Uncategorized

رواية الوقوع في الحب الحلقة السادسة عشر 16 بقلم هبوش

رواية الوقوع في الحب الحلقة السادسة عشر 16 بقلم هبوش 

رواية الوقوع في الحب الحلقة السادسة عشر 16 بقلم هبوش 

رواية الوقوع في الحب الحلقة السادسة عشر 16 بقلم هبوش 

انزعجت جوري وفاتت كلامه وفتحت الباب طلعت نكاية فيه و ادم عصب لحقها 

تلاقوا مع ام غلا طالعة من شقتها بعد شبحت ادم الدم رقي لاوذانها مشيت لعنده ????

ام غلا/ بحقد… ااانت السبب في ضياع بنتي حسبي الله ونعم الوكيل ????

ادم/ لوسمحتي امشي شوفي بنتك وين ماتجيش اتفتتي وتحسبي عليا… 

ومشى بياخذ جوري من يدها وجوري نتشتاها

ام غلا/ تنكر انها كانت عندك… 

جوري/ ????

ادم/ بضيق… لا حول ولاقوة الابالله شن قااعدة اتخرفي بالله … 

وصوت ام غلا ارتفع وهي اتحسب عليه 

طلعت بنتها منال شدتها 

و هيثم سمع الصوت برا طلع عليهم 

منال/ خلاااص ياماما ارجوكي… 

ودخلتها للشقة 

هيثم/ يشبح لجوري كيف زعلانة… اااتفضلوا انستوا… 

وادم وجه عرقان ويشبح لجوري اللي عيونها معبية دموع وجها احمر من الغضب 

هيثم/ هيااااا ااتفضلوا ليش واقفين برااا…

وخشوا ادم وجوري والتوتر على وجوهم 

هيثم/ قعد اينادي على امه… خشوا اهلا وسهلا…

طلعت امه من المطبخ جت اتسلم بحرارة و طلعت اخته نجاة عمرها 35 سنة سلمت عليهم 

هيثم/ قرب لاخته… اهي اللي قلتلك عليها شن رايك فيها….

نجاة/ بصوت ضعيف… نجيها اتهبل… 

وادم وجوري كل حد في وادي و ايخمم من اللي صار وشن زعما ايصير ????

هيثم/شرفتونا والله… وشبح لجوري… كيف حالك ياجوري ان شاءالله احسن توا 

جوري/ الحم…قاطعهم

ادم/الحمدلله احسن 

جوري/????

ام هيثم/ حمدلله علي سلامتك يابنتي 

جوري/ ابتسمت… الله ايسلمك ياعميمة 

نجاة/ شن تحبوا تشربوا قبل العشاء 

ادم/ ماتعبش روحك 

هيثم/ لا مافيش تعب ديرلنا قهوة و هاتي عصير لجوري ????

ادم/????….

صبت نجاة ماشية المطبخ 

جوري/ عادي انجي انساعدك 

نجاة/ ابتسمتلها… عاادي تعالي…

مشيوا للمطبخ قعدوا ايديروا في القهوة ويتعرفوا 

نجاة/ عندك خوات وخوت اخرى 

جوري/ ايه عندي اخت وحدة اسمها ساجدة و ثلاث خوت شباب ????

نجاة/ ربي يحفظهم 

جوري/ آمين يارب???? وانتم كم اخت واخ 

نجاة/ عندي اختين اصغر مني متزوجات و خوي احمد الكبير متزوج وبعياله و هيثم 

جوري/ ربي ايخليهملك 

نجاة/ ان شاءالله 

جوري/ ديما اتجوا هنا ؟ 

نجاة/ لالاا اول مرة انجوا قبل هيثم ايجي زيارة بس سنة هذه مجاش وامي ماتحملش بلاه بكل صكرت راسها الا اتجي ???? 

جوري/ هههه هو الكبيدة 

نجاة/ اهها هذا مصاص الكرشة وقرعته زايدة ????

