Uncategorized

رواية عشق مخيف الحلقة السابعة 7 الجزء 2 بقلم ندى

رواية عشق مخيف الحلقة السابعة 7 الجزء 2 بقلم ندى 

رواية عشق مخيف الحلقة السابعة 7 الجزء 2 بقلم ندى 

رواية عشق مخيف الحلقة السابعة 7 الجزء 2 بقلم ندى 

فهد فتح الباب واتصدم ب شخصين قاعدين مستنينه.. في شقته !!!! 

فهد : انتوا مين وايه اللي دخلكوا هنا 

وليد : فهد.. كبرت وبقيت راجل اهو ، شبه ابوك بالمللي 

فهد : انت تعرف بابا 

وليد ضحك : عز المعرفة .. ابقي سلملي عليه .. هو ده مش بيته ولا ايه 

فهد شك في الراجل: لا ده بيتي انا 

وليد تظاهر بالنسيان : أخ انا نسيت عنوانه بس الاهبل اللي معايا ده جابلي عنوان غلط 

فهد : وانت حتي لو معاك عنوانه هتدخل البيت كدة 

وليد ضحك بمكر : اه طبعا .. حسام عملها معايا قبل كدة حتي اسأله قوله عملت ايه في وليد وهو هيقولك  .. ابقي سلملي عليه بقي .. سلام 

فهد مش عارف يتعصب ولا يطلع مسدسه عشان العيال مكانش حابب يتهور .. بس اللي متأكد منه ان الراجل ده بيكدب 

فهد بذكاء مسكه من دراعه وحط ايد التانية علي كتفه : انا مكنتش اعرف ان بابا عنده صحاب قريبين كدة .. نورت البيت 

وليد بصله بكره وابتسم وخرج 

سيلا بتوتر : انا مرتحتش 

فهد بقلق : ولا انا .. اقسم بالله لو طلع حاجة تانية مش هرحمه 

سيلا بدأت تقلق علي فهد  : طب يلا اتصل ب عمو خليه يعرف 

فهد : اكيد بس يلا خشوا بس غيروا هدومكوا دي 

دخل فهد اوضته يغير هدومه وبيفكر ياتري مين ده حس بضيق وان الموضوع مش سهل ورايا مليون قصة .. مسك موبايله ورن علي ابوه 

حسام : ايوة يا فهد 

فهد : بابا انت تعرف واحد اسمه وليد 

حسام : لا 

فهد : متأكد 

حسام بتفكير : مش فاكر بس تقريبا لا 

فهد : متعرفش حد خالص اسمه وليد من صحابك 

حسام اتصدم فاجأة: وليد !! 

فهد : مين 

حسام : وليد ده كان مهمة عندي زمان … ده من أعدائي بعد ما كان صاحبي وعشرة عمر 

فهد بقلق : بابا احنا لازم نتقابل وضروري 

حسام : حصل ايه بس وعرفت وليد منين 

فهد : وليد كان عندي في الشقة 

حسام بخوف : بتقول ايه 

فهد : دخلت لقيته عندي .. انا عايز اقابلك افهم القصة دي 

حسام : طيب تعال …  او  انا هجيلك انا عشان العيال ميبقوش لوحدهم 

فهد : تمام مستنيك 

———

بسنت بدموع : انا مش عايزة اعمل العميلة 

جاد : يا حببتي مش هتحسي بحاجة والله 

بسنت : مش هقدر لا .. انا مش بحب المستشفيات اساسا 

جاد : يعني عايزة تتعبي وافضل ساكت.. عشان خاطري بلاش تقلقيني عليكي ..انا عايزك تخفي 

بسنت : افرض حصلي حاجة 

جاد : لو اتاخرنا ساعتها ممكن يحصلك حاجة .. لكن دلوقتي مش هيحصلك حاجة 

بسنت : انا خايفة اوي 

جاد : والله عيب تقولي كدة وانا معاكي

بسنت : مش قصدي بس غصب عني بخاف 

جاد : خلاص بقي هتخليني اعيط معاكي انتي عارفاني 

بسنت ضحكت : لا متعيطتش خلاص هسكت اهو 

جاد بحب : شطورة 

بيجاد بضحك: انتوا بتكبروا ولا بتصغروا 

جاد : خليك في نفسك انت يا عجوز

بيجاد : انا طول عمري شباب ياخويا شوف نفسك بس انت 

جنة ضحكت بشدة : انتوا توأم علفكرة والله يعني شبه بعض 

بيجاد : حببتي بس انا احلي 

جنة : طبعا يا روحي 

جاد بتريقة : انتوا بتكبروا ولا يتصفروا 

حسام دخل فاجأة: العملية هتتعمل النهاردة ها .. بص ل بيجاد.. بيجاد تعال عايزك في حاجة 

جنة حست بقلق : هو حصل حاجة ول ايه 

بيجاد حس بخوفها المفاجئ  : انتي خوفتي كدة ليه .. هتلاقي فيه شغل ولا حاجة .. هخلص واجي 

جنة : طيب 

بسنت : يالهوي يالهوي انا هعمل العملية النهاردة .. انا عايزة اروح البيت .. عملية لاااا .. الواحد خلص من موضوع الولادة يطلعله عملية وبنج وخياطة وعلاج تاني ، يابختك يا سلمي 

جنة ضحكت : سلمي لو سمعتك هتتغر اوي 

بسنت : دي ربنا نجدها  

سلمي دخلت نعملها اكل 

جاد : ايوة بقي ..الوحيدة اللي حاسه بيا 

سلمي : ده ليا علفكرة 

جاد : والله 

سلمي ضحكت : خد كُل ..دايما مفجوع كدة 

جنة : اقولها 

بسنت ضحكت 

سلمي : تقولولي علي ايه 

جنة : بسنت بتحسدك عشان مولدتيش قبل كدة وهي مش عايزة تعمل العملية و هتاخد بنج وحقن وحاجات كتير كدة 

سلمي بغرور : يابنتي انا ربنا بيحبني اساسا.. انا خلفت من غير ولادة.. عندك فهد احلي شاب في الكون كله .. عندك سيلا بقت بنتي خلاص .. عندي عيال كتشييير اوي من غير ولا حقنة ولا بنج 

جنة ابتسمت جدا علي صاحبتها اتغيرت جدا كان نفيها تخلف ودلوقتي مقتنعة بشدة ان ربنا خلاها كدة عشان مصلحتها.. حبت فهد جدا كأنه ابنها فعلا .. تقريبا لو كانت خلفت مكانتش هتحب حد اكتر من فهد.. دايما ربنا ليه حكمة في كل حاجة بتحصل في حياتنا 

سلمي : يا كلبة البحر .. يابت .. انتي يابت… سرحانه كل ده في ايه.. مبرقالي ليه .. جننننننة 

جنة اتخضت : ايه .. ايه ..فيه ايه 

بسنت : سرحانة فيه ايه بقالنا ساعة بنكلمك 

جاد : سرحانة في سي روميو بتاعها 

جنة : هههه اخوك ده علفكرة 

سلمي :هو حسام فين صح 

جنة : خرج هو وبيجاد.. عندهم شغل تقريبا 

———-

كارما : كريم ما تيجي نلعب اي حاجة 

كريم : لا مش عايز .. روحي العبي مع احمد 

كارما بغضب: انت مش بتحب تلعب معايا ليه 

كريم: مش قصدي بس انا مش عايز العب دلوقتي .. سيبني اتفرج عالفيلم  بقي 

كارما : انت رخم 

كريم : اقعدي اتفرجي معايا .. بصي ده فيلم كرتون حلو هيعجبك  بتاع التنانين 

احمد : تعالي يا كارما العبي معايا

كارما : بجد 

احمد : ايوة يلا 

كارما : هنلعب ايه 

احمد : بصي يا ستي اللعبة دي سباق عربيات .. اللي يجيب سكور اعلي يبقي هو اللي كسبان 

كارما : اشطا 

الباب رن 

ياسمينه راحت تفتح 

فهد بسرعة : ياسمينه  متفتحيش .. انا اللي هفتح 

ياسمينة: ليه 

فهد : هو ايه اللي ليه .. افرضي طلع حد تبعي 

ياسمينة : طيب 

فهد فتح وكان حسام وبيجاد 

بيجاد بقلق : انت كويس صح 

فهد باستغراب : ايوة .. انتوا خايفين كدة ليه 

حسام : عشان انت متعرفش حاجة 

فهد : طب عرفني 

بيجاد : هقولك كل حاجة بس نقعد في اوضة فاضية 

فهد : تمام اوضة المكتب 

——— 

سيلا : بابا هنا 

ياسمينه: ايوة وكمان عمو حسام

سيلا: هو حصل حاجة ولا ايه 

ياسمينة: مش عارفة 

الجرس رن 

سيلا راحت تفتح لقت اخوها فتح ولقي ظرف 

سيلا : مين يا احمد 

احمد : مفيش حد .. لقيت ده بس 

سيلا اخدته وبصت كان مكتوب ” مفاجأة خاصة لفهد حسام المصري ” 

سيلا بفضول فتحته لقت صورة مامت فهد وصورة تانية ليها بس بملامح مختلفة كانت اكبر سناً ، ومعاه ورقة مكتوب فيها ”  كان نفسي افضل مخبي امك اكتر من كدة بس حقيقي مش قادر اصبر .. نفسي افجأك من زمان واستنيت كتير اوي عشان تتصدم في الوقت الصح كويس ” 

سياا مش قادرة تستوعب اللي قريته .. بس حست ان الموضوع مخيف و غامض ومرعب 

سيلا خبطت بتوتر ورعب ودخلت ليهم المكتب وعطت ل فهد الظرف 

فهد : ايه ده 

سيلا بصت ل فهد وحسام بخوف و صدمة .. وجريت وقفت جانب باباها ومسكت دراعه جامد 

فهد فتح الظرف وقرأ وشاف اللي فيه واتصدم بشدة .. حس الدنيا اسودت في وشه ..بص لابوه ول سيلا اللي واقفة ودموعها نزلت غصب عنها 

فهد مش عارف يعمل ايه..يقول لابوه ..يسكت..ولا يعمل ايه

بس للاسف ملحقش ياخد قرار .. حسام واحد منه الظرف بس ما لاحظ صدمته ونظراته 

حسام بصدمة اكبر ودهشة: نهي 

حسام وقع من الصدمة 

بيجاد بخوف : حسام .. 

فهد مش بيتحرك من مكانه 

سيلا : فهد .. الحق عمو حسام .. ابوك يا فهد .. فههههد 

فهد دموعه علي وشك النزول ولكن تماسك بشدة ، قلبه اتكسر نصين حاسس انه في كابوس  .. امه عايشة كل ده وهو مش عارف ؟؟؟! 

بيجاد وفهد شالوا حسام ونزلوا بسرعة عالمستشفي 

سيلا فضلت تعيط واتلم حواليها اخوها وياسمينه واخوتها يهدوها 

——–

وليد ضحك بشدة  : اخيرا حسام وقع ..

نهي بدموع: انت عملت فيه ايه .. حرام عليك .. اقسم بالله هقتلك.. هقتلك يا حيوان يا حقير يا زبالة .. انت مش بني ادم ..

وليد : هتقتليني ازاي يا تري 

نهي بدموع وكسرة : والله هقتلك 

وليد ضحك : انتي امتي هتعقلي بقي .. وبعدين المفروض تشكريني 

نهي بكت بشدة  وقهرة ومش عارفة تعمل ايه ..

———–

الدكتور خرج بعد فحص حسام : انا اسف بس الحالة … 

يتبع..

لقراءة الحلقة الثامنة : اضغط هنا

لقراءة باقي حلقات الرواية : اضغط هنا 

نرشح لك أيضاً رواية وحدة شغف للكاتبة ندى.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى