رواية أحببت صعيدية الفصل السادس 6 بقلم ياسمين ابراهيم
 |
| رواية أحببت صعيدية الفصل السادس 6 بقلم ياسمين ابراهيم |
رواية أحببت صعيدية الفصل السادس 6 بقلم ياسمين ابراهيم
عمرو ــــ معاذ ابعد عني مش طايق نفسي
معاذ ـــ في ايه يابني كنت اسيبك تضربها يعني
عمرو ــــ لا مقولتش كده بس مكنش ينفع تقلل مني قدامها مهما كان
معاذ ـــ طيب متزعلش، حصل خير
عمرو بزهق ــــ همم معلش في السؤال، ايه اللي عجبك فيها دي
معاذ ـــ يعني صفا وحشه قصدك
عمرو ــــ لا بس الحلاوه مش كل حاجه اهم حاجه التعامل مع النااس ودي لسانها طويل ومبتحترمش حد
معاذ ـــ عمرررو خلاص بقا متنساش انها خطيبتي
عمرو ــــ صح هي خطيبتك، خلاص انت حر بس انا مش هاجي البيت ده تاني
معاذ ـــ تمام كده كده انا هقعد في الشقه التانيه
عمرو ــــ تمام كده،
معاذ ــــ استهدي بالله بقا
عمرو ــــ لا إله إلا الله محمد رسول الله
المهم انت لازم ترجع الشغل بقا في حاجات كتير حصلت وانت متعرفهاش
معاذ ـــ حاجات ايه
عمرو ــــ الشيء اللي اسمه ياسين المنشاوي
مش مبطل لف حوالين الصفقه الجديده وعاوز يبوظ العقد بينا وبين الشركه الالمانيه عشان ياخدها
معاذ ـــ طيب وهو ازاي عرف بالصفقه دي
عمرو ــــ مش عارف بس في حد من الشركه بيبلغو، يعني احنا عندنا جواسيس ل ياسين
معاذ ـــ ازاي بس يا عمرو امال انت و يوسف بتعملو ايه في الشركة،
عمرو ــــ بص انا بشوف شغلي وعلى قد ما اقدر بحاول مخليش الصفقه دي تضيع بس بنسبه ليوسف انت عارف اني مش بحب الواد ده من ايام الجامعه
معاذ ـــ هممم ياخي احنا في الشركه مع بعض ولو متحدناش هتضيع مننا
عمرو ــــ اهو اللي حصل،
معاذ ـــ طيب انا هروح الصبح ونشوف الموضوع دا
________&_________&________&___
صفا ـــ وه يامه عاد يعني انتي عاوراني اسكتلو بعد ما دخل عليه اكده، طيب افرضي دلوك اني طلعت من الحمام من غير هدوم كان هيبقا الحال كيف
زينب ـــ اتهدي عاد جبتلنا المشاكل من اول يوم امال بعد اكده هتعملي فينا ايه
صفا ــــ امرك غريب يامه، انتي كيف مش مقدره صعوبة الي حصل، ده اقل حاجة يترد عليه بيها الدبح ولو ابوي اهنه كان فرغ البندقية فيه
فاطمه ــــ اهدي يا ست صفا، هو ميقصدش يدخل عليكي، هو كان فاكر ان معاذ هو اللي فوق
صفا ـــ معاذ ولا معاذش اهو اللي حصل ده تطير فيه رقاب، ولو شفت الواد العويل ده انا هديلو بالجزمه تاني
زينب ــــ تقلع الشبشب، محدش واخد بالجزمة غيرك يابت الجزمه، و قسم عظما ال ما خرجتي تطيبي خاطر الراجل لا اقلع عينيكي من مطرحهم
صفا ـــ وووه يامه انتي عاوزاني اعتذر للبهيم ده، والله الموضوع ده علي جستي، قال اعتذر قال
_______________________________
صفا ـــ ود عمي
معاذ ـــ صفا، تعالي
عمرو ـــ يبصلها بقرف، عن اذنك يا صاحبي اشوفك في الشغل
صفا بعصبيه ــــ عاجبك اكده يامه اهو العويل دا هيسبني ويمشي وانتي بتقوليلي اعتذرله
زينب ـــ يابت اتلمي واعتذري لراجل
معاذ ـــ استني يا عمرو، دي جايه تعتذر منك،
عمرو بقرف ــــ لا شكرا مفيش حاجه مهمه ازعل منها، سلام انا اتاخرت
صفا ـــ اه ياود المحروق يعني انا مش مهمه، طيب ع فكره انت اللي مش مهم وكيفك. كيف الجاروف اللي في المطبخ
عمرو ــــ يتجاهلها ويمشي
معاذ ـــ اهدي ليه ده كله
صفا بغيظ ـــ اسكت انت، عاجبك اكده يامه، بقا انا واحد مسخوط كيف ده يتجاهل كلامي ويمشي اكده
زينب ـــ ماهو من عمايلك،
معاذ ـــ صفاا خلاص بقا متنسيش انه صاحبي، وبعدين انتي اللي غلطانه ازاي تضربيه بالشبشب
صفا ـــ انت بتزعقلي علشانه، طيب ايه رأيك بقا اني المره الجايه هوكله الشبشب، المغرور المتعجرف ده
معاذ ـــ يضايق منها ويمشي ويسيبها
زينب ـــ عاجبك اكده يوش النصايب، غوري علي اوضتك لا اقتلك
صفا ــــ هو اكده صاحب الحق لازم يداس برجلين، بس وربنا ما هعدهاله العويل دا
_____&_________&______&_______&
في الشركة
يوسف ــــ ميزو حبيب قلبي وحشتني والله
معاذ ـــ حبيبي يا جو وانت اكتر، عامل ايه
يوسف ــــ تمام يا صاحبي
معاذ ـــ هو عمرو لسه موصلش
يوسف ــــ لا وصل بس خرج يجيب حاجه وراجع
معاذ ـــ تمام، قولي بقا ايه حكاية المشاكل اللي بتحصل في الشركة
يوسف ــــ انا شايف ان الشركه ماشيه تمام، بس عمرو بقا عنده راي تاني
معاذ ـــ اممم يعني ياسين المنشاوي مش بيحاول ياخد الصفقه مننا زي ما سمعت
يوسف ــــ ياااا ميزو، ياخدها ازاى احنا خلاص اتعاقدنا والمتنازل عن العقد هيدفع فلوس قد كده، ف مظنش ان ياسين هيقدر يخدعهم ويخليهم يلغو العقد معانا
عمرو ــــ صباح الخير
معاذ ـــ صباح النور، عامل ايه
عمرو ــــ الحمدلله
معاذ ـــ سمعت راي يوسف موضوع الصفقه
عمرو ــــ سمعته بس ملوش لازمه معايا
يوسف ــــ شكرا يا استاذ يا محترم
عمرو ــــ يتجاهل كلامه
معاذ ـــ يوسف ممكن تسيبنا شويه
يوسف ــــ تمام عن اذنك
معاذ ـــ ايه الحكاية يابني انت بتقول شكل للبيع
عمرو ــــ من فضلك يا معاذ، بس انا مش بقبل الواد ده ومتحمله علشانك
معاذ ـــ ممكن افهم السبب
عمرو ــــ علشان واد دني وبتاع مصلحته وممكن يبعنا علشان قرش زياده
معاذ ـــ لا طبعا، هو اه بتاع مصلحته بس متنساش ان مصلحته معانا، ف مش هيقدر يبعنا اصلا
عمرو ــــ والله مش مستبعد عنه حاجه
معاذ ـــ طيب سيبك منه وقولي ايه اللي حصل علشان تقول ان ياسين بيحوم حولين الصفقه
عمرو ــــ من كام يوم كنت في فرع الشركه في مصر، و المدير قال ان المبلغ المتفق عليه مش مناسب ليهم وان ياسين المنشاوي عرض عليهم اكتر من كده
معاذ ـــ همم غريبه فعلاً، وهو ياسين عرف ازاي
عمرو ــــ ما انا بقولك ان في جواسيس في الشركه
معاذ ـــ تفتكر مين يعني
عمرو ــــ مش عارف، الاهم من ده ان اوراق الصفقه تكون في مكان كويس والا ممكن ياخدوها وساعتها هو مش هيغلب يقنعهم باي حاجه
معاذ ــــ متخفش هي في البيت وفي اوضتي كمان
عمرو ــــ انهي بيت
معاذ ـــ الفيلا
عمرو باندهاش ــــ يعنى في اوضة البت دي انت ازاي تسيب حاجه مهمه كده في اوضتها
معاذ ـــ همم خلاص بقا يا عمرو مش هنبتدي
________&_______&_________&____
ياسين ــــ بيتكلم في التليفون
ههههه انا دايما بقول ان انت داهيه وانا كسبتك،،
لا متقلقش عمولتك. عندي وزي ما اتفقنا،
المهم انك تفضل دائماً عند ثقة معاذ،
مش عاوزين حاجة تعدي من تحت ايدينا
ماشي مع السلامه….
ياسين ــــ ماشي يا معاذ، هعرف ازاي اهدملك اي حاجه بتعملها، كفاية عليك لحد كده،
_________&________&________&___
بليل في غرفة معاذ
يتسلسل رجل مقنع لداخل، ليبحث عن الاوراق الخاصه بالصفقه،
صفا مستلقيه علي السرير علي الاضاءه الخافته ـــ لنفسها كيف يقدر يعمل اقده، بقا انا صفا، واحد عويل كيف ده يسوي معاي اكده،
ايه ده نهار حرامي، ماشي ياود المحروق انا هعرفك. كيف تسرق
الحرامي ــــ يفتكرها نايمه و يفتح الدرج ويدور علي الورق
صفا ـــ تقوم من مكانها وتتسحب براحة لغيت طبق الفاكهة اللي عليه سكين
تمسك السكين، وقف مكان لا احشك يا حرامي يا ود الحراميه
الحرامي ــــ يوقف ويرفع ايده لفوق
صفا ـــ اقلع البتاع اللي علي وشك ده ابسرعه
الحرامي ــــ يحط ايده علي القناع، وبعدين يهجم عليها
صفا ـــ تضربه في ايده بالسكين
الحرامي ــــ اااه، ويزقها بعيد ويجري،
صفا ـــ اه، بتزق صفا يا ود الحرميه مش هسيبك با بهيم، وتجري وراه لكن هو بيهرب من الشباك
صفا ـــ تطلع من الاوضه، انتو اللي اهنه، حرامي في البيت، وبتجري علي الجنينه
بدر بفزع ــــ في ايه
زينب ـــ يالهوي البت بتقول حرامي و راحت وراه
بدر بزعيق ــــ يا عبدووو فين الامن
صفا ترجع ـــ اااه هرب مني ود الفرطوس، وربنا لو لحقته كنت جبته اجله
زينب ـــ انتي عترمحي ورا الحرامي يا عويله افرضي كان قتلك
بدر ـــ انتي كويسه يابنتي،
صفا ـــ انتو خايفين من ايه، ده حرامي جبان هرب بعد ما ضربته بالسكين في يده، ولو استني عليه كنت قطعت رقبته عن راسو
زينب ـــ اسمها قطعت راسه عن رقبته يا عويله
صفا ـــ ياماااي يعني هنسيب الحرامي، ونفكر هنقطع ايه من ايه
بدر ـــ ههههه مش عارف اضحك ولا اروح اطرد العجول اللي علي البوابة، بس برافو عليكي يا صفا
______&_________&______&______
الصبح في الشركه،
معاذ ـــ صباح الخير يا عمور،
عمرو ــــ صباح الورد، عامل ايه
معاذ ـــ تمام. ايه ده مال ايدك
عمرو ــــ مفيش حاجه
معاذ ـــ مفيش حاجه ازاي امال رابطها ليه
عمرو ــــ اجزعت وانا بسلك الحوض ههههه
معاذ ـــ ههههه صعبت عليه، مش ناوي تجوز بقا وهو تلاقي حد يقوم بشغل البيت
عمرو ــــ الله يباركلك مش ناقصه قرف انا كده زي الفل،
معاذ ـــ والله مش عارف امتي هتغير رايك بقا، يابني انت هتكمل التلاتين والي زيك المفروض عنده عيلبن
عمرو ــــ معاذ بالله عليك متعمليش فيها ستنا الحجه، ههههه
معاذ ـــ ماشي يا واطي، بس انا بردو مش مستني اشوفك واقع علي بوزك وبتتعذب من الحب ههههه
عمرو ــــ هه والله انت غريب يا معاذ، المهم سيبك بقا، خلينا في شغلنا،
معاذ ـــ تمام، ثانية اشوف التليفون
الو
بدر ـــ انت فين يابني تليفونك مقفول ليه
معاذ ـــ معلش يا بابا بس كان فاصل شحن، خير
بدر ـــ في حرامي دخل البيت بالليل
معاذ ـــ اييه طيب والامن فيين ازاي يقدر يدخلو وهما موجودين
بدر ـــ اهو اللي حصل، المهم دلوقتي تيجي تشوف حاجتك عشان هو كان بيدور فيها وبسببهم بنت عمك كان ممكن تتقتل
معاذ ــ طيب طيب انا جاي حالا
عمرو ــــ في ايه
معاذ ـــ في حرامي دخل البيت، انا ماشي
عمرو ــــ استني مينفعش تسوق انت كده انا جاي معاك
معاذ ـــ تعال بالمره نشوف الورق
___________________________
معاذ ـــ يجري علي السلم، صفااا
صفا ـــ وه في ايه
معاذ ـــ يمسكها من اكتفها، انتي كويسه حصلك حاجه
صفا ـــ لا يا ود عمي
زينب ــــ انت خايف على دي،
دي ضربت الحرامي بسكينه، انا دلوقتى قلقانه عليه هو
معاذ ـــ ههههه بجد يا صفا
صفا ـــ امال ايه، دا انا لو لحقته كنت قتلته
معاذ ـــ ههههه مش عارف اقول ايه بس برافو برافو
____________&________&_______
عمرو ــــ هو اتاخر ليه،، انا ماشي
معاذ من فوق ـــ رايح فين يا عمرو
عمرو ــــ لقيتك اتاخرت كنت همشي
معاذ ـــ لا استني نشوف الاوراق مع بعض
صفا لنفسها ـــ ايه جاب المغرور ده اهنه، وبتنزل ورا معاذ، وزينب وراهم
عمرو ــــ صباح الخير يا حجه
زينب ـــ زين ما اصبحت يا ولدي
عمرو لنفسه ــــ ايه جايب البنت دي هنا مش كفاية قلت ادبها الي امبارح
صفا ـــ تقرب منه وتمسك ايده المربوطه
عمرو ــــ باستغراب، نعم
صفا ـــ انت الحرامي
معاذ ـــ صفاااا ايه اللي انتي بتقوليه ده مش عارفه بتتكلمي مع مين
صفا ـــ انت غلبان يا ود عمي بس الواد ده هو الحرامي، ودي ايده اللي ضربته فيها، وكمان نفس الطول
عمرو ــــ يشد ايده منها، انتي في حاجه في دماغك
صفا ـــ طيب لو اكده قولنا ايه حصل ليدك يا عاقل
معاذ ـــ كفايه بقا يا صفا، عمرو ايدو مجزوعه مش متعوره
صفا ـــ شوفو عاااد، واشمعنا دلوقتي مكان امبارح يده زينه وبيعرف يمدها علي الناس
عمرو ببرود ــــ يرفع ايده ويفك الرباط
معاذ ـــ عمرو انت بتعمل ايه، لا يا صاحبي انا مش محتاج دليل عشان اعرف انك مش ممكن تعمل كده
عمرو ــــ لحظه يا معاذ من فضلك، وبيشيل الرباط
صفا ـــ هممم كيف ده فين التعويره انطق خفيتها كيف
عمرو ــــ، انا ماشي
معاذ ــــ عاجبك كدااا
صفا ـــ همم اكيد خفاها
زينب ـــ يامورري منك يابت بطني
صفا ـــ وه عاد ياما انتي عتصدقي الشويه اللي عمالهم قدامنا دول، طيب اقطع يدي من اهنه الا مكان حاطط حاجه علي يده خافيه التعويره
_____&________&________&_______
ياسين بيتكلم في التليفون ـــ. جرا ايه استاذ بقا حتت بنت تعورك وكمان تيجي من غير الورق،
اسمع انا عاوز اعرف مين البنت دى وتقربله ايه،،
لااا انسي مفيش عموله، غير لما المهمه تتم والصفقه تكون ليه فاهمني،، اقفل
ياسين ــــ همم ايه حكاية البنت دى
هنعرف دلوقتي بس نشوف الحيوان ده هيعمل ايه معاهم،
________________________________
معاذ ـــ وقف يابني تعبتني
عمرو ــــ خلاص يا معاذ سبني لو سمحت
معاذ ـــ اسيبك ازاي بس،
متزعلش منها هي كده بس طيبه وهبله
عمرو ــــ بص يا صاحبي، طبيتها ولا اي صفه فيها ميهمنيش قد كده، انا اللي يهمني انها تحترمني وكتر خيرها
معاذ ـــ خلاص انا هخليها تعتزرلك
عمرو ــــ مش عاوز اعتذار، بس الله يعينك على اللي جاي
معاذ ـــ ههههه امال لو عملت فيك اللي عملتو معايا
وبعدين مش انت اللي فضلت تقولي خد من الصعيد خد من الصعيد، انا نفذت كلامك اهو
__________________________
معاذ ـــ بابا انت كنت فين
بدر ــــ كنت بصلي
معاذ ـــ طيب يرضيك الي صفا عملتو مع عمرو ده
صفا ـــ وه وانا عملت ايه ماهو اللي حرامي
بدر ــــ صفااا ايه الكلام ده، مفيش احترام ليه ولا ايه
صفا ـــ لا طبعا ياعمي ليك كل الاحترام
معاذ ــــ طيب طالما بتحترميه بقا
من فضلك يابابا خليها تيجي تعتذر لعمرو دلوقتي
صفا ـــ انت بتقول ايه لا طبعا
بدر ــــ علشان خاطري انا يابنتي
صفا ـــ كيف بس ياعمي
بدر ــــ هتكسفي عمك يعني
صفا بقلت حيله ـــ لا طبعا ياعمي متهونش عليه،
فينه بقا الزفت ده علشان اتنيل اعتذرله
معاذ ـــ عممم
صفا ـــ خلاص خلاص انت هتزوملي عاد
فينه البيه ده علشان اعتذر لحضرت جنابه
معاذ ـــ بره عند حمام السباحه
ـــــــــــــــــــــــــــــــــــــــــــــــــــــــــــ
معاذ ـــ عمرو! صفا اصرت انها تيجي تعتذر منك بنفسها
عمرو بقرف ـــ قولتلك مش عاوز اعتذار
صفا لنفسها ــــ ده كمان بيدلل ود المحروق
معاذ ـــ خلاص بقا متحبكهاش، دقيقة ارد علي التليفون وراجع…
صفا ـــ اوعا تفكر اني انا هتنازل واعتذر لواحد زيك انا جيت اهنه مجبره
عمرو ــــ يابنتي انا مش شايفك اصلا علشان ازعل منك وتعتذريلي
صفا ـــ تصدق انك قليل الحيه وانا غلطانه اني عبرتك يا بهيم
عمرو ــــ يبص لحمام السباحه ويمسك تليفونه ويتجاهلها تماماً
صفا ـــ بقا اقده عااااا
عمرو ــــ يشوفها من تليفونه جايه تجري عليه وايدها قدامها عشان تزقه
ف يبعد بسرعه وهي توقع في الميه
صفا ـــ هااا الحقوني، ال. الحقوني
عمرو ــــ اعتذري وانا الحقك
صفا ـــ اعتذر من مين ياود المحروق ، الحقني يا غبي
عمرو ــــ طيب خليكي هنا لصبح
صفا ـــ رايح فين الحقني،
خلاص انا اسفه الحقنننني
عمرو ــــ يرجع تاني ويمدلها ايده
صفا ـــ تمسك ايده، وتشده في الميه
عمرو ــــ التليفون يا غبيه يا متخلفه،
صفا ـــ تتحرق انت وتلفونك يا بهيم
عمرو ــــ وربنا ما هتطلعي من الميه عايشه
صفا ـــ معاااااذ الحقني ياود عمي صحبك هيقتلني
