Uncategorized

رواية تزوجت عاشقة فجعلتني أعشقها الفصل السادس 6 بقلم عائشة البشير

 رواية تزوجت عاشقة فجعلتني أعشقها الفصل السادس 6 بقلم عائشة البشير
رواية تزوجت عاشقة فجعلتني أعشقها الفصل السادس 6 بقلم عائشة البشير

رواية تزوجت عاشقة فجعلتني أعشقها الفصل السادس 6 بقلم عائشة البشير

** سيخبرك بأنك مختلفه عن الكل… سيقول لك أنا معكِ مهما حصل… سيقول لن أترككِ مادمتُ حي… ويخذلكِ ** 
فرح لما قالي خالد في الليل أنه مروح، قعدت طول اليوم نستني في مكالمه منه أو يجيني بس لما ظلمت الدنيا، عرفت أنه كلامه ليا كان كله وهم، طبيعي راح يصدق أهله في النهايه
تصدقو ماأثرش فيا غيابه عادي حاسه روحي تعودت على الخذلان معاش يهمني حد، تعلمت أنه الدنيا محطات، توقف في كل محطه وانت وحظك ياتطلع في المحطه الصح وتكمل حياتك، ياأما تقعد تلف وإدور في وجهتك الصحيحه
فاتوا الأيام وطلبت من بابا يسجلني في الجامعه، طبعا كنت رافضه نحكي السبب اللي مخليني نقعد في حوش أهلي طول هالفتره
علي: يافرح أحكيلي على الأقل مرات خلاف بسيط وينحل ليش تكبير الأمور
فرح بحزن: أني خديت عهد على روحي مستحيل نحكي اللي صار إلا وخالد موجود غير هكي لا
علي: الناس بدت تأكل في وجوهنا يابنتي ليك شهرين عندنا ولاجي حد ولا دورك، ولاأنتي خليتينا نمشو ونفهمو اللي صاير ولانتفاهمو مع الناس
فرح بحزن????: علاش مليتو مني معقوله تبو ترموني هكي، المفروض هما اللي يسألو ويدورو، أني ماغلطتش فيهم ومادرتلهم شي، وهما بينهم وبين ربي????
علي: باهي فهمينا شني القصه، حتي خالد كلمته كم من مره تليفونه مقفل معاش فهمت شي، ربي يهديكم وخلاص
خالد كنت في موقف صعب كنت بين نارين، معاش قدرت إنكلم فرح شني بنقوللها لو رديتك أنتي تطلق أمي !!
فاتو شهرين وكأنهم سنتين، ماخليتش شيخ إلا وسألته، مافيش شيخ سمعت بيه إلا ومشيتله ودورته، بس المشكله كل مانقول لبوي على الكفاره لحلفانه يرفض وقاعد مصر على رأيه،????
 وصلت بيا الدرجه كرهت أهلي كلهم مافيش حد واقف معاي كل همهم مصلحتهم وبس، قعدت شهر كامل معاش شفتهم وحتي المحل معاش مشيتله وحتي تليفوني كنت نكلم أمي ووليد ونسكره، قعدت جسد من غير روح????????
طول الفتره اللي فاتت كان وليد هو اللي يصبر فيا ويهون عليا بكلامه، فعلا كان خوي اللي ماجابته أمي، حتي خوتي الأصليين مادوروني ولاعدلو عليا هكي
“”” الأخ اللي ماجابته أمك سند تلقاه…ولدته الدنيا لك دون المصالح “””
وليد: مشكلتك ياخالد إنك لهيت في حلفت بوك، وسيبت المشكله الأساسيه
خالد بحزن: والله تعبان ياوليد معاش عرفت أي مشكله نحلها هيا الأولي، تخلطت عليا من كل جهة، تعرف حاجه واحده نبيها بس يردوهالي???? وإن شاءالله يتفجرو مع بعضهم????
وليد هو اللي حاس بخالد أكثر واحد لأنه جرب هالشعور، تنهد بحزن???? : أسمعني كويس، لازم تحل موضوع أختك هو الأول، يعني تعالجها قبل وتعرف مني اللي دار هالشيء، وقت يبان الحق توا تشوف كل تنقلب كل الموازين لصالحك????
خالد بأسف????: تي وين بنرفعها، وأحني ماخلينا شيخ ولافقي ومافيش فايده، تقول تصب فيه في البحر
وليد: غير في واحد سامع بيه من قبل، أعطيني يومين ونجيبلك مكانه بالضبط، بإذن الله هذا يقدرها
خالد: لازم يجي للحوش راهو، بوي رافض أنها تطلع خايف ننفضحو قدام الناس وبعدين شني بيخلصنا من لسناتهم 
وليد: توا نشوف ونكلمك، بس أنت كيف ماتكلمش مرتك طول هالفتره، عيب حتي قدام أهلها
خالد بحزن: خايفه نضعف قدامها???? مانقدرش نسيطر على روحي????، شن بنقول لو سألوني عن السبب نتحشم نقوللهم اللي قاله بوي، وقتها معاش تنحل بكل وراح يسكروها حتي هما عليا، مستحيل يرجعوهالي بعدين☹
وليد: أنت غير كلمها فهمها هيا، وبعدين هيا أكيده حكت لأهلها اللي صار
خالد بشك: ماأعتقدش تكون قالتلهم، كان هذا مايسكتوش على ظلم بنتهم لهالوقت هذا
وليد يكح: الله أعلم لكن مهما كان المفروض تكلمها، حرام تظلمها حتي أنت
خالد بخوف????: إن شاءالله خير، خيرك ياوليد مريض؟
وليد: شكلي حصلت برده، عاديه
خالد: شن صار في موضوع بوك، بتجي ولامازال طولتها راهو !!
وليد????: والله ماعارف نحس في روحي قاعد مش جاهز باش نواجهه
خالد: دير اللي يريحك، أنت أدري بمصلحت
ك، بس على الأقل تشوفه تطمن عليه مهما كان هذا بوك في النهاية
وليد تنهد بحزن☹: ليش أحني أهلنا هكي، من صغري كنت ديمه نسمع في صحابي كيف يحكو على أمهاتهم وأبهاتهم، كيف يلعبو معاهم، كيف يطلعو مع أهلهم، كيف ينصحو فيهم لا هكي عيب لاهكي غلط لاهكي حرام، تخيل أحني تربينا بالفطره مافيش حد ورانا الصح من الغلط،
 عيلتنا مشتته من يومنا كل واحد يغني في موال بروحه، مافيش حد يدور الثاني، وأكبر دليل حتي بعد ماكبرنا كل واحد همه نفسه وبس، وفراقنا كان أسهل مايكون بعد القصه اللي صارت معانا????
خالد: أحني مش هكي من صغرنا عيله محافظه وملتزمين ببعض، صح بوي كان طول الوقت مشغول ويخدم، بس أمي ماقصرتش ربتنا أحسن تربية، أني من صغري يقولولي أني عكس خوتي في كل شي، بس الفترة اللي بعدت فيها عليهم حسيتهم خدو على غيابي معاش يعدلو عليا، عادي عندهم شافوني أو ماشافونيش، حاس روحي زايد عليهم، بدليل أنه قريب شهر معاش شفتهم ولافي حد سأل عليا حي أو ميت، تعرف اللي كاسرتني أمي كان هذا راهو من زمان هجيت وخليتهالهم????
وليد تنهد بحزن: الحمدلله على كل حال، كل واحد ونصيبه في هالدنيا، قاعدين خير من غيرنا هلبا
خالد سكرت التليفون وقعدت نتلفت لكل زوايه في الدار اللي كانت معبيه حوايجها اللي  موزعهم في كل مكان وريحتها اللي مغرق بيها الدار والحوش كله، قاعد نتخيل فيها في كل مكان في الحوش، لحظات نلمح فيها واقفه في المطبخ، مش مفارقتني ولا لحظه لا في الواقع ولاحتي في الحلم، أعتقد هالشيء فات العشق غادي????????
تنهدت وقعدت نفكر في كلام وليد زعما نكلمها، شفت للساعه 2 ونص الظهر، تشجعت ورنيت على رقمها وأني إيديا يرعشو، كنت متلهف لصوتها زي لهفة العيل لحضن أمه اللي إنحرم منه سنين????????
فرح كنت كيف طالعه من المحاضرة ورن تليفوني توقعته سالم بيقولي أني برا أطلعي، بس إنصدمت لما لقيته خالد???? وقتها سيطر عليا الخوف، تصدقو خفت أنه يكون متصل باش يطلقني، مهما كان اللي عشته وأنه مش فارق معاي، بس هالموضوع صعب أي واحده تتقبله بسهوله وخصوصا في هالمجتمع، 
تنهدت براحه لما فصل الخط، بس رجع رن ثاني، حاولت نشجع روحي وفتحت الخط وأني جسمي كله يرجف،
خالد لما ماردتش المره الأولي قلت عندها حق كيف راح ترد عليا عادي ولاكأنه صار شي، بس قلت مرات مش جنب التليفون خلي نعاود إنرن ثاني، شوقي غلبني هالمره، وأني إستسلمت????
فرح حاولت نتصنع القوه: أيوا
خالد ااااه ياقلبي كيف تحملت غيابها هكي????: فرحتي????
فرح قعدت نهز في رأسي يسار ويمين لا لا إلا هالكلمه، قادره تهزمني، تنهدت بحزن: نعم
خالد بضعف: إستاحشتك ياروحي❤
فرح إبتسمت بهزوه: لا والله شكلك فاضي، مالقيتش غيري تتسهوك عليها????
خالد عندها حق في كل اللي بتقوله بحزن????: اااااه لو تعرفي كيف عايش من غيرك، لو كنتي حاسه بعذابي ولو شويه، مستحيل تحكي هكي
فرح????: ماعندكش حق تلومني، أصلا كيف عندك عين تكلمني بعد هالوقت
خالد بحزن????: شوقي غلبني، معاش قادر نصبر، فراقك موت بطئ، قاعد ينهش جسمي من غير رحمه????
فرح تنهدت بأسف: شني تبي ياخالد؟؟
خالد بحزن: أنتي بس ياروحي، مش طالب من ربي ومن كل هالدنيا غيرك أنتي بس????????
فرح????: بس أنت وهم بالنسبه ليا، وأني ماسلمتش من الواقع، باش نتبع الوهم
خالد????: فرح ياعمري، عندك كل الحق، بس خليني نفهمك
فرح: كل شي واضح ماعندك ماتفهمني، بس ياريتك ماعطيتني أمل فيك، مادامك تبي تكسرني حتي أنت ليش تكذب عليا بحكيك، ليش تقولي مصدقك وأنت تشوف لعيني وتضحك، قعدت نبكي: كيف هنت عليك تخدعني هكي كيف????
خالد كلامها كان ينزل على قلبي زي السم، لا كل شي إلا دموعها: لا ياروحي لا ليش الدموع، وحياتك عندي مافكرت في يوم نخدعك، ولاحتي كذبت عليك، أنتي روحي مستحيل تهوني عليا????
فرح: شهرين مش يومين راهو، عندك علم قداش سمعت كلام وسكتت، قداش إنجرحت وتحملت، قداش تهامسو عليا وتجاهلت وقداش وقداش وقداش !!!
خالد: والله عارفك إنظلمتي هلبا، بس حتى أني إنظلمت انت ماتعرفيش شن صار معاي 
فرح بدموع????: ياريتك بس جيت ووضحتلي موقفك، أني كنت عارفه إنك راح تصدق أهلك بس ياريتك سمعت مني زي ماسمعت منهم، ليش تحكم عليا من كلامهم
خالد: وحياتك يافرح ماصدقتهم ولاعمري راح نصدقهم، أني واثق أنك مستحيل إديري شي زي هذا، صدقيني ياعمري والله كنت طالع وجايك طول من غير مانعدل على ولا واحد، بس اللي صار كان أقوي مني????
فرح بحزن: شن هو اللي ممكن يخليك تغيب شهرين من غير لاتجي ولاتسأل ولاحتى تتصل باهي حتى مسج ياخالد، حتى هذي أقوى منك
خالد هذا وين عرفت أني غلطت هلبا لما سكتت، ومحاولتش حتي نكلمها ونفهمها اللي صار بس كنت ضعيف وماعرفتش كيف نتصرف،
إنهزمت وإستسلمت للأمر الواقع: باللهي يافرح أعطيني شوية وقت بس، تتحسن خلود ويبان كل شي، والله وقتها معاد يقدر حد يبعدك ع
ليا لو شني مادارو 
فرح: أني توا معاش يهمني حد لا أهلك ولا خلود ولا أنت ولا حتى حقي على ظلمكم ليا، الشي الوحيد اللي يهمني أنه ورقتي توصلني باأسرع وقت????
خالد بسرعه????: أسمعيني يافرح مش هك….. وسكتت لما قطعت عليا
فرح بغضب????: أسمعني أنت، تشكرو ربي وتحمدوه أني قاعده ساكته، وماحكيتش ولا شي من اللي صار لأهلي وإلا كنتو شفتو شن صار فيكم????