جوري/???? حتى اني كيف دكتور هيثم 

نجاة/ مالا انتي دلوعة الحوش 

جوري/ ???? دلوعة الحوش بس اما الحصة الكبيرة واخذها خوي عبود 

نجاة/ و ادم المسكين

جوري/ بنضرة استغراب… ادم و… 

قاطعهم هيثم خش عليهم 

هيثم/ وين القهوة ولا لقيتوها معاد ????

نجاة/ كان صبرت راه حجيت اهي صبينها 

جوري/????

هيثم/عيونه على جوري… ان شاءالله انحجوا… 

وخذا السفرة من نجاة وطلع قدامهن 

وادم مقعمز على جمر وعيونه ع باب المطبخ مش مركز على ام هيثم تحكيله على البهدلة في مطارات ليبيا 

مارتح الا لما شبح هيثم طالع ????‍♀️

هيثم/ لو ماجيتهم راه سقعت وهن ايهدرزن هههههه… و مدله القهوة 

ادم/ خذا الفنجان… الهدرزة عند البنات مالهاش نهاية ???? 

نجاة/ واااك حسدينا على هالخمس دقائق … 

جوري وام هيثم / ???? ????

هيثم/ ادم كلامه صح والله هذا حالكن حتى اللي ماتعرفوه اديروا معه هدرزة طويلة 

نجاة/ خلقنا ربي هك شن بنديرولكم… 

وخذت فنجانها وقعمزت 

ادم/ ولاخت نجاة دكتورة؟ 

نجاة/ لالا محامية 

هيثم/ و عضو في منظمة حقوق الانسان 

ادم/ اهااا ما شاءالله ربي يحفظك

نجاة/ ابتسمت… تسلم 

جوري/ مالا بنقعدوا اصحاب ????

نجاة/ واعز ان شاءالله … 

و قعدوا كل مرة ايهدرزوا على موضوع وبرضوا مزال مفتكرين ادم وجوري خوت ????

.

.

وصلت للكافي وقعدت مترددة مش عارفه ليش حسيت بالخوف و قلبي ضاق 

بعد خمس دقايق نزلت ومشيت داخل 

قعدت اندور في خالد لين ماهو اشرلي بيده نفخت ومشيت لعنده 

و معاذ كان وراي لما شافني امدرسة قدام الكافي تاكد ان اني نكذب ونزل وراي 

انا/ قعدت واقفة… هياااا قول شن تبي 

خالد/ بستهزاء…خيرك واقفة على راسي 

قعمزي انتفاهموا بروائق 

انا/ بغضب… اني مرتاحة هك تحكي ولا نمشي ????

خالد/ سند يده ع كرسي… قعمزي مانبيش ناكلك كلمتين وامشي ????

انا/ نفخت… يااارب الصبررررررر… وجيت قعمزت…هيا احكي عندي ماندير 

خالد/ حط يده على يدي… اااستحشتك 

انا/ شديت يدي وفنصت فيه…ااالزم اااحدوودك…

وكان في شاب مقعمز بعيد علينا و ايصور 

معاذ/ يشبحلنا بغضب… ????الله الله واخرى خاينة انا من الاول مارتحتلها ????

خالد/ باهي ياستي اهو… ورجع سند ع كرسي 

خالد/ شن هالقفزة الكبيرة والله برافو عليك

انا/ ???? خش في الموضوع مانبيش نضيع وقتي معك 

خالد/ اوكي… و فتح تلفونه… حبيبك السابق مزنوق و اكيد مش ح تبخلي عليه 

انا/ برفعت حاجب… الحكاية افلوس 

خالد/ عليييك نووور 

انا/ اهههه???? مش غريبة عليك النذالة 

خالد/ شكرا 

انا/ اوكي شن المبلغ اللي حاطه 

خالد/ ???? مش هلبا ع ناس تاكل في الملايين 

انا/???? الناس تخدم بعرق جبينها مش لقينهم ملوحات 

خالد/ مادخلنيش انا نبي 30 الف و يا دار مادخلك شر 

انا/ بصدمة????… شنوووو 30 ااالف!؟ 

خالد/ ايه الف يضرب الف ???? 

