رواية ثمن حبي الفصل السادس 6 بقلم نادين محمد
 |
| رواية ثمن حبي الفصل السادس 6 بقلم نادين محمد |
رواية ثمن حبي الفصل السادس 6 بقلم نادين محمد
دخلت وملحقتش ولقيت اللي بيضربني بالقلم علي وشي!!
بس الصدمه الاكبر اني لقيته علي..
بسمه بزعيق:انت بتعمل اي انت اتجننت
علي:كنتي فين ياهانم
بسمه:وانت مالك انت ايش دخلك
علي:كنتي فين ياهانم ردي
بسمه:كنت مع زين اخو ريهام في اي
علي:وانتي ازاي تسمحي لنفسك تخرجي مع راجل غريب بليل يا قليله الادب
سكتت شويه وبعدين قربت منه بتحدي وقولتله:غريبه…انا اول مره اعرف ان في ست بتحاسب ست….انا اللي اعرفه ان الرجاله اللي بتعمل كده…مش الستات وسبته ومشيت وهو فصدمته لسه ????????
دخلت الاوضه واتوضيت وصليت العشا وعملتلي كوبايه قهوه وقعدت اقرأ روايه بحبها اوي… اسمها سارحل لساندرا سراج…احلي حاجه انها بتحكي عن الخيانه والغدر…زيي بالظبط..قعدت شويه لحد ما قرات كام صفحه ونمت فنوم عمييييق
(تاني يوم)
صحيت وانا جسمي مكسر ومش قادره اقوم من مكاني وبكح وسخنه وحالتي نيله..قعدت شويه مش مستوعبه خالص اي حاجه بتحصل حواليا كاني فمكان تاني… بس لقيت ماما دخلت عليا
نهي:مالك ياروحي عماله تكحي وحطت ايدها علي راسي..
نهارسود دانتي سخنه يابت انتي جايه يوم الفرح تسخني…احم معلش فكرتك انا اسفه
بسمه بتعب:ماما انا تعبانه ياماما شكلي كده عندي كورونا
نهي:لا ياروحي انشالله مفيش حاجه…هجيبلك دكتور شاطر دلوقتي
بسمه:طيب
ماما اتصلت عالدكتور وقالتلي جاي اهو
بعد شويه لقيت العيله داخله عليا
سلوي:سلامتك ياحبيبتي
بسمه:الله يسلمك ياخالتو
علي ببرود:الف سلامه
مردتش عليه نظراتي ليه كانت كفايه للرد..قعدنا شويه وبعدين الدكتور جه…بس لما شوفته اتصدمت!!!!!
بسمه: انت!!
زين:انتي!!
نهي:انتو تعرفو بعضكو ولا اي
بسمه:زين ده اخو ريهام صحبتي ياماما
نهي:اه…اهلا وسهلا ياحبيبي اتفضل
زين:بسمه عندها اي بقا
بسمه:تعبانه وبكح… شكلي خدت برد
زين بابتسامه:لا إنشاءالله مفيش حاجه…تسمحيلي اكشف عليكي
بسمه: طبعا اتفضل
زين قرب مني وبدا يكشف عليا…هو كان مركز فشغله وانا كنت مركزه فيه…فيه وبس..فعيونه العسلي والقمر دي…صراحتا بجد كان قمر قمر قمر يعني…نساني التعب????????
زين بابتسامه:لا اتطمنو…مفيش كورونا ولا حاجه..هي بس خدت دور برد بسيط وانشالله هيروح
نهي شكرا جدا يابني .. اتفضل
زين:لا خليكي معاها…هكتبلها علي دول اديهولها…هتخف بسرعه..خفي بسرعه بقا عشان الفرح بليل
الفرح الفرح الفرح… كل اما احاول انسي حد يفكرني
بسمه:اه انشالله
سلم علينا ومشي وانا قاعده زعلانه طبعا عشان الفرح
نهي:معلشي ياحبيبه قلبي…في رجاله كتيره اوي يا بسمه مش هو بس
بسمه بابتسامه:خلاص ياماما انا كده كده هنساه…سيبك انتي… المهم….انا مش عايزه اروح الفرح
نهي: وده ينفع برضو يابسمه…لا طبعا عيب…بصي انا عندي ليكي حته فستان…خطييير …هجبهولك اهو البسيه
بسمه:بس يماما انا مش هقدر اشوفه وهي بيحضنها ياماما مش هقدر
نهي:معلشي يابسمه تعالي علي نفسك ده هو يوم واحد بس
بسمه:حاضر ياماما هحاول
نهي:اهي دي بنتي الشاطره… يلا قومي بقا يلا
بسمه:هاتي الدوا ياست
نهي:اه هروح اجبهولك نسيت
ضحكت وماما راحت تجيبلي الدوا…قعدت شويه افكر هل انا معدومه الكرامه عشان بحب واحد زي ده…هل انا كده هبله عشان متعلقه بيه…هل انا بقره عشان باكل كتير.. وحجات من دي لحد ما ماما جات ادتني الدوا ونمت
(بليل)
بليل كانت الدنيا متشقلبه عشان طبعا علي وزغاريط وانا قاعده فاوضتي…مش بعيط ولا بعمل اي حاجه…سرحانه وخلاص..
نهي:يلا ياروحي عشان تلبسي
بسمه: حاضر ياماما…قومت مع ماما ولبست الفستان وحطيت ميكب خفيف وخلاص…كان شكلي عادي يعني..هو بس الفستان اللي سواريه مش اكتر
المهم لبسنا كلنا ونزلنا عشان نروح القاعه طبعا اللي كان فيها كتب الكتاب..وجت الكلمه اللي مكنتش بتمني اسمعها ابدا
(بارك الله لكما وبارك عليكما وجمع بينكما في خير)
كان لسه هيقوم يحضنها مستحملتش وطلعت بره..طلعت بره لاني مش عايزه ومش قادره اشوف المنظر ده خالص وقعدت اعيط
زين من بعيد:مالك يابسمه في اي….
