Uncategorized

رواية واحتلت عرش قلبي الفصل السابع 7 بقلم رنا سعيد

 رواية واحتلت عرش قلبي الفصل السابع 7 بقلم رنا سعيد

رواية واحتلت عرش قلبي الفصل السابع 7 بقلم رنا سعيد

رواية واحتلت عرش قلبي الفصل السابع 7 بقلم رنا سعيد

رعد وهو يقول في اذنها بصوت خافت جذاب مثل السحر : موافقه تتجوزيني
لتحاول همس الثبات ف ماذا يفعل بقلبها ذلك الرجل الجذاب..جدا والذي استطاع ان يجعل قلبها ينبض ب اسمه..لتخونها اعصابها وتكاد تسقط ولكن اسندها رعد وهو يضع يده خلف ظهرها مما جعل وجوههما قريبة من بعض..ثم تومأ همس رأسها بالموافقه في خجل..ليبتسم رعد لها بهدوء عكس قلبه الذي يعزف الحان السعاده والعشق بداخله …وبعد ثواني انتهوا من رقصهما ورجعوا الى طاولتهم …
رعد وهو يرى اضطرابها الواضح : مالك ؟
همس بتوتر : مفيش
رعد : متأكده مفيش حاجه
همس : اه
رعد وهو يتنهد : ماشي
..ليقترب معتز عليهم…
رعد محدث معتز : عايزك تيجي معايا القصر بعد الحفله
معتز بإستفهام : ليه ؟
رعد : هقولك لما نروح
معتز بلا مبالاه : ماشي
لينتهي الحفل بعد نصف ساعه ويتجه رعد وهمس و معتز وبعض الى القصر الذي ينتظرهم فيه المأذون…بعد قليل دلفوا الى القصر
بعد رؤيه معتز للمأذون ..قال بضحك : ايه ده انت جايبلي عروسه ولا ايه
رعد بسخريه : لا يا خفيف..انا اللي هتجوز..
معتز بدهشه : نعم..ومين تعيسه الحظ ( بعد انتباهه لوحود همس )…اوعي تقول انهاا..
رعد : اه هي..
معتز : انت بتهزر
رعد : ههزر في حاجه زي دي ازاي..يلا بقى عشان انت الشاهد على العقد
ليتركه و يجلس في المقعد المواجه لهمس وبينهم يجلس المأذون..وهو يحدثها و لا يريد ان يشعر انها مجبرة : قرارك نهائي ؟
لتومأ برأسها بمعنى ” نعم ” بهدوء
بعد دقائق تم عقد قران رعد وهمس ..ثم خرج المأذون ..
معتز بضحك : يلا بقى good luck ..( اكمل وهو يقول بصوت خافت لرعد )..ابقى فهمني ايه الحكايه
رعد بصوت خافت : ماشي هفهمك بكرة
معتز وهو يومأ بالموافقه ويقول لهمس : مع السلامه يا انسه همس
رعد وهو يمسك يدها : مدام رعد الرفاعي لو سمحت
( لتخجل همس من فعلته هذه و حديثه ايضا )
معتز : مدام ؟..
رعد : اه هي مش اتجوزت…
معتز : بس..اااا
رعد : يلا بقى يا معتز مع السلامه
معتز بضحك: ماشي يا اخويا بتطردني بالادب..سلام
( ليخرج معتز من القصر ..وهمس افلتت اصابعها من بين اصابعه المشتبكه بها في خجل..و ابتعدت قليلًا )
شعر رعد بخجلها ..رعد.بهدوء : همس
همس وهي تنظر الي الارض : نعم
رعد بإبتسامه : لا انا هنا مش في الارض
همس بإبتسامه مرتبكه : اهو..نعم
رعد وهو يجلسها على احد الارائك ويجلس بجانبها : بصي..انا عايزك تعرفي انك دلوقتي مراتي يعني اي لمسه ليكي مش حرام ولا عيب..و تعاملتنا مش هتبقى بالحدود دي..
همس بقلق : يعني ايه
رعد بهدوء : متخافيش مني ده اولًا يعني..و ثانيًا يلا بينا نطلع فوق شويه
همس بإرتباك : فوق..ليه
رعد بإبتسامه امان : هفرجك على القصر
همس بشئ من الراحه النفسيه : ماشي
( ليصعدا الدرج..وهمس التي تتعمد الابتعاد عنه قليلا حتى يكون بينهم مساحه مما اثار ضيق رعد ..ثم تفرجا على القصر ورأت همس جميع الغرف ما عدا غرفه مغلقه ولم يعرض عليها رعد رؤيتها ..لتنوي بداخلها عدم سؤاله عنها ف وجودها ب هذا القصر فترة مؤقته …ليتجه رعد الى غرفته برفقتها )
رعد : فاضل اوضتي مشوفتيهاش
همس بإرتباك وهي تصطنع النعاس : خليها بكرة عشان هنام
رعد وهي يعرف انها لا تريد النوم : ماشي…
همس بتردد : ينفع اسألك سؤال
رعد بحنان : اكيد
همس بضيق : هي مين اللي كلمتها امبارح
رعد وهو يصطنع عدم التذكر ويريد اثارة غيرتها : انهي واحده بالظبط
همس بغيرة شديده : رررعدد !
رعد : افندم
همس بغيظ : روح نام
رعد بإستفزاز : مش عايز انام..روحي نامي انتي ، مش كنتي هتموتي تنامي
همس بعند : لا مش عايزة انام انا كمان
رعد بحده مصطنعه : طب اتفضلي انزلي نعقد تحت
همس بضيق : لا..
( لينقطع تيار الكهرباء ..ويحل الظلام في ارجاء القصر ثم تتشبث همس في ملابس رعد )
رعد مهدئا : في ايه متخافيش..استني هنزل اشوف في ايه
همس بخوف : لا..انا خايفه
رعد وهو يحيطها بذراعه : متخافيش انا معاكي اهو..بس هشوف في ايه وارجع
لتخجل همس من فعلته ولكن خوفها تغلب عليها ..فهي لا تخاف من اي شئ لهذه الدرجه سوى الظلام ..ثم تقول بصوت اقرب للهمس : لا خليك معايا
رعد وهو يخفض صوته لمستوى صوتها : طيب انتي موطيه صوتك ليه ؟
همس : عشان الاشباح ميسمعوناش وييجوا
رعد وهو يكبت ضحكه : امم..( ثم يشير الي ما خلف همس بصوت عالي نسبيًا )..الحقي الاشباح وراكي !
لتصرخ همس وهي تحيط خصر رعد خوفا وتغمض عينيها بشده ..ثم تنظر خلفها ولكن لم ترى شئ لتشغر بالغضب الشديد من رعد لتبتعد عنه بعنف : بتضحك عليا ! …اوعي كده
رعد وهو ينظر اليها بضحك : انتي بتخافي منهم اوي كده
همس بغضب : مالكش دعوه..
رعد بخبث : براحتك..انا هروح اشوف ايه المشكله اللي في الكهرباء
همس بتوتر : ط…طب خدني معاك
رعد بتنهيده : تعالي
لتفاجأه همس بإحتضان ذراعه وتحتمي فيه ..ليبتسم رعد من قربها له …ثم يهبطا الدرج وعند وصول رعد الى نهايه الدرج ..عاد التيار الكهربي..ثم بعدت عنه همس قليلًا
رعد بتنهيده : رجع خلاص..
همس : احم..طيب ..انا هنام بقى ، تصبح على خير
رعد بإبتسامه : مش كنتي هتسهري
همس : لا بقى احسن النور يروح تاني
رعد بضحك : طيب ماشي
يتبع..
لقراءة الفصل الثامن : اضغط هنا
لقراءة باقي فصول الرواية : اضغط هنا
نرشح لك أيضاً رواية خطأ أفقدني عذريتي للكاتبة سمسمة سيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى