رواية قضية اغتصاب الفصل السادس 6 بقلم أسامة علي

علي ببعصبيه وهو ماسك قلبه : اطلعي بره اطلعي بره  

ريم تطلع من الباب وهيا بتعيط وبتجري ولسه رايح (يس) يهديها يلاقي علي واقع على الأرض يجري عليه

يس : اصحا ياعم علي اصحا انت لو تعبت المشاكل دي كلها مش هتتحل 

صفيه ومي يخشوا يلاقوا ابوهم على الأرض 

صفيه : يلاهوي يلاهوي اصحا ياحج اصحا ياحج ملناش غيرك 

مي بعياط : يابااااابا 

علي وهو بيغمض عنيه يفتكر اخوه ابو سعاد (محمود) 

تابعو حسابي بقلمي osama ali

Flashback

كان محمود على مشارف الموت

 ملامح الموت باينه على وشه ولكن كان بيصارع الموت عشان بنته الوحيده سعاد 

سعاد وهيا عندها خمس سنين تخش الأوضه على أبوها 

محمود وهو بيكح وباين عليه التعب : هاتي عمك علي 

سعاد وهيا خايفه : حاضر 

ييجي علي جري على أوضة أخوه

علي : عامل ايه ياأخويا 

محمود : بخير يابن .. 

علي : ليه بس كده الشتيمه طيب قدام بنتك 

محمود : كبرت على الشتيمه ياواد 

علي : طب ناديت عليا ليه وبعدين انت شكلك تعبان اوي هتصل لك على الدكتور 

محمود : لأ ملهاش لازمه الدكاتره بس ياسعاد 

سعاد : نعم بابي 

محمود : سيبيني انا وأبوكي علي شويه

سعاد : مش عايز حاجه مني يابابا علي 

علي : لا ياحبيبتي شكرا

تطلع سعاد ويبتسم محمود 

محمود : كويس أنها اتعودت تقولك يابابا 

علي : مش فاهم 

محمود : يعني انا عايزك تربي بنتي وسط عيالك وتعاملها زي مي وريم عشان أنا مش باقي لها

علي : اكيد طبعا بس ربنا يخليك لينا ياخويا انا اصلا بعمل كده من غير ماتقول مي وريم وسعاد من ساعة موت ام سعاد وهما زي الأخوات ده صفيه ساعة تعبها اهتمت بيها خصوصا بعد موت بنتنا سالي وهيا صغيره 

(كان عندهم بنت كمان غير مي وريم اسمها سالي  وماتت وهيا عندها اربع سنين ) 

محمود : عارف ياخويا بس حبيت أوصيك اول وصيه 

تاني حاجه والأخيرة انا لما ابونا مات كتب الورث كله بأسمي لانك كنت صغير وانا خدتها وكبرتها واديتك نص الورث حتى بعد مالفلوس زادت اديتك نصها انا كتبت كل فلوسي في الوصيه ليك خد حقك بما يرضي الله وكبر الفلوس وأبقا اديها نسبة الفلوس بتعتها انا جالي نفس مرض ابوك 

علي : مالك ليه بس بتقول كده 

محمود : انا جالي تعب في القلب نفس تعب ابوك يابن ال….

علي : بجد ويقعد جمبه على السرير ولسه رايح يطمن عليه 

محمود : قوم ياد اطلع بره هو انا بقولك هموت الوقتي وبعدين محدش ينام جمبي على السرير غير مراتي وبنتي اطلع بره يلا 

علي : حاضر حاضر 

ويطلع بره ولسه قائم يفتح باب الشقه يرجع تاني لأخوه يلاقيه طلعت روحه لربنا 

علي : اخوياااااا

Back 

تابعو حسابي بقلمي osama ali

الضابط يخش على حسام

الضابط معتز : انا جاي اقولك خبر وحش للأسف ابوك في المستشفى تعبان يمكن ربنا بيكفر ذنبك فيه لأنه معرفش يربيك

حسام ينزل دموعه : انا لازم اروح لأبويا لازم أقف جمبه

معتز :اعمل الصح ورقه فاضيه اهي اكتب فيها أعترافك يمكن ربنا يسامحه ويسامحك 

(معتز بيعمل كده عشان ياخد اعتراف من حسام ) 

يمسك الورقه يكتب فيها

: ياليتني لم اسمع ذلك الخبر هل انا السبب ام عشقي وجريمتي الكبرى ظننت أن والدي سيسامحني بعد أن انجو لكن لا جريمتي نجدت منها ولا أبي سيسامحني

هل هيا فعلا جريمتي هل انا الظالم ام المظلوم انا المذنب أمام الجميع ولكن قلبي وعقلي يعرف الحقيقه اعلم أنه حزين بسبب حربه ضد أبنته لكن صدقني ياوالدي سأنهي تلك الحرب بيدي 

ويمسك الورقه يقطعها  

تابعو حسابي بقلمي osama ali

كريم يجري على بيت سعاد وريم تخبيط جامد على الباب 

ريم وسعاد يفتحوا الباب 

كريم : أبوكي ياسعاد في المستشفى وهيتركب له دعامه ربنا يستر