رواية أحببتك صدفة الحلقة السادسة 6 بقلم فاطمة أحمد
 |
| رواية أحببتك صدفة الحلقة السادسة 6 بقلم فاطمة أحمد |
رواية أحببتك صدفة الحلقة السادسة 6 بقلم فاطمة أحمد
وقفنا إمبارح لما زين خرج يتصل ع سليم….
زين – حبيبي اللي واحشني
سليم – انجز ولخص عشان مش فضيلك
زين – تصدق بالله انا غلطان اني عايز افرحك
سليم – انت مبيجيش من وراك حاجه تفرح انجز عندي عمليه كمان ساعتين وهقفل الفون
زين – طب اخلص وتعالي ع المكتب انا مستنيك
قفل ف وشه وبيلف عشان يروح لزين لمح حد واقف عن الاستقبال راح هناك وقال…
سليم – ايه اللي موقفك هناا ي نور في اي مشكله
.. بإبتسامه – لا لا مفيش مشاكل ممكن توديني اوضه ماما
سليم استغرب من الهدوء المفاجئ بس حبه، كان بيتمني ان نور تعقل شويه وشكل امنيته اتحققت مسك ايدهاا وحس بحاجه غريبه اووي عمره محسها مع نور زي ميكون اول مره يشوفها قلبه اول مره يخرج من مكانه وضرباته تزيد بالشكل ده خدهاا ووداها ع اوضه فردوس بس اول مفتح الاوضه اتفاجئ بنور قاعده بص ع اللي ماسك ايدهاا لقيها نسخه من نور فضل مذهول من اللي شايفه..
نور جريت وخدت اختها بالحضن – ملاااااااااك ده كله تأخير ي بت وحشتيني
ملك – بس بس هدوخ ي خربيت جنانك اهدي
نور – حتي انتي ماشي مش مكلماكي تاني بقا
ملك وخبطتهاا ع راسها – بعد الغيبه دي ومتكلمنيش اهون عليكي
فردوس – هتفضلوا ناقر ونقير كده ادي اخره اللي تجيب تؤام
ملك راحت وحضنت امهاا وباست راسهاا – وحشتيني يست الكل
فردوس – انتي اكتر ي ملاكي عملتي ايه ي بنتي فرحيني
ملك بحزن مصطنع – الحمد لله ع كل حال ي ماما
فردوس – لعله خير ي بنتي متزعليش وافرحي
ملك – لازم افرح يست الكل انا طلعت الاوله وبإمتياز كمان
نور جريت عليهاا ولفت بيها – هييييييييه مبارك ي ملاكي واخيرا بقيتي حاصله ع مجيستير ف اداره الاعمال هييييييييه
وهي بتلف ايديهاا فلتت وملك كانت هتقع بس ايد سليم لحقتهاا وبالتصوير البطيء ملك بتقوم تقف وهي مركزه ف عيون سليم وسليم ايده ملفوفه حولين وسطهاا ملك بتوتر وارتباك بعدت عنه جت نور وقالت..
نور – احب اعرفك ده الدكتور سليم صديقي الصدوق
ملك – اتعرفت عليه كان فاكرني انتي
سليم – انا اسف بس مكنتش اعرف ان نور ليها تؤام
نور بهزار – لا لا متعتذرش احنا واخدين ع كده اي حد يشوفنا اول مره بيفتكرنا واحد انما بعد كده بيفرقونا بسهوله
سليم بضحك – هو بصراحه انتوا عكس بعض ف كل حاجه مفيش غير الشكل اللي متفقين فيه
نور – اعمل ايه يعني هي جت الاول خدت كل العقل ومسبتليش حاجه ده ذنبي هل ده ذنبي
سليم بضحك وافتكر زين – لا مش ذنبك خالص عن اذنكم بقاا انا ماشي دلوقتي ومتتعبوش مامتكم العمليه خلاص قدامها ساعتين
نور بطريقه الجيش – تمام ي دكتور
كله ضحك ع طريقتهاا…
سليم راح المكتب وخد زين بالحضن..
زين – تصدق بالله انا لولا اني مبسوط كنت اديتلك بوكس ف وشك ده كله تأخير
سليم – مش لسانك بس اللي عايز قطعه دي ايدك كمان عايزه تتكسر
زين بقرف – اخلاقي لا تسمح بالرد عليك
سليم خبطه بعلبه المناديل – اخلص يلا عايز ايه وبتعمل ايه ف المستشفى يلا مش فاضيلك
زين بإبتسامه – كنت بخطب
سليم بضحك – بتخطب وف مستشفى طول عمرك مجنون مين المجنونه اللي رضيت بيك بقا
زين شد ايده – تعالى هعرفك عليهم
سليم بضحك – والله مجنون
زين وسليم دخلوا اوضه فردوس وهنا كانت الصدمه…
زين – احب اعرفكم ع سليم ابن عمي
نور بصدمه – انت زين ابن عم سليم
زين – اه انتوا تعرفوه
فردوس – طبعا يني ده الدكتور سليم اللي هيعملي العمليه
سليم ده كله بيدور ع ملك بعيونه..
زين راح مسك ايد نور – دي بقى المجنونه اللي رضيت بيا
نور خبطته ف كتفه – ماشي ي زين حسابك بعدين
سليم راح حضنه وقاله بضحك – مبارك حقيقي زين ما اخترتي ي نور لايقين ع بعض اوووي
نور بخبث – بتدور ع حد ي سليم
سليم اتكسف – ها لا حد مين
نور بضحك – متتكسفش كده زمانهاا جايه
سليم بتوتر راح عند فردوس – عارف ان الوقت مش مناسب وقبل م يكمل…
فردوس بضحك – موافقه ي ابني بس لما ناخد رأيي العروسه
نور – اهي العروس جت اهي
ملك بذهول – عروسه مين
فردوس – سليم طلب ايدك مني هاا قولتي ايه
ملك بخجل – اللي تشوفيه ي ماما
نور بفرحه وقعدت تتنطط – هيييييييييه هنعمل فرحين مش فرح هيييييييييه
زين بضحك – مجنونه بس بحبك
ده كله وسليم منزلش عينه من ع ملك لحد م الممرضه جت…
الممرضه – دكتور سليم اوضه العمليات جهزت
سليم – تمام بلاغي دكتور محمد اني جاهز
كله ودع فردوس بدموع طبعا والدراماا اللي انتو عرفينهاا زين خد نور ف حضنه وقعد يهديهاا ويطمنهاا، سليم اكتفي انه يمسك ايد ملك ووعدهاا انه هيعمل كل اللي يقدر عليه، وبعد خمس ساعات طلع سليم من العمليات كله جري عليه بلهفه…
سليم…..
يتبع..
لقراءة الحلقة السابعة : اضغط هنا
لقراءة باقي حلقات الرواية : اضغط هنا
نرشح لك أيضاً رواية حبيبتي منذ الصغر للكاتبة نيرة وائل.
