Uncategorized

رواية رقية الحلقة السادسة 6 بقلم هاجر محمود

 رواية رقية الحلقة السادسة 6 بقلم هاجر محمود

رواية رقية الحلقة السادسة 6 بقلم هاجر محمود

رواية رقية الحلقة السادسة 6 بقلم هاجر محمود

بعد مرور عدة اشهر على خطبة سارة ومازال رقية وسليم يتراسلا معا ليتعرفوا اكثر على بعضهم البعض ويزداد الاعجاب والحب بينهم اكثر دون ان يعرف اي منهما حقيقة مشاعر الاخر تجاهه، وفجأه في مره من المرات اثناء حديثهم معا على الهاتف بعد انتهاء عمل سليم وهو في فترة الراحه قرر بأن يعترف بحبه واعجابه لرقية

سليم: مساء الخير 

رقية: مساء النور 

سليم: عامله ايه النهارده

رقية: الحمدلله وانت اخبارك ايه 

سليم: بخير الحمدلله

انا عاوز اقولك على حاجه 

رقية بمرح: خير يا سليم باشا

سليم: باشا؟! طيب ما علينا 

انا بحبك

رقية بمفاجأه: ايه؟! 

يتنهد سليم ويقول: بقول انا بحبك اوي ومقدرش اعيش من غيرك 

“لحظه صمت” 

سليم: سكتي ليه ؟ ردي عليا 

رقية: مش عارفه اقولك ايه 

سليم: خلاص اعتبريني مقولتش حاجه 

رقية بمزاح: حاضر ولا كأني سمعت حاجه 

سليم: هو ايه اللي حاضر ولا كإنك سمعتي حاجه؟ انتي هتخليني اتجنن عليكي بقولك بحبك وبموت فيكي ومش قادر اعيش من غيرك

رقية: اهدأ طيب 

سليم: لا مش ههدأ عاوز اسمع رأيك دلوقتي 

رقية: رأيي في ايه؟

سليم بعصبيه: صبرني يا رب 

رقية: خلاص هقول 

سليم: قولي 

رقية: انا…. انا بحبك…. بحبك اوي 

سليم: اخيرا يا شيخه ده انتي جننتي امي 

رقية بضحك: بزمتك لو مجننتكش انت اجنن مين 

سليم: اااااه يعني انتي قاصده طيب قابلي بقا 

رقية: لا والله مش قصدي اجننك بس عندي سؤال  

سليم: اتفضلي يا مجنونه 

رقية: مجنونه؟! طيب  انت حبيت فيا ايه ؟

سليم: خلي اجابته في وقت تاني احسن 

رقية: زي ما تحب

سليم: اسأل انا بقا نفس السؤال ؟

رقية: حبيت فيك ايه ؟ حبيت كل حاجه فيك لو فضلت اشرحلك حبيت فيك ايه مش هلاقي كلام ولو في كلمه اكتر من بحبك بتعبر عن اللي جوايا ليك كنت قولتها 

سليم: ايه الكلام الحلو ده 

رقية: ده مش كلام دي مشاعري 

سليم: وانا مش عاوز غيرها كفايه عليا ان الكلام ده طالع من قلبك انا فرحان اوي اوي 

رقية: وانا كمان فرحانه اوي 

لحظات اخرى من الصمت ثم يعود سليم معتذرا لمفاجاته ببعض الاشغال 

سليم: معلش يا حبيبتي انا مضطر اقفل لان عندي شغل

رقية: ماشي ربنا معاك 

باي

سليم: باي يا حبيبتي

                          ****************

في يوم من الايام صدرت تعليمات لسليم بسفره في مناورة لروسيا مع وحدته ومدتها شهر ونصف فبدأ سليم يراسل رقية ليخبرها بأنه سيغيب مده بسبب عمله وانه لابد ان يقابلها قبل ان يسافر  

سليم: حبيبتي!! 

عاوز اقول لك على حاجه

رقية: خير يا حبيبي؟

سليم: انا هسافر ولازم اقابلك قبلها

رقية: ايه!!! مسافر ليه ؟

سليم: لما اقابلك هتعرفي

رقية: طيب نتقابل بكره

********************************************

 تقابلا رقية وسليم في مقهى على البحر قبل سفره الى عمله في روسيا وكان….

يتبع..

لقراءة الحلقة السابعة : اضغط هنا 

لقراءة باقي حلقات الرواية : اضغط هنا 

نرشح لك أيضاً رواية فوزية القوية للكاتبة اسراء ابراهيم.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى