Uncategorized

رواية معذبتي الفصل السادس 6 بقلم منى

 رواية معذبتي الفصل السادس 6 بقلم منى
رواية معذبتي الفصل السادس 6 بقلم منى

رواية معذبتي الفصل السادس 6 بقلم منى

كريم بلهفه ????… الو حبيبتي انتي كويسه 
….. ????… حضرتك تعرف صاحبه التلفون دا 
كريم بخوف ????… اه مراتي هي فين انت مين 
… ????… مرات حضرتك يا استاذ عملت حادثه بالعربيه و الإسعاف في الطريق
كريم نزل جري من غير ولا كلمه مع حد بس ميرا و يحيى جريو وراه
_____________________بقلم_مني
ياسين وصل فيلا حماه دخل كانت زينه قاعده مع ابوها وامها و بتعيط و زين اول ما شافه ملامح وشه كلها كانت غضب 
زين بحده… ايه جابك هنا 
ياسين ????.. انا محتاج اتكلم مع زينه شويه لو سمحت يا عمي 
زين لسه هيرد قاطعته زينه 
زينه بدموع… لو سمحتلي يا بابا هرد انا كلام ايه يا ياسين ال هتقولو عارف اول ما حكتلهم ال حصلي صدقوني وقالولي هنشوف دا ايه محتاجه دكتور نجيب محتاجه شيخ نجيب المهم هنساعدك واللي انتي فيه دا ان شاء الله هيخلص شفت الفرق بينك وبينهم ????… الكلام خلص انا وبابا طلعنا بتوع حوارات و مؤامرات ف بهدوء طلقني 
ياسين… زينه انا اسف بجد بس اسمعني متضيعيش ال بينا كله عشان اول غلطه ليا 
زينه.. غلطه الشاطر بقا لو سمحت مش عايزه اشوفك تاني وعلى فكره انا بلغت بابا اني متنازله عن كل حقوقي لحسن تقول متفقين عليك ولا حاجه 
ياسين لسه هرد قاطعه زين
زين بغضب… اظن كفايه اوي كده بنتي كانت هتموت في بيتك وانت قلت بتمثل امشي من وشي بقا عشان بجد هفقد اعصابي اتفضل يلااااااا
ياسين خرج من غير اي كلمه تاني حس انه اتسرع  وغلط لما ساب الفكره دي تسيطر عليه بالشكل دا حس انه مخنوق محبش يطلع ع مكتبه فضل يلف بالعربيه لحد ما وصل عند بيت ماماته
____________________بقلم_مني
كريم وصل المستشفى و وراه ميرا ويحيى اللي مش فاهم اي حاجه
كريم… لو سمحت في واحده جت في حادثه عربيه عندكم من شويه
موظف الاستقبال… اه يا فندم هي في العمليات دلوقتي
كريم بخوف.. عمليات هي حالتها ايه لو سمحت
موظف الاستقبال… حقيقي معرفش بس حضرتك تقربلها ايه؟
كريم وهو بيديله بطاقته… انا جوزها
موظف الاستقبال.. تمام العمليات الدور الأول تقدر تتفضل و تطمن من الدكتور لما يطلع بس لازم الاستماره دي تتملي
يحيى.. اطلع انت وانا هخلص هنا وهحصلك خد ميرا معاك
كريم.. ماشي يلا ياميرا
طلع كريم ودقايق وحصله يحيى وبعد نص ساعه خرج الدكتور من اوضه العمليات
كريم بلهفه وخوف… طمني الله يخليك مراتي عامله ايه؟
الدكتور… اطمن حضرتك هي بخير الحمد لله شويه رضوض وكدمات و دراعها بس عملنا فيه عمليه بسيطه و اتجبس غير كده هي تمام الحمد لله
كريم.. بجد بجد يا دكتور
الدكتور..  اكيد يا استاذ انا مش هكدب عليك يعني اطمن هي هتطلع ع اوضه عاديه كمان اول ما تفوق هتتطمن بنفسك عن ازنكم
يحيى… الحمد لله انها جت ع قد كده
ميرا بدموع وخوف… انا خايفه انا مش هروح ع البيت تاني انا هشوف اي أوتيل اقعد فيه
يحيى بعدم فهم.. أوتيل ايه وخايفه من ايه
كريم بهدوء… يحيى لو طلبت منك خدمه تنفذهالي اقدر اعتمد عليك ف موضوع في خطوره يا يحيى ولا ايه
يحيى.. عيب عليك يا كريم دا انت اخويا وعارفني كويس معاك في اي حاجه يامعلم
كريم… تمام هتاخد ميرا وتوديها عندك البيت انا متوقع الاقي ماما هنا دلوقتي مش عايزاها تشوف ميرا وانتي اقفلي تلفونك وهبعتلك فلوس تشتري خط جديد و شويه حاجات ليكي عشان هتختفي فتره لحد ما اعرف مين ال ورا كل دا
يحيى.. تمام بس افهم عشان متصرفش تصرف ويطلع غلط
كريم… ميرا هتحكيلك كل حاجه ف الطريق اخلصوا بقا عايز اطمن ع مراتي يلا
يحيى خد ميرا ومشي وكريم طلع مع ياسمين ع الاوضه اللي اتنقلت فيها
____________________بقلم_مني
ياسين وصل عند مامته وكان باين عليه الحزن
سلوى… مالك فيك ايه؟
ياسين… زينه عايزه تتطلق
سلوى ????… ايه ليه كده قول هببت ايه
ياسين حكلها اللي حصل
سلوى بغضب… والله انا لو منها مش بس اطلق دانا أفرج عليك امه لا اله الا الله انت متخلف ياواد انت مش جتلي وحكتلي وانا قلتلك شيل الهبل دا من دماغك وشوف مراتك فيها ايه وهزتلي دماغك ومشيت
ياسين… ياأمي انا مش بقتنع بالحاجات دي
سلوى بغيظ… عنك ما اقتنعت اهي راحت لأهلها هيساعدوها ويلحقوها بجد مش الاسم متجوزه ومحسوب عليها راجل جتك وكسه توكسك
ياسين… في ايه يا ماما انا جيلك عشان تعبان تقومي تعملي فيا كده هو
قاطعه دخول يحيى ومعاه ميرا
سلوى… يافرحتك يا سلوى ب عيالك اهلا بسبعي مين الحلوه ان شاء الله اللي معاك فرح قلبي يلا
يحيى…. ايه يا ماما براحه مش كده مش مدياني فرصه ارد كلمه حتي
ياسين… انتي ميرا مش كده؟
ميرا هزت راسها باحراج و دموع في عينها
ياسين… دي ميرا ياماما بنت خاله كريم
سلوى بحب… اهلا هلا اتفضلي يا حبيبتي دا انتي من طرف الغالي عارفه الواد كريم دا روحي فيه بحبه اكتر من جوز البقر الي قدامك دول
ميرا غصب عنها ضحكت والتوتر الي هي  فيه بدء يروح 
يحيى ????… انا اتهزقت اوي مش كده اتصرف انت
ياسين ????… انا متهزق اكتر 
مره وانا وهي لوحدنا ومره قدامكم مليش دعوه
سلوى… بتقولو ايييه سمعوني
يحيى… بقول ياست الكل اني جعان في غدا ولا انزل اجيب سندوتشات كبده واخلص
سلوى… طول عمرك رمرام ومعفن لا في غدا
يحيى ????… ماما تفصلي تهزيق شويه
سلوى… ليه؟
يحيى… في بنوته قاعده عيب كده احترميني قدامها
ميرا بابتسامه ورقه … لا يا طنط براحتك خالص اعتبريني مش موجوده 
سلوى…يالهوي على الرقه (وضربت يحيى علي كتفه) احترم مين ياعيل انت قوم فز انت واخوك حضرو السفره وحطو الاكل يلا انا مش شغاله عندكم
يحيى وياسين قامو وهما بيبرطمو وسلوي قعدت جمب ميرا
سلوى… وانتي بتشتغلي ولا بتدرسي يا ميرا
ميرا… لا انا بشتغل في شركه سياحه بس بقالي مده قاعده بسبب ظروف البلد وكده
سلوى… ااه و على كده بقا مرتبطه مخطوبه متكلمين عليكي؟
ميرا بعدم فهم…. مين اتكلم عليا
سلوى… يعني عديتي اول اتنين ومسكتي في دي اقصد مخطوبه او بتحبى وكده
ميرا باحراج… لا
سلوى بابتسامه… حلو حلو
ميرا… ايه اللي حلو
سلوى… انك مش مخطوبه ولا مرتبطه
يحيى خرج على اخر كلمه ابتسم وفهم دماغ امه وكان مبسوط ان ميرا مش مرتبطه
يحيى… يلا السفره جاهزه
يحيى حكي ليهم كل حاجه باختصار عشان ميرا متتحرجش و سلوى وياسين رحبو جدا بيها
____________________بقلم_مني
كريم اتصل ب هند وبلغها ان ياسمين عملت حادثه وفي المستشفى وزي ماتوقع مامته اتعاملت معاه ببرود شديد
قفل معاها و فضل جمب ياسمين منتظرها تفوق من البنج
_____________________بقلم_مني
صبا انشغلت في المكتب طول اليوم بسبب ان محدش منهم موجود ونسيت خالص معادها مع شريف تلفونها رن ردت
صبا ????… الو
شريف بضيق ????…. انا بقالي ربع ساعه في الكافيه
صبا ????‍♀️????…. اسفه جدا انا نسيت معادنا خالص
شريف ????????…. نعممم يعني ايه؟ مش هتيجي؟
صبا ????… لا عشر دقايق واكون عندك سلام
شريف ????…. سلام
صبا قفلت المكتب بسرعه ونزلت راحت علي الكافيه
صبا… اديني جيت ها بقا في ايه
شريف… طب تشربي ايه الأول 
صبا.. شكرا مش عايزه حاجه 
شريف… اوكي براحتك عموما بدون مقدمات كتير انتي عجباني وعايز اتجوزك بس عرفي واوعدك هتكوني مرتاحه اوي معايا انتي اكيد محتاجه راجل في حياتك يكون جمبك لو حصتلك مشكله كده ولاكده تشاركيه حياتك عموما انا
قاطعته صبا بهدوء خلاه هو شخصيا مستغرب…. ما علينا بللي هتقدمهولي لو وافقت عايزه اعرف اللي هتعملو لو رفضت
شريف سكت شويه يستوعب قوتها في الرد وبعدين اتكلم بثقه…. اظن انك متوقعه هعمل ايه بصي يا صبا انا اللي بيعحبني باخذه زوق عافيه هاخذه انتي محتاجه راجل في حياتك وانا انتي عجباني بس مش هينفع نتجوز رسمي فيكون عرفي الموضوع بسيط لو رفضتي مش هتشوفي امان في حياتك تاني ومش بس انتي تؤ دا انتي و والدتك و الأمور الصغير مالك ف خليكي عاقله و اوزني ردك كويس قبل ما تقوليه
صبا… تمام بما ان لازم اوزن ردي قبل ما اقولو اديني يومين افكر وارد عليك ممكن
شريف بابتسامه… طبعا طبعا حقك يومين وهكلمك اسمع ردك
صبا…. تمام عن ازنك بقا اتاخرت اوي عليهم في البيت سلام
شريف… سلام
____________________بقلم_مني
ياسمين فتحت عينها وحركت ايديها وكريم انتبه جري عليها
كريم بلهفه… حبيبتي انتي كويسه حسه بأيه في حاجه وجعاكي؟
ياسمين بتعب… اانا كويسه اهدي
كريم… انا هخرج اجيب الدكتور واجي هه متتحركيش من هنا
ياسمين ضحكت بتعب… هههه اتحرك اروح فين بس انا قادره اتكلم
كريم ابتسم و وطي على رأسها باسها وسند جبينه على جبينها واتكلم
كريم بحب…. كنت هموت لو جرالك حاجه الحمد لله انك بخير يا حبيبتي الحمد لله
ياسمين طبطبت عليه… بعد الشر عنك يا حبيبي الحمد لله انا كويسه متخفش
كريم خرج جاب الدكتور اللي طمنه على حالتها وانها ممكن تخرج تاني يوم واستأذن ومشي
كريم…. حبيبتي قادره تحكيلي ال حصل؟
ياسمين… محصلش حاجه انا كنت ماشيه بالعربيه اجيب شويه حاجات للبيت وقلت بعدها اقعد مع زينه شويه علي ما انت ترجع تقريبا ياكريم سرحت لان ف ثانيه ف عربيه دخلت فيا ومحستش بحاجه غير وانا هنا… هي العربيه اتبهدلت اوي ولا ايه????
كريم كشر… والله لولا انك مفكيش نفس كنت اديتك قفا ظبطتك عربيه ايه  وزفت ايه فداكي يا حبيبتي انا كنت عايز اطمن حصل ايه بس في داهيه العربيه
ياسمين…. ربنا يخليك ليا انا حبك اوي يا كيمو
كريم… لاااا بقولك ايه محبكش الدلع هنا في المستشفى وانتي مكسره كده
ياسمين بغيظ… ايه مكسره دي احترم نفسك
الباب خبط ودخلت هند بمنتهى الهدوء
هند… الف سلامه عليكي يا حبيبتي ايه اللي حصل دا
ياسمين… الله يسلمك يا طنط قدر الله وما شاء فعل الحمد لله انا كويسه
هند ????… اه ماهو واضح
كريم ????… بتقولي حاجه يا ماما؟
هند… لا مبقلش… المهم انا رايحه النادي بس قلت اطمن على مراتك ف طريقي
كريم… واطمنتي؟
هند.. اه الحمد لله بخير اهو يلا حمد لله علي سلامتك يا سمسم
ياسمين… شكرا يا طنط تعبتك معايا
هند… لا تعب ولا حاجه انا همشي بقا وانت لما اتصل بيك ترد 
كريم… فكرتيني ممكن تلفونك بس اكلمهم ف الشركه أبلغهم اني مش رايح لحسن تلفوني فصل شحن 
هند… اوك اتفضل
كريم خد الفون ودخل التراس دقيقه وخرج 
كريم… اتفضلي يا ستي شكرا على التلفون وعلى الواجب 
هند????… واجب ايه
كريم… واجب الزياره
هند… اه طيب يلا تشاو
كريم ????…. سلام يا أمي
____________________بقلم_مني
سيف رجع البيت مكشر زي كل يوم من وقت ال عزومه
جميله… سيف كده كتير ممكن نتكلم انت مش هتخاصمني العمر كله يعني معملتش حاجه لكل دا
سيف بيحاول يتحكم في عصبيته… امشي من قدامي يا جميله عشان متعصبش عليكي وترجعي تزعلي
جميله… لا مش همشي وانت لازم تتكلم معايا انا زهقت من الاسلوب دا المفروض يكون في حوار بينا نتناقش مش تخاصمني ولا كأني موجوده في البيت حتى الاولاد مش بتتكلم معاهم ولا بتلعب معاهم هما مالهم هما كمان كل داااا عشان زعلت السنيوره حبيبه القلب
سيف مقدرش يسمع اكتر من كده و رفع ايديه  وضربها بالقلم
جميله بصدمه ودموع… بتضربني يا سيف
سيف بغضب…. واكسر رقبتك كمان طالما مش راضيه تتعدلي يا جميله
جرس الباب رن و سامر ابنها فتح كانت صبا
صبا… ازيك يا سموره عامل ايه وفي
مكملتش كلامها لما لاقيتهم واقفين قصاد بعض و جميله بتعيط و خدها وارم وايد سيف معمله عليه و هو ملامحه كلها غضب
صبا جريت ع جميله و حطت ايديها ع كتفيها 
صبا بعصبيه…  اي اللي انت هببته دا انت اتجننت بتمد ايديك عليها وقدام ولادك
سيف ????… ملكيش دعوه يا صبا مراتي وبأدبها
صبا… وحد قالك انها قليله أدب انت واخدها من بيت ناس محترمين مربين بنتهم كويس في ايه يا سيف ما تتكلم عدل ومن امتى والعنف اسلوبك اصلا في ايه انا مصدومه فيك بجد
سيف بضيق… يووو صبا بقولك
صبا…. متقوليش اوعي تكون فاكر ان عشان ابوها وامها اتوفو ان ملهاش حد يقفلها والله اخدها وما تعرف تشوفها تاني
جميله بصتلها بصدمه وندم و دموعها نازله ومش قادره تتكلم
سيف… تمام اللي انتي بتديني محاضره عشانها دي اتجننت واللي طالع عليها اني هتجوزك عليها 
جميله اخيرا نطقت وصوتها مخنوق بالعياط… ااانا سمعت مامتك وهي بتقولك اتجوز صبا انا سمعتها ب وداني ودا الي خلي نار في قلبي وخلاني بعامل صبا كده
صبا بهدوء… وياتري سمعتي رده كان ايه؟
جميله بتوتر… هو هو رفض وقالها متتكلمش في الموضوع دا تاني حتى مع نفسها
صبا… طيب يعني الراجل قفل الحوار انتي عمليته موضوع ليه؟
سيف…. عشان غبيه
صبا… والله ما غبي غيرك بدل ما تتعصب وكل شويه تعلي صوتك وماشاء الله بقيت تمد ايديك كمان كنت تحتويها تسمعها وتفهمها انك استحاله تتجوز عليها ولا انا ولا الف غيري ولا في واحده في الكون تاخد مكانها طمنها يا اخي
جميله ????… انا اسفه يا صبا حقك عليا متزعليش مني والنبي انتي عارفه اني بحبك
صبا حضنتها…. بس يا هبله انا كنت فاهمه وكنت مستنياكي تعقلي لوحدك انتي صحبتي وانا مبخسرش صحابي بسهوله (بصت ل سيف) وانت يابيه اتفضل صالح مراتك عيب عليك ال حصل دا انا اختها الكبيره ولو كررتها تاني مش هسكتلك
سيف… دا على اساس ان المره دي انتي سكتي9لي مش كده
صبا… والله ما رضيت أشد عليك عشان عيالك ال جوه بس ????
سيف… قلبك ابيض
راح ناحيه جميله وشدها لحضنه وهي عيطت جامد حاول يهديها
سيف… اسف حقك عليا انتي عارفه اني عصبي معلش مش هتتكرر تاني سامحني
جميله بعدت عن حضنه… وعد
سيف… وعد ياحبيبتي
صبا… مخلاص بقا ياحلوين انا لسه هنا ممشتش
سيف… هههههه متقلقيش واخد بالي انك لسه هنا
صبا… طب هشرب قهوه ولا اروح لأمي
جميله… قهوه ايه هنتغدي سوا ثواني السفره هتكون جاهزه
سيف… ها قولي في ايه
صبا… هههه عرفت منين بقا ان ف حاجه
سيف… بت لوك لوك هتلاقي جميله فوق راسنا انجزي
صبا وهي بتديله ورقه…. عايزه معلومات عن الاسم اللي في الورقه دي
سيف… شريف عبد الوهاب… مين دا
صبا…. دا كان مع سامر الله يرحمه في الشغل
سيف… ما تخلصي يا صبا هتنقطيني بالكلام
صبا… يخربيت عصبيتك بص انا عايزه اعرف عنه كل حاجه و وعد يا سيف لما تقولي كل ال هتعرفه عنه هقولك بعمل كده ليه بس الكلام دا بكره
سيف… نعم بكره ايه هو انا الساحر مدحت
صبا… مش وقت استظراف سيف موضوع يهمني وضروري اوي اوي بكره وحياه ولادك
سيف… حاضر يا صبا بكره بالليل قولي لطنط صابرين اني هتعشي معاكم
جميله…. يلا الغدا جاهز
صبا كانت مبسوطه ان العلاقه بينها وبين جميله اتحسنت وجميله حست بندم تجاه صبا اتغدو سوا في جو جميل وكله ضحك وهزار وبعدها صبا روحت على بيتها
____________________بقلم_مني
زين فضل طول يوم بيدور علي شيخ بس يكون شيخ بجد مش دجال كان خايف بدل ما يساعد بنته يكون السبب في ضياعها خالص و امال كانت جمبها طول اليوم تلفونها رن ردت
امال ????…. الو
ناديه ????… لاقيتك مبتساليش قلت اسأل انا
امال ????… ازيك يا حبيبتي عامله ايه
ناديه ????… تمام وانتي مال صوتك
امال ????… ابدا اصل زينه تعبانه شويه
ناديه بلهفه ????… تعبانه تعبانه مالها
امال ????…. مفيش شويه برد في جسمها كده بس انتي عارفه انا مش بستحمل عليها للهوا الطاير
ناديه ????????…. اه اه عارفه طيب الف سلامه عليها هبقي اتصل بيكي تاني اطمن عليها عشان صبري ع ويتنج بس
امال ????…. ماشي يا حبيبتي سلام
ناديه ????…. سلام
____________________بقلم_مني
هند قاعده قلقانه من تلفون ميرا اللي مقفول وهي مش عارفه راحت فين رن تلفونها ردت بسرعه
هند… انت فين يا إيهاب وسايبني في الهم دا لوحدي
إيهاب… اهدي يا حبيبتي في ايه اللي حصل
هند…. الزفته زي القرد في المستشفى ولا حصلها حاجه ومكان المخفيه ميرا مش لاقياها
(إيهاب… ٣٨ سنه عم ميرا الصغير وعايش في الصعيد مع اخوه الكبير  سميته إيهاب ليه بقا لأنكم بتعزو اسم إيهاب اوي انا عارفه ????????)
إيهاب بغضب..   نعم ياختي ميررررا مين اللي مش لاقياها
هند…. في ايه يا إيهاب انت هتزعقلي كمان خرجت و مرجعتش وتلفونها مقفول
إيهاب… والله يا هند لو كانت طفشت منك وممضتش على الورق لتشوفي مني ايام سودا
هند بغضب… بقولك ايه انت تجيلي دلوقتى متسبنيش في الهم دا مش كفايه قلتلك اخلص من الزفته ومفلحتش
إيهاب… انا نفذت المطلوب مني الدور والباقي عليكي انتي كل يوم شروط جديده وفي الاخر البت تختفي
هند…. هتظهر دي خيبه ولخمه وملهاش غيري المهم تركب وتجيلي يلا
إيهاب… حاضر ياهند لما اشوف اخرتها معاكي سلام
هند… سلام
____________________بقلم_مني
مالك صحي من النوم مفزوع وبيصرخ صبا وصابرين جريو عليه
صبا بخوف… اهدي يا حبيبي اهدي في ايه
مالك بصراخ…. هيموتهاااا زينه هتموت هيخنقها ????????????????
صابرين… أعوذ بالله من الشيطان الرجيم اهدي يابني دا كابوس
مالك ????… لا لا مش كابوس يا تيته مامي الحقيها والنبي مامي زينه هتموت زي بابي ومش هشوفها تاني الحقيها خليه يسيبها
صبا ????… حاضر حاضر انت اهدي ونام وانا هطلع عندها دلوقتي وهفضل معاها
مالك…. وعد
صبا..  وعد يا حبيبي يلا اهدي بقا
صابرين… قومي انتي انا هقراله قراءن لحد ما ينام يلا
مالك..  اه روحي انتي ل مامي زينه وانا تيته معايا يلا
صبا… حاضر
____________________بقلم_مني
ياسين بعد ما نزل من عند مامته حس ان في عربيه ماشيه وراه فضل كتير يلف بعربيته لحد ما اتأكد انه متراقب وصل عند بيته و طلع من غير اي رد فعل
قابلته صبا نازله من عندهم
صبا… انتم فين انا خبطت كتير فين مراتك وفين كريم وياسمين
ياسين… زينه ف بيت أهلها طالبه الطلاق و ياسمين عملت حادثه وف مستشفى وكريم معاها
صبا ????…. ايه دا في ايه طب طب ياسمين حالتها ايه
ياسين…. كدمات و كسر ف دراعها بس الحمد لله
صبا…. الحمد لله ومراتك فين يا استاذ زعلتها انتم لحقتم
ياسين…. انتي كنتي فوق ليه
صبا…. مالك صحي مفزوع وبيعيط بهستريا ان في حد بيخنق زينه وهيموتها مهديش الا لما وعدته اني هطلع ليها
ياسين بقلق… هو قالك كده انا انا عايز اكلمه ضروري ممكن
صبا…. اهدي بس دا اكيد كابوس  ماما قراتله قراءن لحد ما نام في ايه
ياسين وهو بينزل… بعدين يا صبا لازم اطمن على زينه الاول
____________________بقلم_مني
زينه كانت في اوضتها بتكتب ك عادتها الفتره الاخيره
زينه
الوجع كلمة صعبة اوى ???? بتحس ان قلبك مكسور ومقهور لدرجة صعب وصفها انك مش قادر توصف اللى جواك لحد بتحس ان روحك مسحوبة منك عايش وبتتنفس من غير روح نفسك تصرخ بأعلى صوت عندك وتقول كفاية انا تعبت بس حتى دى مش قادر تعملها مفيش عندك طاقة لأى حاجة ولا حتى الكلام واللى اصعب منه لما تلاقى اقرب ناس ليك مش حاسين بوجعك وقهرتك اللى انت دايما بتحس بيهم ساعتها وجعك دة بيكبر لدرجة كبيرة اوى وبتقول لية محدش حاسس بيك لية محدش فارق معاه تعبك للدرجة دى انت مش فارق مع حد هتلاقى اللى واقف معاك اهلك ومش كلهم ممكن والدك ووالدتك بس عشان حب الفطرة اللى فى قلبهم هم هيبقوا سند ودعم ليك هيفرق معاك انهم جنبك ومش هتواجة لوحدك بس بردو انت مستنى ناس تانية نروح للشخص اللى سبب ليك الوجع دة اللى انت حاربت عشانه ومكونتش تتوقع انه هو دة اللى يكون سبب وجعك وقهرتك بتقعد مع نفسك وتفكر هم كان عندهم حق هو دة شخص غلط فعلا وانت مكونتش شايف كده طب لية كان متمسك بيك من البداية لية كان مهتم لية حاسسك انه باقى عليك لية كان مستعد يضحى بأى حاجة عشان يكون معاك ولا هو كان بيتظاهر بكده وانت كنت بالنسبة لية حلم بعيد ولما وصلة خلاص بقيت عادى افكار كتير بتتزاحم فى دماغك ساعتها واحاسيس متلخبطة صدمة  خوف وحده تعب قهرة كلها فيك انت ومحدش حاسس بيك????????
خواطر_همسه_حنين
زينه خلصت كتابه وحست بحركه بسيطه وراها لسه هتبص
يتبع ……
لقراءة الفصل السابع : اضغط هنا
لقراءة باقى فصول الرواية : اضغط هنا

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى