رواية موعد مع الوحوش الحلقة السادسة 6 بقلم مروة شطا

 رواية موعد مع الوحوش الحلقة السادسة 6 بقلم مروة شطا 

رواية موعد مع الوحوش الحلقة السادسة 6 بقلم مروة شطا

رواية موعد مع الوحوش الحلقة السادسة 6 بقلم مروة شطا 

(موت)

????????????????????????????????????

#البقيه في حياتك ياعزت باشا

رفع عزت راسه ليطالع وجهه

#في مين يابوز الاخص انت

تنحنح محمد بحرج وقال

#في اااوالدتك

هب واقفا وقال بحماس جعله يحدقه

#اخيرا ماتت، ،،

حدقه بصدمه وقال # ايوه البيت اللي اتحرق جنب المخازن كان بتعها

قال بلهفه #اشجيني والزفته اللي كانت عايشه معاها غارت في دهيه هي كمان

قطب محمد وقال #زفته مين الحجه بس اللي اتخنقت معرفتش تطلع

#انت متاكد

#ايوه

#طيب شوفلي بقي الزفته حياه دي فين، ،، اهي دي اللي هتعوض الخساره اللي عملها بن الجارحي

مجمد بحذر #انا مش فاهم حاجه

#مش فاهم ايه ياغبي البت دي مكتوبلها ميراث امها وابوها وجدتها يعني لوكانت ماتت كنت انا الوريث الوحيد يلا ملحوقه ،،، اللي كانت بتحميها مني غارت

#انا مش فاهم ازاي تتكلم كده علي والدتك

قال بعصبيه #قفل علي الموضوع ده المهم دلوقتي تشوفلي البت دي راحت فين

#هتقتلها

#مينفعش ياغبي لوقتلتها انا اللي هلبس القضيه.

#امال يعني هتعمل ايييه

ابتسم وقال بتاكيد

#مش عيب عليك هجبها طبعا واطبطب عليها دي بنت اختي برضه

قال جملته لينفجر ضاحكا يتحرك محمد للخارج وهو يهمهم بضيق

#يخربيتك انت ايييه شيطان

#مالك يامحمد عمال تبرطم ليه

#والله لولا الحوجه مكنتش اشتغلت ابدا عند الراجل دا، ،، تخيل فرحان في موت امه ومش كده وبس لاء دا عايز ياكل حق اليتيمه بنت اخته

#ينت اخته دي اللي هي مين بقي

#معرفش بس مهمه اوي بالنسباله بيقولك قال ايييه هتعوضه خسارته من صقر الجارحي

فرك مصطفي ذقنه وقال

#طيب انت هتعرف مكانها ازاي

#هسال عند بيت امه يلا سلام بقي يامصطفي

#طب خدني معاك هروح اشقر علي العيال وارجع بسرعه

#طيب بس متتاخرش يامصطفي

ترجل الرجلان خارج الفيلا ليتوجه مصطفي ناحيه بيته يرفع هاتفه ويتصل

#ايوه ياصقر باشا، ،، عزت بيدور علي بنت اخته اللي فهمته انها نايمه علي ورث وفلوس كويسه

# وبنت اخته دي فين

#هنا في للبلد مهي الست اللي ماتت في الحريق دي تبقي امه

#ام عزت تمام يامصطفي هبعتلك الامانه ذي كل مره ولما تعرف حاجه بلغني

#امرك ياباشا

اغلق صقر الخط ليفرك ذقنه، ،، وترتسم علي وجهه ابتسامه تشفي، ،، اذن عزت قتل امه بيده، ،،رفع هاتفه

#انت فين ياسليم

#وصلت اهوه قدام الفيلا في حاجه

#مش في واحده ماتت في الحريق تعرف دي مين

#مين

#ام عزت

#انت بتقول ايه،،، يعني عاوز تقول ان البنت دي تبقي

#بنت اخته انا عاوز البت دي عندي

#عاوزها ليه ياصقر

#عاوزها عشان الفلوس اللي معاها هي اللي هتوقف الزفت علي رجله تاني، ،، البت دي تبقي في الشقه قبل ماالليل يليل سامع

# حاضر هروح عند بيت جدتها وهعرف راحت فين سلام

اغلق الخط واراح راسه علي المكتب عزت اخر ضلع في انتقامه لقد انتقم من الجميع عمه وزوجته عن طريق ابنهما جده هب واقفا ليتحرك للاعلي في الدور الثالث حيث ممنوع دخول اي من العاملين سوي امراه قد تجاوزت الخمسين فتح احدي الابواب ليطالعه وجهه الظالم الذي حطم كل معاني الانسانيه بداخله اقترب من الفراش وجلس عليه ليفتح العجوز عيناه ويتطلع لوجهه

#اهلا بابن الخدامه

اطلق صقر ضحكه عاليه ليقول بتشفي

#بن الخدمه بقي بيملك كل حاجه حتي البيت دا، ،، بن الخدامه بيتعطف عليك بالقمه اللي انت بتاكلها والدوا اللي بتخده

#مش عاوز منك حاجه سيبني اموت يعني هتفرق معاك

#خالص بس انا عاوزك تعيش اكبر وقت عشان تعرف العذاب اللي سببته لامي ،،، انا مش فاهم ايه الجبروت دا، ،،،مش هقولك ازاي هان عليك تعمل كده فينا لاء، ،، ازاي هان عليك تحط ايدك في ايد اللي قتل ابنك وتبعت امي تخدم في بيته، ،،،

قال بسخريه

#بلاش تخريف ياولد، ،، عزت ملووش دعوه بموت ابوك، ،،،

قرب وجهه منه وقال بتاكيد

# لاء عزت ومحمود هما اللي قتلوه انا سمعتهم وهما بيتكلموا في المكتب، ،،،وعارف التمن ايه متين الف دفعهم ابنك عشان يتخلص من اخوه وادله امي فوق البيعه ،،،، انت عارف امي انتحرت ليه

#عشان مجنونه واللي بتقوله دا كله تخريف

#لاء مش تخريف، ،، امي مكنتش مجنونه وانت عارف كده امي قتلت نفسها عشان متسلمش للكلب دا، ،، بس انا هحيب حقها تالت ومتلت، ،،، ابنك ومات في حادثه فلت من ايدي هو ومراته بس ابنه موجود، ،، غيث اتنازل عن حقه في البيت وعن ورث ابوه كله، ،،، الدلوعه بتاعك كان سهل اوي انه يدمن قمار ومن بكره الصبح هرميه في الشارع يشحت، ،، وانت اديك شايف ياحرام مشلول مبتتحركش اما عزت بقي ادامه كام يوم ويعلن

افلاسه وارميه في السجن بس اخد حق امي الاول، ،، وشوف ازاي بقي تطلعله بنت اخت، ،،، عشان اعرف انتقم صح، ،،، مهو الغبي حرق المخازن وموت امه ،،،،،

اغمض الرجل عيناه بكبرياء ليزفر هو بقوه ويهب واقفا

#اهرب براحتك، ،،

قال جملته ليخرج مسرعا ويصفع الباب بقوه خلفه.

،،،،،،،،،،،،،،،،،،،،،،،،،،،،،،،،،،،،،،،،،،،،،،،