رواية سلف ودين الفصل السبعون 70 بقلم لولو محمد

رواية سلف ودين الجزء السبعون

رواية سلف ودين البارت السبعون

رواية سلف ودين الحلقة السبعون

الحلقه الثانيه و ثلاثون
فى شقه حسام
حسام قاعد بيشرب القهوه فى البلكونه و ندى متبعاه هادى تبلع ريقها و تلبس الطرحه و تدخل
ندى / انا خلصت المطبخ هتعوز منى حاجه
حسام / شكرا ارتاحى بقي تعبتى جامد
ندى / تحب تتكلم معايا
حسام / ما عنديش كلام اقوله
ندى / تمام
جرس الباب يضرب حسام يبص لندى و ندى بصاله
حسام / افتحى شوفى مين لو سمحتى
ندى تروح تفتح تلاقي على
ندى / خير يا على نور فيها حاجه
على / حسام صاحي
ندى / ايوه فى البلاكونه اناديهولك
على / ياريت
ندى تهز راسها و تبص جوه حسام واقف بيتابع
ندى / على عاوزك
حسام / و واقف على الباب ليه ما يدخل … البيت بيته
ندى تفتح الباب على يدخل
على / انا نازل اعتزرلك انى اتعصبت عليك فوق
حسام / مش فاكر اصلا
على / احنا قررنا اننا هنطلع عمره
حسام / و ماله خير ما عملتوا انا ليا واحد صاحبى عنده شركه سياحه هيظبطلك اوفر ممتاز و لما تنزلوا ممكن نطلع كلنا اسبوعين فى اسكندريه و لا مطروح نغير جو انا بقالى فتره طويله مضغوط فى الشغل و كلنا محتاجين نغير جو و اهو كمان الولاد اللى عندك دول اكيد اتاثروا جامد بكل الحاجات اللى حصلت دى
على / تمام مفيش مشكله بس مش عارف نور هتقدر تسافر اصلا و لا لا انت عارف القيصرى
حسام / يا سيدى … مفيش اسرع من الايام … شوف كنا ايه و بقينا ايه و فى وقت قد ايه
على يهز راسه
حسام / خليك جنب مراتك و ما تقلقش انا هرتب كل حاجه
على يبتسم ابتسامه بسيطه بجنب و يجي يمشي
حسام / ما كانش قصدى تخليك جنبها دلوقت يعني اقعد اشرب حاجه على الاقل ندى بقت بتعمل قهوه عجب ما تعملى حاجه لعلى يا نونو الراجل يقول علينا ايه
على / مره تانيه عشان نور و العيال لوحدهم فوق
حسام / ماشي بس خليك فاكر
على يهز راسه و يمشي حسام يقفل وراه الباب
حسام / ها ايه رايك ؟
ندى / فى ايه
حسام / تحبى نروح اسكندريه و لا مطروح
ندى / اللى تشوفه
حسام / و لا تحبى نروح حته تانيه فاكره اليومين اللى قضيناهم فى السخنه يا ندى
ندى / اكيد فاكره
حسام / من هنا لوقتها فكرى انا داخل افرد ضهرى
حسام يسيب ندى و يدخل الاوضه تدخل تقلع الطرحه و تنام جنبه يحضنها و ينام و ندى صاحيه
……………………..
