رواية أقتحمت قلبي حورية الفصل السابع 7 بقلم هاجر أحمد
 |
| رواية أقتحمت قلبي حورية الفصل السابع 7 بقلم هاجر أحمد |
رواية أقتحمت قلبي حورية الفصل السابع 7 بقلم هاجر أحمد
رعد وياسين وصلو عند بيت البنت
ياسين: هو ده البيت يا قمر
البنت: ايوه يا عمو شكرا تعبتكو معايا
رعد: متقوليش شكرا انا كل اللى عوزه منك متمشيش من شوارع فرعيه وضلمه لوحدك تاني وتخالى بالك من نفسك
البنت: حاضر
رعد: يلا اطلعي زمان بابا وماما قلقانين عليكي
البنت: حاضر
البنت نزلت ورعد كمل ماشي بالعربيه وهو سايق شاف ياسين سرحان وباين على وشه الزعل
رعد: وناوي تقولها امتي
ياسين بستغراب: هي مين
رعد: احنا هنستعبط يا ابن السيوفي اللى بتحبها من وانتو عيال
ياسين برتباك: هاا مين دي
رعد بغيظ: يااااسين انا مش عيل صغير انا فاهم كل حاجه من زمان
ياسين: من زمان اوي يعني
رعد:
من ايام ما هي كانت في تلاته اعدادي و وقعت رجلها اتكسرت وانت فضلت طول
الليل سهران جمبها ولما كنت وقف فى الجنينه بتعيط ومستخبي عشان محدش يشوفك
وانت بتعيط وزعلان عليها
ياسين: ياااه ده انت عارف من زمان اوي بقا
رعد غمزله: مش ظابط مخابرات بقا وباخد بالى من ادق التفاصيل
ياسين: طب يا ظابط المخابرات ايه الحل
رعد: والله الحل ده عندك انت المفروض انك انت اللى تتشجع وتقولها
ياسين: خايف
رعد: من ايه
ياسين: لتكون بتحب حد تاني وترفضني ونخسر بعض حتي كا اصحاب و ولاد عم
رعد: بتحبك
ياسين: ايه الثقه دي
رعد: قولتلك انا عارف كل حاجه
ياسين: متاكد
رعد: انا عمرى مقولت حاجه غير وانا متاكد منها
ياسين بفرحه: اول ما القي الفرصه المناسبه هقولها واعترفلها اني بحبها
رعد بحد مصطنعه: اسمع بقا تقولها من هنا وتتجوزو من هنا انما جو حب و الميصه ده مبحبهوش
ياسين: تحت امرك يا فندم
رعد: تعالى بقا سوق عشان انا زهقت من السواقه
ياسين: يلا
نروح عند بيت عم محمود
سميه: العيال اتاخرو اوي يا محمود
محمود: الغياب حجته معه يا ام معاذ متقلقيش
سندس: انا كلمتهم ومعاذ رد وقال انهم علي وصول
تحت البيت وقفين معاذ وحور
حور: معاذ بلاش تحكي حاجه ل بابا وماما عشان ميقلقوش ويفتحولنا محضر والموضوع يكبر
معاذ: حاضر مش هتكلم بس انتي اهدي شويه عشان باين عليكي الخوف
حور: حاضر يلا نتطلع
معاذ: يلا
طلع معاذ وحور ودخلو
معاذ: السلام عليكم
محمود: وعليكم السلام
سميه: حمدلله على السلامه يا ولاد
حور: الله يسلمك يا ماما
سندس: انتو اتاخرتو كده ليه
معاذ: وانتي مالك يا متر الا ربع انتي مش ليكي ان الحاجه اللى طالبتيها تيجي
سندس: لا والنبي انت عوز بعد متغيبو كل ده متجبليش الحاجه اللى طالبتها
حور: عن اذنكم هدخل اغير هدومي
سميه: اتفضلي يا حبيبتي
دخلت حور اوضيتها وقاعدت على السرير وسرحت فى اللى حصل وبعد شويه دخلت عليها سندس
سندس: مالك يا حور باين على وشك ان في حاجه
حور: لا يا حبيبتي مفيش حاجه
سندس: ايه يا حور هو انا معرفكيش يا بنتي بصي فى المرايا شوفي وشك اصفر ازاي
حور اتنهدت: حاضر هحكيلك يا سندس
سندس: احكي
بدات حور تحكي كل حاجه ل سندس بكل تفصيلها
سندس بحماس: واو ايه جو الاكشن الجامد ده يارتني كنت مكانك
حور: بصي انا بقول ايه وانتي بتقولى ايه
سندس: طب انتي ليه ملغبطه نفسك كده
حور: مش عارفه حسيت بحاجه غريبه اول ما شوفت رعد السيوفي ده بس يا تري هو ابن فريد بيه ولا ابن اخوه
سندس: وانا ايش عرفني انا
حور: انا بفكر معاكي ياغبيه
سندس: انا مبفكرش انا،واخلصي عشان نلعب كوتشينه ونقعود فى البلكونه
حور: حاضر هغير هدومي واجي
سندس: اشطا هستناكي
سندس خرجت وحور لسه فى حيره من احساسها الغريب اللى هي حاسه بيه بس مش قادره تحدد ايه هو شعورها ده
فى قصر السيوفى وصل رعد وياسين البيت
رعد: انا هطلع انام عشان مصدع
ياسين: وانا كمان
نور نزله على السلم ولبسه هدوم كلها الوان حتي وشها كله الوان
نور بصوت عالى: عااااااا خرجتو من غيري
ياسين بفزع: اي زلزال ولا ايه
نور: خفيف
وفى ثانيه ياسين انفجر من الضحك
ياسين بضحك: هههههه مش قادر هههههه
نور بغيظ: ايه اللى بيضحك
رعد: بصي لنفسك فى المرايا
ياسين: شبه كراسه رسم عيل لسه فى حضانه هههههههه
نور بعصبيه: شايف يا رعد بيرخم عليا ازاي
رعد: مهو عنده حق بصراحه ايه اللى انتي عامله في نفسك ده
نور: منتا عارف يا رعد لما بكون برسم بمسح فى اي حاجه قدامي
رعد: مش لدرجه وشك وهدومك يا نور
نور: عادي بقا،وانت يا رخم بطل ضحك
ياسين بضحك: هههههه مش قادر ههههههه
نور بغيظ: شايف يا رعد الرخامه
رعد: انتو الاتنين مجانين،انا طالع انام لو سمعت صوت حد فيكو
ياسين: ولا نفس يا فندم
رعد: تصبحو على خير
نور: وانت من اهله
ياسين: طلع اللى كنتي بتتحمي فيه وباقتي لوحدك معايا نهاهاهاهاها
نور: نيهاهاها يا تافه
ياسين ماسكها من قفاها زي الحراميه
ياسين: سمعيني بتقولى ايه كده يابت
نور ببراه مصطنعه: انا ده انا حبيبتك يا سونا
ياسين سرح فى عيون نور وفى كلمها
ياسين بتوهان: هاا
نور: هاا ايه
ياسين: لا ولا حاجه
نور: طيب انا هطلع اكمل رسم عشان انام،تصبح على خير يا سونا
ياسين: وانتي من اهله يا مجنونه
يتبع …
لقراءة الفصل الثامن : اضغط هنا
لقراءة باقي فصول الرواية : اضغط هنا
