رواية الاتفـاق الحلقة السادسة 6 بقلم ميشو محمد
 |
| رواية الاتفـاق الحلقة السادسة 6 بقلم ميشو محمد |
رواية الاتفـاق الحلقة السادسة 6 بقلم ميشو محمد
الدكتور: تمام لاباس عليه نستاذنكم.. وطلع
ممرضه طلعت
فهد قعمز ع الكرسي:انت فيك السكر لكن مفروض تاكل حاجه حلوة كل فترة باانتظام وتكتر من الحليب ف حليب خاص بمرضى السكر فهمت عليا وف عصير خاص بمرضى السكر يعني خالي من السكر اني رح ناخدلك منهم ولأهم من هدا كله تستمر ف الدواء
منصور ابتسم:حاظر نشالله
فهد طلع هاتف وفتح نت رهف مصكره بعدين دار الهاتف ف جيبه:تعشيت؟
منصور كذب:اي
فهد: تضحك عليا واضح انك مش متعشي
منصور سكت
فهد:فهمت عليك انت ماتببيش تاكل من المستشفى؟
منصور:مش جعان
فهد طلع هاتفه اتصل:ايووه…. شجو…. تمام…اسمع نبي من مطعمك شربة خضار قصدي خضرة هكي حاجه صحيه….تمام ديرلي توصيل ع المستشفى…….. … تمام لم توصل الطلبيه اتصل بيا تو ننزله…سلامات..صكر الخط وقعمز ع الكرسي
منصور: بارك الله فيك تعرف
فهد شافله
منصور:اني سميتك فهد نبيك تطلع قوي وراجل وفعلا طلعت ????????
فهد ابتسم:من صغري مش عاجبني الاسم ولا متقبله الله يسامحك ملقيتش شن تسميني ????
منصور ابتسم
فهد:اووووف كساد انت شن ادير لم تكسد ؟
منصور:الحيوط قدامي وخلاص ????♂️????
فهد:اييييحح..فتح الشباك ووقف ع للشباك
منصور ساكت
فهد قرب يتفحص ف التغذيه: ينوضو فيك تتمشى؟
منصور:لالا يومين راقد وخلاص
فهد: غضوا بنطلعك امورك تمام غير يجبدو ف الفلوس وخلاص مفروض تتمشى وتريح رجليك ويهتمو بيك مش غير مقعمز وخلاص
منصور: شفت يومين بوهم ملوح ف المصحه مافي حد جي وشافني مرت جابر وبناته جوني وعمتك بس
تررررن ترررن
فهد:ايووه…يلا نازل وصكرالخط..بننزل دقيقه وجاي
ونزل خدي الطلبيه دفع الحساب وركب
فهد جبد الطاوله متع السرير:تعشى
منصور: شبعان مخاطري ف شي
فهد: شربة خضار كويسه ليك كول حتى شوية
منصور بدي ياكل
فهد قعمز ع الكرسي وفتح نت رهف فاتحه (يابنت)
رهف (هااا)
فهد ابتسم (قولي نعم مش هااا قولي انعمم)
رهف (نعامه ترفسك اني حرة شن نقول)
فهد(????????جو عليك)
رهف (ترا احلف غير احلف ☺️☺️)
فهد ضحك ( يابطه نبي منك خدمه )
رهف ( مش قرسونه اني معادش بنساعدك)
فهد (اني ف المستشفى يابنت)
رهف(علاش ف المستشفى؟؟)
فهد (اسمعي غضوا تعالي للمستشفى لفيه جدك انتي واختك وبنات عمك تمام؟)
رهف (انت عند جدي توا؟)
فهد (مكتر دوتك والقصقصه لعندك غضوا تعالي لجدك متدخليش)
رهف ( مانعرفش لكن شفته جدي امس اني امس كنا عنده)
فهد(اي قالي انكم جيتو المهم تعالو غضوا انتي وبنات عمك الباقيات رح يفرح بيكم صدقيني )
رهف ( اسأل جدي قول مني اكتر حفيده تحبها ومن اكثر حفيده تحبهاش وديرلي تسجيل صوتي بللهي عليك بليييييز بللهي عليك)
رهف(طبعااا رح يقولك انه يكرهني اكتر وحده اني متاكده)
فهد (تمام)
فهد فتح التسجيل بدون مايحس جده (بنسالك مني اكتر حفيده تحسها مشغبه وتحب المشاكل؟
منصور: مانعرفش عادي كلهم
فهد: اكثر حفيده قريبه منك وتحبها؟
منصور: اكثر وحده نصيب الغالية عليا
فهد: اهاا والباقيات خيرهم؟
منصور:منى عادي مانورش فها واماني عادي حتى هي اسماء هي لديما ساكته وهاديه ورهف اصغر وحده البنت للسانها طويل والعفريته فيهم وعنيده)بعت التسجيل
رهف (???????????????? الله يسامحه)
فهد(نتفق مع كلامه صح لسانك طويل ✅)
رهف ( المهم مش بكوشه ????)
