رواية العاشق والبريئة الفصل الحادي عشر 11 بقلم الملاك الصامت

رواية العاشق والبريئة الجزء الحادي عشر

رواية العاشق والبريئة البارت الحادي عشر

رواية العاشق والبريئة الحلقة الحادية عشر

ادم شال ملاك لانها كانت نايمه ودخل بيها لبيت جميل جداً وكان معظمه مصنوع من الزجاج ودخل غرفه كبيره جدا وحطها على السرير وغير هدومه ونام جنبها وحضنها وبعد شويه كان هو صحى من النوم وراح يراجع شوية ورق مهمين لحد ما هي تصحى وبعد شويه خلص وراح يشوفها لو لسه نايمه ولا لا
اول ما دخل اتصدم من اللي شافه
كانت الاوضه متزينه بالشموع والورد الاحمر وملاك واقفه في وسط الاوضه وكانت لابسه فستان لونه اسود قصي*ر لى بعد الركبه وكانت فرده شعرها وحاطه روج احمر غامق ادم اتفاجئ من منظرها ومكانش مصدق اصلا إن دي ملاك وقرب عليها وهو تايه في جمالها الخاطف للانظار وقالها
ادم بتوهان / انتي جميله اوي معقول الجمال ده ملكي أنا
ملاك ابتسمت بكسوف ووشها بقى شبه الفراوله وقالتله
ملاك بكسوف / شكلى حلو
ادم بحب / انتي احلى واحده شوفتها في حياتي أنا بحبك اوى ياملاكي
ملاك / وأنا كمان بحبك اوى
ادم بحب / ملاك انتي موافقه تكملي حياتك معايا وتبقى ملكي أنا وبس
ملاك ابتسمت بكسوف وبصت في الارض وادم فرح جدا انها وافقت وقرب عليها وباس*ها وهي اتبادلت معاه وهي مكسوفه جدا وذهبوا معا الى عالم لا يوجد فيه غيرهم عالم العشاق وهكذا اصبحت ملاك زوجته قولا وفعلا
♥️♥️♥️♥️♥️♥️♥️♥️♥️♥️
في صباح اليوم التالي صحيت ملاك وحست نفسها متكتفه بتبص جنبها لقيت ادم وافتكرت اللي حصل ما بينهم امبارح وكانت مكسوفه جدا وجات تقوم بس ادم مسكها وقالها
ادم بخبث / صباحيه مباركه ياعروسه
ملاك اتكسفت جدا منه وخبت وشها في المخده ادم ضحك عليها واخدها في حضنه وقالها
ادم بحب/ تعرفي أنا حاسس اني ملكت الدنيا وما فيها شكرا بجد ليكي ياملاكي علشان انتي موجوده في حياتي
ملاك ابتسمت على كلامه ومش اتكلمت
ادم قالها / ايه رأيك ننزل نفطر دلوقتي وبعد كده افرجك على الجزيره بتاعتنا
ملاك بعدم فهم واستغراب / بتاعتنا ازاي يعني مش فاهمه
ادم بحب / بصي ياحبيبتي الجزيره دي ملكك من النهارده وانتي اللي هتختاريلها اسم حلو ومحدش هيدخلها غيري انا وانتي بس
ملاك بفرحه / الله بجد يعني دي جزيرتنا احنا أنا مش مصدقه بجد أنا بحبك اوي يا ادم
ادم حضنها / وأنا بعشقك ياروح ادم واكمل يلا بقى قومي اجهزي علشان في مفاجأة تانيه مستنياكي
ملاك بدهشه / مفاجأة تانيه بس ده كتير اوي
ادم بحب / مافيش حاجه تكتر على ملاكي وبعدين انتي هنا الملكه وأنا الخادم بتاعك اي اوامر يامولاتي
ملاك بضحك / ايوه ياريت عصير فراوله وعايزه شيكولاته وكمان مصاصه
ادم برفع حاجب / ليه هو انا متجوز بنت اختي
ملاك بعبوس / مش تتريق عليا وبعدين مش انت قولت أنا الملكه وطلباتي مجابه يبقى خلاص نفذ الامر ده والا هتتعاقب
ادم بخوف مصطنع / دقيقه واحده بس وكل اللي انتي طلبتيه يكون موجود وذهب بسرعه تحت ضحكها عليه مرت اقل من دقيقه وكانت الاشياء اللي طلبتها موجوده قدامها
