رواية سلف ودين الفصل الثامن والعشرون 28 بقلم لولو محمد

رواية سلف ودين الفصل الثامن والعشرون 28 بقلم لولو محمد

رواية سلف ودين الجزء الثامن والعشرون

رواية سلف ودين البارت الثامن والعشرون

رواية سلف ودين الحلقة الثامنة والعشرون

أية / انا و الله تعبت يا ندى بجد
ندى / يا بنتى لازم نحاول
صوت جرس الباب
ندى / تفتكرى على رجع
أية / مش عارفه
سمر تدخل
سمر / انا اسفه اتعصبت و ما كانش المفروض اقول الكلام ده قدام على و عمر
ندى تبص لأية و تبتسم
سمر / هو على فين اعتزرله
ندى / نزل انا هكلمه يرجع انا متاكده ان هو كمان كان عصبى و قال كلام ما ينفعش يقوله
سمر / انا بعمل ده عشانك يا أية عشان ما تبقاش امك هى اللى وحشه و لا تنامى معيطه كل يوم بسببى
أية تقوم تحضن سمر و ندى تقوم تتكلم فى التليفون
………………………………….
فى الصيدليه عند حسام
نور / كنت فين يا ابنى سبتنى محتاسه و غطست
حسام / دا انا ما كملتش ساعه يادوب الطريق رايح جاى
نور / برده ما ينفعش تسبنى لوحدى فى اول يوم
حسام / يا بت بطلى الرعب اللى انتى فيه ده الادويه مترتبه ابجدى فى الرفوف و كل رف مكتوب عليه الحرف
نور / انا بتكلم على الهيروغريفى اللى بحاول افكه دى لو شفرات تبع الموساد هتبقى اسهل من كدا
حسام / هههههههههههههههههههههه معلش بكره تتعلمى و تتعودى و تفكيها تلقائى معلش
نور / قولى بقى كنت فين اروى نزلت و سالت عليك
حسام / لا كنت فين دى بقى مفاجاه هتعرفيها بعدين
نور / عليا انا برده يا حوس
حسام / ما تحاوليش مش هتكلم غير فى وجود المحامى بتاعى ههههههههههههههههه يلا وسعى كدا اما اخش ابص على حاجه
نور / ربنا يسعدك و يهديك
حسام / امين
حسام يسيبها و يدخل جوه
…………………………………….
على السفره عند عمر
عمر / على العموم مش هنتكلم فى اللى فات و باذن الله نفتح صفحه جديده
على / و ياترى دى هتكون اخر صفحه و لا لسه فى صفح تانيه
ندى / على
سمر / ربنا وحده عالم باللى فى القلوب بس انا اكبر منك فى السن و ما ينفعش تتعامل معايا بالشكل ده
على / بجد
سمر / انت و عمر مش بتراعوا ابدا فرق السن اللى بينى و بينكوا و حتى الالفاظ طول الوقت اخرسى اسكتى و شتيمه
عمر / صح فى دى معاكى حق احنا لازم ناخد بالنا من الموضوع ده
على يبص لعمر
ندى / هو صحيح يعنى فرق السن مش كبير بس برده و بعدين معلش يعنى طنط كبيره اوى عليكى
سمر / معاكى حق لا طنط كبيره اوى عليا سمر مش وحشه بس نتكلم بادب بصوت واطى ما تحسسونيش انى خدامه و لا بشتغل عندكوا دا حتى ارحموا عزيز قوم زل مش كدا
سمر تعيط و ندى و أية يقوموا يطبطبوا عليها و على بيبصلها
سمر / الله يرحمك يا حج ما كانش صوته بيعلى عليا ابدا و كان دايما يقولى يا ست الستات
على / انا اسف
سمر تبصله و ندى تبتسمله
على / انا هاخد بالى بعد كدا
سمر / و انا والله يا على ما بكرهك و لا بحاول اوقع بينك وبين اخوك ربنا وحده اللى يعلم انتوا بالنسبالى كلكوا زى أية بالظبط دا انا اللى مربياك يا عمر
عمر / حصل خير بقى يا جماعه نبدا صفحه جديده و نلتفت لام الفرح اللى ما بيتعملش ده
أية / ايوه بقى عشان خاطرى
ندى / احنا المفروض نخرج و نحتفل باليوم ده
أية / اه نروح السينما و لا الملاهى و نتفسح فسحه جامده زى بتاعه المره اللى فاتت
عمر / خدتى انتى على الفسح
أية / الله !! كتير عليا يعنى
سمر / مفيش حاجه تكتر عليكى يا ست البنات كلها
ندى / ها يا على
على / اللى تشوفيه و انا اقدر ارفضلك طلب
على يبص لسمر تبصله و تبتسم
…………………………..
فى شقه حسام بالليل
حسام نايم جنب اروى تليفونه يرن يرد
حسام / ما كنتش اتوقع تتصلى بالسرعه دى
سمر / انا عملت اللى عليا ورينى شطارتك انت بقى
اروى / مين
حسام / تمام هعدى عليكى بكره اخد الحاجه سلام
سمر / سلام
حسام يقفل
اروى / مين
حسام / هو ايه اللى مين مين مين كنت طالب حاجات من شركه ادويه و اتصلت بيا مسؤله المبيعات تقول ان الحاجات جهزت ارتاحى بقى
اروى / انا بطمن بس مش اكتر
حسام / اطمنتى ؟ نامى بقى
حسام ينام على جنبه و يدى ضهره لاروى و ينام
……………………………..
فى شقه عمر
أية / النهرده حقيقى اسعد يوم فى حياتى كلها
عمر / يارب علاطول
أية / انا مش مصدقه اللى حصل اقسم بالله كانى بحلم
عمر / مش هكدب عليكى و لا انا مصدق اصل دى مش اول مره امك تقول فيهم البقين دول
أية / لا بس المرادى ان شاء الله بجد و اخر مره و هتشوف
عمر / و جايبه الثقه دى منين بقى
أية / من انى محتاجاها اوى يا عمر محتاجه بجد الجو يهدى و نعيش زي باقى الناس من غير مشاكل محتاجه اننا ننسى كل اللى فات بقى و نفرح و ننبسط
عمر / و انا كمان والله يا أية و على و ندى السنه اللى فاتت الفتره اللى فاتت كلها كانت صعبه علينا كلنا و بجد خلاص
أية / بقولك ايه رايك ماما ترجع تعيش معانا تانى
عمر / انتى عارفه انا قولت تمشى ليه انا بس ما كنتش عاوز المشاكل تكبر بينى و بينها غير كدا تنور
أية / بجد يا عمر يعنى انت موافق
عمر / يا بنتى انا طول اليوم بره ما بدخلش البيت غير اكل و نوم و اكيد ما ببقاش عاوز اسيبك لوحدك يعنى بس هى هتعمل زى اخر مره و تفضل سحباكى فى ايدها للمحل رايح جاى و تشحطتك و لا ايه
أية / ايه سحباكى دى هو انا بقره
عمر / احلى بقره
أية / بطل رخامه بقى
عمر / هههههههههههههههههههه خلاص يا ستى حقك عليا وخداكى
أية / ما اعرفش انا هكلمها و اشوف
عمر / ماشى شوفى و اعملى اللى يريحك عشان انا خلصاااااااااان و بجد هموت و انام
أية / تنام ايه دا انا اروح فيك فى داهيه قوم كدا صحصح خلينا نحتفل بالانتصار العظيم ده
عمر / يا سلام و عاوزه تحتفلى ازاى بقى ان شاء الله
أية / تصدق انا الغلطانه نام نام بلا وكسه
عمر / هى حصلت لوكسه
أية تضحك عمر يضحكلها و ياخدها فى حضنه
……………………………….
فى شقه ندى
مها / يعنى انبسطتوا
ندى / اه بس على ما كانش مبسوط قالى انه مش مقتنع و انها ما بتعملش الحركات دى الا اذا كانت ناويه على بلوه سوده
مها / ليه بس ما يمكن ربنا هداها فعلا و قررت تتعدل
ندى / على مش بيطيقها يا ماما اللى شافه منها مش شويه و اللى حكاهولى عنها كمان بس أية بجد صعبانه عليا اوى هى مش زيها و على كمان قال كدا قالى انها طيبه و هبله بس مهياش عارفه مصلحتها فين و امها بتلعب فى دماغها و تبوظ حياتها
مها / انا لو منك ابعد خالص يا ندى احنا مش ناقصين مشاكل
ندى / دى عيله على الوحيده انا خسرت عيلتى ما ينفعش اخسر عيلته هو كمان انا و هو لوحدينا محتاجين عيله
مها / انتى هتبقى عيلته و هو هيبقى عيلتك
ندى / بس على روحه فى عمر ما ينفعش يتخلى عنه و كمان عمر و أية ما لهمش فى المشاكل خالص بالعكس ما انتى شوفتى أية قبل كدا
مها / انا عارفه انا بس بقول نقصر الشر زيارات خفافى كدا و صباح الخير يا جارى انت فى حالك و انا فى حالى
ندى / مش عارفه على العموم على قال ان دى اخر فرصه لو عملت اى حاجه غلط مش هيعمل حساب لحد و تخرج من حياتنا
مها / عشم ابليس عمره ما هيقدر يا بنتى ان قدر يخرجها من حياته هو مش هيقدر يبعدها عن اخوه و بنتها هترجعله بطريقه و لا التانيه هترجع لحياته تانى لازم يتعلم يتعامل معاها
ندى / دا بيقولى انه لولا أية كان قعدها فى دار مسنين بس عشان ما يجرحش شعور أية سايبها فى شقه ابوه الله يرحمه و سايبلها المحل تاكل منه بس هى مش فارق معاها المحل على قد ما فارق معاها تقرفهم ازاى
مها / شوفتها فى الصاغه ست صعبه اوى
ندى / ساعات بحسها غلبانه و ما بتعرفش تتكلم او ان على مش طايق اى كلمه من بقها و ساعات بقول يمكن خانها التعبير و ساعات بقول لا قاصده و هى وحشه مش عارفه
مها / بصى فى الاول و الاخر انتى ما لكيش دعوه بكل ده انتى مش قدها و كفايا عليكى اوى الهم اللى انتى فيه فوقى لنفسك كدا و لبنتك و جوزك و حياتك و شوفى هتعملى ايه فى دراستك و هتنظمى نفسك ازاى و انتى لوحدك هتنشغلى عنهم و هيخرجوا من حياتك لوحدهم
ندى / على بيقول كدا برضه
مها / طب شوفتى .. بقولك ايه اللحقى ناميلك ساعتين و حبيبه نايمه علشان لما تصحى تبقى مفوقالها
ندى تبتسم لامها مها تقوم و تقفل الباب
………………………………….
يوم الخميس فى كافيه
سمر قاعده حسام يدخل يقعد
حسام / ازيك
سمر / كان ايه لزمته الشحطته دى و اتاخرت اوى كدا ليه انا كنت خلاص زهقت
حسام / مش لازم اتاكد ان عريس الهنا بلع الطعم و سايبك فى حالك مشيت وراكى من البيت لحد هنا و لما اتاكدت انه مش وراكى لا هو و لا اى حد دخلت
سمر / للدرجادى انت محسسنى ان على ده حاجه مهمه و لا بيشتغل فى المخابرات مثلا
حسام / ما ينفعش اسيب اللى بعمله فى الناس يطلع عليا و لا ايه
سمر / المهم عشان الوقت انا مش هقدر استحمل الهبل ده كتير فيا تلحق يا ما تلحقش
حسام / لا اعقلى مش هتطبخى الطبخه و ترشى عليها فى الاخر تراب فوقى
سمر / اللهم طولك يا روح
حسام / بصى يا ستى انا عاوزك تعزمى ندى على الغدى و تخليها تقعد فى البيت اطول فتره ممكنه و تراقبيها و تعرفى تحركاتها فى الشقه لو فى مكان معين بتاخد راحتها فيه سرير مثلا
سمر / ليه
حسام / عشان عاوز ازرع كاميرا صغيره ما حدش هيشوفها و لا ياخد باله منها فى البيت
سمر / لا طبعا مستحيل كاميرا ايه اللى تحطها فى البيت
حسام / يا ستى انتى خايفه من ايه ما التسجيلات كلها هتبقى فى ايدك
سمر / ازاى يعنى
حسام / من الاخر كدا انا هحط كاميرا صغيره فى حته مداريه تصور الحبيبه مع بعض كام صوره حلوه استفيد بيهم فى القضيه
سمر / طب و الكاميرا دى هتبقى شغاله طول الوقت افرض يعنى
حسام / ما قولتلك التسجيلات كلها تحت ايدك خلينى اكمل .. الكاميرا دى بتبعت التسجيلات لجهازك فى المحل هنا زيها زى كاميره المراقبه اللى فوق دى و انتى بقى زى الشاطره تفلترى التسجيلات و تدينى فلاشايه صغيره كدا عليها اى مشهد بين على و ست الحسن فهمتى
سمر / موت يا حمار على ما توصل للى انت عاوزه على و ندى ما بيجوش لوحدهم دايما عمر و أية فى البيت دا فى يوم جاب ندى لوحدها و سابها و مشى
حسام / مهما مش ملايكه و اكيد يوم ورا التانى هنعرف نظبطلهم مهموز حلو
سمر / طب ما لا صور و لا بتاع احنا نتصل بندى و نقولها ان على بيخونها فى الحته الفلانيه تروح و نفس المكالمه لعلى و نبلغ البوليس يقفشهم متلبسين
حسام / ههههههههههههههههههههههههه حلو شغل الافلام ده بس دى بنسبه مليون فى الميه هتفشل ليه بقى عشان تضمنى منين انها ما تتصلش بعلى او حتى ما تكونش معاه وقت المكالمه و تضمنى منين ان الاتنين هيروحوا لوحدهم
سمر / يوووووه
حسام / بصى احنا ممكن نعملها خطه بديله بعد ما ارتبها فى دماغى لو اللى فى دماغى باظت او ما عرفناش ناخد معاهم حق و لا باطل مع ان الفوتوشوب ما خلاش فى نفسنا حاجه احنا بس محتاجين حاجه نبنى عليها ما هو ما ينفعش الصوره من اولها لاخرها كدب
سمر / بص هى اول ما بتدخل بتنيم حبيبه فى اوضه أية بنتى و بتقضى نص اليوم معاها بترضعها بقى بتنيمها و لما بتنام بتخرج من الاوضه و حتى لما بتنام بتنام جنبها
حسام / حلاوتك يا سمسم و انتى شغاله معايا مهو ده بالظبط اللى احنا عاوزينه المهم بقى انا عاوزك تصوريلى الاوضه دى فيديو كدا و تبعتيهولى على الواتس على الرقم اللى معاكى و انا هقولك بالظبط تعملى ايه
سمر / انا مش مرتحالك
حسام / و ايه جابرك زى ما قولتلك بيكى من غيرك هوصل للى عاوزه انتى اللى محتاجانى مش العكس
سمر / اللى بتطلبه منى خطر و انا و بنتى فى وش المدفع
حسام / مفيش اى حاجه لا عليكى و لا على بنتك
سمر / يا سلام الصور دى اتاخدت ازاى
حسام / انا زرعتها
سمر / يا راجل و دخلت البيت ازاى
حسام / صوريلى الاوضه و انتى تعرفى هدخل الشقه ازاى
سمر / اقسم بالله اى صوره تتاخد بالغلط حتى لبنتى او ليا ما هيكفينى فيك موتك
حسام / هههههههههههههههههههه انتى عندك زهايمر و لا ايه ما انا لسه قايل الفيديوهات هتتبعت اول باول على جهازك هنا و انتى اللى هتفنطيها و تدينى على فلاشه الحاجات اللى هشتغل عليها و انتى و شطارتك بقى يعنى الصور انتى اللى هتديهانى اغنيهالك
سمر / ماشى امرى لله
حسام يطلع رزمه فلوس متينات
حسام / الفلوس دى خليها معاكى
سمر / بتاعه ايه
حسام / تعبك هو انتى هتشتغلى معايا ببلاش
سمر / بس دول كتير اوى
حسام / اوصل لندى و هتاخدى اضعاف اضعافهم كمان
سمر / طب و على هتعمل معاه ايه
حسام / يا خبر النهرده بفلوس بكره الصبح هيبقى على كل لسان انا قايم ورايا شغل هستنى الفيديو
سمر / ماشى
حسام يطلع فلوس من جيبه و يحاسب و يشاورلها و يمشى
………………………………
فى المحل عند على
حمله من الحكومه بتفتش فى المحل و ناس بتصور
احمد / هو فى ايه
على / انت شايف ايه
موظف / انا عاوز اشوف دفاتر الحسابات و الفواتير بتاعه المحل
موظف تانى / انا عاوز اشوف التراخيص بتاعه المكان
على / اوى اوى تحت امر حضرتك خدهم يا احمد المكتب و خليهم يشوفوا كل اللى هم عاوزينه
على يروح المطبخ يلاقى ناس بتفتش فى التلاجات يروح لواحد منهم
على / فى اى مشكله ؟؟؟
الموظف / انت صاحب المكان ده
على / تحت امرك
الموظف / اللحوم اللى فى التلاجه دى مصدرها ايه
على / كلو بلدى و فى المكتب فواتير التوريدات من الجزارين و الفرارجيه اللى بنتعامل معاهم
الموظف يبص يمين و شمال
على / هو انتوا هتزوروا الفرع التانى امتى عشان افضى نفسى باذن الله
الموظف / افندم
على / انا و انت عارفين ان ده بلاغ كايدى مش ده بلاغ برده
الموظف / على فكره احنا عارفين شغلنا كويس اوى
على / اكيد ما اعترضتش و انا زى ما قولت لحضرتك انا تحت امرك فى اى حاجه
الموظف / انا هاخد عينات من اللحوم و الفراخ اللى فى التلاجه و ابعتها للمعامل و اكتب تقرير بصلاحيتها و هشرف على التقرير دا بنفسى يا محترم
على / انا و التلاجات تحت امر حضرتك
الموظف يبص يمين و شمال
على / هو حضرتك بتدور على حاجه لو تحب تشوف فواتير التوريدات عشان تتاكد انها بلدى مش مستورده ممكن تيجى معايا المكتب مكيف و نضيف احسن من المطبخ و قرفه
الموظف / اتفضل
على ياخد الموظف المكتب الاتنين التانين بيبصوا فى ملفات ورق
على / هو البهوات داقوا بيتزا الاكيل الجديده احنا عاملين عليها عرض خد واحده عليها واحده مجانا البيتزا دى بقى اربع انواع فى نوع واحد سجق و سى فود و جبن و شاورما رهييييبه معاها لتر ساقع و طبق كول سلو و طبق سمبوسك بالجبنه خمس قطع رهيييييبه
واحد من التلاته / انا الحقيقه ما جربتهاش
على / احمد عد الرجاله اللى بره و قولهم يعملوا اوردر بيتزا الاكيل بالعرض لكل واحد فيهم بسرعه
احمد / تحت امرك يا رياسه
احمد يطلع بره على يشد كرسى و يقعد و هو مبتسم
على / تحبوا تشربوا ايه
………………………………………
فى شقه ندى
على / انتى مخضوضه كدا ليه يا بنتى انا كنت مستنيهم اصلا و متوقع اكتر من كدا و مجهز نفسى
ندى / و اخرتها ما هو مش كل مره هتعدى على خير
على / لا كل مره هتعدى على خير باذن الله عشان سببين الاول ان ورقى و حاجتى كلها فى السليم تانى سبب ان تلتربع الموظفين مرتشيين و كلو فى البلد دى بيمشى بالحب
مها / والله عندك حق دا تلتربع المحلات بتقدم لحوم بايظه و فاسده و لا حد بيكلمهم
على / كلو بيقلب رزقه
ندى / و ياترى الكلب ده غرمك كام بقى
على / انتى مالك واخده الموضوع على اعصابك ليه على فكره مش اول و لا اخر مره عادى يعنى و ياما ايام الحج انور الله يرحمه شوفت الاشكال دى امال انا اتعلمت اتعامل معاهم من الهوا يعنى و تصدقى بقى دول ممكن اوى ما يكنش حسام اللى باعتهم خالص و يكونوا جم لنصيبهم
ندى / يعنى هيجى غيرهم
على / ممكن تهدى كدا و تكبرى و تسيبى الشغل عليا انا فى المواويل دى من سنين و عارف اولها من اخرها ما تخافيش بس
ندى / ربنا يستر
مها / انا عاوزاك فى حاجه يا على بس مش عارفه وقته و لا لا
على / وقته و نص خير
مها / دلوقت ندى مصممه تروح مع حبيبه بيت عمها و انا بقولها ما ينفعش تبعتها معايا و لا مع ابوها و لا حتى يجوا هما ياخدوها
ندى / ماما لو سمحتى
مها / خلاص اجى معاكى
ندى / مش هياكلونى و بعدين انا لازم اخليهم يعرفوا ان حبيبه مش لوحدها و انى مش هسيبها
مها / ما تقول حاجه يا على
على / هقول ايه يعنى ربنا يعينها بس هتروحى معاها لحد هناك و هتخليهم يشوفوا شكلك و انتى بتسيبى حبيبه كانك بتقولى لحسام خطتك نجحت و دى فعلا ايدى اللى بتوجعنى
ندى / من غير ما اقول حبيبه هى ايدى اللى بتوجعنى مش حاجه تستخبى يعنى بس على الاقل ما اعرفش هتبقى لحظه صعبه عليا لكن هتبقى اصعب لو بعتها مع اى حد و انا مش عارفه ايه مستنيها هناك لكن لو روحت هعلمهم يتعاملوا معاها هرتب حاجتها بنفسى ما اعرفش
على / طب خلى ماما تيجى معاكى
ندى / هيستفزوها و هتفضلو تزعقوا قدام بعض انا هروح لوحدى
على / طب اوصلك و استناكى و اجيبك
ندى / هو انا صغيره يا على و بعدين انا ممكن اتاخر هناك
على / ليه يعنى
ندى / بص ما تقلقش عليا انا هبقى معاك على التليفون خلاص
على / هى دماغك الناشفه دى فيها ايه
ندى / ما فيهاش بس انا مش عاوزاهم يشوفونى ضعيفه و لا واخده حد اتحامى فيه انا عوزاهم يعرفوا انهم مهما هيعملوا انا ما بتهزش
على / و مش هتتهزى
ندى / هتشوف
على / خلاص اعملى اللى يريحك
ندى/ شكرا
على يضرب كف على كف و يبص لمها و يهز كتافه اعملها ايه مها تبص الناحيه التانيه و تسكت
…………………………..
فى شقه نور يوم الخميس
نور / انا ما كنتش مصدقه و انتى بتقوليلى انك عاوزه تشوفينى
ندى / انتى قولتى انك عاوزه نفضل اخوات
نور / اكيد و على فكره فرحانه اوى انك جيتى مع حبيبه
ندى / انا قولت اعلمك تتعاملى معاها ازاى
امانى تطلع من المطبخ و شايله عصير
امانى / مخلفه بدل العيل اتنين ما تخافيش اوى يعنى هنعرف ناخد بالنا منها ما كانلوش لزوم تعبك
نور / ايه يا ماما الكلام ده
امانى / بطمنها
ندى / هو عمى موجود
نور / انا كلمته فى التليفون و قولتله انك هنا و زمانه جاى
امانى / اخبار عريس الهنا ايه سمعنا انك اتخطبتى
ندى / اخبار اروى اية مفيش حاجه حلوه جايه فى السكه
امانى / قريب باذن الله
ندى / امين
باب الشقه يتفتح و حسام يدخل بلهفه يلاقى ندى قاعده
حسام / ازيك ما كنتش مصدق انك جيتى
ندى / انا مع بنتى لحد ما اطمن عليها لو ما عندكش مانع
حسام / ابدا البيت بيتك تنورى فى اى وقت
ندى / شكرا
حسام / ممكن اشيلها
ندى تديهاله
حسام / بسم الله ما شاء الله شبهك بالحته فاكره يا ماما اول مره شلت فيها ندى و هى قدها
امانى / دا انت عملت فرح هههههههههههههه
نور / ايه يا ابنى هاتها حبه
حسام / لا خليها معايا شويه
تليفون حسام يرن يبص على جيبه و ايديه الاتنين شايلين حبيبه جرس الباب يضرب نور تفتح اروى تدخل
اروى / الله دا الحبايب كلهم متجمعين هنا
امانى / تعالى يا حبيبتى كنت لسه هتصل بيكى تيجى تتغدى
اروى / معلش يا ماما عزراكى ما هو واضح انكوا مشغولين
نور / تعالى يا اروى شيلى حبيبه شويه
اروى تدخل و تقف جنب حسام
اروى / منوره يا ندى ما كنتش متوقعه انى اشوفك
ندى / جيت اطمن على حبيبه
اروى / هناكلها و لا ايه ما هى فى حضن ابوها يعنى مش فى حضن راجل غريب
ندى / ما تخافيش مش ناويه اطول
حسام / هى ما تقصدش كدا على فكره دا فى الاول والاخر بيت عمك تيجى فى اى وقت و تقعدى زى ما تحبى
اروى / انا عامله عليها لحسن خطيبها يتخانق معاها انها اتاخرت
نور / هو احنا هنتعرف عليه امتى
ندى / قريب باذن الله
حسام يبتسم
ندى / انا همشى بقى هتعوزوا حاجه
حسام / استنى هاجى اوصلك
ندى / ما تتعبش نفسك انا همشى لوحدى
اروى / سيبها يمكن خطيبها مستنيها تحت
ندى / لا الحقيقه ما هواش تحت عنده شغل انا قولت اجى لوحدى مش صغيره يعنى
الباب يتفتح و محمد يدخل
محمد / اهلا اهلا اتارى الشارع منور
ندى / ازيك يا عمى
محمد / بقيت زى الفل لما شوفتك يا قمر انتى
ندى / انا جبت حبيبه زى ما اتفقنا و باذن الله هاجى بكره الصبح اخدها
محمد / تنورى يا ست البنات
ندى / عن اذنكوا
نور / على فين يا بنتى انا لسه ما قعدتش معاكى و لا اتكلمنا فى حاجات كتير اوى عاوزه اتكلم معاكى فيها
اروى / ما تحرجيهاش يا نور يمكن مش مرتاحه وسطينا
ندى / لا والله انا مرتاحه فى اى مكان و اى وضع الخوف لتكونى انتى مش مرتاحه فى وجودى
اروى / و انا مش هرتاح ليه يعنى
حسام / انا شامم ريحه سمك و لا انا بيتهيالى
امانى / عامله صينيه سمك بالفريك هتاكل صوابعك وراها
حسام / طب ما تغرفوا يا جماعه انا واقع
اروى تدلع على حسام
اروى / انا عملالك فوق صينيه كوسه بالفراخ هتاكل صوابعك وراها
حسام / انا ما بحبش الكوسه هاكل هنا بس تسلم ايدك برده
اروى تتكبس تليفون ندى يرن تبص عليه
ندى / انا لازم امشى عشان ما اتاخرش
حسام / لو تحبى اوصلك
ندى / مفيش داعى
حسام / ليه خايفه اخطفك فى السكه هههههههههههههههههه
ندى / اتفضل
ندى و حسام يمشوا و اروى بتنفخ
……………………………………..
فى العربيه
حسام / على فكره ممكن تفتحى فيديو كول فى اى وقت و اصورلك حبيبه عشان ما توحشكيش يعنى
ندى ما تردش و تبص من الشباك
حسام / مش تباركيلى على الصيدليه اهو احسن من قعدتى
ندى / مبروك
حسام / اخبار على ايه
ندى / قال يعنى ما انتش عارف
حسام / عارف بس اسمع منك
ندى / اطمن على زى الفل و حركات العيال الهبله اللى انت بتعملها معاه ما بتهزوش
حسام / يا جامد ههههههههههههههههههههه
ندى تبص للناحيه التانيه و تنفخ
حسام / اسمحيلى اديكى نصيحه
ندى تبصله
حسام / ما تعشميش نفسك اوى عشان ما تتعبيش
ندى تبتسم و تبص الناحيه التانيه
حسام / انا مش هخل باتفاقى و لا هرفع قضيه ضم زى ما وعدت بس صدقينى الحوار ده مش هيكمل
ندى / تعرف تخليك فى حالك
حسام / هو ده حالى
ندى / اقف انا هنزل هنا
حسام / هانت خمس دقايق و نوصل و لا خايفه حبيب القلب يشوفك نازله من عربيتى
ندى / على واثق فيا اوى و عارف قد ايه بكرهك و ان عمرى ما هبصلك و لا هطيق ريحتك
حسام / مش عارف ريحتى تعباكى ليه هههههههههههههههههه دا انا بستخدم برفانات مستورده حتى
ندى / زوقك يقرف
حسام / ما تقوليش كدا دا انا حتى اخترتك
ندى / انت هتوقف المخروبه دى و لا انط منها
حسام / لا هقف و لا هتنطى عشان وصلنا
حسام يركن العربيه قدام المحل عند على ندى تيجى تفتح الباب تلاقى اللوك مقفول تبصله
ندى / افتح اللوح
حسام يبص يلاقى على خارج من المحل يفتح اللوك و هو مبتسم
حسام / حمد الله على السلامه
على يفتح الباب ندى تمشى حسام يشاور لعلى و على يرزع الباب حسام يمشى يبص لندى
ندى / الحيوان ده بيحضر لمصيبه
على يهز راسه ندى تبصله يبص الناحيه التانيه تمشى و تروح شقتها
…………………………….
فى شقه حسام
اروى / خلاص الشهامه واخده حقها يعنى
حسام / حبيبه نايمه
اروى / و طبعا كل اسبوع هتنطلنا بقى بحجه بنتها و كل اسبوع ليه بكره هنصحى نلاقيها على دماغنا عشان بنتها
حسام / بنتى اللى احب افكرك انها نايمه
اروى / انا هروح اشيل اللوب
حسام / براحتك
اروى / انا كمان من حقى فى عيل ماما لما مشيت قالتلى ان الست هانم نبطت عليا بالكلام
حسام / قولت براحتك ممكن بقى شويه هدوء
اروى / طبعا ليك حق ما انا بقيت تقيله على قلبك و بعدين انت مصدق اصلا حكايه خطيبها الخيالى ده
حسام يقوم يقعد و يخبط كف على كف
اروى / يا ابنى فوق لو كان فى بجد كانت مشيت فى كل حته توريه للناس مش تخبيه
حسام يبصلها و يحط خده على ايده
اروى / دا كهن حريم عشان قال يعنى انت اتجوزت شوف انا عرفت اجيب راجل بسرعه ازاى اصلا مين هيقبل بواحده ما بتخلفش و مطلقه و فى ظروف ندى
حسام / اللى هى ؟؟؟
اروى / هى حلتها حاجه لا مال و لا جمال و لا اخلاق و لا فيها ميزه اصلا
حسام / دا ايه الغل ده
اروى / غل ؟؟؟
حسام / ندى ما عندهاش لا جمال و لا اخلاق و لا فيها ميزه
اروى / امال انت طلقتها ليه لو كانت عدله
حسام / انا مش هرد عليكى
اروى / انت لسه بتحبها
حبيبه بتعيط
حسام / تصدقى انا الخميس هبات عند امى تحت و اسيبك هنا تهرى و تنكتى فى نفسك كدا
حسام يشيل حبيبه و يشيل شنطتها بايده التانيه و يخرج و اروى بتفرك
………………………….
فى شقه ندى
ندى تتصل بعلى فى التليفون يرد
على / الو
ندى / هو انت زعلان منى
على / لا
ندى / ليه مش المفروض تزعل ان حسام وصلنى
على / ههههههههههههههههههههههه زعلان بس مش وقته
ندى / يعنى ايه
على / يعنى مش هبقى انا و الدنيا عليكى يعنى اكيد زيارتك ليهم ما كانتش سهله
ندى / لا هى كانت سهله مرواحى من هناك اللى ما كانش سهل يعنى حاولت ما ابصش على حبيبه خالص و انا ماشيه عشان ما ارجعش و اشدها منهم
على / هتروحى بكره برده تاخديها بنفسك زى ما قولتى
ندى / لا هبعت بابا بعد الصلاه يجيبها انا مش هروح هناك تانى
على / انا تهمنى راحتك على فكره و عارف انك بتحاولى تقللى وقت الفراق بينكوا لاقل وقت ممكن و انا فاهم ده عشان كدا لا اتكلمت و لا هتكلم
ندى / قالى ما تعشميش نفسك عشان مش هيحصل
على / مفيش فى ايده حاجه يعملها و اللى بيعمل ما بيقولش ايه بيحزرنا عشان ناخد احتياطاتنا يعنى مش منطقيه و لا انتى شايفه ايه
ندى / انا بخاف منه اوى يا على مش متخيل و بحس انه عارف قد ايه بخاف منه بحس انى فاشله فى انى ادارى خوفى ده
على / بحس بالعجز لما بتقولى كدا بس اعمل ايه اكتر من كدا عشان تبطلى خوفك ده بس فى نفس الوقت فاهم اللى شوفتيه مش شويه و اللى عمله كمان مش شويه دا مصيبه مين ممكن يجى فى دماغه القرف ده كله دا اقنع اهله انك سبتيه و هو اللى سايبك
ندى / ممكن نغير السيره نتكلم فى اى حاجه حلوه
على / اه اوى عمر كلمنى و سالنى ان كنتى مش هتنزلى بقى تنقى الفستان أية عاوزه تيجى لو ما كانش عندك مانع بتقولك ممكن تاخدك عند الست اللى فصلتلها فستانها
ندى / صدقنى انا مش فارق معايا اصلا حتى لو زفه عربيات انا راضيه
على / انا مش راضى انا مش هتجوز كل يوم يا اختى انا هاخد عمر بكره و ننقى البدل بقى دا انا هبقى قمر يوميها البنات هتولع فى روحها من حلاوتى
ندى / ههههههههههههههههههه
على / الواد ابراهيم بيقولى على مركز كدا العريس بيروح يقضى فيه يوم قبل الفرح يفك عن نفسه و يفك التوتر و يتظبط
ندى / ازاى يعنى
على / ماساج بقى سونا جاكوزى دلع
ندى / ههههههههههههههههههههه حقك تدلع
على / ايه رايك احجزلك هناك تفكى التوتر بتاعك ده و تنسى نفسك
ندى / هو اللى شغالين هناك رجاله و لا ستات
على / ايه السؤال ده اكيد اللى هيعملولك ستات و اللى هيعملولى رجاله اكيد يعنى
ندى / واثق اوى
على / ما هو لو غير كدا قسما بالله ما يحصل قال راجل يحط ايده عليكى و يدلك دا انا انفخه
ندى / ههههههههههههههههههههه الله ما تخليك اوبن مايندد يا علوه ما انا ما اتكلمتش لو كانت ست اللى هتدلكك
على / يا شيخه ايه ده انتى مش بتغيرى عليا و لا ايه للدرجادى انا معفن و ما يتبصليش
ندى / هههههههههههههههههههههههههههههههههههههههههههه لا مش قادره هموت من الضحك
على / ياريتنى كنت معاكى دلوقت ما تفتحى الشباك
ندى / عندى حل احلى
ندى تفتح الكاميره
على / ايه القمر اللى هل ده
ندى / مش حوار ما يتبصلكش بس انا واثقه انك مش هتبص لحد غيرى انا واثقه فيك انت
على / بحبك
ندى وشها يحمر
على / منه لله اللى باعدنى عنك
ندى / هانت
تليفون ندى يرن
ندى / على دا حسام على الوايتنج
على / خير
ندى / مش عارفه تكون حبيبه جرالها حاجه
على / طب ردى و شوفى عاوز ايه و انا هنا اهو طمنينى
ندى / اوك اوك
ندى تفتح المكالمه بتاعه حسام
ندى / خير حبيبه جرالها حاجه
حسام / لا حبيبه كويسه بس كنت عاوز اسال حاجه
ندى / خير
حسام / هو عادى انها تبقى مصهلله كدا فى الوقت ده
ندى / قولتلك ما تاخدهاش انت مش هتعرف تسهر بيها
حسام / لا طبعا انا ما بشتكيش
ندى / هى اكيد نامت فتره طويله بالنهار عشان كدا صاحيه دلوقت على العموم هى لو رضعت كويس و غيرت البامبرز مش هتقعد كتير و هتنام علاطول
حسام / ما افتكرش حاسس انها عرفانى بتلاعبنى