خالد شكي طلع في محله عرفت سكوتهم هكي، لأنه ماعندهمش علم بشي، برجاء: ورأسك يافرح لو عندي خاطر عندك ولو شويه، تعطيني شوية وقت، ماتحكيش شي لأهلك مادامهم مايعرفوش، ماتزيديش تصعباها عليا باللهي عليك، أني مستحيل….وسكتت لما سمعت حد يحكي معاها
((دكتور عامر????: أهلين يا فرح، كملتي البحث؟؟
فرح فاجأني الدكتور مافهمتش منين طلع????: أهلا، مازال حاجات بسيطه ونكمل إن شاءالله
د.عامر????: تمام أحتجتي أي شي أني موجود
فرح توترت لما نسمع في خالد يعيط في التليفون،  لأنه الخط قعد مفتوح????: تمام، شكرا))
خالد إنصدمت هذا مني اللي يحكي معاها،وبحث شني !! ولا يقوله أحتجتي شي أني موجود، معاش قدرت إنسيطر على روحي، بعياط????: فرح مني هذا؟؟ ردي نكلم فيك، ينعن???? مني اللي تكلمي فيه، مني هذا؟؟
فرح بهدوء: نعم ياخالد
خالد بغضب????: كويس تميتي كلامك قبل يامدام !! مني هذا اللي كنتي تحكي معاه؟؟
فرح: هذا دكتوري في الجامعه
خالد إنصدمت????: كيف !! أي جامعه !! أنتي شني تقولي؟؟
فرح: أني سجلت في الجامعه وبديت نقرأ، ياسرني السنه اللي راحت من عمري على الفاضي 
خالد????: وأني وين رأيي، كيف تقري من غير علم راجلك، أهلك كيف سمحولك؟؟ وأنتي كيف أصلا إديري حاجه زي توا من غير علمي؟؟
فرح زفرت بملل، ديمه الغلط فيا????: أولا تقدر تقولي وينه راجلي اللي تحكي عليه، وأني ملوحه ليا شهرين عند أهلي ولايندري عليا حيه أو ميته،
 وبعدين يكون في علمك بوي لأنه راجل ويعرف في الأصول أتصل بيك قداش مره وانت مسكر تليفونك، وبعدين بالك عابي أنك راح تتحكم فيا لا ياخالد كل شي تغير خلاص، ورقتي توصلني في أسرع وقت فاهم، ماتخليناش نتقابلو في المحكمه لأنه مش راح يصير خير وقتها، وسكرت الخط وسكرت التليفون بكل????
خالد تفاجأت من كلامها واخذه قرارها وتامه الموضوع وأني☹ وقلبي???? وروحي????كيف إدير فيا هكي، عاودت إتصلت مره وإثنين وثلاثه، بس للأسف مقفل، فكرت نكلم بوها أو واحد من خوتها بس شني راح إنقول بعد الوقت هذا كله.
لازم إندير موقف، مافيش حد خاسر إلا أني????
نضت وطلعت ماشي لحوش بوي، كنت مقرر خلاص لازم تنتهي هالمهزله ليش أني الوحيد اللي ننظلم بينهم، ليش أني ديمه اللي غلط وهما الصح، خلاص حتي أني معاش يهمني حد????
** عشت الحياة متسامح.. لا أحمل ضغينة لاأحد في قلبي ولا يستهويني الإنتقام..
 ولكن !! وحق من خلقني وخلقك…
ضياعك مني لن أتسامح فيه وكل ضغائن الدنيا سيتسع لها قلبي ضد من تسبب بها…
حتي وإن كان هذا الشخص من أغلى الناس عندي.. فلا يوجد أحد أغلى منكِ **
 وصلت وخشيت وإستغربت كلهم مقعمزين في وسط الحوش، أمي وبوي وخليل وخيري ومنال وخوله وحتى خلود مقعمزه وهاديه غريبه???? بس الأغرب كان فيه شيخ يلود عليهم ويقرأ في الرقيه وأشياء مافهمتهاش بوضوح لأني كنت مصدوم باللي قاعد يصير قدامي
قربت وقعمزت في جنبهم لما أشرلي بوي بإيده أني نقعمز، قعدنا دقايق على نفس الحالة، بس كلنا تلفتنا بصدمه لما إنهارت منال بالبكي، ولحظات وبدت خلود تعيط باأعلى صوت، كلنا فزعنا من المنظر وحاولنا نقربو منهم، بس رجعنا كل واحد في مكانه لما طلب منا الشيخ أنه نخلوهم وماحدش يقرب منهم، قعد الشيخ يقرأ مره على منال اللي كانت تبكي وكل مالا شهقاتها يزيد لما الشيخ يعلي صوته في القرايه، ومره على خلود اللي كنت تهدأ بالشويه من قراية الشيخ، 
تمت هالجلسه وماتمت لين أعصابنا تعبت مافيش حد فاهم شي????
ناضت أمي وخوله اللي قاللهم الشيخ يدخلو خلود للداخل كانت شبه مخدره، ورجع الشيخ قعمز قدام منال وقعد يقرأ من جديد، الكل قمنا عيونا بفزع???? لما عيطت منال 
منال: لاااااااااااا خلاص باللهي عليكم، أني مادرت شي، أني مكانش قصدي، كنت نبيهم يشكو في فرح ويكرهوها بس ليش يحبوها أكثر مني حتي أني مرت ولدهم
مانبيش إنطول عليكم قعد الشيخ يسأل فيها كيف دارت هكي؟؟ ووين حطاته؟؟ ومني ساعدها؟؟ وهيا كانت مستسلمه وتجاوب على كل الأسئلة وهيا تبكي وتشهق، لين فجأة طاحت وأغمي عليها.
مافيش حد فينا تحرك، الكل مصدومين من اللي صار????، وصدمة خليل اللي شد رأسه بإيديه وقعد يبكي زي العيل ماتنوصفش ☹
بوي طلع مع الشيخ ودقايق وخش، وفي نفس الوقت طلعت أمي وخوله اللي كانو يسمعو في كل شي من داخل، حسيت الوقت هذا جي دوري، الوقت هذا نقدر نأخد حقي وحق فرح، مش راح نسكت????
خ
الد وقفت قدام بوي وبهزوه????: شني يابوي، ليش ساكت، أنك تظلم الناس ساهل صح، بس انك تواجه الحقيقه صعب، توا حلفانك بيتغير ولا لا خليل ولدك الغالي ماترضاش فيه، أما خالد إن شاءالله يولع في نار، ولا حد هامه
عمران تجاهل خالد ولاكأنه واقف قدامه: أسمعوني كلكم اللي صار هذا يقعد إهني، ولا مخلوق يخلق يسمع بيه فاهمين؟؟
عمران: نوض ياخليل روح بمرتك 
خليل????: بس أني يابوي خلاص معاش نبيها بعد اللي صار، كيف إنامن على روحي وعلى ولدي مع واحده زيها كيف
عمران بغضب????: نوض وأسمع الكلام، الموضوع هذا أنتهي إهنايا فاهم خلاص، معاش نسمع ولا واحد يتكلم فيه، ماتنساش منال منا وفينا وأم ولدك واللي يضرها يضرنا كلنا
خالد مش مستوعب اللي قاعد يصير، قعدت نراقب في تصرفات الكل، كيف منال منهم وفيهم عادي يسامحوها، وفرح لأنها برانيه يقهروها ويفرقوني عليها ظلم????
كنت نشوف لأمي بنظرات رجاء???? نبيها تقول شي تتكلم، بس كانت كل مايجو عيونها في عيوني تنزلهم فيسع، ااااه يالقهر وأني على خاطر مني ضحيت إمالا????، على خاطر مني قهروني وسكتت????، خلاص نفسي نفسي
خالد بصوت عالى????: كويس كويس، مادامك أنت هكي ياكبير العيله، تعز خليل ومرته وولده وسمعته، وإذلني أني وتقهرني في الفرحه الوحيده اللي صارت في حياتي، أنتم من توا معاش تعنولي شي، وحلفانك في رقبتك ورقبة ولادك اللي غاليين عليك،
طلعت بسرعه ومن غير مانفكر في حد، ياسر ماسكتت وضحيت ومافيش حد خسر غيري، توجهت طول لطرابلس، وبالتحديد لحوش فرح 
فرح من لما روحت كأن في بالي شي واحد وهو أني راح نطلب الطلاق خلاص، بس صار شي مافكرتش فيه بكل، وكأنه ربي قاعد يوقض فيا ويبعتلي في إشارة تبيه في الوقت المناسب
طلعت من داري على صوت سالم العالي، كان يتناقش هو وبوي وأمي
سالم: علاش ديمه واقفين ضدي، ماسدش ثلاثة سنين قضيتهم في الحبس من ظلمكم
أمي: أنت أكيده هالبنت ساحراتك، من كل عقلك تتجوز واحده مطلقه، علاش شن ناقصك
علي: خلاص سكر هالموضوع ورد بالك تفتحه ثاني
سالم: ليش باهي، وكأنها مطلقه خلاص المفروض تموت، الطلاق لاهو عيب ولا حرام
علي: أنت راجل وتأخد ست ستها، ليش إطيح في قدرك لوحده زيها
سعده: والله لو أخر يوم في عمري ماتأخدها، عقاب الوقت نأخدلك واحده مستعمله هذا اللي ناقص
فرح إنصدمت لو هذا تفكير أمي وبوي كيف تفكير باقي الناس إمالا، معقوله هكي نظرتهم للمطلقه، وأني اللي كنت مقرره نقدم على هالخطوه، كيف راح نقدر نواجه المجتمع الظالم هذا
خالد كنت طول الطريق نفكر كيف بيكون موقف أهل فرح، نحاول نرتب كلامي كيف نتصرف شني بنقول؟؟ كيف بنشرحهلهم اللي صار؟؟
خايف يكسروني حتي هما، لو عرفو اللي صار مستحيل يرضو يخلوني نرجعها، والله الموت أهون عندي ولايحرموني منها????، ياربي كل شي عادي إلا فرح ياربي هيا بس ياربي????
سناء بصدمه: كيف هكي يافرح؟ زيدي فكري كويس
فرح: خلاص فكرت هلبا، هذا اللي لازم يصير
سناء: ماتتسرعيش، خودي وقتك في التفكير، راك تندمي بعدين
فرح: أصلا ماعندي فاش إنفكر هكي ولا هكي معاش يهمني شي، كله زي بعضه
سناء الوحيده اللي كانت تعرف كل شي: أنتي توا مش صغيره يافرح، وأنتي أدري بحياتك، نتمني أنك ماتندميش على قرارك بس
فرح: وكلت أمري لله هو الوحيد اللي قادر يجبر كسرتي????
“”” اللهم ياجابر الخواطر أجعل لخاطري من عوضك نصيب “””
خالد وصلت قدام الحوش كنت متحشم وكان نلقي الأرض تنشق وتبلعني، ماعنديش وجه باش إنقابل، ياربي ساعدني ياربي
نزلت ورنيت الجرس وفتحلي عامر، واضح أنه مكانش متوقع يشوفني
عامر بنص عين????: تفضل
خالد خشيت: زاد فضلك كيف حالك ياعامر وكيف حال العويله؟
عامر????: كويسين
خالد كنت متوقع إستقبال زي هذا، ربي يستر في الباقي، وقفت بسرعه لما خش عمي علي، ومديت إيدي: كيف حالك ياعمي؟
علي تنهد بحزن: كويس ، الحمدلله على السلامه ياسيد خالد????
خالد هزوه غير مباشرة، تحمل ياخالد تحمل????: الله إيسلمك ياعمي، أني والله ماعارف من وين نبدأ،☹
علي بهزوه????: أبدا من وين ماتبي، بس المهم فهمنا وين كنت طول هالوقت
خالد بتوتر مش عارف فرح قالتلهم أو لا، خايف نتكلم ونحصل، معاش عرفت شني إنقول، بتوتر: الصراحه عارف روحي غالط وقصرت هلبا في حقكم وحق فرح ياعمي، راح نحكيلكم كل شي بس أني نبي إنشوف فرح قبل بعد إذنك ياعمي
علي????: لا ياخالد طلبك مرفوض هالمره، بنات الناس مش لعبه، ترميها أمتي ماتبي، وتجي تبيها أمتي ماتبي
خالد لا ياربي هذا اللي خايف منه صار ياربي طلبتك ماتردني، بخوف????: والله ياعمي مافي منها هالكلام، وبنتكم قدرها على رأسي من فوق، ومستحيل إنفكر إنضرها ولا نلعب ب
يها
علي: إمالا تفضل قولي وينك شهرين مختفي وتليفونك مسكر، بالك نطلع أني الغالط !!
خالد نزلت رأسي وتنهدت بحسره????: اللي صار أنه وسكتت ورفعت رأسي بصدمه لما
فرح في الباب: أني راح نفهمك كل شي يابابا
يتبع ……
لقراءة الفصل السابع : اضغط هنا
لقراءة باقى فصول الرواية : اضغط هنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى