رواية ذكريات من الماضي الفصل السابع 7 بقلم فدوى خالد
 |
| رواية ذكريات من الماضي الفصل السابع 7 بقلم فدوى خالد |
رواية ذكريات من الماضي الفصل السابع 7 بقلم فدوى خالد
ورد : الو …..بقلق : اية ، انتِ بتقولى اية ؟ انا جاية حالا .
مراد : فى اية ؟؟
ورد بقلق : اطلع بينا على المستشفى
مراد: لية؟
ورد بدموع : ماما ..ماما فى المستشفى
مراد : بس اهدى ، ان شاء الله مفيش حاجة، ان شاء الله
ورد بدموع : يارب
* فى المستشفى
ورد : لو سمحتى فى مريضة هنا اسمها ميرفت خليل
موظفة الاستقبال : ايوة فى الدور الخامس ، فى العمليات
ورد بصدمة : اية عمليات لية ؟؟
طلعت بسرعة و هى مش شايفة ادامها ، لقيت امينة مامت مراد ، جريت عليها بسرعة
ورد ببكاء : ماما ..فين يا طنط امينة
امينة بدموع: مامتك ..فى العمليات
ورد : لية ؟؟ اية الى حصلها
امينة : مامتك كان عندها القلب و حالتها متاخرة
ورد بصدمة : اية ؟
امينة : زى ما بقولك كدة ، و كنت بزورها النهاردة لقيتها وقعت منى
ورد بدموع : لا لا مستحيل ، انتِ بتقولى اية
امينة : بقول ال………
قطع كلامهم دكتور شادى و هو طالع من العمليات ، ورد جريت عليه
ورد بدموع : ماما اية الى حصلها يا دكتور
شادى بصدمة : مامتك
ورد بدموع : ايوة ، قولى فيها اية
شادى : اهدى يا ورد ، هى كويسة دلوقتى ، هتفوق بكرة
مراد : خلاص يا ورد اهدى شوية
ورد حسيت انها دايخة و خلاص الصور بتبعد عنها ، لغاية ما اغمى عليها
مراد شالعا و وداها فى اوضة و حاولوا يصحوها ، لغاية ما فاقت
*عدا اسبوع مامت ورد ( ميرفت ) اتحسنت عن الاول بكتير ، و ورد كانت مش بتروح الجامعة خالص ، و كان مراد و نيرة هما الى بيدوها المحاضرات
ميرفت : ورد
ورد بقلق : نعم يا ماما ، فيكى حاجة تعبانة ، اتصل بدكتور شادى
ميرفت بهدوء : اهدى يا ورد ، مفيش حاجة خالص فيا اهدى ، كنت عايزاكى فى موضوع
ورد باستغراب : اية ؟؟
ميرفت : هتتجوزى مراد
ورد : بس..
ميرفت بدموع : مبسش ، يا ورد اتجوزى مراد يا حبيبتى ، عايزة اطمن عليكى ، ارجوكى حققيلى دى قبل اما اموت بس ، دى بس
ورد باستسلام : حاضر يا ماما حاضر
ميرفت بفرحة : بجد
ورد : ايوة بجد
ميرفت : تمام كتب الكتاب هيبقى النهاردة ، و الفرح بعد اما تخلصوا
ورد : اعملى الى انتِ عاوزاه
دخلت الاوضة بصراحة ، محتاجة اريح دماغى شوية ، دخلت نمت عشان اهرب من الواقع ، بهرب بيه بالنوم ، معدش ادامى حل غير كدة ، كانه المكان الوحيد الى لازم اهرب بيه ، حسيت بحد بيهزنى و بينادى باسمى ، ورد …ورد ..ورد
ورد بنوم : نعم
نيرة ببسمة خفيفة : قوم يا ورد ، قومى
ورد : فى اية يا نيرة و جيتى ازاى
نيرة : مامتك اتصلت عليا
يلا قومى عشان تجهزى
ورد بنوم : لية ؟؟ هى الساعة كام ؟
نيرة : الساعة ٧ يا قطة يلا قومى
ورد بلا مبالاة : عاادى
لبست ورد فستان لونة اصفر مشجر و علية طرحة بنفس اللون كان شكلها جميل جدا ، و نيرة فستان ازرق فى ابيض مشجر و كان شكلها قمر اوى
ورد ببسمة : هاا ..شكلى حلو
نيرة : لا رد
ورد باستغراب : نيرة …نيرة ..نيييييرة
نيرة بانزعاج : اية يا بنت صوتك دة
ورد : فى اية
نيرة : مفيش
ورد : خلصى قولى ..، اة يبقى ليه علاقة بالموضوع الى كنت هتقولوهولى من اسبوع
نيرة : ايوة
ورد : احكى
نيرة : مش عارفة
ورد : احكى يا بنتى خلصى
نيرة : عارفة كريم صاحب مراد
ورد : ايوة
نيرة : بحبه
ورد : اية
نيرة : بحبه
ورد : و فيها اية ؟؟
نيرة : مش هينفع
ورد : لية ؟؟
نيرة : بتاع بنات
ورد : ممكن يتغير
نيرة : محدش بيتغير
ورد : و بعدين
نيرة : متقدملى عريس
ورد : و انت رايك اية ؟
نيرة : هوافق
ورد : بس كدة انت بتضيعى نفسك
نيرة : الصح صح و هيفضل صح
ورد : بس انت هتتعبى
نيرة : تعبى مع حد يستاهل افضل من واخد ميستاهلش
ورد : صعب ، الموضوع صعب مش بالسهولة دى
نيرة : مش صعب ولا حاجة ،ادوس على قلبى ، و اشغل عقلى ، مينفعش الى بيحصل دة
ورد : يا بنتى…مينفعش
نيرة : ينفع يا ورد ، كرامتى و كبريائى اهم دلوقتى من اى وقت
ورد باستسلام : زى ما انتِ عايزة ، و ربنا يوفقك
نيرة : شكرا
يلا نخرج بقا ، عشان طنط هتيجى دلوقتى
ورد : يلا
*بعد شوية خلص المأذون و قال جملته الشهيرة ” بارك الله لكما و بارك عليكما و جمع بينكما فى خير ” حسيت بحاجة عادى خالص ، و الناس جاين يباركولى و خلاص مشيوا و انا اصلا مكنتش معاهم خالص ، مراد قرب منى
مراد : مالك
ورد : عادى
مراد ببسمة : اتفضلى
ورد باستغراب : اية دة
مراد : هدية
ورد ببرود : خليهالك
مراد : يا بنتى هو انا بعزم عليكى ، انا بقولك خدى
ورد : و انا قولت مش عاوزة ، و بلاش عند اكتر عشان مش هاخدها
مراد : مالك
ورد ببرود : كويسة
*عدى شهر و اتجوزنا ، فى مكان فاخم و قاعة حلوة و ناس كتير فر حانة بس انا لا ، مش فرحانة و لا عمرى هفرح ، خلص الفرح و حسيت ان خلاص خلصت من همه
روحت معاه على البيت
مراد: اوضتك فى الدور الثانى ، و انا الاوضة الى جانبك ، ٦ شهور و خلاص هنخلص
ورد : الحمد لله
*بعدها بشهر نزلنا الجامعة ، و طبعا صحابنا هنونا ، و قابلت نيرة
نيرة ببسمة : اهلا بالجميل الى مبيسألش
ورد : هو انا اقدر
نيرة : تعالى نقعد فى مكان و نتكلم
ورد : اشطا
نيرة : هاا ..اية الوضع
ورد : عادى خمس شهور و هنتطلق
نيرة : انت لسة زعلانة
ورد : لا ، الى ربنا كتبه خير ، انت عملتى اية
مسكت الدبلة الى فى ايدها و قاعدة تلعب بيها
نيرة : اتخطبت
ورد : لمين ؟؟
=ليا انا يا دكتورة ورد
ورد بصدمة : اية دة دكتور شادى
شادى بضحك : ايوة
ورد : بجد اتخطبتيله
نيرة ببسمة : اة
ورد : الف مبروك
شادى : الله يبارك فيكى ، معلش مقدرتش احضر فرحك فالف مبروك
ورد : الله يبارك فيك
شادى : اة صح النهاردة هنعمل خطوبة فى قاعة و كدة عشان كنا عاملينها على الضيق ، تشرفينا بقا
ورد : ان شاء الله ، هبقى اجى اساعدك لو عايزة حاجة
نيرة ببسمة : تمام
*مراد لمح شادى معاهم و حس انه هيضربه
مراد : ورد ، بقولك
ورد : نعم
مراد : اية دة ، حضرتك دكتور اية ، دكتور اية صح عشان نسيت شاهر ولا هشام ، مش فاكر بصراحة
شادى : اسمى دكتور شادى
مراد : اة تشرفنا ، تعالى معايا عايزك
مسك ايدة و شدينى وراة
مراد بعصبية : اية يا هانم الى موقفك معاه
ورد : خطيب نيرة
مراد باستغراب : اية ؟؟ هى نيرة اتخطبت ؟؟
ورد : ايوة ، يمكن ارجع بقا ، و اصلح الموقف الظريف الى عملته
مراد ببرود : براحتك
مشيت خطوتين
مراد : بقولك يا ورد
ورد بزهق : نعم
مراد : هى مين دى ؟
ورد : دى اسمها مريم ، و مش من سكتك
مراد : لية ؟؟
ورد : واحدة محجبة و حلوة و الاولى هتبقى من سكتك ازاى ، روح يا عم اشقطلك واخدة بعيد عنى
مراد : لا دى كويسة
ورد : عجباك؟
مراد : اوى
ورد : تمام ، اتجوزها
مراد : بجد ؟؟
ورد : يلا روح اتقدم لها و سيبنى فى حالى
مراد: يلا يا اختى على العربية ، مش ناقصة هبل
ورد : اة صح ، و المحاضرة
مراد : الجدول اتغير اصلا نسيت اقولك ، اتاجلت لبكرة، تيجى نتغدى بره
ورد : تمام ، اة صح النهاردة الخطوبة
مراد : بجد ، اة
كريم باستغراب : خطوبة مين ؟؟؟؟
بصوله الاتنين بصمت …..
يتبع…….
لقراءة الفصل الثامن : اضغط هنا
لقراءة باقي فصول الرواية : اضغط هنا
نرشح لك أيضاً رواية أحببته بعد زواجنا للكاتبة هند الحجار
