رواية سهام من الأنانية الفصل السابع 7 بقلم أمنية أشرف
 |
| رواية سهام من الأنانية الفصل السابع 7 بقلم أمنية أشرف |
رواية سهام من الأنانية الفصل السابع 7 بقلم أمنية أشرف
أمنية ببكاء” لا يا أبيه متعملش فيا كدا علشان خاطري يا أبيه بلاش تعمل فيا كده
ليهرول مالك إلى السلم قبل أن يضعف هي ليست أخته فحسب بل إبنته وصديقته ولكن صدم حيث سمع كلامها
أمنية” متخلينيش اكرهك يا أبيه
لينظر لها نظرة حزن ثم يوجه حديثه لأمه” خليهم يبداو التجهيزات بكرا هيبقى قراية فاتحة وخطوبة
أمنية” أبيه بالله عليك لا
ثريا بجمود” خلاص الموضوع خلص بكرا هيبقى خطوبتك اتفضلي على فوق بقى إجهزي
لتنظر لها أمنية بحسرة وحزن هل إنتهى أمرها أم لازال هناك فرصة
__________________
يجلس حزين يُفكر في حديث مالك حتى يقطع شروده رنين هاتفه
_الو
ليرد عمر باستغراب” يمني
يمني” عايزة اقولك على حاجة
عمر بحزن” قولي
يمني” مالك قرر يجوز أمنية
عمر بصدمة” ازاي اقصد لمين
يمني” معرفش إنت بتحبها ولا لا
ليصمت عمر
يمني” جوابك وصل ياريت تعمل حاجة صح في حياتك لمرة واحدة وتبعد عنها خالص انت عارف قد إيه أمنية حساسة وممكن تهرب منهم علشان فوجهه إنت وإنك مش بتحبها سلام
لينظر عمر أمامه بحزن هي من تقف بجانبه دايماً هل سيخسرها هذه المرة ولكن هذا القرار لصالحها
________________
يقف مالك حزين ينظر إلى السماء ويشرد في الماضي
Flash Back
_ بابا مين الجميلة دي
دي بنت صاحبة مامتك
_ دي جميلة اوي يا بابا هي هتقعد معانا ولا هتمشى
هتقعد معانا علشان مامتها ماتت
_ طب وباباها
لينظر لها بحزن” باباها مش عايزها
_ خلاص يا بابا ناخدها احنا وانا اسميها
هتسميها إيه
_ هسميها أمنية اسم حلو صح
صح يا حبيبي يلا بقى نطلعها تنام على ما مامتك تيجي
Back
ليغمض عِيونه بحزن وتأتي في باله ذكرياته معاها
Flash Back
يحملها ويلعب معها
م لي ك
ليضحك” مالك
م ا ك
_مالك
ما لك
ليضحك ويحملها ويجري _ماما ماما قالت مالك
لتنظر له أمه بسعادة
قالت اسمي اول واحد قولي مالك تاني
ما لك
ثريا” برافو ي روحي
لتضحك لهم ويظل يلعب معها
Back
ليخرجه من شروده نداءها
أبيه
أبيه أنا اسفة
لينظر لها مالك ويجلس حزين
أمنية بعياط” أبيه انا أسفة والله مقدرش اخليك تزعل مني أنا اسفة جدا والله أنا بحبك أنت ابويا واخويا وصاحبي
مالك” علشان كده كنتي عايزة تخليني اوطي راسي واحزن على دلعي ليكي
امنية بحزن ” لا يا أبيه لا والله إنت فاهم غلط انا عمري ما أعمل كدا أبدا أنت اللي ربتني بعد ما اهلي سبوني عمري ما هنسي فضلك عليا وإنك ربيتني ربيت يتيمة
ينظر لها بغضب” انتي مش يتيمة فاااهمة وبطلي لما نرفض حاجة انتي عايزها تقولي انك يتيمة إنتي أختي غصب عنك وعن اي حد فاهمة
أمنية بحزن” انا اسفة يا أبيه والله اسفة بس انا بحبه وانت عارف كده
مالك” اطلعي برا يا أمنية
لتنظر له بحزن وتتركه وتذهب
__________________
في الصباح
يمني” مالك فكر كويس قبل متاخد الخطوة دي إنت كده بتضيع مستقبلها
مالك” يمني لسه قد ايه على عدتك شهرين ولا شهر ونص
يمني بصدمة” ايه اللي دخل الموضوعين في بعض
مالك” شهر ونص صح من رأيي تستعدي لجوزنا من دلوقتي
لتنظر له وهو يتركها ويذهب
اففف اعمل ايه انا بقي
________________
احنا كده اتفقنا يا عمدة
مالك” اختي تشلها في عينك وإن في يوم خليتها تعيط ساعتها هعرف إنك نفسك تروح للي خلاقك
يبتلع ريقه بخوف” هشلها في عنيا متخافش يا عمدة
مالك” يبقى كتب الكتاب الخميس الجاي
ليدخل عمر إلى المجلس
ليقف مالك” ايه اللي جابك
عمر” عايز نتكلم لوحدنا
لينظر لهم مالك ليخرجوا بهدؤء
مالك” اتكلم
عمر” مينفعش تجوز واحدة متجوزة على ما أظن
مالك بعدم فهم” قصدك يمني إنت طلقتها
عمر” اقصد أمنية
لينظر له مالك بغضب ويصمت ويخرج من المجلس ليذهب خلفه عمر خوفاً من غضبه على أمنية
مالك بصراخ” أمنية أمنية
ليخرج كل من في البيت على صراخه
مالك” هو سؤال إنت اتجوزتي عمر أمتي وفين
أمنية بخوف” النهاردة عند المأذون
لتنظر لها ثريا بصدمة ” اتجوزتي من ورانا دي آخرة تربيتنا ليه تعملي كده فينا ليه
مالك ” هتطلعي من البيت ده على بيت جوزك بأكبر فرح بس بعد الفرح متدخليش الباب ده تاني فاااهمة وتنسى إن ليكي اخ أو أم
أمنية” لا يا أبيه اف
ليقاطعها بسؤاله” مين ساعدك تطلعي من البيت
لتنظر له ” مفيش طلعت لوحدي
مالك ” محدش طلع النهاردة من البيت ازاي طلعتي من الحُراس مفيش غير “ليقف عن حديثه وينظر ليمني” غير يمني
يمني بخوف ” انا
ليشير إليها لتصمت ويوجهه حديثه لعمر
مالك” هتاخد مراتك وبنت عمك وتطلع من البيت ده حالاً اتفضل
يمني” مالك افهمني لو سمحت
مالك” اتفضل خدهم واطلع
ليتركهم ويذهب وضعت أمنية شرفه وشرف العائلة في الوحل كما يعتقد
هل تفكير مالك صحيحاً؟
يتبع…..
لقراءة الفصل الثامن : اضغط هنا
لقراءة باقي فصول الرواية : اضغط هنا
نرشح لك أيضاً رواية ديفشا للكاتبة شهد مرسي
