل ….الله يبارك فيك

بدأت أجواء الحفل تعلوا وطلاب الجامعة قاموا بالواجب مع دكتورهم وهيصوا الفرح

أما عن كريم فكان يحترق من الداخل في كل لحظة يجد فيها مي مع مالك

فجأة احس بأحد يضع يده علي كتفه

كريم…مليكة

مليكة …انا معاك مش هسيبك لوحدك ابدا لو عايز تصرخ تعالي أنا عارفة مكان ماحدش هيسمعنا فيه لو عايز كمان تعيط تعالي نخرج برا بعيد عن الأنظار

كريم….انتي طيبة اوي يا مليكة انا كنت فاكرك غير كده خالص

__________________________________

مالك …..عمي ممكن اخد مي ونتمشي شوية 

حسام ….دلوقتي الوقت أتأخر بكرة إن شاء الله تبقوا تخرجوا

مالك ….بضيق …اوك

مالك بهمس لمي….اخوكي دا خنيق قوي لأمتي هيبقي يبتحكم فيكي كده انتي خلاص بقيتي مي مالك السيوفي

مي بفرحة…..مي مالك السيوفي الله اسمي بقي جميل اوي لما ارتبط باسمك

مالك قبل جبينها…..انتي قلب مالك وروحه

_________________________________

في الصعيد 

ياسمين ….بخوف وتوتر……..زين زيييييييييين……