رواية ونحب تاني ليه الفصل السادس عشر 16 بقلم منة الهواري
رواية ونحب تاني ليه الفصل السادس عشر 16 بقلم منة الهواري |
رواية ونحب تاني ليه الفصل السادس عشر 16 بقلم منة الهواري
_معتز: يلا يا ولاد وانتوا كمان ي بنات روحوا الوقت أتأخر اوي ، يلا عشان اوصلكوا
_مازن: لا ي عمي انا الي هوصلهم هاخد خديجه و انسه سهيله اوصلهم انا
_نوح: يبقي انا هاخد الانسه خديجه أوصلها عشان متأخرش علي البيت و ننجز وقت و جنه عربيتها معاها تروح هيا و ماما وانا هتابعهم بالتليفون
_مازن: تمام يلا يا انسه سهيله عشان الوقت أتأخر و ياريت محدش يعترض عشان الواحد مش ناقص خوف علي حد تاني
“فعلا سهيله و خديجه ميشوا مع مازن و نوح عشان الوقت أتأخر و كل واحد فيهم روح بيته”
_عاااااااا ناااااادر الحقننييي
” نادر قام اتفزع من النوووم “
_نووور في ايه
_ نااادر في حاجه تت
_نادر: نور افتحي في ايه
_ نور بخوف: ح حاضر هفتح
“نور فتحت الباب و فضلت متنحه “
_نادر: في ايه و بتسرغي ليه
_نور: تتت ….
_نادر: ام لعب الصيني الي علي طول بتعلق دي شيلي الحجاره و حطيها تاني
_نور: تعبااان
_نادر: الله يخربيتك و ساكته قولي هو فين
_نور: في الدولاب
_نادر: في الدولاب و سايباني كده واقف معاكي مش كنتي تقولي اهرب .. اهربي ي بنتي
_نور مسكته من هدومه و قالت “
_نور بغضب: اقسم بالله يا نادر الكلب انت لو مشيت خطوه كمان لهكون مموتاك عشان تعبت منك انتي مش جيبتني هنا و انت السبب في الاقرف ده كله يبقي تقتل الكائن الي في الدولاب ده فااااهم
_نادر : حاضر ي نور ، متقلقيش انا هموته
_نور : وريني بقي هتموته ازاي
_نادر: سيبيني الاول .ايه ماسكه الحرامي دي
_نور بغضب: اخلللص
_نادر: حاضر . روحي هاتي المخده دي
_نور: مش وقته هزار قولت
_نادر : لا لا مش بهزر هاتي بس وانتي تعرفي
“نور راحت جابت المخده و اديتهاله ، نادر اخد المخده و فكك كيس المخده و راح ناحيه الدولاب “
_نور: انت يا اخ هتموت التعبان بكيس مخده
_نادر : همسكه بيه و ادخله جواه و نشوف هنموته ازاي
_نور: لما نشوف
“نادر فتح الدولاب و بدأ يشوفه فين ، وشافه”
_نادر: اهه شوفته
_نور: موته بسرعههه
_نادر: انا مسكته اهه
_نور: موته بقي
_نادر: انتي بجد خايفه منه ده صغير اوي مش بيعمل حاجه
_نور: ولو ولو برضوا مش تعبان و بيطلع سم و ممكن يلدعني و يموتني ولا لأ
_نادر : و ماسكه فيا و قولتلي كلام كبير اوي عليه و عملتي حوار و صحتيني من النوم الله يقلق منامك يا بعيده
_نور: عشان بعد كده تخطفني في حته نضيفه
_نادر: انتي ولا كأنك في رحله انتي مخطوفه ي ماماااا
_نور: مش بقولك اخرت الي بيتطخف من قرايبه كان نفسي زي الي في الروايات
_نادر: بس بس بس هتبدأ فكره المحن ، انا هروح اوضتي انام و لا تقوليلي روايات ولا اخطفني في حته نضيفه انا هروح اتخمد
_نور: ده الي انت فالح فيه بتتخمد وبس
_نادر : ايوه ده الي انا فالح فين ، سيبيني بقي
_ نور: استني عندك
_نادر: هو مين خاطف مين بالله عليكي المفروض دي كلمتي علي ما اعتقد
_نور: هو ده الي عندي ، انت هتودي الكائن ده فين ؟! ..
_نادر : ده الي صرختي فيه و فزعتيه ، ده انا ممكن اربيه عادي يبنتي ده صغير جدا يعني لسه مولود اصلا
_نور: تربي مين انت عارف تربي نفسك عشان تربيه حشره اصلا
_نادر: شوف شوف مين الي ناقص ربايه بقي ، ثانيه بس دي مش حشره ده حيوان مفترس يا جاهله
_نور: سيبنالك انت العلام يا دكتور
_نادر: دكتور ايه بقي راحت خلاص
_نور: يلا اهه كله رايح .. يلا بره من غير مطرود
_نادر: و نعمه الأصول انتي فعلا مش بتطرديتي
_نور: Yes of course
_نادر: بنتنا متعلمه ي فندم و بتتكلم انجليزي كمان
_نور: تشكردم ☺️????
_نادر: ايه الي انتي قولتيه ده
_نور: تشكردم متعرفهاااش
_نادر: لا محصليش الشرف
_نور: يا جاهل دي كلمه شكرا بس بالتركي
_نادر: هو انا هعرف منين تركي اصلا وانتي عرفتي منين الكلمه دي
_ نور: شكللك مش بتتفرج علي مسلسلات تركيه
_نادر: لا مش بتفرج فتلاقي اللغه مش قد كده
_نور: لاحظت ، طب يلا يا بابا عشان بنام بدري
_نادر : يعني انا الي عاوز اقعد ، يلا تصبحي علي خير
_نور: وانت من اهل الخير، الباب ف ايديك ي بن زوزو
“نادر خرج و قفل الباب و هو بيبرطم : اهه يا رب انت عارف شكلها و عارفها و حافظها اهه خللص علي طول
_نور من ورا الباب: سمعتك علي فكره
_نادر: اللهم احفظنا يارب
ً٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
” مازن روح البيت بعد تعب و لف علي نور و بدأ عقله يفكر في الي حصل مع نور وليه نادر يخطفها”
_مازن: طب يخطفها ليه يعني كان ممكن قالها أنه بيحبها و خلاص الموضوع ليه بقي الخطف
_عقله: مش ممكن ميكونش خاطفها و متحوزين في السر
_قلبه: لا لا دي هبت منك علي الاخر بيقولك خاطفها يعني ممكن تكون مش موافقه راح خاطفها
_عقله: هيا وصلت أنه يخطفها لو مش موافقه ، طب كان ممكن عمل حاجه غير الخطف
_قلبه: مش يمكن فيه سر خلاه يعمل كده
_عقله: يمكن ، كفايه بقي تفكير خليني انام
_مازن بتعب: ايوه انا عاوز انام ????
#Menna_Elhawary????
“في صباح يوم جديد ملئ بالحداث”
• صحي مازن من النوم ، لبس هدومه و فطر افتكروا أنه عايش لوحده تمام ، و ركب عربيته و رايح الملجأ “
_ياسمين: صباح الخير يا استاذ مازن
_مازن: صباح النور
_باسمين: اومال فين استاذه نور
“مازن ماكنش متوقع سوألها مش عارف يقولها مخطوفه و مخطوفه من مين ابن خالتها ولا يقولها بدأ عقله يفكر. هيقولها ايه قطع تفكيره ياسمين “.