انا/ صبيت… لااا اانت انهبلت انقولك حاجة امشي دير اللي براسك… 

وجيت بنمشي

خالد/ مش خايفة الصورة توصل لزوجك 

انا/ ???? لا اصلا ندفع الف لاول مختص ايطلع الصورة انها فتشوب فا هنيلي روحك 

خالد/ وجهلي التلفون… وحتى هذه فتشوب????

انا/ ???? حقيررررر… 

وكانوا صور بعثهم الشاب ع الوتس وقت حط خالد ايده على ايدي وصور اخرى فيهم طالعة نضحك كان المصور واخذ صور باتقان امبين ان في علاقة ورابط بينا ???? 

و معاذ صبى بيروح وكان معصب هلبا 

رجعت قعمزت نسمع في شروطه وامتى نعطيعه الفلوس 

كنت في دوامة ???? وعقلي وقف تفكير ????

خالد/ ها شن قلتي موافقة؟ 

انا/ بلعت ارياقي… المبلغ كبير هلبا 

خالد/ بهزوة… شفتي كيف انك غالية تسوي المبلغ هذا واكثر

انا/ وانت ارخص من استيك الفلوس????… 

خالد/ ما علينا انقدروا في وضعك ????… واشر بيده????????… اشربي عصيرك روقي بيه… 

شبحت لكباية خذيتها بزعت العصير ع راسه من فوق خليته منصدم متشنج و كل اللي في الكافي يتفرجوا عليه 

انا/ خليتهالك تروق بيها… ????وخذيت شنطتي ومشيت 

خالد/ عض ع سنونه… يا بنت **** يلعن *** امك… ???? 

وشبحلهم يضحكوا ويهمسوا عليه صبى معصب وطلع من الكافي معسل بالمانجا ????????????

طلعت قعدت انلف بسيارة انخمم و مانبيش انروح توا للحوش غيرت طريقي ومشيت لحنين 

اما معاذ رجع روح الحوش و ناوي يكشف حقيقتي ليامن ????

وصلت لعند حنين فتحتلي امها الباب سلمت عليها وخشيت لدار الضيوف 

حنين/ خشت الدار… اااهلااا و سهلااا وينك معش رديتي ع التلفون يا حيوانة… 

وجت سلمت بالخد 

انا/ انشغلت والله و قلت انجي لعندك احسن نحكيلك فيس فيس 

ام حنين/ نمشي انديرلكن قهوة… وصبت طلعت 

حنين/ تعالي قعمزي شغلتيني احكي شن في 

انا/ عيوني جمعوا دموع… ملعوب طحت فيه مش عارفه كيف نطلع منه????

حنين/ بقلق… ملعوب شنو؟ 

انا/ خالد يستفز فيا بصور ويبي مقابلهم 30 الف ????

حنين/بصدمة????… شنووووو 30 ااالف طيح سعدك شن داااايرة وصووورررر شنوووو اللي ايهددك بيهم 

انا/معش تدعي عليا ساد ماسعدي طاايح افهمي اني مااادرت شي قلتلك ملعوب الكلب مركب صورة راقدة في حضنه و طالعة شبه عريانة ????

حنين/ خزي الحيوان اسمعي مافيش حل قدامك الا انك تحكي ليامن بيش يعرف الصورة مفبركة واللي معه مش انتي 

انا/ بحزن… حتى لو حكيتله مش ح يصدقني لان الوسخ صورني امبكري وانا معه في الكافي وطالعة فيهم على علاقة معه????????

حنين/ بغضب… يرزيني فيك ليش اااصلا تمشي لعنده واحد خبيث كيف تحطي فيه ثقة يااااغبية وين كااان عقلك ????

انا/ ببكاء… مااانعرفش ????

حنين/اووووووف شن اديري توا 

انا/ مسحت دموعي… نمشي لعزيز يعطيني حصتي من الحوش ونعطيه له

حنين/ بحمقة????… غبية اانتي ولا تستعبطي 

انا/ مالا شن ااالحل تبيه يبعث الصور ليامن و يطلقني ????????

حنين/ اسمعي مني امشي ليامن… قاطعتها

انا/لااا يامن لا انخاف مايصدقنيش 

حنين/ باهي احكي لعمك هو اللي ايساعدك 

انا/ لالا الافضل نعطي خالد الفلوس وننهي هالقصة من غير مايعرفوا ???????? اااه رأسي بينفجر 

حنين/ بوجع… سلااامتك حبيبتي…

قعدت عند حنين لبعد المغرب وبعدين روحت الحوش بعد خشيت لقيت الحاج وصفية اتفرجوا ع الاخبار و معاذ كان مقعمز ع صالون في جهة الثانية لما شبحني قعدت نضراته ليا نضرات استحقار و كره 

انا/ مساء الخير 

صفية/ مساء النور 

ح سليمان/ مساء الخير 

صفية/ كيف حال خوك وعيلته 

انا/ الحمدلله ايسلموا عليكم… وابتسمت… 

عن اذنكم نطلع لغرفتي 

ح سليمان/ خوذي راحتك… 

طلعت لفوق 

صفية/ لامتى هالوضع يا حاج دير حل ليامن ياكبدي مالحق يتهني بزواجه 

ح سليمان/ ماخليت شي وماترده الله غالب يتحمل كم شهر ويطلع هكي ما قال المحامي 

صفية/ وكيف ايجيني صبر ست شهور وليدي محبوس لا ياكل ولا يرقد كيف الناس ???? 

ح سليمان/ هذا ماكتب ربك 

معاذ/ وهي علاش ماتروح حوشهم بعد يامن مش قاعد… 

التفتوا الحاج وصفية شبحوله 

ح سليمان/ هذا حوشها سؤا يامن قاعد ولا لا 

معاذ/ بتمتمة… لاقية ناس طيبة تضحك عليهم ????

ح سليمان/ شن تقول 

معاذ/ صبى… انا ماشي لعبود 

صفية/ سلم على خالتك 

ح سليمان/ امشي بس ساعة 11 تقعد في الحوش سهرات زمان تنساهم 

عبود/ ???? باااهي يا حاج فهمنا هيا سلام… ومشى 

صفية/ شن تحب انديرلك عشاء 

ح سليمان/ اي حاجة 

…………… ????????????????????????????????????

في المانيا 

ادم مضايق من نضرات الاعجاب اللي تشبح فيهم جوري لهيثم وهو يحكي على شغله الانساني في الطب وجراحة القلب و كل تركيزه لجوري هو يحكيلها ونضرات الحب في عيونه 

خلت ادم غيران موت عليها مش متحمل قعادهم وصبى بيروح 

ادم/ اسمحولنا… وشبح لجوري… هيا ياجوري 

هيثم/ مزال بكري خليكم 

ادم/ تاعب شوية وناقص نوم الحق 

ام هيثم/ عاودوها ماديروش غيبة… وشدت يد جوري… نحن اهل وقت ماتحبي تعالي ماتحشميش 

جوري/ اي واعز ان… قاطعها 

ادم/ بمجاملة… بارك الله فيكم ماقصرتوا 

نجاة/ مادرنا غير الواجب… 

صبت جوري ودعتهم بسلام من جديد و هيثم بياكلها بعيونه وادم منتبهله والدم واصل لوذانه 

روحوا للشقة واول ما خشوا وصكر الباب 

ادم/ النااااس هذول معش تمشيلهم مااانبيش صحبتهم فاااهمة 

جوري/ حطت يدها ع خصرها… علاااش 

ادم/ بغضب… هك اااناااا ماحبيتهمش 

جوري/ قلبت عيونها… بس اااني حبيتهم وخشواا خاطري…

ونحت وشاحها وخشت دارها 

ادم/ يشبحلها محموق لحق عليها… مالناش صااالح بيهم و هذااا الزززفت حتى بعد اااتشوفيه معش تاخذي وتعطي معه ????

جوري/ بمكر… ماااتدخلش في حياتي اااني حرة اندير اللي يعجبني 

ادم/ قرب منها… جووووررري ماااتخلينش انعصب علييييك ????

جوري/ببرود… مافيش داعي اتعصب اني ماقلتش حاجة غلط كيف ماعندك خصوصياتك عندي خصوصياتي????

ادم/ بتفنيصة… اللي شفتيه كان من زمان وقت كنت مش مرتبط بيك صح كنتي في قلبي بس ما… قاطعهاته 

جوري/ بعياط… خلاااص مااايهمنيش مااانبيش نعرررف خليني في حااالي و ااانت ماااعندكش سلطة علياااا انشوف من ولا نكلم م…

قاطعها شدها وباس فمها بالقوة ????????❤

جوري/ دفاته بغضب … وووخرررر معش تلمسني ااااني نكرررهك ونتقرررف منك 

ادم/ غمض عيونه وبنفس طويل… جوووري بالله عليك ااارحميني انا نحبك وربي نحبك فوق ماتتخيلي… قاطعاته

جوري/ بتقرف… اللي ايحب ايخون ويغدر بحبيبه اللي كان بين الحياة والموت خلاص بطل كذب ونفاق 

ادم/ شن قصدك ااانتي على شنووو تحكي 

جوري/ ضحكت هزوة… ههه على جارتك اللي درت معها علاقة يوم وهربت من عندك ولا حتى هذه كان في الماضي قبل ماترتبط بيا ????????

ادم / لاااا والله مافي حاجة بينا ولا البنت نعرفها كل ما في الامر جت عندي بالليل وكذبت عليا وان… قاطعته

جوري/ صكرت اوذانها… مزلت تكذب خلاااص ااااطلع ماانبيش نسمع شي 

ادم/ بزعلة… ااوكي… 

وطلع خش داره زعلان والخوف بدا يدخل لقلبه تدرجيا بعد حس بتغير جوري اللي كانت تتكلم بثقة وقوة مش متعود ايشوفها عليها 

.

بعد ثلاث ايام 

قعد خالد يتصل ايذكر فيا بالفلوس والصور و كل يوم ايفوت ايزيد ايهددني بزيادة المبلغ 

اضطريت نمشي لعزيز في الحوش ????

انا/✊✊

سيدرا/ اااي هيااا جاية…وفتحت الباب 

انا/ ???? هلااا حبيبتي سيدرا ???????? 

سيدرا/ نقزت عليا… اااعميمة تحشتك????

انا/ ياعمري حتى اني مستاحشتك … 

وشبحت للحوش

انا/ بوك قاعد 

سيدرا/ اايه خشي ياعميمة… 

انا/ خشينا الحوش… قعدات رية وسكينة 

سيدرا/???? شادة ضحكتها بيدها… اييه ههههههه ديري بالك يا عميمة راهو يقتلوك ويسرقوا ذهباتك ????

انا/ ضحكت… كان شي اني نقتلهم بالكي نحصل منهم حاجة تنفعني???? 

سيدرا/ ????????… وخشت تجري قدامي

سيدرا/ ااااعميمة وررردة جت 

انا/ مساء الخير 

نجوى/ مساء النور اهلا 

انا/ سلمت بالخد… كيف حالكم 

نجوى/ من ربي الحمدلله تفضلي قعمزي

انا/ وين عزيز… وجيت قعمزت جنب مهند خذيته في حضني قعدت نبوس فيه

نجوى/ بتمتمة… قااعد داااخل ????

انا/ سيدرا امشي نادهولي… 

مشيت لعنده دقت عليه 

سيدرا/ يابابا يابابا 

مريم/فتحت الباب… خيرك شن في 

سيدرا/???? عمتي وردة تبي بابا 

عزيز/ من داخل… بااهي توا انجي 

مريم/ لوت وجهها… من زمان القمر مابان شن خطر عليها اتجي ????

عزيز/ نزل من ع سرير… اسمعي وجع راس فكيني منه عاد تقعدوا ثلاثتكم فوق راسي هلبا والله…

وطلع من الدار وجاء خش لدار المعيشة 

عزيز/ زارتنا البركة اهلين وسهلين 

انا/ البركة في اهله…وسلمت عليه باليد 

عزيز/ كيف حالك 

انا/ الحمدلله 

عزيز/ قعمز جنب نجوى… مزال راجلك في الحبس 

انا/ بضيق… اايه 

عزيز/ غريبة ليش ماطلع دام الحادث قضاء وقدر 

انا/ عيلته ماتبيش اتنازل 

عزيز/ همممم 

نجوى/ يناري مزال عريس عليك حظ حظكم ????

انا/ اي الله غالب مكتوبلنا… وابتسمتلها مجاملة… وشبحت لعزيز 

انا/ نبيك في موضوع وحدنا 

عزيز/ شبح لنجوى… خوذي الصغار وخشوا داركم 

نجوى/ لوت وجهها… هيا يا سيدرا هاتي خوانك…

وطلعت و اوذانها علينا قعدت في صالة و قالت لسيدرا تخش مع خوتها دارهم 

عزيز/ شن الموضوع 

انا/ الحوش…

جت مريم لنجوى جنب الباب اتنصت

مريم/ شن اديري هنا 

نجوى/ اوووص خليني نسمع… 

قربت مريم اتصنت معها 

عزيز/ خيره الحوش 

انا/ بيعه واعطيني حصتي 

نجوى ومريم/????????

عزيز/شنوووو انبيعه؟ وعلاش انبيع فيه 

انا/ نبي حقي من الحوش 

عزيز/ بغضب… نعم نعم حقك 

انا/ ايه حقي اني محتاجة افلوس ونبيهم هاليومين ضروري 

عزيز/عصب… محتاجة افلوس! وراجلك ليش مايعطيك وعنده الملايين 

انا/ مدخلني اني نبي حقي من مراث بوي 

عزيز/ بغضب… الحوش مش ح اااانبيعه 

وهذا اخر الكلام دبري راسك

انا/ عزيز هذاااا حقي كيف ماتعطيه ليا 

عزيز/ بحمقة… اااي حق واانتي تحتك افلوس ايكفوا عشرين عيلة العمر كله وجاية اتضايقي فينا في حوش قديم ما يسوى مية الف 

انا/ تنهدت… مضطرة لو ماكنت محتاجتهم ماكنت طلبت قرش 

عزيز/ شووفي يابنت بوي الحوش حوشي تبي تشكي في المحاكم امشي اشكي اما انبيع حوش اوييني اني وصغاري عشان حضرتك هذه بعيدة على عينك ????

انا/ صبيت… ولا مرة وقفت عليك وقلتلي تم يا اختي بااهي اسالني لاشنو محتاجتهم بالكي طايحه في مصيبة باا… قاطعني 

عزيز/ بغضب… ان شاءالله اتكوني طايحة في النار حوشي مستحيل اانبيعه 

انا/ بغضب… اوكي صحيت… 

وطلعت من الدار لقيت السوس يتصنت شبحتلهم بتقرف ومشيت 

وجعتني نفسي ماعنديش سند ماعرفتش شن الحل ولا وين نمشي اخر شي قررت نتصل بخالد 

خالد/ اوووو القلوب عند بعضيها توا كنت نفكر فيك 

انا/ بتفاف… من الاخير ماعنديش ال30 الف لو تعصرني ماتحصل ربعهم 

خالد/ بستهزاء… ههههه حنيت عليك والله مسكينة 

انا/ هذا اللي عندي لو عندك ولاية وتخاف عليهم ايصير فيهم مصارلي توا تخاف ربي فيا ولو ديوث وماتفرق معك يبقى عليهم العوض… وصكرت الخط 

خالد/ الوووو… وشاف تلفون… الله يااخذك … عاود اتصل 

خالد/بعياط… كلاامك مايمشيش معااي عندك اسبوع والا وقسم بالله 

انا/ ماعنديش بيش تفهم 

خالد/ انا مادخلني اتجيبلي حتى نصهم ونستناك في الباقي 

انا / اعطيني يومين انبيع ذهباتي ونعطيك حقاتهم وكل مانخلص ندفعلك شنوو موافق 

خالد/ اوكي … 

صكرت منه وكملت طريقي للحوش 

بعد وصلت خشيت مضايقة ???????? انفكر في هلبا حاجات ????

بعد بدلت حوايجي خذيت تلفون واتصلت على يامن بس ماردش كنت محتاجه نكلمه 

خليت تلفون جنبي وسندت ع السرير انفكر نحكيله كل حاجة ونرتاح وانريح راسي كيف ماقالت حنين ????