فهد( نصيب اختك صح هادي ليحبها)
رهف(اي اختي نصيب وعندي اخت تانيه اكبر منها)
فهد (نذكرها الكبيرة حضرت حتى عرسها اسمها تهاني)
رهف (اي صح)
منصور كمل عشاه: نوض روح ارقد ليل عليك
فهد:تمام مدامك روحك كويس غضوا نجيك نطلعك تصبح ع خير..وطلع
منصور:قدامك كل خير
…
رهف تستنى ف الناتيجه لانه تقرى شهادة تانوية وف يومها بينزلو الناتيجه ف اليل استنت استنت لكن مانزل شي
الصبح الساعه 9.30
رهف فاقت فتحت نت بتشوف الناتيجه النت ضعييييف وناتيجه نازله:ياربي علاش مباش يفتح اووووف
خشت مسنجر لقت فهد فاتح نت
رهف (صباح الخير شجو)
فهد(صباح النور تمام شنجوك)
رهف(تمام الحمدلله اسمع نتيجتي نزلت ف النت باهي واني نت عندي ضعيف هلبا من بكري نحاول ومباش يفتحلي نعطيك تشوفلي)
فهد ( اي عادي ابعتي الرقم متعك)
رهف بعتت الرقم
فهد بعد حوالي عشرة دقايق ( رهف جابر منصور صح ولا؟????????????)
رهف(يابارد قووول هيااا)
فهد يضحك(اهدي اهدي بنقول)
رهف(بلا جو زايد هياااااا قولها)
فهد (قالو رهف جابر منصور طلعت…..)
رهف دمها نحرق اتصلت بيه ع المسنجر:مبردك شن صاااار؟
فهد ضحك: غير اسمعي اهدي اشربي مية
رهف جنبها كوب مية شربت:شربت قوووول هيااا
فهد يضحك:شربتي مية باه خلاص اسمعي
رهف: فهد يادراااه هياااا
فهد ????????: كان نجحتي جيبيلي زردة باهي؟
رهف نهارت:شنييي كان نجحتي؟قصدك رسبت ????????
فهد يضحك: ربي يعوضك ف الحلقة الجايه ????????????
رهف: رسبت حاااق؟
فهد: مجنونه ناجح ممتاز
رهف ابتسم:حاااق باه اسمع كم درجات كم النسبه
فهد:ناجحه ممتاز يابنت شن تبي فها النسبه
رهف:كمممم باش نعطيك الزردة
فهد:91% مبروك
رهف: الله يبارك فيك صحيت ❤❤
فهد:سلمك ولو
رهف ضحكت بفرح:يلا باي
فهد: باي..وصكر الخط
رهف ايدها ع قلبها:الحمدلله ❤????????
فهد: الغزالة نجحت توا تبي هدية لكن شنو ????