فى المكتب عند على
عمر / و انت اش عرفك انه شافك اصلا
على / نظراته ليا بتقولى
عمر / دا احساس الضمير مش اكتر مستحيل يكون شافك و يعديها كدا دا يبقي لا مؤاخذه اوى يعني
على / و هو انا يعني اللى عدل بجد مخنوق اوى من ساعتها
عمر / كلنا بنضعف و نغلط و انت ما كنتش فى وعيك يعنى الله يعينك على اللى كنت فيه ساعتها
على / ما تبررليش يا عمر انا لو مكانه ههد الدنيا و مش هقعدها
عمر / طب انت عاوز ايه دلوقت بالظبط
على / مش عاوز حاجه انا بفضفض معاك مش اكتر
عمر / اخبار الشغل ايه
على / والله ما فيا دماغ اراجع اى حاجه و لا ابص فى اى حاجه و لا اشتغل
عمر / ما انت ما ينفعش تكرر غلطه احمد و تسيب الشغل على سيد المال السايب يعلم السرقه
على يدى لعمر فلاشه
عمر / وات ايز زيز ( ايه ده ؟)
على / حسابات و كاميرات مراقبه الفتره اللى فاتت
عمر / دا انت فضفضتك تقيله اوى يا جدع
على يبتسم
عمر / ماشي بسيطه اديني يومين هظبطلك الدنيا
على / الاخبار عندك فى البيت ايه
عمر / عياط و زن و هات بامبرز فى ايدك و انت جاى و خد الزباله فى ايدك و انت نازل
على يبصله بابتسامه مكسوره
عمر / مش ناوى تروحوا للدكتوره تانى
على / مش وقته خالص لا جسمها و لا نفسيتها يستحملوا
عمر / و العمره
على / لما تخلص الاربعين هنسافر
عمر / هتقدر هى عالسفر و المناسك و الحاجات دى
على / الفندق قدام الحرم يعنى خطوتين و انا هبقي معاها و هاخد معايا كرسي بيتفتح و يتقفل لو تعبت فى اى حته تقعد صدقنى هى محتاجه ده اوى
عمر / ربنا يصبرها و يصبرك
عمر يقف و ينطط الفلاشه فى ايده
عمر / انا هشوف انا الحوار ده و ارد عليك
على / ما اتحرمش منك
عمر / سلام
عمر يمشي سيد يدخل
سيد / ايه ده هو مشي بسرعه ليه
على / وراه حوار كدا المهم خير كنت عاوز حاجه
سيد / هتحضر بالليل
على / مش قادر يا سيد بصراحه و انت عارف ظروفى
سيد / بس دا واجب يا رياسه يعني
على / واجب نمثل ان النفوس صافيه يا سيد و نضحك و نتصور قدام الناس و احنا كل واحد فينا شايل و معبى من التانى
سيد / خيركم من يبدا بالسلام و انت اكبر من كدا روح و اعمل الواجب و باركلهم و اهو برده تبينلهم انهم مش فارقين معاك
على / ما هو عشان هم فعلا مش فارقين معايا مش هرهق نفسي و اروحلهم انت عارف ظروفى انا فعلا تعبان يا سيد
سيد / الله يعينك الشهاده لله هى تقيله على اى حد ربنا يصبركوا
على / تصدق ان ما حدش فيهم عزانى
سيد / ما يمكن ما يعرفوش
على / تفتكر
سيد / والله ما عارف اقولك ايه
على / ما تقولش بجمله انا هروح اشترى شويه حاجات للبيت و اروح لو فى جديد كلمنى
سيد / ما يكونش عندك فكر
على يبتسم و يمشي و سيد يقعد مكانه
…………………….
فى الصيدليه
حسام واقف ندى تدخل
ندى / مساء الخير
حسام / مساء النور خير ناقصك حاجه و لا ايه
ندى / حبيبه و بابا نايمين قولت انزل اقف معاك شويه
حسام / بس زى ما انتى شايفه دى صيدليه مش كافيه و مش واقف فيها لوحدى
ندى / طب ما تيجي نخرج شويه
حسام / انتى شايفه ان ده وقته طب لو عمى و بيبو صحيوا و لا هتسبيهم مع نور
ندى / لا احنا ممكن ناخد حبيبه و العيال معانا و بابا هظبطه قبل ما نخرج
حسام / انا مش قادر اجرى ورا عيال خالص يا ندى معلش خليها مره تانيه ممكن
ندى / تمام
ندى تيجي تمشي
حسام / ايه رايك نتمشي سوا لحد السوبر ماركت نجيب شويه حلويات و نرجع اهو نغير جو برده بس من غير فرهده
ندى / ماشي
حسام يبتسم و يبص للشاب اللى واقف و ياخد ندى و يتمشوا
ندى / اخبار الشغل ايه
حسام / تعبان بس شغال
ندى / ما فكرتش تقدم فى اى شركات هنا
حسام / قدمت بس كمان كلمت سمسار يدور على مكان تانى ينفع صيدليه فى منطقه تجاريه احسن من هنا
ندى / هتقفل دى؟؟
حسام/ اكيد لا بس فرع تانى يعنى باب رزق تانى
ندى / بس ده مش تخصصك برده
حسام / اهو مرحله لحد ما الاقى شغل فى اى شركه محترمه
ندى / ربنا يصلحلك الحال
حسام / ياريت
ندى / انت فى حاجه شاغله بالك
حسام / ليه
ندى / متغير و هادى اوى
حسام / اللى حصل ما كانش سهل على اى حد و خصوصا انتى و على مش كدا
ندى / تقصد ايه
حسام / يعني قد ايه نور غاليه عليكي و كدا
ندى / اكيد نور غاليه عندى و اكيد ما كنتش اتمنى ان حاجه زى دى تحصل
حسام / بس رجعنا لنقطه الصفر مفيش عيال تربطهم ببعض و بقيتي قدامه طول الوقت
ندى / مش هتفرق فى حاجه على بيحب نور و هيحاولوا تانى و ياريت مش كل شويه تفتح فى اللى فات انساه بقي
حسام و ندى يقفوا قدام السوبر ماركت
حسام / هنساه لما تنسيه
ندى تبص لحسام
ندى / نسيته من زمان نسيته و اشتريت بنتى و ما افتكرش فى اى حاجه ممكن تغير ده فبلاش تضيع وقتك فى التفكير فى اوهام ما لهاش اى اساس من الصحه
حسام يبتسم و يهز راسه ندى تدخل السوبر ماركت يدخل وراها
……………………….
فى الفيلا عند انجى
انجى نازله على السلم تروح الهول كرم يقف يستقبلها يسلموا على بعض
كرم / دقيتلك كتير
انجى/ شو فيني قول يا كرم ما عاد بيناتنا حكى لينقال
كرم / لا فى و لهيك دقيتلك
انجى / انا بعرف
كرم / انا كنت محتاج فكر على رواق انا بحبك يا انجى بحبك كتير و بغار بجنون كمان و اللى صار ما فيه يمرق هيك عادى
انجى / معك حق
كرم / و مع هيك ما فيني عيش بلاكى فينا ننسي الماضي و ما نطلع لورا فينا نبلش حياتنا سوا و ننسي اى شي هيك قررت و لهيك اجيت
انجى / ما بعرف
كرم / انا عطيتك فرصه تانيه ما فيكي تعطينى واحده
انجى / انت واثق ان هيدا اللى انت بتريده ما فى حدا ضغط عليك
كرم / كنت مفكر حالى رجال كبير و كلمته من راسه و لا شو رايك
انجى تبتسم
كرم / شو رايك نضهر بشي محل بعرف انك مسكره عليكى الاوضه و ما بتقابلى حدا
انجى / ما كانى اللى خلق
كرم / و هلا
انجى / تمام مو عندى مشكله
………. ……….