بعد وقت اتصل قعدت نشبح للتلفون نحكيله ولا لا وبعد تردد رديت 

يامن/ الوو ياوردة شنجو 

انا/ الحمدلله تمام…وسكتت ارتبط اللساني

يامن/ شن درتي بعد روحتي 

انا/ بلعت… ماااادرت شي كساد حتى الشغل اليوم مامشيتش 

يامن/ ليش حبيبي شن فيك حتى صوتك مش عاجبني

انا/ صداع بس ماتشغلش بالك 

يامن/ خوذي اجازة كم يوم ارتاحي ماترهقش نفسك 

انا/ اي… وقعدت ساكتة 

يامن/ الووو ورردتي

انا/ بضيق… ايوة حبيبي 

يامن/ انتي كويسة؟ 

انا/ ايه الحمدلله 

يامن/ وردة قولي شن اللي امضايقك 

انا/ متوترة… ااااا ني ااا نا…وسكتت 

يامن/ انتي شنو 

انا/ قلبي ايخبط… مستاااحشتك 

يامن/ وردة في حد زعلك في الحوش 

انا/ ???? لا

يامن/ قلبي راهو مش مرتاح وخايف عليك 

انا/ بلعت بخوف… لالا حبيبي ماتخافش اموري تمام 

يامن/ ان شاءالله وين قاعدة 

انا/ في دارنا 

يامن/ فيش اديري 

انا/ شي نهدرز مع حبيبي ????

يامن/ اخ منك حبيبك مستاحشك موت ومتمني ايجي يرقد في حضنك 

انا/ ياحليلي ع الرومنسي ???? وين كنت داس الكلام الحلو 

يامن/ انقولك شن اللي خلاني انعاديك 

انا/ اي قول 

يامن/ في يوم كنت جايك المكتب سمعتك تحكي لصاحبتك وتقوليلها ساهل جدا تتحايلي عليا واللي تبيه تاخذيه و ان اني عجينة لينة تقدري اطيحني في المصيدة 

انا/ ااااايي اسمعت هذا بس 

يامن/ ايه 

انا/ وشن فهمت منا 

يامن/ واضح انك تلعبي عليا وراسمة على طمع 

انا/ هههههه يعطيهالك ماهو لو سمعت قبله وبعده شن حكيت كنت عرفت وفهمتني 

يامن/ باهي قوليلي شن اللي ماسمعته 

انا/ كنت انجاوب على سؤالها قالت حبيتيه يا وردة واني قلتلها من اول يوم شبحتك 

حبيتك وخايفة ماتحبني كيف ما انحبك و المصيدة هي الخطة اللي مديرينها عليك اني والحاج بيش اتغير و اتشك فينا ????

يامن/ اووف اوف للدرجة اني اهبل والله العبتوها صح الحق لما الحاج قال عندي خبر مهم بيقوله لنا تخيلته يبي يتزوجك لهذا سبقته بغبائي وقلتله نبي وردة و اخطبها ليا يا عليك غلطة ????

انا/ بنبرة زعل… قصدك زواجنا غلطة 

يامن/ واحلى غلطة بحياتي كلها 

انا/ بتوتر… نسألك تجاوبني حق 

يامن/ اسالي 

انا/ واثق فيا؟ 

يامن/ اكيد 

انا/ بلكلكة… يامن اااني بنحكيل… 

قاطعني دق باب داري ✊✊✊✊✊

يامن/ انتي شنو 

انا/ اشوية نشوف الباب… 

يامن/ تمام…

ونزلت نشوف من ومزال يامن ع الخط 

انا/فتحت الباب… اهلين معاذ 

معاذ/ بغضب… هما كلمتين ياما تمشي لحوشكم برضاك او تطلعي بالقوة غصب عنك 

يامن/????

انا/ ???? خيرررك يا معاذ ليش تحكي معاي هكي ضايقتك من غير مانعرف ولا حاجة 

معاذ/ شبحلي من تحت لفوق… اشكال اللي زيك ماعندهاش مكان هنا وانتي تعرفي معني كلامي كويس ????…

ويامن يسمع في خوه قريب يهبل 

انا/ مانعرفش على شن تحكي… قاطعني 

معاذ/ فنص عيونه…اسمعي انا مش يامن بيش اتمشي الاعيبك عليا و مش ح تقدري تنكري يا ساقطة انك تمشي لعشيقك اتلاقي معه وعلى علاقة حتى قبل ماتتزوجي يامن 

انا/???? اااحترم نفسك شن قاااعد اتخربص 

يامن/ من ع تلفون… معااااذ يااااكلب صكررر فمك

انا/ ايديا يرعشوا حطيت تلفون ع اوذاني… لا مش صح ااا… شد مني معاذ تلفون 

معاذ/ بعياط… هذه **** وسخة ماااتصدقهش

انا/ ???? 

يامن/ بعصبية… يااااحيواان الله يلعنك قاااعد تسب في مرررتي ????…قاطعه

معاذ/ بحمقة… شفتهااااا بعيني اااتخون فيك اااافهم الزززح

انا/???? لااااااا

يامن/ بلكلكة… ش شن تخرررف 

انا/ نشبح لمعاذ… ااانت فااهم غلط 

معاذ/ وقسم بالله مانكذب عليك… وفنص فيا… قوووليله من اللي تتلاقي معه بعد تطلعي من الحوش و تكذبي اتقولي كنت في حوش خووووي تنكري كلااامي ????…

و يامن قريب يطلع علينا من التلفون نار ????شعلت فيه و اعصابه فلتوا قعد وجه اسود 

انا انصدمت معش عرفت شن نقول قعدت مرتبكة ونشوف لمعاذ ويامن ايعيط عليا من تلفون نحكي شن فيه????

انا/ بتوتر… مش كيف مااانت فااهم انا مااا …

معاذ/ خلاااص مااتنكرش كشفناك على حقيقتك توااا ترجعي من وين ماجيتي …

يامن/ بعياط… معاااذ ااااعطهاالي… 

خذيت تلفون نرعش 

انا/ يااامن خليني ااانفهمك 

يامن/ بغضب… يعني كلام معاااذ صح ????

انا/ بربكة… ممش ههكي اامغير ااسمعني ????

يامن/ بضيق… ششششن بنسمع بعد االلي سمعته لهدرجة انا غبي تضحكي عليه ????

انا/ ببكاء…لااااا يا يامن اااعطيني فرررصة ااانفهمك 

يامن/ بثقة… وررردة امشي لحوش خوك ومعش نبي نسمع عنك حاجة اااانتي طااالق… 

معاذ/????… ومشى 

انا/ بلعت ارياقي… ياااامن حرررام عليك خليني نوووضح… 

قاطعني تلفون طوط طوط صكر عليا ورفض بعديها ايرد عليا 

انسودت الدنيا بوجهي و ضعت فوق ما اني ضايعة????????

في المانيا 

كان ادم نازل ماشي ياخذ في حاجات من محل تحت 

والباب قعد ايخبط صبت جوري تفتح 

هيثم/ مساء الخير يا جوري 

جوري/ اهلين يادكتور 

هيثم/ بلع ارياقه… نعرف ان مش مكان مناسب لسؤالي بس معش شفتك وانا محتاج نصارحك قبل ما امي اتجي لعندكم وياريت اتجاوبيني بصراحة 

جوري/ بستغراب… على شنووو 

هيثم/ شبحلها بحب… ااانا يااا جووري معجب بيك و يشهد عليا ربي ماعنديش في جو البنات والعلاقات ومن اول ما شفتك خشيتي قلبي وحبيتك 

جوري/ ????

هيثم/ طالب منك حاجة وحدة لو كنتي مش مقتنعة بيا ك زوج ارجوك فكري كويس قبل ماتردي عليا ونوعدك لو صار نصيب ناا… قاطعه ادم واقف وراه 

ادم/ ايشده بعصبية????… يااااابن*****

جوري/ ????

يتبع..

لقراءة الحلقة السابعة عشر : اضغط هنا

لقراءة باقي حلقات الرواية : اضغط هنا 

نرشح لك أيضاً رواية رقية للكاتبة هاجر محمود.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى