رواية طفلة حطمت قسوتي الفصل السابع 7 بقلم حكايا من ورق
 |
| رواية طفلة حطمت قسوتي الفصل السابع 7 بقلم حكايا من ورق |
رواية طفلة حطمت قسوتي الفصل السابع 7 بقلم حكايا من ورق
_مش مازن السيوفي اللي يستاءذن يا حلوة وانا حذرتك ومفهمتيش وانت مش قبل ما تشغل وحده جديدة تعرفها علي الشغالين معاك يا كامل بيه ولا هيا سويقة ولا ايه “
،_كامل الدمنهوري :اهلا اهلا مازن باشا…ايه يا هبة انتي اتجننتي ولا ايه ينفع مازن باشا السيوفي يستاءذن قبل ما يدخل مكان انتي مجنونة يا بنتي ؟
_هبة بخوف :انا اسفة والله يا كامل باشا بس انا معرفش والله حضرتك عارف اني جديدة هنا ومعرفش كل الناس اللي بتيجي انا اسفه والله …
_كامل بمقاطعه وتهكم:خلاص خلاص حصل خير مازن باشا قلبه طيب وبيسامح روحي انتي دلوقت وابعتي اتنين قهوة سادة بسرعه يلا
_هبة :حاضر يفندم حالا
_كامل الدمنهوري :معلش بقي يا باشا اللي ميعرفك يجهلك
_مازن :محصلش حاجه أنجز عاوزني في ايه وليه الدوشة اللي عاملها دي
_كامل :الله فيه ايه يا مازن باشا ده انا بقول عليك ذكي وبتفهما وهيا طايرة
_مازن :أنجز انا مش فاضي للف والدوران بتاعك ده أنجز واتكلم علي طول عاوز ايه بالظبط
_كامل :نور ابو حجر؟
_مازن بتعجب مصطنع:مالها ؟
_الدمنهوري:عاوزها ،عاوزها باي تمن ومستعد ادفعلك اللي انت عاوزه بس المهم البنت دي تكون عندي باي شكل
_مازن :…………..
__________________________
“في غرفة هنا “
“هنا بتعيط من ساعة المكالمة اللي جت لمازن واللي حصل مع نور بتسمع باب اوضتها بيخبط “
_هنا :ادخل ؟
_جاسر :ايه بقي بتعملي ايه …ايه ده انتي بتعيطي يا هنا ؟
_هنا :لا مش بعيط انا بس الظاهر أن فيه حاجه دخلت جوا عيني فيه حاجه ؟
_جاسر:علي اساس يعني أن انا معرفكيش انتي مش اختي يا هنا أنتي بنتي اللي ربيتك علي ايديا من ساعة ما بابا وماما ماتوا ولو ضحكتي علي الدنيا كلها مش هتعرفي تضحكي عليا انا عموما انا عارف انتي متضايقه وبتعيطي ليه عشان نور صح ؟
_هنا بتهكم:نور؟!????هيا اسمها نور برده يا أبيه ؟
_جاسر بضحك :اه طبعا نور اومال انتي لسة مقتنعه أنها عفريته يعني ????
_هنا:انا مبهزرش يا أبيه ليه خبيت عليا يا أبيه أن ملاك عايشة وايه اللي بيحصل من ورايا أنا معرفوش ؟
_جاسر بتعجب وذهول :ملاك؟!مش ممكن انتي متخيلة يا هنا أن اللي جوا دي ملاك ؟طب هو فيه حد هيعرف يكذب ده كله ؟يعني المرض كان كدب والجنازة كانت كدب والحاله اللي كنت واصلها وبتعالج منها نفسيا لحد دلوقت كدب ؟
_هنا بصراخ :اومال ايه طيب فهمني فهموني انا بجد دماغي هتموتني وهتجنن من ساعة ما شفتها حد يفهمني مين دي وايه اللي جابها هنا ده انت من ساعة موت ملاك عمرك ما سمحت لبنت تدخل المكان ده غيري مين دي وايه أهميتها عشان تيجي هنا اصلا ؟
_جاسر بصراخ :وحده شبهها يا هنا وحده شبهها كان القدر حدفها في طريقي عشان افضل اتعذب بقية حياتي معرفش دي طلعتلي منين وايه اللي دخلها حياتي بس كل اللي اعرفه اني مسؤل عنها دلوقت ومينفعش يحصلها حاجه وهيا في حمايتي وخصوصا أن اللي بيحصل معاها ده ممكن يكون بسببي ،عرفتي مين دي وعلي فكره انتي شفتيها قبل كده لما كنا رايحين المول انا وانتي لو رجعتي لورا بذاكرتك شوية هتفتكريها
_هنا بتذكر:مش معقول هيا دي المجنونة اللي كسرتلك ازاز العربية وقتها ؟
_جاسر:بالظبط هيا دي انا قلت انك اول ما تشوفيها هتفتكريها
_هنا :انا وقتها كنت في الكرسي اللي ورا وانت قلتلي اوعي تنزلي وهيا كانت بضهرها مشوفتش وشها بس اعتقد فعلا انها هيا دي ؟
_جاسر بالم :تعتقدي؟لسة لحد دلوقت مش واثقة فيا يا هنا مكنتش اعرف ابدا اني انا كده في نظرك
“وهنا كانت نور بتعدي من قدام اوضة هنا وسمعت كلامهم “
هنا :لا والله العظيم مقصدش انا اسفة انت عارف انك كل حياتي واهم واحد عندي في الدنيا كلها بس اعذرني انا اول ما شفتها كنت هتجنن لان الشبه بينهم مش طبيعي وكملت بضحك وبعدين انت عارف اني بغير عليك يعني فأكيد مش هبقي مبسوطة وانا شايفه وحده غيري في القصر
_جاسر وهوه بيحضنها:ولا يهمك يا روحي انتي عارفه انك عمري كله وبعدين مفيش وحده تقدر تاخد مكانك ابدا انتي بنتي واختي ومراتي وحبيبتي وكل حاجه ليا
_هنا :ربنا يخليك ليا يارب يا حبيبي
_جاسر:ويخليكي ليا يارب يا حبيبتي يلا بقي نامي عشان انتي تعبتي النهارده وانا كمان هروح انام
_هنا :حاضر تصبح علي خير
_جاسر:وانتي من أهله يا حبيبتي
“نور اول ما سمعت كلامهم حست بحزن شديد اوى وعنيها اتملت دموع وجريت بسرعه علي اوضتها قبل ما حد ياخد باله “
نور لنفسها
“انا ايه اللي مضايقني كده اصلا ميحب فيها زي ما هوه عاوز انا مالي انا ايه اللي يخليني اتعصب وبعدين دي مراته فطبيعي أنه يحبها يعني واكملت بغيظ لا وباين اوي أنهم متجوزين عن حب كمان اووووف يارب أنا ليه بيحصلي كده ليه كل حاجه احبها تروح مني كده ؟احبها؟يعني انا بحبه ؟!!لا طبعا ايه الهبل ده انا معرفوش الا من شهرين اصلا وبعدين احبه ايه ده اصلا مغرور ومبيحبش غير نفسه وانا لا يمكن احب واحد مغرور وعنجهي زي ده قال احبه قال انا هنام دلوقت وبكرة هسيب المكان ده اصلا ومش هسيبه يمشي كلامه عليا “
________________________
“في ڤيلا جاسر الحديدي صباحا “
_دادة سعاد :صباح الخير يا جاسر باشا
_جاسر:جاسر باشا برضو انا مش قولتلك يا دادة بطلي كلمة باشا دي انتي اللي مربياني انا جاسر يا دادة جاسر وبس
_سعاد :حاضر يا ابني وربنا يعلم أنك من غلاوة ولادي
_جاسر:وانتي كمان يا دادة والله ربنا يعلم اني بعتبرك زي امي ،ها قوليلي بقي كنتي عاوزه حاجه ؟
_سعاد :لا يا حبيبي بس فيه وحده واقفه برة وشكلها ميطمنش وبتقول أنها عاوزه تقابلك
_جاسر:ميطمنش؟!ازاي يعني يا دادة ؟
_سعاد :يعني شكلها كده قلقانة يا ابني وزي ما يكون خايفه من حاجه ؟
_جاسر باستغراب :قلقانه؟!طب مقالتش اسمها ايه يا دادة ؟
_سعاد :اه يا بني اسمها اه اسمها مها يبني بتقول انها السكريترة بتاعت حضرتك
_جاسر بابتسامة :حضرتك تاني برضو ????طيب خليها تدخل يا دادة وبعدين نشوف موضوع حضرتك دي
_سعاد بضحك :حاضر يبني عن اذنك
“بعد دخول مها “
_مها:جاسر باشا
_جاسر :تعالي يا مها ادخلي
_مها:ازي حضرتك ونور عاملة ايه دلوقت ؟
_جاسر:انا كويس الحمد لله بس طالما نور تهمك كده مجتيش ليه كل الفترة دي تشوفيها
_مها:مهو ده اللي انا جاية لحضرتك فيه ،انا الفترة اللي فاتت دي كلها مكنتش عارفة أخرج من البيت واكيد حضرتك اخدت بالك اني مش بروح الشركة من ساعة اليوم اللي حضرتك نقلت فيه نور للقصر بتاعك
_جاسر :انا الفترة اللي فاتت مكنتش واخد بالي من حاجه ومازن هو اللي كان بيتابع الشغل مكاني بس غريبة اوي أنه مقاليش انك مش بتروحي الفترة دي كلها
_مها:يمكن يكون مش عاوز يشغلك لانه عارف اللي انت فيه
_جاسر بشك:اه جايز فعلا,المهم قوليلي ايه اللي جابك دلوقت وليه الفترة اللي فاتت مكنتيش بتخرجي من البيت ؟
_مها برعب :انا هحكي لحضرتك بس ارجوك اديني الأمان انك مش هتاذيني واني هفضل في حمايتك لحد ما الموضوع ده يخلص
_جاسر بعدم فهم :انا مش فاهم اي حاجه خالص من كلامك وضحي كلامك موضوع ايه؟ وايه اللي ممكن يخليني اءذيكي ؟واحميكي من ايه بالظبط ؟
_مها بخوف :انا هجاوب علي اسئلة حضرتك كلها بس اديني الأمان الاول
_جاسر بعصبية :انتي ايه اللي مخوفك اوي كده ؟
_مها بدموع:اللي شوفته لازم يخليني اخاف يا باشا بعد ما امي اتقتلت قدام عنيا ومعرفتش حتي ادفن جثتها يبقي لازم اخاف يا باشا ؟
_جاسر بذهول :ايه ؟اتقتلت ازاي ومين اللي قتلها ؟اتكلمي يا مها وانا بديكي الامان مش هاذيكي وهتكوني في حمايتي بس اتكلمي ؟
_مها بخوف :ططط طب وانا ايه اللي يضمنلي انك هتنفذ وعدك ؟
_جاسر بغضب:كلمة جاسر الحديدي عهد وطالما قلت كلمة عمري ما ارجع فيها أبدا وانتي عارفه ده كويس انطقي ????
_مها بخوف :حاضر حاضر انا هقولك علي كل حاجه انا كنت عارفه اللي هيحصل مع نور ✊????وكنت عارفه أن فيه حد عاوز يدخلها ومشيت بمزاجي مع الممرضة اللي بعتهوالي
_جاسر بغضب:ايه ؟انتي بتقولي ايه ؟انتي كنتي عارفة اللي هيحصل وبعتي صحبتك كده بكل سهولة ايه الرخص ده انا مش متخيل
_مها بدموع :والله العظيم ما كنتش اعرف ان الموضوع هيوصل لقتل والله ما كنت اعرف
_جاسر بغضب :نعم يا اختي اومال هما فهموكي ايه ؟انهم داخلين يدوها حقنه مسكنه مثلا وانتي فاكر اني اهبل عشان أصدق كلامك العبيط ده انطقي؟
_مها بدموع :يا باشا ارجوك اسمعني انا والله العظيم مظلومة هما كلموني وانا كنت في الشارع ورجليا دابت من كتر ما بدور علي شغل وانا معنديش حد يصرف عليا يا جاسر باشا واكملت بانهيار ولو عليا انا كانت هتبقي سهلة بس انا كنت عايشة انا وامي لوحدنا وامي ست مريضة يباشا وكان لازم اموت نفسي عشان اجبلها العلاج ،وافقت وافقت اني ادخل شركتك علي اساس اني سكرتيرة كانت الخطة اني اصاحب نور وامضيها من غير ما تحس علي اوراق معينه
_جاسر :اوراق ايه ؟
_مها بدموع :والله العظيم يباشا ما اعرف انا اخدت الورق وقالوالي لو مخلوق عرف اللي فيه هنخلص عليكي انتي وامك ولا حتي انتي تجربي تقريه وتعرفي اللي فيه كل اللي عليكي انك تمضيها علي الورق ده من غير ما تعرف كأنه تبع الشغل كنت مستنية الفرصة دي تيجي لكن حصل الشد مع حضرتك ونور سابت المكان قبل ما الحق امضيها
_جاسر بغضب :وبعدين انطقي ????
_مها برعب : وبعدين وبعدين حصلت الحادثة وهما قالولي أنهم هيستغلوا الفرصة وياخدوا بصمتها علي الورق وهيا في الغيبوبة ومن هنا كانت الخطة للدخول اوضتها وكنت كنت انا اللي مبلغاهم انها لوحدها بس والله مكنت اعرف ان الموضوع فيه قتل والله العظيم انا حبيت نور اوي وبقت صحبتي بجد وروحتلهم بعدها واترجيتهم أنهم يسيبوني في حالي انا وامي واني مش هقول حاجه عنهم لحد بس هما هددوني بامي
_جاسر بغضب :مين دول بالظبط وبيعملوا كده ليه مع نور بالذات ؟
_مها برعب ودموع :كامل الدمنهوري
_جاسر بغضب :ليه ؟ليه بيعمل كل ده عاوز ايه من نور عملت ايه معاه عشان يعمل معاها كل ده ؟وبعدين انتي ازاي دخلتي شركتي اصلا ؟
_مها:مهو …مهو يعني …
_جاسر بغضب وهو بيمسكها من شعرها :مهو ايه ما تنطقي هوه انا هتحايل عليكي يا روح امك ؟
_هنا برعب وبكاء:حاضر حاضر هما بيعملوا كده مع نور عشان هيا عارفه سرهم وانا معرفش يقصدوا ايه انا سمعت بالصدفة والله لكن دخولي شركتك ده كان عن طريق حد من جوة الشركة بس والله العظيم معرفش هوه مين والله
_جاسر بغضب وهو بيسيبها من ايده:يعني انا كمان مقصود من اللعبة دي لا وايه كل اللي حواليا بيخونوني مرة الراجل بتاعي ومرة حضرتك ،اول مرة اتخدع في حد بالمنظر ده ولسة كمان واحد جوة الشركة واكيد منصبه كبير لأن مش اي حد ممكن يعرف يعمل كده انا بقي هعرف ادفعكم كلكم التمن غالي اوي وكل حد اشترك في اللعبه القذرة دي وبينده بصوت مرعب
دادة سعاد
_سعاد:نعم يا ابني امرني
_جاسر:اندهيلي نور يا دادة من اوضتها بسرعه
_سعاد :حاضر يا ابني حالا
_مها ببكاء:انت هتقولها ابوس ايدك يا باشا متقولهاش ابوس ايدك
_جاسر بغضب :ايه خايفه منها دلوقت بعد ما كنتي هتضيعيها وتعرضي حياتها للخطر
_مها :هخاف من ايه يا باشا معدش عندي حاجه اخاف عليها اقولك حتي الامان اللي طلبته منك انت مش ملزم بيه انا بس خايفه اخسرها انا معنديش حد غيرها دلوقت ابوس ايدك متقولهاش
_جاسر :مش انتي اللي تقوليلي اعمل ايه وما اعملش ايه انتي فاهمه مش عاوز ولا كلمة تاني
_سعاد برعب :جاسر الحقني يا ابني
_جاسر بخوف:فيه ايه يا دادة حصل ايه ؟
_سعاد:اوضة نور مقلوبة وهيا مش في اوضتها
_جاسر برعب :بتقولي ايه ؟!!!!!!!