ملاك بفرحه / الله انت بجد جبتهم أنا مبسوطه جدا واكملت باستغراب بس انت ازاي لحقت تجيبهم بسرعه دي
ادم بغرور / اوعي تنسي ياملاكي ان أنا ادم السيوفي يعني مش اي حد والحاجات دي بسيطه جدا وبعدين أنا كنت عامل حسابي
ملاك بغيظ / أنت مغرور اوي علفكره
ادم بضحك / مش غرور ياملاكي دي ثقه في النفس
ملاك بمرح / اسمع عنها بس عمري ماجربتها
ادم باستغراب / هي اي دي
ملاك بضحك / الثقه في النفس اللي بتتكلم عنها دي
ادم بضحك / وهي ديما محتاجه تجريبها امشي من قدامي ياملاك احسن والله أنا هتشل منك
ملاك بشهقه / تتشل ليه استنى شويه لما نرجع
ادم / استنى لما ايه ياختي يعني انتي مش خايفه عليا
ملاك / لا طبعا ياحبيبي خايفه عليك ماهو انت لو اتشليت أنا مش هعرف ارجع تاني ولا اشوف سيف أو مامي وبابي
ادم / وحياة امك طيب تعالى بقى وربنا ما أنا مخليكي ترجعي تاني من هنا ومش هجيبلك شيكولاته وشيبسي تاني ايه رايك
ملاك بزعل طفولي / واهون عليك ده انا ملاك حبيبتك هتعمل فيا كده
ادم / طيب ما أنا هونت عليكي واكمل بخبث ولازم دلوقتي تصالحيني
ملاك ببراءة / اصالحك ازاي
ادم بخبث اكبر / شوفي انتي بقى هتصالحيني ازاي ولا استني أنا اقولك تصالحيني ازاي
وهمسلها بحاجه فى ودانها ملاك اول ماسمعته شهقت بكسوف وبعدت عنه
ملاك بغيظ وكسوف / علفكره والله أنت بقيت قليل الادب اوي وانا مش هكلمك تاني
ادم بصدمه مصطنعه / أنا قليل الادب ليه ده انا حتى زي جوزك برضو يعني عادي
ملاك بغيظ / امشي يا ادم من هنا وانا معتش اكلمك تاني ويلا اخرج بره
ادم بحزن مصطنع / عايزاني اخرج في البرد ده واتعب جامد ده اللي انتي بتحبيني اوي
ملاك بتأثر وبتقرب منه / مش قصدي والله أنا بحبك خلاص بقى مش تزعل منى بتتكلم وهي بتقرب منه وادم استغل الفرصه وقام شايلها وطلع بيها على الاوضه وهي عماله تصرخ وتقوله
ملاك / اعااا نزلني انت كنت بتضحك عليا انت وحش اعااااا
ادم بخبث / خلاص ياحبيبتي وقتك خلص دلوقتي جيه وقتي انا
ملاك بخوف / هتعمل ايه اهدى بس كده
ادم بخبث / هتعرفي هعمل ايه وقرب عليها وذهبو الى عالمهم الخاص احم احم نسيبهم بقى علشان كده عيب 😂
🦋🦋🦋🦋🦋🦋🦋🦋🦋🦋🦋🦋🦋
في مكان تانى اول مره نروحه اتنين يبان عليهم القوه والوقار كانو بيتكلمو
الشخص 1/ عملت ايه في ثفقة السلا*ح
الشخص 2/ متقلقش يازعيم كله تمام وكمان فيه ثفقه جايه بس دي يعتبر ثفقة العمر ولو كسبنها هنبقى من اخطر المافيا في العالم بس المشكله دلوقتي في الشي*طان انت عارفه مش بيسيب ثفقة تعدي من تحت ايده
الزعيم بشر / يبقى لازم نتخ*لص منه وانت هتساعدني في ده
الشخص برعب / أنا استحاله اعمل كده انت عارف انه اسوء من الش*يطان ولو عرف باللي بنخططله ممكن يهد الدنيا على دماغنا
الزعيم بتوتر / أنت تسمع كلامي وتنفذ اللي بقولك عليه انت ناسي ان أنا الزعيم ولا نسيت ان أنا اللي انقذتك منه وعندي استعداد دلوقتي اخلى الكل يعرف انك لسه عايش
الشخص بارتباك / لأ انا هنفذ كل اللي انت عايزه بس المشكله انه مش موجود في البلد دلوقتي ومحدش عارف هو موجود فين
الزعيم بشر / وانت شغلتك ايه لما انت متعرفش هو فين هو انا مش قولتلك قبل كده تراقبه