ندى / هى عندها قد ايه اصلا و لا شافتك كام مره عشان تعرفك
حسام / الدم بيحن
ندى / انت بتوهم نفسك
حسام / افتح الكاميرا اوريكى مبسوطه معايا ازاى
ندى / هى اروى فين
حسام / نامت ليه
ندى / طب مش خايف تعملك مشاكل لما تلاقيك فاتح الكاميرا معايا
حسام يبتسم
ندى / انا مش هنام هسهر لو فى اى حاجه بجد كلمنى
حسام / طب و ليه اقفل و اكلمك ما تخليكى معايا لحد ما حبيبه تنام
ندى تقفل السكه فى وشه و تكلم على
ندى / انا استاهل ضرب الجزمه انى سبتهاله
على / ليه فى ايه اطلع العربيه
ندى / لا مش مستاهله البيه بيتسلى حبيبه مصحياه فبيتسلى قال ايه اخلينى معاه لحد ما تنام بجد حرق دمى
على / طب اهدى هنستنى منه ايه يعنى
ندى / بجد مش قادره افهمه و مش قادره اطيقه انا بجد
على / نونو
ندى تبصله و تحاول تهدى
ندى / على
على / بحبك
ندى تهدى خالص و تبصله بحزن
ندى / و انا كمان والله بس مش هقدر استحمل القرف ده كل اسبوع بجد
على / لا ما تخافيش انا و انا بوصل عمى الصبح بعد الصلاه هقوله ازاى ينكد على اللى جابوا الكلب ده عشان يعرف يتكلم مع البنات فى نص الليل
ندى / ايه هتخليه يقول لمراته يعنى طظ واضح اوى انها مش فارقه معاه
على / برده مفيش اسوء من نكد الحريم
ندى / هههههههههههههههههههه
على / اه والله زى ما بقولك
ندى / سبها لله انا بجد حاسه ان فى حاجه كبيره اوى نقصانى
على / مش هكدب عليكى و انا كمان بس هنعمل ايه لازم نتعود
ندى / الحمد لله انك جنبى تساعدنى اعدى اليوم ده على خير
على / الحمد لله ان انتى اللى جنبى
ندى تبتسم
……………………….
فى شقه امانى
حسام قاعد جنب حبيبه تجيله رساله واتس يفتحها و يقعد يتفرج و يبتسم
حسام / انتى حبى بابا … و انا كمان بحبك قاااااااااااااااااااااااد الدنيا و كلها تكه و انتى و ماما تبقوا جنبى طول العمر … انا عارف انك مش عارفه تنامى عشان ماما مش معاكى بس اوعدك انها هتيجى قريب
باب الاوضه يتفتح
نور / حسام انت هنا خضتنى
حسام / ههههههههههههههه هيكون مين يعنى
نور / ما اعرفش كنت داخله الحمام سمعت صوت
حسام / تعالى تعالى حبيبه صاحيه
نور / انت هنا من امتى
حسام / اروى عمله مناحه فوق عشان وصلت ندى سبتلها البيت كلو و نزلت
نور / هاديه اوى مش كدا
حسام / انا قاعد جنبها من الصبح كل ما التاتينه تقع احطهالها تانى و متابع البامبرز و الرضعه مش عاوز الست هانم بكره تلاقى فسفوسه فى اى حاجه تتحجج بيها عشان ما تدينيش حبيبه تانى
نور / ماما بتقول ان ندى مش مخطوبه و لا حاجه و انها بتعمل كدا عشان تغيظك
حسام / هههههههههههههههههههه يعنى اروى مش جايبه الهبل ده من نفسها دا امى اللى حطاه فى دماغها مش فاهم انا الامهات اللى بينكدوا على عيالهم دول
نور / انت لسه بتحب ندى يا حسام
حسام / ما انتى عارفه
نور / يعنى ممكن ترجعلها
حسام / هى بس توافق
نور / و اروى
حسام / مالها
نور / يعنى ايه مالها هتعمل ايه
حسام / والله انا عملت اللى عليا و صلحت غلطتى مش لازم اكمل لاخر عمرى فى الهم ده و لا ايه
نور / يعنى ايه ؟؟هتطلقها !!
حسام / انا ما قولتش كدا بس لو هى طلبت انا مش هتاخر
نور / و لو ندى طلبت
حسام / انتى ايه خلاكى واثقه اوى كدا ان ندى هتسيب خطيبها الجديد و ترجعلى
نور / عشان انت مش هتهدى الا لما ترجعلك
حسام يبتسم و يبص على حبيبه و يرجع يبص لنور
نور / هى من حقها تعيش مع الانسان اللى تحبه
حسام / و انا كمان عندى نفس الحق
نور / يبقى لازم تعمل حاجه تكسبها بيها لكن انت طول الوقت بتبعدها عنك بطل تضغط عليها هتكرهك زياده
حسام / يعنى الملاك ده مش صعبان عليكى اللى هى فيه ده يوم معايا و يوم معاها الاطفال هما اللى بيدفعوا التمن يا نور و دى بنتى الوحيده
نور / و بنتها الوحيده
حسام / و مصلحتها معايا انا البتاع ده مش هيديها اكتر من اللى انا هديهولها و على فكره الواد ده مش هيطول حتى لو اتجوزها سنه اتنين تلاته عشره و هيطلقها دا واد من اسره مفككه ما يعرفش يعنى ايه التزام اصلا
نور / اكيد عمى عارف ده و مش هيجازف ببنته
حسام / هههههههههههههههههههههههه انتى اللى بتقولى كدا امال لو ما كانش عمى هو السبب فى كل الهم اللى احنا فيه ده و لما اتزنق بقيت انا السبب انا الكخه و هو الملاك اللى بيدافع عن بنته و عن حقوقها تعرفى ان الواد ده نفس الواد اللى رفضه و خلانا نتجوز بسرعه عشان يبعده عن بنته دلوقت احلو و بقى مرشوش عليه سكر
نور / ما اعرفش
حسام / المساله مساله فلوس انتى فاكره انى ما كنتش عارف عمى بيصرف الفلوس فى ايه و انا مسافر كنت متابع كل جنيه بيتصرف فى ايه و عارف العزايم اللى بيعملها ليكوا و لعمتى على حسابى و الفشخره فى كل صغيره و كبيره و لما جيت احاسبه عمل ايه
نور / خلاص يا حسام
حسام / و دلوقت رايح يبرشط على قفا العريس الجديد و لما هيقطع عنه الغله هيطلع فيه القطط الفاطسه و يدور على عريس انضف
نور / و ندى فين من كل ده
حسام / ندى ؟؟؟ ندى سرقاها السكينه بس لما تفوق و تشوف الكلب ده على حقيقته و ابوها يلعب فى ودانها هتشوفى ندى اللى بجد
نور / انت عارف انت بتقول ايه لو ندى وحشه اوى كدا هتربى حبيبه ازاى هتبقى زوجه ليك ازاى
حسام / عشان ندى مش كدا يا نور بس هو مصمم يخليها كدا يخليها طعم فى صنارته كلنا عارفين ان عمى عينه زايغه و مشاكله اللى ما بتخلصش اللى مع النسوان دلوقت بقى ملاك