رهف نزلت تجري لـ امها:ماما نجحت ❤
عايدة: مبروك رهوفه ????????روررررررري
رهف مبتسمه: يبارك فيك
طققق طققق
رهف فتحت:اهلا تهاني
تهاني: شجو
رهف:نجحت ❤❤
تهاني حضنتها:الف مبروك رهوفه عقبال الدكتوراء يارب ????
رهف:نشالله يارب ❤
تهاني خشت:نصيب وين؟
رهف: ف حوش عمي عثمان مع اسماء
تهاني:امشي قوليله تجي اني بنروح بكري راه
رهف شافت ولد تهاني: يوسف حبيبي امشي حوش عمي محمود نادي خالتك نصيب
يوسف عمره خمسه سنوات:باه ☺️..ومشي
رهف وتهاني ف الصالة: اسمعي اليوم بنمشو نزورو جدي
تهاني:حتى ني بنمشي معاكم
رهف:اوكي بعد الغدي ملا
تهاني:اوكي
رهف قامت بنت اختها:رزان نيتي ????
رزان ابتسمت صغيرونه عمرها سبعه شهور:????
رهف عطتها بوسها بلقوية:اححح محلاهاا ????❤
تهاني:وينهاااا اختك
نصيب خشت:اني هنيي
…
فهد طلع شاف الساعه 12الصبح ركب سيارته وصل لمحل:السلام عليكم وخيا نلقى عندك عصير وحليب خاص بمرضى السكر؟
صاحب المحل:اكيد
فهد خدي الكيس ودفع للحساب وطلع للمستشفى
فهد خش:صباح الخير
منصور:صباح الخير
فهد: كيف الحال؟
منصور:حمدلله وانت؟
فهد: عطوك يبره او دواء اليوم؟
منصور:لالا حولو التغدية بس
فهد: فطرت؟
منصور: اي فطرت
فهد:كويس جبتلك الحليب والعصير معادش تاخد ايا حليب وايا شي خود الحاجه الخاصه بيك فهمت عليا
منصور:اي صحيت
فهد :معادش تقول لا صحيت لا سلمك..ووقف ع الشباك
خت الممرضة: اهلين
فهد: اهلين بيك لو سمحتي نبي الجهاز مقياس الظغط
الممرضة ابتسمت:حاظر يلا..وطلعت
منصور شافله:علاش؟
فهد:انت رح تطلع ع مسؤوليتي لازم نتاكد من كل شي
منصور سكت
الممرضة خش مدتله الجهاز: تفضل
فهد خداه وقرب ع جده قامله الكمام ولف الجهاز ع ايده وقاسله وحوله مده للممرضة: شكررا
الممرضة خداته ابتسمت:العفو ☺️
منصور شاف فهد.اتعب ف الممرضة له عليك
فهد سحب الكرسي وقعمز وقال بغرور:لا تعبتها لا شي هادي خدمتها..وقعد يشوف ف هاتفه
الممرضه تحشمت وطلعت????♀️????????
…
بعد الغدي
رهف:بابا بنمشو للمستشفى باهي نشوفو جدي اني وتهاني واسماء ونصيب
جابر:اي عادي وامك؟
رهف:لالا ماما بتقعد بيجو خالاتي بكري كلموها قالولها بيجو
جابر:باه ويوسف بيمشي؟
يوسف ولد تهاني:مستشفى لالا نبيش
رهف:خايفهم يضربوه يبرة ????????????
جابر:????????
يوسف:????????☺️
…
بعد الغدي
جابر:الساعه 3.30 هي تمشو توا؟
تهاني:اي مهو اني بنروح بيكري راه
رهف:اوكي يلا
جابر نزل
…
منصور تغدى: تعالى تغدى
فهد:لالا تغدى انت
منصور تغدى
فهد وقف ع الشباك
الدكتور خش:السلام عليكم
منصور وفهد :وعليكم السلام
الدكتور: مشالله ياحاج منصور ولد ولدك مش مفارقك
فهد منصور سكتو
الدكتور سليم: يخليكم لبعض (شاف فهد) اليوم تقدرو تخرجوه
فهد: اي اكيد يلا جاي معاك..وطلع مع الدكتور
الدكتور وفهد نازلين من الدروج
نصيب وتهاني ركبو ف الدروج
فهد عرف تهاني شافله متع نظرت اهلا
تهاني ابتسمتله وخلاص وركبوو
رهف شاده ايده يوسه وهو يبكي:مافي شي وسيفه ماتخافش مافيش يبرة هني صدقني هياا
يوسف يجبد ف ايده وعيونه دموع:نبيشششش ????????
رهف شاده ايدها:امك ونصيب سبقونا يوسف مافيش يبرة هني هياااا الناس تشوف فينا
فهد وسليم نزلو يشوفو ف الولد يبكي وميبيش يخش قربوو وكانت رهف عطيتهم بضهرها
سليم:خيره يبكي؟
يوسف يبكي ويجبد ف ايده من رهف:نبيش نخش ????
رهف: خايف من اليبرة ????♀️..شافت فهد ????
فهد:دكتور سليم انت اسبقني ع الغرفة تو نلحقك الولد يقربلي
سليم:تمام..ومشي
فهد شاف رهف:خيره؟
يوسف:نبيش ????
رهف: اقلب وجهك اقعد ف السيارة ملا بعدين نتحاسبو باهي تو نوريك
فهد ركع ليوسف:شن اسمك انت؟
يوسف مسح دموعه :يوسف
فهد: اسمع يايوسف اني دكتور باهي ووعد ماحد يضربك يبرة وعد باهي؟
يوسف: نبيش
فهد: اسمعني انت راجل الناس تشوف فيك يقولو خيره الولد يبكي وهو كبير انت كبير معادش تخاف توا معقول راجل كبير يخاف من يبرة صغيرة كلمني راجل انت ولا بيبي؟
يوسف :مافيش يبرة هني؟
فهد ابتسم : مافيش يبرة
يوسف شد يد رهف:باه
رهف ابتسمت شدت ايد يوسف: طيب فيك ????
فهد وقف شافها: وين بنات عمك؟
رهف:كلمتهم قالو يشوفوه لم يرجع لحوشه ????♀️
فهد: واضح انكم مش من محبين الجد ????♂️
رهف:دخلكش انت نحبوه هو مايحبناش يحب فايز وبس
فهد: باهي باهي خيرك مندفعه اهدي
رهف:باي..وركبت مع يوسف
…
خش فهد نظم اموره مع الدكتور سليم
..
رهف خشت لجده: كيف حالك جدي
منصور: الحمدلله وين بوكم؟
يوسف سلم ع منصور وساكت ☺️
فهد خش سلم ع نصيب وتهاني:اول ماشفتك زبطك
تهاني:حتى ني ????♀️
فهد شاف نصيب:انتي نسيتك
نصيب:ورهف مذكرها
فهد شاف رهف: ندكر ف اسماء ومنى واماني وتهاني ونصيب انتي ندكرك لكن اسمك نسيته ورهف هادي اخر مرة شفتها كانت صغيرة هلبااا تقرا ف الاعدادي وقتها
رهف:تقرا ف الاعدادي وصغيرة ????
منصور:حتى هما خمسه سنين
فهد: منصور رهف نجحت ف شهادة توا تبي هدية منك
منصور شاف رهف وسكت
رهف ف خاطرها قفاص شوية ????
جابر خش:السلام عليكم هيا يابنات عندي خدمه اني اهو اطمنتو عليه خمسه دقايق
فهد: تمام يلا نوض يامنصور بنطلع حتى انت
وطلعوو مع بعض
….
يتبع…
لقراءة الحلقة السابعة : اضغط هنا
لقراءة باقي حلقات الرواية : اضغط هنا
نرشح لك أيضاً رواية أدوار وهمية للكاتبة أروى طاهر المسلاتي