_ياسمين : هو انا سؤالي صعب اوي كده و محتاج تفكير
_مازن: هه لا مافيش حاجه هيا بس جاتلها سفريه فاجأه كده و سافرت و قالت هترجع يعني
_ياسمين: يا خساره انا حبيتها اوي ، طب هيا هترجع امتي
_ مازن: معرفش السفريه مش محدده ، ويلا سيبني عندي شغل كتير
_ياسمين: اسفه على الازعاج، بعد اذنك
_مازن: اتفضلي
” ياسمين خرجت و مازن بدأ يفكر في نور ، عاوز اشوفها بس اللمح طيفها ، كانت هيا الي بتتكلم معاها و بيضحك معاها
_مازن: كان نفسي احكيللك الي حصل ماعيا زمان اوي ، وكنت عاوز اعترفلك بحبي ليكي ايوه حبيتك من وقت صغير اوي ، معرفش ازاي ولا امتي كل الي اعرفه اني حبيتك حبيت ضحكتك حبيت قللبك الأبيض حبيت كل حاجه فيكي كنت عاوز اقرب منك اكتر و اعرف كل حاجه عنك و اعرفك كل حاجه عني روحتي بدري اوي ، ارحعني يا نور و ياريت متوافقيش علي حاجه
………………………………………………
_ خديجه 9 بالدقيقه كانت في الشركه، هيا فعلا ماكنتش عاوزه تنزل الشركه غير لما أهلها قالولها لازم تروحي شغللك و نور أن شاء الله هتكون بخير ، حاولوا يطمنوها و بعد إلحاح كتير نزلت
_خديجه: صباح الخير يا استاذ نوح
_نوح رفع عينه : صباح النور يا انسه خديجه ، ماكنتش متوقع انك تيجي
_خديجه عنيها دمعت : انا فعلا ماكنتش هاجي بس اسرار اهلي أن لازم اجي فجيت
_نوح: اهلك عندهم حق كان لازم تنزلي عشان هتفضلي تفكري كتير هتتعبي واحنا مش ناقصين اصلا
_ خديجه : ومين قال إني أنا هنساها حتي لو نزلت الشغل نور هتفضل شاغلي بالي لحد ما ترجع و اشوفها قودامي
_نوح: انا مقولتكيش انسيها انا بقولك تفكيرك يقل شويه علي الاقل تكوني مركزه في شغل في ورق مهم فإهمه
_خديجه: فاهمه ، انا رايحه مكتبي حضرتك عاوز حاجه
_نوح: لا اتفضلي ، اهه استني
_خديجه: افندم
_نوح: ياريت الاكل الي جوه ده يتاكل كله ، عشان عارف انك مفطرتيش فايتاكل احسن عشان هنزعل من بعض لو ماتكلش انا بقول اهه
_خدبجه: وانت عرفت منين أن انا مفطرتش الصبح
_نوح بغمزه: العصفوره قالتلي
_خديجه: ابقي قولها تخليها في حالها ماشي
_نوح: ابقي تعالي قوليها انتي بقي انا مالي
_خديجه: هاجي بس لما اشوفها بس
” خديجه راحت مكتبها و ضحكت علي طريقته و نوح سرح في خديجه لما ضحكت “
_خديجه في سرها: والله عنده انفصال في الشخصيه
#Menna_Elhawary
_ زينب: لازم تأكلي ي هدي مش هينفع كده
_هدي: ماليش نفس والله يا زينب
_ زينب: يا هدي يا حبيبتي نور كويسه متقلقيش وانا عارفه نادر كان اصلا بيحبها من زمان أوي
_هدي: وانتي عرفتي منين
_زينب بتنهيده: نادر قبل ما يخطب سهيله انا أستغربت انا قولت هيطلب نور ، بس مش عارفه ليه قلبي كان حاسس ان الموضوع مش هيتم الأخري ، واهه انتي شايفه نادر عمل ايه عشان نور
_هدي: كان ممكن ينهي كل حاجه و يطلبها اوي ماكنش عمل كده
_زينب: اكيد فيه حاجه حصلت عشان بعمل كده ، المهم يلا بقي متوجعيش قلبي
_هدي: خلاص يلاا
!!!!!!!!!!!!!!!!!!!!!!!!!!!!!!!!!!!!!!!!!!!!!!!
_ طب والعمل هنعمل ايه
_جنه: مش عارفه بس لو اعرف هو فين
_ المشكله ماحدش يعرف مكانه كأنه فص وملح و داب
_جنه : هعرف متقلقش ،، عرف بالي حصل
_اها عرف و قعد يقولي ليه و يعمل كده ليه كأنه بيحقق معايااا
_جنه : سيبه كده انا مش عاوزه يعرف حاجه
_هتفضلي حابساه كده علي طول
_جنه : انا هو والزمن طويل
#Menna_Elhawary
_يبنتي هتفضلي كده كتير اخلصي جوعت
_نور: تصدق بالله انا اول مره ادخل مطبخ اساسا
_ نادر: نعم !!! و جايه تدخلي دلقوتي انتي شكللك عاوزه تموتينا
_نور: لا لا متقولقش انا خلصت اهه ، شوف بقي
_نادر: ايه ده ؟!
_نور: مالك يلا ، جبنه و عيش اهه و جبنه رومي و زتون خيار حاجات خفيفه بس
_نادر: لا انا عارف ده كله ، ايه ده ؟!
_نور: ده ده بيض عيون بس ايه رأيك
_نادر: عيووون ايه يا نور ، ده شوربه بيض
_نور: شوربه بيض ايه ي معفن ، ده بيض عيون اول مره تشوفه
_نادر: انا اول مره اشوف بيض عيون بالشوربه اصلا
_نور: مش عاجبك ماتكلش متقرفنيش انا عارفه خاطفني ازاي مش المفروض العكس
_نادر: لا مش المفروض و اقعدي كلي بقي
_نور: حاضر
#Menna_Elhawary
_ براڤوا عليكي خلصتي الاكل كله كده هجبلك شيكولاته
_خديجه ضحكت : انت بتعامليني معامله الاطفال كده ليه
_نوح: عشان انتي في نظري طفله
_خدبجه يتذمر: بس انا كبيره علي فكره
_نوح: لما نشوف ، خودي
“طلع من جيبه شيكولاته كبيره “
“خديجه بفرح: الله كبيره اوي ، انا بحبك اوي
_نوح: انتي قولتي ايه
_خديجه استوعبت هيا قالت ايه : لا لا مقولتش حاجه
_نوح: لا قولتي اخر حاجه ايه
_خدبجه: اها قولت الشكولاته كبيره و حلوه اوي
_نوح: يعني مش بحبك اوي تؤتؤ حلوه اوي
_خدبجه اتمنت أن الأرض تتشق و تبلعها: لا علي فكره مقولتش كده
_خدبجه بجديه عشان تحاول تهرب: اتفضل يا استاذ نوح انا خلصت كل الملفات دي كلها و فيه اجتماع ل شركه Work بكره
_نوح عرف انها بتتهرب مرضيش يحرجها اكتر من كده : تمام هاتي الملفات دي كلها ، و الاجتماع بكره بأذن الله
_خدبجه : تمام ي فندم بعد اذنك
_نوح: رايحه فين ده مكتبك
_خدبجه بصت حواليها: تصدق اهه طب يلا انت اتفضل بقي ورايا شغل
_ نوح: انتي عندك انفصال في الشخصيه
_خديجه: شوف شوف مين بيتكلم
_نوح: قصدك…..
_خدبجه : ايوه ايوه
_نوح: انا كده اطمنت عديني بقي
_خديجه: اتفضل اشرب حاجه
_نوح: لا مش عاوز
“خرج نوح تحت ضحك خديجه و علي انفصاله ده وأنها وقعت بكلام كده “
_خديجه : كتك نيله في حلاوتك
&&&&&&&&&&&&&&&&&&&&&
_ ياسمين : كده كل حاجه بقت تمام
_مازن: طب الحمد لله ، فيه حد تعبان او فيه حاجه في الاولاد
_ياسمين : لا الحمد لله و يارا بقت كويسه و خفت الحمد لله
_مازن: طب الحمد لله
طق طق
_مازن: اتفضل
_ يارب ماكنش اذعجتك
_مازن: لا لا يا انسه سهيله اتفضلي ، المكتب نور
_سهيله: هو بنور بأصحابه
_مازن: اتفضلي ، هو فيه حاجه
_سهيله: كنت عاوز اكلمك في حاجه كده
_مازن: طب حاضر ، ياسمين اتفضلي دلقوتي و نشوف نشغلنا بعدين
_ياسمين : حاضر بعد اذنكوا
” ياسمين خرجت و فضل مازن و سهيله “
_مازن: في حاجه انا قلقت نور حصلها حاجه
_سهيله: لا محصلش حاجه انا بس عاوزه اشتغل
_مازن: تشتغلي فين ؟!
_ سهيله: هنا مكان نور
يتبع…….
لقراءة الفصل السابع عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية تزوجت فتاة السابعة عشر للكاتبة رحمة أيمن