نور / و دا ايه علاقته بده
حسام / و لا عمتى طول الوقت تتكلم عن الشرف و الاخلاق و الربايه هى كانت فاضيه تربى بنتها هى كانت فاضيه تعمل اى حاجه فى حياتها غير انها تعد على الناس ارزاقها و تبص للى فى ايدهم
نور / عيب كدا
حسام / و نعم العيله والله بجد
نور / مالك يا حسام
حسام / مالى ما انا زى الفل اهو تلاقينى بس عاوز انام
نور / نام و انا هسهر بحبيبه
حسام / لا دا يوم واحد سبينى جنبها يوم هيعدى كانه ساعه ثوانى و هتروح منى تانى
نور / حسام
حسام / هتروحله تفضل فى حضنه طووووول الاسبوع بس انا مش هسكت
نور / هتعمل ايه
حسام / هخلينى وراه لحد ما اكشفه على حقيقته قدامها و قدام الكل هخليها تعرف انا بحبها قد ايه هخليها هى اللى تعوز ترجعلى و تترجانى كمان
نور / حسام
حسام / هتشوفى هترجعلى و انا و ندى و حبيبه هنبقى اسره تانى
نور / حسام فوق لنفسك يا خويا ما تخليش الاحلام دى تضيعك
حسام / تضيعنى؟؟ هو فى ضياع اكتر من اللى انا فيه دا انا فى الحضيض هو ده حسام حسبو اللى تعرفيه و لا حتى حسام حسب الله كنتى بتعيطى لما بيقولولك كدا فى المدرسه فاكره
نور تبتسم
حسام / كنتى بترجعى معيطه من المدرسه بيالسوا عليا نور حسب الله التاسع عشر ابسطها يا باسط ههههههههههههههههههههههههههه
نور / بطل بقى
حسام / خسرت كل حاجه يا نور خسرت حتى قلبى
نور / وحد الله
حسام / لا اله الا الله
حسام ما يقدرش يمسك دموعه اكتر من كدا يعيط و يقعد فى الارض و يحط راسه فى ركبه و نور تحضنه
نور / ربنا يقدملك اللى فيه الخير اهدى انت بس اهدى
………………………………..
تانى يوم على قهوه
حسام يطلع كيس اسود و يديه لواحد
الراجل / ورينى الفيديو
حسام يديه الموبايل
الراجل / سهله يا دوك احنا نشيل المرايه دى و نحط مكانها ازاز عاكس و نلزق المرايه فى ضهرها لو وقفوا على راسهم لا هيشفوها و لا هيحسوا بيها
حسام / الموضوع ده ياخد وقت قد ايه
الراجل / ساعه زمن بالكتير تغير لوح الازاز بس لا مؤاخذه هندخل البيت ده ازاى
حسام / ما لكش دعوه انا كل اللى عاوزه منك انك تبرمج الكاميرا زى ما قولتلى انها تبعتلى الفيديوهات ثانيه بثانيه
الراجل / انت بس قعدنى على الجهاز اللى انت هتستخدمه و انا فى ظرف دقايق اظبطهولك
حسام / انت قولتلى ان ما حدش هيشوف الفيديوهات دى الا انا
الراجل / عيب يا دوك هو انا تلميذ بس لامؤخذه يعنى انا قولت هتركب كاميرا فى محل فى الصيدليه لكن كاميره فى اوضه نوم مش غريبه شويه دى
حسام / انا بحط فلوس فى الاوضه دى و بلاقيها ناقصه و مش عارف حماتى و لا مراتى اللى بيقلبونى اسكت
الراجل / هههههههههههههههههههههههه بص انا هعتبر نفسى مصدقك عشان انا كدا كدا مش فارق معايا غير المصلحه
حسام / و مدام مش فارق معاك بتسال و تحرق جاز ليه
الراجل / اصل لا مؤاخذه دا سرير و كدا و انت فاهمنى يعنى احنا شباب زى بعض لو يلزمك حاجه قولى و انا اجيبهالك
حسام / هههههههههههههههه كتر خيرك لا ما يلزمنيش حاجه
الراجل / قول و ربنا هعمل معاك احلى واجب هتدعيلى
حسام / يا بنى ركز فى لقمه عيشك ما تخلنيش اغير رايى
الراجل / على البركه احنا نشرب الشاى و نقوم نشوف الجهاز و نطلع على المطرح نظبطه
حسام / على البركه
…………………………..
فى محل سمر
حسام / كل المطلوب منك انك تكسرى المرايه اللى فى الاوضه و ترنى علينا هنطلع نلزق المرايه الجديده و نركب الكاميرا
سمر / ما حدش هيشوف الفيديوهات دى غيرى
الراجل / عيب يا ست الكل هو انا تلميذ الكاميرا هتبعت الفيديوهات اول باول للجهاز بتاعك
سمر / و دى هتبعته ازاى ياخويا
حسام / دا شغله هوا بقى يا سمر انجز يا هندسه الجهاز قدامك سطب شغلك عشان سمر تلحق تروح تشوف شغلها
الراجل يقعد على الجهاز و يبدا يشتغل
سمر / هو ما حدش هيشوف الحاجات دى غيرى صح
الراجل / امال و هعملك الجهاز برقم سرى عشان ما حدش يعرف يفتحه غيرك
سمر / تمام
حسام / انتى قلقانه ليه مش انا وعدتك
سمر / الحاجات دى ما فيهاش هزار
حسام / لا ما تخافيش
سمر / قلبى مش مرتاح
الراجل / انتى قلقانه من ايه بس ما كلو على يدك اهو
حسام / طبيعى طبيعى المهم يا سمر النهرده تروحى تبعتيلى مقاسات المرايه عشان نلحق نجهزها و فى اسرع وقت تكسريها باى شكل و تصممى ان انتى اللى تصلحيها لو عمر اللى اتصرف او حتى أية الخطه كلها هتبوظ انتى اللى تصلحيها فهمتى
سمر / فهمت فهمت هو انا غبيه ما تخلصنا يا خويا بدل ما حد يطب علينا
الراجل / دقيقتين بس
……………………………
فى شقه عمر
عمر / ايه رايك فى البدله الراجل فتحلنا مخصوص عشان خاطر على
أية / هتاكل منك حته تحفه بجد
عمر / على يا ستى بيقولك تنزلى بكره مع ندى تنقوا الفستان مامتها هتيجى معاكوا
أية / انا اصلا ما ورايش حاجه
عمر / مصلحه
أية / انا مش مصدقه اننا اخيرا هنعمل فرح كدا بقى مش ناقص حاجه
عمر ياخد أية فى حضنه
عمر / هى امك اتاخرت النهرده و لا ناويه تبات هناك
صوت باب الشقه عمر يبعد عن أية و هى تضحك سمر تدخل
سمر / هو انا اتاخرت و لا ايه معلش على ما قفلت المحل
عمر / و لا يهمك
سمر / بسم الله تبارك الله البدله هتاكل منك حته
عمر / شكرا
أية / اقلعها بقى على ما اغرف نتغدى
سمر / انا هاجى اساعدك
……………………………….
فى شقه امانى
محمد / طب اقعد استنى اتغدى معانا
مصطفى / مره تانيه مستعجل والله
الباب يتفتح و حسام يدخل
حسام / ايه النور ده ازيك يا عمى
مصطفى / ازيك يا حسام
حسام / على فين بدرى اوى كدا … اه هتاخد حبيبه
مصطفى / لو ما عندكش مانع
حسام / يا عمى انا ما لحقتش اشبع منها انا هجيبها بالليل
مصطفى / قال يعنى جيت لقيتك قاعد بيها
نور / يا عمى قولتلك طول الليل سهران بيها
حسام / روحت صليت الجمعه و عملت مشوار صغير و جيت علاطول
مصطفى / معلش انا لو اتاخرت عن كدا ندى هتقلق المره الجايه نتفق انها تسهر شويه معاك
حسام / طب ممكن على الاقل اوصلك بدل ما تتبهدل بيها فى المواصلات
مصطفى / اتفضل
مصطفى و حسام ينزلوا
نور / والله صعبان عليا اوى
محمد / هو اللى عمل فى نفسه كدا
نور / كل الناس بتغلط و مش هنعدمه يعنى من حقه فرصه تانيه
محمد / لو كل الاخطاء تستاهل فرصه تانيه كان مروان اولى بالفرصه دى انا داخل انام عن اذنك
نور واقفه مضايقه
…………………………………….
فى شقه عمر
سمر / وماله هو صحيح انا كنت ناويه بكره انضف الشقه بس مفيش مشكله خدى راحتك
أية / لا بقى احنا كنا متفقين النهرده و انتى اللى صممتى تفتحى المحل
عمر / بس من امتى بتفتحى الجمعه صحيح
سمر / يا سيدى زبون واخد موبايل ب 7000 جنيه و عاوز يطبع صوره مراته على الكفر عشان يديهولها هديه و عيد ميلادها النهرده و الكفر خلص امبارح ففتحت مخصوص سلمته الكفر و انا اولى بالفلوس اعمل ايه يعنى
عمر / لو كل الناس تركز فى شغلها كدا والله البلد تتعدل
سمر / الحمد لله انى عجبتكوا فى حاجه
أية / انتى تعجبى الباشا يا ست الكل على العموم اجلى التنضيف للحد و انا هساعدك
سمر / يا ستى ههنكر كدا بدل ما اقعد لوحدى
عمر / هو انتى مش هتفتحى المحل بكره و لا ايه
سمر / والله مش عارفه سبها لله
عمر / لكون حسدتك ولا حاجه هههههههههههههههههههه
سمر / لا ما تخافش انا بس شايفه البيت مكركب و شكلنا مش حلو قدام اخوك و خطيبته لما بيجوا
عمر / الحمد لله شبعت جدا اعملوا اللى يريحكوا انا داخل انااااااااااااام
سمر / تصبح على خير
………………………………
فى العربيه
مصطفى / انت قولت ايه لندى امبارح
حسام / كلام كتير اوى انهى جزء بس اى كان الكلام اللى قالته على لسانى هى صادقه انا قولته فعلا
مصطفى / اسمع يا حسام انا عارف انى اشتركت معاك فى الغلط بس انا قولت انها يمكن مع الاهتمام و المعامله الحلوه تنساه و تحبك
حسام / كل شئ قسمه و نصيب يا عمى
مصطفى / معاك حق و هو ده اللى عاوز اقوله انسى ندى و سبها تعيش اروى بتحبك و بكره ربنا يرزقك منها بدل العيل اتنين و تلاته
حسام / و لو عندى بدل العيل عشره يا عمى حبيبه هتفضل بنتى برده
مصطفى / ما اتكلمناش و ليك عندها كل الحقوق بس بلاش تكبر الخلافات اللى بينا يا ابنى خلينا نرجع نتلم عيله تانى زى الاول
حسام / و المطلوب انى اتنازل عن اليوم اليتيم اللى بتباته فى حضنى
مصطفى / لا انا بتكلم عن انك بتقولها الجوازه مش هتمشى
حسام / لا انا قولتلها ما تعشمش نفسها اصل لو على ده ملاك مش هيحرم نفسه العمر كله من الخلفه عشان سواد عيونها كان مروان عملها و لا ايه يا عمى
مصطفى / سيب الايام ترد على الكلام ده يابنى
حسام / كلو على الله يا عمى كلو على الله
………………………………………….
فى شقه امانى
امانى / استهدى بالله بس يا بنتى انا قولتلك مليون مره ان الكلام ده اكيد ما حصلش و البت دى بتكدب
اروى / ما شوفتيش جرى وراها ازاى امبارح ما شوفتيش لما سابنى و نزل بات هنا
امانى / انتى اللى بتسيبى الشيطان يدخل بينكوا انتى اللى مش ناصحه
اروى / انتى عوزانى اسكت و انا شايفه الهبل ده بيحصل قدامى
امانى / و لا هبل و لا حاجه هى لقيمه انا قولتلك امبارح هى لا مخطوبه و لا فى عريس و لا اى حاجه
اروى / امال مين ضرب حسام بس
امانى / تلاقي كان معاهم فى قاعده و حسام فهم غلط و هموا ما صدقوا امال ما شفناهوش لحد دلوقت ليه لبست الشبكه كتيمى و العريس سرى ليه دا احنا حتى ما نعرفش اسمه
اروى / مش عارفه بقى
امانى / و هى واحده مخطوبه تيجى لحد هنا ليه و تفضل قاعده لحد ما حسام يشوفها ليه بتحركه يا هبله
اروى / والله ما هسكتلها
امانى / هى بتستفزك عشان تبان هى ضحيه و تميل قلب حسام نحيتها اوعى تنوليها غرضها يا هبله
اروى / يعنى اتفرج على اللى هى بتعمله ده و اسكت
امانى / لا لعبيها على الشناكل ادلعى اتغندرى كلبشيه خليه ما يشوفش غيرك هى كانت فى جمالك و لا فى دلعك
اروى / على الله يتمر
امانى / هتشوفى بكره تقولى ماما قالت
اروى / اجرب
………………………………………….
فى شقه نهاد
نهاد / يعنى انا عاوزه افهم ايه اللى مخليك هادى اوى كدا
حامد / و ايه يقلقنى بس
نهاد / يعنى انت لما تدى الراجل الفلوس من غير اى وصولات او اى حاجه تثبت حقك و تقعد المده دى كلها دا طبيعى
حامد / انتى محسسانى ان عدى سنه و لا حاجه انتى بس اللى مستعجله عشان كدا متوتره خصوصا من ساعه ما الراجل عرض عليكى الجواز
نهاد / يا سيدى ما تدخلش ده فده
حامد / و لا مؤاخذه يعنى انتى ناقصك ايه ما انتى واكله شاربه نايمه ببلاش حد قالك هاتى جنيه و لا حتى طلب منك حاجه
نهاد / يا سلام و انا هعيش هنا العمر كله مش من حقى افتح حاجه تخصنى انا زهقت من قاعده البيت
حامد / ما انا جبتلك شغلانه و انتى اللى رفضتى
نهاد / و اشتغل عند الناس ليه و انا معايا فلوسى
حامد / هو اللى هنعيده هنزيده و لا ايه كل يوم نفس الموال
نهاد / و هو انا باخد معاك حق و لا باطل
البنت تطلع من جوه
البنت / فى ايه يا نهاد صوتك عالى ليه كدا
………………

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية سلف ودين)