رواية قمر الزين الفصل الثالث عشر 13 بقلم ساسو محمد

رواية قمر الزين الجزء الثالث عشر

رواية قمر الزين البارت الثالث عشر

رواية قمر الزين الحلقة الثالثة عشر

بعد ما خلصوا وروحوا كل واحد دخل اوضته وقمر قعدت ع السرير بتفكر في زين ويا تري هو لسه بفكر فيها ولسه بيحبها ولا البعد علم الجفا زي ما بيقولوا وقعدت تفكر لحد ما قررت تبعتله رساله
عند زين
كان بيكلم كريم عشان يبلغه بخطوبته بيارا
زين : اخيرا كريم حب وطب وهيخطب
كريم : شوفت
زين : مبروك يا حبيبي ربنا يكملك علي خير
كريم : يارب ، عقبالك
زين بنتهيده : يارب
كريم : لسه مفيش اخبار عنها
زين : لسه
كريم : بس انا عندي الاخبار الجديده

زين باستغراب : اخبار اي
كريم : قمر
زين : وانت تعرف قمر منين
كريم : ما هي طلعت بنت خالت يارا
زين : بجد
كريم : اه بجد
زين : طب احكيلي
كريم حكاله اللي حصل من اول ما عرف قمر لحد الخناقه اللي حصلت بين قمر وكاميليا
زين : بجد كل ده
كريم : اه
زين : يعني هي فهمت اللي حصل وان كوكي تبقي اختك
كريم بضحك : اه بس بعد ما كانت هتاكلها
زين بضحك : اخيرا عرفت وفهمت
كريم : ولسه عايزاك كمان
زين : بجد
كريم : اه واتفقنا كمان خطوبتي انا ويارا هتبقي مع جوازك انت وقمر
زين : وتفتكر انها هتوافق
كريم : يعم وافقت واعترفت انها لسه خطيبتك
زين : بجد قالت كده
كريم بعصبيه : اه والله قالت كده
زين : خلاص يا عم متتعصبش
كريم : طب اقفل بقي عشان اكلم يارا شويه وبعدين انام
زين بضحك : طب يلا سلام

وقفل زين وقعد يفكر في قمر واللي كريم قاله وانها اخيرا عرفت الحقيقه اللي قعد مده طويله عايز يقولهلها وقاطع تفكيره رساله من قمر
قمر : هاي
زين بعدم تصديق : انتي قمر بجد اللي بعتالي
قمر : اه انا
زين : اخيرا حنيتي عليا وكلمتيني
قمر : انا اسفه كان لازم افهم الاول قبل ما ابعد واعمل كل ده
زين : علي قد ما زعلت انك بعدتي ورفضتب تسمعيني علي قد ما فرحت انك فهمتي وكلمتيني
قمر : يعني لسه بتحبني
زين : لو انتي لسه بتحبيني يبقي انا لسه بحبك واكتر كمان
قمر بعفويه : لسه بحبك
زين : طب وحشتيني
قمر : شكرا
زين : يعني اقولك وحشتيني تقوليلي شكرا
قمر : كفايه الكلمه الأولي اللي خلتني اقولها من غير ما اخد بالي
زين كان عايز يعرف كلام صح ولا بيقول كده : طب بلاش دي يا ستي قوليلي يا خطيبتي
قمر فرحت بالكلمه : قول يا خطيبي
زين بفرحه : يعني لسه خطيبتي بجد
قمر : اه بجد ، وعندي ليك مفاجأة اتمني تبقي مفاجأة حلوه
زين : طالما انتي اللي هتقوليها يبقي حلوه طبعا
قمر : انا راجعه القاهره الاسبوع ده
زين : بجد
قمر : اه بجد
زين : ده احلي خبر
قمر : طب عايزين نرجع نكمل بقيت جهازنا بقي عشان خطوبة كريم ويارا واقفه علي جوازنا
زين باستعباط : كريم مين ويارا مين

قمر : يارا بنت خالتي وكريم ابن خالتك
زين : وواقفه ازاي بقي خطوبتهم علي جوازنا
قمر عشان هما اتفقوا ان خطوبتهم تبقي مع جوازنا ومش هيتخطبوا غير كده
زين باستعباط برضو : اه عشان كده رجعتي كلمتيني مش عشان عايزانا
قمر : لا والله انا فعلا عايزانا نرجع وعرفت غلطتي وعرفت الحقيقه بس هما عايزين كده حتي اسأل كريم
زين : عارف وكريم قالي بس كنت عايز اعرفها منك انتي
قمر : وعرفت
زين : اه عرفت
قمر : طب يلا بقي اقفل ونام عشان انا كمان عايزه انام
زين : طب ما تخليكي شويه
قمر : لا يلا بقي عشان بجد عايزه انام
زين : طب يلا تصبحي علي خير
قمر : وانت من اهل الخير
وتأتي شمس يوم جديد تحمل المفاجأت لقمر
صحيت قمر كلها نشاط وحيويه وفرحه انها فهمت الحقيقه ورجعت لزين بس يا فرحه ما تمت بتفتح عشان تكلمه لاقيته عملها بلوك
بتكلم نفسها طب ازاي ده ما صدق اننا رجعنا لبعض وكان كلامه بيقول انه طاير من الفرحه اي اللي حصل وفضلت مصدومه وبتكلم نفسها لحد ما يارا دخلت عليها
يارا : صباح السكر علي قمرتنا
قمر : _________
يارا : قمــــــر
قمر بخضه : اي في اي
يارا : مالك
قمر : زين عملي بلوك
يارا : اي ، اي اللي حصل
حكت قمر اللي حصل امبارح
يارا : وبعدين
قمر : هو ده بس اللي حصل وصحيت لاقيته عملي بلوك
يارا : طب يمكن قولتي حاجه ضايقته

قمر : محصلش والله
يارا : طب ما يمكن مبقاش بيحبك
قمر بصدمه : تفتكري
يارا : الصراحه اه انتي بعدتي كتير اوي
قمر : انا السبب ، انا السبب
يارا : خلاص بقي حاولي متفكريش لحد ما ترجعي وتشوفي هو عمل كده لي
لتدخل عليهم هند
هند بخضه : مالك يا بنتي
قمر : ماما احنا لازم نرجع القاهره
هند : في اي
قمر : مفيش انا عايزه ارجع القاهره
هند : مفيش رجوع القاهره الا ما يارا تتخطب
يارا : ارجعوا دلوقتي القاهره يا خالتو ولما نحدد ميعاد الخطوبه ابقي تعالي
هند : امري الى الله
قمر : طب انا هجهز عشان نمشي
هند : استني لبكره حتي
قمر : لا مش هستني
هند : انا قولت اللي عندي ولو مشيتي لوحدك مش هيحصل طيب فاهمه
وسابتها وخرجت
قمر : طب انا اعمل اي دلوقتي
يارا : النهارده من بكره مفرقتش
وخلص اليوم من غير احداث وقمر فضلت حابسه نفسها وبتعيط لغايه تاني يوم
هند دخلت تصحي قمر لاقيتها صاحيه ولابسه
هند : انتي لابسه لي
قمر : مش انتي قولتي هنرجع القاهره
هند : انا عايزه افهم اي اللي حصل قلب حالك كده وخلاكي مستعجله علي رجوع القاهره
قمر : مفيش
هند : براحتك متقوليش ، بس انا مش هرجع القاهره دلوقتي
قمر : يعني اي
هند : يعني لو مقولتيش اي اللي غيرك كده وخلاكي مستعجله علي الرجوع مش هنرجع
قمر بحزن حكيتلها اللي حصل
هند بحزن علي بنتها بس مبينتش : تستاهلي
قمر بصدمه : اي
هند : بقولك احسن تستاهلي

قمر : انتي فرحانه فيا يا ماما ، فرحانه في بنتك
هند : اه عارفه لي
قمر : لي
هند : عشان غلطتي ولازم تدفعي ثمن غلطتك
قمر : لا مغلطتش هو اللي غلط
هند : برضو راكبه دماغك ومش عايزه تعترفي بغلطك
قمر : عشان مغلطتش
هند : طب خليكي بقي كده راكبه دماغك
قمر : طب يلا نرجع
هند : اصبري شويه
قمر : لا مش هصبر
هند : انا قولت اللي عندي
وسابتها وخرجت
هند بحزن : ربنا يصلح حالك يا بنتي بس انتي غلطتي وده عقاب ربنا انك ظلمتيه ورفضتب تسمعيه
قمر في الاوضه بتعيط لغايه ما هند دخلت عليها
هند : قومي يلا