رواية يوميات زوجة كوميدية الفصل السادس 6 بقلم لمياء علاء
 |
| رواية يوميات زوجة كوميدية الفصل السادس 6 بقلم لمياء علاء |
رواية يوميات زوجة كوميدية الفصل السادس 6 بقلم لمياء علاء
ورد/ قولوه دا أنا برضوا ساعات بحالات مرة ازعل مرة أديله عيني…..????????
يزن/ متحاوليش معايا تابلت مفيش لحد ما تعقلي
ورد/ بص أنا عمالة أغنيلك من الصبح وبقولك أنا بحالات، وإنت مفيش حاجة بتنفع معاك، يعني مفيش تابلت
يزن/ لا
ورد/ طب ساعة بس
يزن/ ممنوع
ورد/ طب نص ساعة
يزن/ عالمطبخ إعمليلي قهوة طيب
ورد/ قهوة بس، إنت تؤمر يا روحي
بعد قليل
ورد/ القهوة يا روح قلبي
يزن بيشرب القهوة/ أيه ده، دي مُرّة إووي، لا مش هشربها
ورد/ لا دي مظبوطة والله
يزن/ لا ناقصة سكر
ورد/ هعملك غيرها
بعد قليل
ورد/ دي بقى حطيتلك فيها ٥ معالق سكر
يزن بدأ يشرب منها/ لا مسكرة أوووي لا مش هشربها
ورد مسكت الفنجان وشربت القهوة وحطت رجل على رجل وقالت/ بص بقى يا ابن الحلال، أنا سايباك عمال تدلع، وأقول من نفسه شوية، بس كدة أوفر واللعبة بقت جيم أوفر، والتابلت هعرف أخده والقهوة الأولى كانت مظبوطة بس إنت بتستعبط، بس أنا مش هبلة وحقي هجيبه، فاهم…. وضربت بإيدها على التربيزة وقامت
يزن باستغراب/ لا والله بجد خوفت المرادي، هي اتقلبت كدة امتى، يا ساتر يارب.
بعد شوية
يزن/ ورد
ورد/ يا نعم
يزن/ خلاص إهدي وهرجعلك التابلت
ورد/ مش عايزاه
يزن/ من امتى
ورد/ من النهاردة
يزن/ خلاص بقى قلبك أبيض
ورد/ لا مش هنسى إنك حرمتني من التابلت ومسلسلي المفضل????????
يزن/ نعم يا اختي
ورد/ يزاااان
يزن/ طب آسف
ورد/ أسفك مش مقبول
يزن/ طب يرضيكِ أيه
ورد/ ملاهي
يزن/ تمام بكرة بقى
ورد/ لا النهاردة ودلوقت
يزن/ إنتِ عارفة الساعة كام، الساعة بقت اتناشر
ورد/ ماليش فيه
يزن/ خلاص البسي عشان ننزل وأبقى قليل الادب لو زعلتك تاني
ورد قامت اتنططت عالسرير / يا سلاااااام
*************
في الملاهي
ورد متشعلقة في اللعبة فوووق واللعبة عطلت ومش راضية تتحرك
ورد/ منك لله يا يزاااااان، نزلوني، هموووووت، يالهوووووي، أهو مُتْ أهو????
يزن/ مش قادر أبطل ضحك، منظرك فظيع، عشان تبقي تقولي عايزة ملاهي، ومش راضية تركبيني معاكِ اللعبة، شوفتي أخرة الطمع وحشة.
ورد/ حراااام عليك يا يزاااان، منك لله، لو مُت مش هسامحك، أااااااااااع
يزن وقد انفجر في الضحك????????
بعد قليل
ورد/ أنا مني لله إن خليتك توديني ملاهي
يزن بضحك/ شوفي اللي بييجي عالغلبان مش بيكسب
ورد/ دا انتَ ظالم، أنا حاسة إنك متفق مع صاحب اللعبة يشعلقني فوووق????
يزن بضحك/ والله الفكرة مخطرتش على بالي بس لو كانت خطرت مكنتش إتأخرت في إن أستمتع بصريخك وإنتِ فووووق
ورد وهي بتجري ورا يزن / مش هسيبك والله لأقتلك يا يزااااااان.
**********************
تاني يوم
ورد/ إثبت مكانك المكان كله محاصر
يزن بخضة/ قلبي…!!، والله قلبي في مرة هيوقف منك
ورد/ سلامة قلبك يا بيبي، وبعدين لازم تكون اتعودت على أسلوبي، دا مش أسلوب ده، الله
يزن/ لا عندك حق فعلا، عايزة أيه بقى
ورد/ شخلل جيبك
يزن/ نعم…!!
ورد/ أيه مسمعتش، بقولك شخلل جيبك????????
يزن/ يابت اعدلي لسانك
ورد/ طب عاااات فلووس
يزن/ عاااات…!!، صبرني يارب، وهتعملي أيه يا ست ورد بالفلوس؟!
ورد/ بحوش في الحصالة عشان وقت الزنقة يا بيبي
يزن/ لا شاطرة فعلا، يعني بتحوشي…؟!
ورد/ أينعم، عشان مثلا مثلا لو عاوزة أجيب حاجة وإنتَ مش راضي أطلع فلوسي اللي حوشتيها
يزن بضحك/ تطلعي أيه؟!، فلوسك…!!، لا دي فلوسي أنا
ورد/ مش دي حصالتي
يزن/ أه
ورد/ يبقى اللي فيها فلوسي، وهات بقى عشان مش فاضية ورايا حاجات مهمة
يزن بضحك/ يا واد إنت يا مشغول، عموما خُودي
ورد/ إسمها إتفضلي يا متعلمين يا بتوع المدارس
يزن/ لا والله
ورد أخدت الفلوس وطلعت لسانها ليزن وجريت وقالت / أه والله
يزن/ مجنونة رسمي
ورد رجعت تاني وقالت/ يزن
يزن/ أيه تاني
ورد/ هو لبان ماربيلا حلو عشان بيشخلل ولا بيشخلل عشان حلو، وضحكت وجريت وقالت/ عليك واحد????
يزن/ لا دي هبلة كمان ما شاء الله
يتبع ……
لقراءة الفصل السابع : اضغط هنا
لقراءة باقي فصول الرواية : اضغط هنا
نرشح لك أيضاً رواية العودة إلى الوراء للكاتبة روان ريحان