الشخص / ما انت عارف يازعيم انه مش سهل ابدا وبياخد كل احتياطاته ومش بيسمح لحد مهما كان يعرفه او يعرف يراقبه بس انا هحاول اعرف هو موجود فين
الزعيم / ياريت تعرف في اقرب وقت وتنفذ اللي قولتلك عليه واللي هقولك عليه دلوقتي بالحرف الواحد
الشخص / طبعا يازعيم امرني
الزعيم بخبث / بص انت هتعمل *******
نسيبهم بقى يخططو براحتهم ملناش دعوه بيهم
🦋🦋🦋🦋🦋🦋🦋🦋🦋🦋🦋
عند ادم وملاك
ملاك كانت نايمه في حضن ادم وادم بيبصلها بحب ومش مصدق انها خلاص بقت ملكه وبتاعته وكان فرحان جدا وقال
ادم بعشق / لو تعرفي انا بحبك اد ايه من اول مره شوفتك فيها وانا حبيتك لا ده انا عشقتك أنا خلاص بقيت بدمنك ياملاكي ومش هقدر ابعد عنك لحظه واحده وهعمل اي حاجه علشان تبقى مبسوطه دايما وانتي معايا ومش هسمحلك تبعدي عني انتي خلاص بقيتي ملكي أنا لوحدي
وقرب منها وباس*ها من جبينها وبعد كده باس*ها من شف*ايفها برقه ومقدرش يبعد عنها وبقى يب*وس*ها بجنون ومش قادر يبعد عنها وملاك حست بيه وصحيت ومكانتش قادره تاخد نفسها وقاعده تزق فيه وهو كان تايه خالص ومش حاسس بيها بس ملاك زقته بقوه علشان تقدر تاخد نفسها ادم بعد عنها وفاق لنفسه وقالها
ادم بأسف / أنا اسف ياروحي بس صدقيني مقدرتش ابعد عنك سامحيني بس أنا مش ببقى في وعي خالص وانا معاكي بنسى الدنيا كلها
ملاك اتكسفت منه وخبت وشها في حضنه وهو حضنها وقالها / انتي كويسه
اومأت برأسها عدت مرات بكسوف
ادم بحب / اتكلمي عايزه اسمع صوتك
ملاك بخجل / انا كويسه
ادم بحب / طيب قومي يلا خدي شاور وفيه فستان في الحمام البسيه علشان محضرلك مفاجأة
ملاك بفرحه / حاضر دقيقه واحده واكون جاهزه ودخلت الحمام بسرعه ادم ضحك عليها ولبس هدومه ونزل يستناها تحت على ماتخلص
🦋🦋🦋🦋🦋🦋🦋🦋🦋
في مصر تحديد في قصر السيوفي كان الكل متجمع وقاعدين معايا بعض معادا الجد وسليم قال
سليم / سيلا روحي نادي جدك يلا علشان العشا
سيلا / عنيا ده جدو ده حبيبي
مايا / سيلا بلاش شقاوه جدك مش من سنك علشان تهزري معاه
سيلا / ده جدو حبيبي وهو قالي اعملي اللي انتي عايزاه يلا بقى هطلع اندهله وركضت الى غرفة جدها والكل ضحك عليها
مايا / امتى تعقل بقى نفسي افرح بيها زي ادم
سيليا / إن شاءلله تفرحي سيلا جميله والف مين يتمناها
سيف / احم احم طيب بالمناسبه دي أنا كنت عايز اقول حاجه
زين / اتكلم ياسيف في اي
سيف موجه كلامه لسليم / عمي أنا بطلب منك ايد سيلا
سليم / سيلا مين بنتي انا
سيف / ايوه ياعمي هي سيلا
سليم / انت متأكد يابني دي بنتي وانا عارفها هتعيشك كل يوم خناقه شكل دي مش بعيد لو مجبتلهاش مصاصه تاكلك
سيف بضحك / ايوه ياعمي أنا عايز اتجوزها ومتأكد من كده ها قولت ايه
سليم / والله يابني أنا موافق بس الرأي الاول والاخير ليها هي وادم وبابا
سيف / تمام لما ادم يرجع أنا هقوله و
لسه هيكمل سمعه سيلا بتصرخ بأسم حسام طلعو كلهم يشوفو في ايه اول ما دخلو اتصدمو……….
ياترى سيلا ليه كانت بتصرخ؟
2ومين الزعيم ده ومين الشخص اللي كان معاه
3 والش*يطان ده مين بيكون وهل ليه علاقه بعيلة السيوفى ولا لا