فى المحل عند على
عمر يديله الفلاشه
عمر / نضيفه
على / الحمد لله
عمر / بس فى حاجه كدا بس مش حاجه يعني
على / اشجيني
عمر / هو سيد عارف انك مركب كاميره هنا فى المكتب
على / ما حدش يعرف الكاميرات الجديده كلها ما حدش يعرف مكانها و نص القديمه برده ما حدش يعرف مكانها ليه ؟
عمر / اصله بيعمل حركه غريبه اوى كدا بس مش بيسرقك هو بس مش عارف اقولها ازاى
على / ما تقول يا عمر و تخلصني
عمر / بيحب يقعد مكانك خصوصا اول ما تقوم و تمشي يجرى يقعد مكانك ابقي اتفرج عليها
على / يمكن سقعان و انا ببقي مدفى الكرسي
عمر / هههههههههههه ماشي يا رايق هتسافر امتى
على / اخر الشهر المهم هتقل عليك تيجي تعدى ان شالله يوم و يوم و متكررش مواعيدك
عمر / ما تشيلش هم
على / و هتقل عليك فى حاجه كمان
عمر / يا عم قول خير
على / أية
عمر / مالها أية ؟
على / خليها تكلم ندى و تطمن عليها
عمر / انت لسه بتفكر فى الموضوع ده
على / مستعجل اوى على سفرنا و راح اسكندريه امبارح لتانى مره
عمر / لا دى برانويا بقي الراجل قدامك امبارح كان بيكلم السمسار على بيت على البحر من بابه عشان نسافر كلنا سوا
على / نظراته ليا مش مريحانى يا عمر قلبي واجعنى
عمر / دا ضميرك بس لسه صاحى انت عارف انك عملت حاجه غلط و حاجه كبيره كمان فطبيعي تبقي حاسس كدا ان هو و لا نور عرفوا مستحيل الدنيا تكون هاديه كدا و أية مكلمه ندى كذا مره ندى ما قالتش اى حاجه
على / و المفروض تقولها ايه … و بعدين ندى بتتجنبنى مش بتقعد معايا فى مكان واحد و لو حصل لثوانى مش بتبصلى خالص
عمر / لا اله الا الله انت ايه حكايتك لتكون حنيتلها
على / و انا من امتى نسيتها
عمر / لما رجعت من لبنان لما قولت انها ما عادتش من نصيبك
على / ما فيش حاجه اتغيرت بس اللى فى القلب ما لناش عليه احكام
عمر / لا فوق لروحك بقي فوق كدا و اصحالى ما تدمرش كل حاجه فى لحظه شيطان لحظه ضعف و عدت استغفر بقي البت متجوزه و انت متجوز و كل واحد فيكوا متعلق فى رقبته عيال ما لهمش اى ذنب فى اى حاجه
على / وانا كنت كلمتها انا بس عاوز اطمن عليها
عمر / ما هى زى الفل اهى انت هتخليها فى خطر بالعافيه و هتخلى الراجل بيخطط لحاجه و هو نايم فى العسل
على يبص لعمر و يسكت
عمر / ماشي هخلى أية تكلمها يوم و طنط تكلمها يوم و نروح و نيجي عليها باى حاجه لحد ما ترجع و تستلم شيفت الحمايه
على يبص الناحيه التانيه
عمر / اقولك ايه بس ما انت اللى اوفر اوى
على / تعرف تغير الموضوع
عمر / ينفع سكت اهو اياكش ترتاح
على / و لا شكلى هشوفها فى سنتي
عمر يضحك على يضرب كف على كف
…………………..
فى شقه امانى
امانى / انا مش فاهمه يعني الباشا غاوى بعزقه و خلاص ما تستنى اما اختك ترجع من العمره و نسافر كلنا سوا زى ما كنا متفقين
حسام / و انا قولت غير كدا انا بس هاخد ندى و نبص على المكان و اكيد هي ليها راي يعني و اهو تغير جو شويه و انا كمان اغير جو
امانى / و انت غرمان ايه ما الفلبينيه اللى ابوك جبهالك هتقعدلك ببنتك و عمك و الهانم بتقضي شهر عسل جديد
حسام / هههههههههههههه انتى هتنقى عليا و لا ايه يا ماما العربيه تتقلب بيا و انا على الطريق
امانى / بعد الشر عنك يا حبيبي والله ما اقصد ابدا
حسام / يا ست الكل انا على اخرى هاخد نور و على اوصلهم مطار برج العرب و هاخد ندى معايا يومين نلف على الاماكن اللى السمسار جابها و ننقى انضف حاجه و ارجع و لما نور تيجي بالسلامه على هناك تانى نستقبلها كلنا هناك و نقضي الاجازه الحلوه و ننبسط و لا حضرتك ايه رايك
امانى / طب ما تاخد بنتك معاك على الاقل
حسام / خلاص يا ماما انا هتصرف
امانى / هتعمل ايه هتوديها لمنال انت كمان زى ما اختك هتعمل
حسام / طب عمر هياخد باله من ولاد اخوه هياخد باله من بنتى بمناسبه ايه انا هجيب بيبي سيتر مقيمه اليومين دول
امانى / تقلبك يا وله
حسام / هو انتى كمان مش هتشقرى عليها خالص كدا جرا ايه يا ماما دا انتى لو لقيانى قدام المعبد اليهودى مش هتعامليني كدا و بعدين هى بيبو دى مش حفيدتك اللى عشتى عمرك كله تتمنيها من الدنيا
امانى / حصل بس اعمل ايه انت اللى ضاقت بيك الدنيا و نقيتلها دى ام
حسام / بقولك ايه يا ست الكل هو انتى شوفتى انا جبتلك ايه هديه
امانى / هترشيني يا وله
حسام / و من الذكاء ما قتل جرا ايه يا ست الحبايب هو انتى ما حدش يعرف يضحك عليكي خالص كدا
حسام يطلع علبه قطيفه فيها خاتم اللماظ
امانى / ايه ده !!! دا بجد يا حسام و لا
حسام / اللماظ حر .. ما هو الغالى للغالى و اقولك حاجه كمان اتفضلى
حسام يدى لامانى ورقه الضمان و الفاتوره امانى تشوف الفاتوره تشهق
حسام / شوفتى بقي انا ازاى بحبك اكتر ما بتحبيني شوفتى بقي انك اغلى عندى من الدنيا طب والله ما جبت لندى زيه
امانى / يا سلام ما انت جايبلها شئ و شويات جت عليا يعني لما تجيبلى مره
حسام / مفيش حاجه تغلى عليكي يا قمر
امانى / ماشي يا حسام هات البتاعه اللى قولت عليها دى و انا هطلع و انزل عليهم
حسام / ما اتحرمش منك يا احلى ماما فى الدنيا
……………………….
فى شقه نور
ندى / يعني انتى شايفه إصراره ده عادى
نور / انتى نكديه اوى على فكره الراجل عمال يتشال و يتهبد عشان يسعدك و انتى عماله تشكى فيه من غير سبب
ندى / اصل الكل كلمه و قاله استنى قالوله خد حبيبه معاك
نور / راجل و مراته عاوزين يقضوا يومين حلوين فيها ايه بس يا ندى الدنيا دى قصيره اوى ما تنبسطي الله
ندى / يعني هقعد يومين بعيد عن حبيبه
نور / انا فاهمه طبعا بس انتى مش هتسيبيها مع حد غريب ماما اكيد
ندى / مامتك اه
نور / دى حفيدتها على فكره
ندى / طب انا هنا من امتى تقدرى تقوليلى شالتها كام مره حضنتها كام مره باستها كام مره
نور / بتعمل من وراكى
ندى / هو انا عدوتها يعني
نور / بقولك ايه بطلى بقي الحركات دى دا انتى كنتى زعلانه انه بيسافر يدور لوحده و عماله تقولى ليكون بيقابل و بتاع
ندى / امتى ده
نور / هو انا مش عرفاكى
ندى / بقولك ايه انا خلصت اللى ورايا هنا هنزل بقي عشان زمان حسام جاى
نور / اكيد لما هيجي هيكلمك يعني تنزليله و لا تصدقى معاكى حق انزلى كدا و اتدلعى و اللبسي حاجه حلوه و استقبليه خليكي فرفوشه يا بت
ندى / ماشي يا اختى ماشي يلا سلام
نور/ اسمعى كلامى و انبسطي على قد ما تقدرى الحزن بيوجع اوى يا ندى
ندى / بس ربك بيعوض
نور / و نعم بالله
ندى تبتسم و تنزل و نور تقفل الباب وراها و قبل شقه ندى بخطوات ندى تقابل على طالع ندى تتوتر و على يتوتر
على / ازيك
ندى / الحمد لله عن اذنك
ندى تيجي تعدى على
على / ندى
ندى تبصله
على / انا اسف على
ندى / انا اللى غلطت و ياريت نقفل السيره دى و ما نفتحهاش تانى عن اذنك وقفه السلم دى ما تنفعش
على / حسام كلمك فى حاجه
ندى / لو سمحت لتانى مره بقولك وقفه السلم دى مش كويسه
على يوسع لندى تعدى و تجرى تدخل شقتها و تقفل الباب على يتحرك يطلع يسمع صوت باب بيتقفل يبص يلاقي حسام بيقفل باب شقه امانى و يطلع و الاتنين باصين لبعض
حسام / ناقصك حاجه للسفر
على / احنا لسه ما جهزناش حاجه اصلا لسه بدرى
حسام / مش لازم يعني طبع المصريين ده انك تسيب كل حاجه لاخر لحظه يعني
على / تمام هشوف الموضوع ده
حسام يقف قدام على
حسام / ما تيجي تشرب شاى و لا انت بترتاح اكتر على السلم
على يبص لحسام حسام يفتح باب شقته و يبص لعلى
حسام / هتيجي تشرب شاي و لا هتطلع تبص على نور
على / طالع
حسام / طب عن اذنك انا بقي
حسام يبتسم و يدخل و يقفل الباب و على يفضل واقف مكانه ثوانى صمت تام يطلع شقته و كل شويه يبص تحت
………………..
فى شقه منال
أية / انا رتبت الاوضه ليس و نغم هم هيجوا امتى
عمر / فى الطريق نصايه كدا و تلاقيهم بيخبطوا
أية / هيقعدوا و يسلموا علينا و لا مستعجلين
منال / لا هيطلعوا طبعا انا ما سلمتش عليهم امبارح على اساس هيجوا النهرده
أية / هى بيرين مخليانا نعرف نتلفت و الله انا مش عارفه من غير حضرتك كنت عملت ايه
منال / و انا بعمل ايه دا انا اخيب منك
عمر / برده يا طنط ربنا يباركلنا فيكي فعلا من غيرك كنا احتسنا فى كل حاجه دا كفايا حنيه قلبك و وقفتك جنبنا
منال / طب بطل افوره و اتصل باخوك شوفه هيوصل امتى على ما ابص على الاكل اللى فى الفرن
عمر / اكل ايه بس يا طنط هو احنا مش قولنا بلاش
منال / الطريق لاسكندريه طويل و بعدين انا عملاها فى صينيه فويل يعني ياكلوا و يرموا فى الزباله مش هيشيلوا و لا حاجه و لو اتبقي ندى تبقي تاكله هى و حسام
منال تدخل المطبخ و أية تقعد
أية / ما تحاولش انت عارفها
عمر / ما بحاولش هقوم اكلم على اشوفهم وصلوا لفين
……………………..
فى المطار
ندى / ادعيلى بالله عليكي
نور / مش عاوزه اجبلك اى حاجه من هناك
ندى / مش ناقصنى حاجه الحمد لله كفايا تدعيلى افرح بحبيبه و هى بصحه و سعاده
نور / باذن الله تشوفيها احلى عروسه
ندى / هاتيلى مايه زمزم كتير اسقيهالها
نور / عنيا
حسام / مش يلا و لا ايه لسه فى اجراءات كتير اوى جوه
نور و تدى تروح ناحيه حسام
نور / هتوحشونى
حسام ياخد ندى تحط باطه
حسام / انتوا اكتر انبسطوا و استمتعوا و لما هترجعوا هنكون مظبطينلكوا احلى اجازه حاجه كدا لعشرين سنه قدام
على / خدوا بالكوا من نفسكوا
حسام / ما تقلقش علينا خد بس انت بالك من اللى معاك
على يهز راسه و يبص لنور مبتسمه و تشاورلهم باى و يدخلوا جوه
ندى / احنا هنفضل واقفين كتير
حسام / لا هنمشي
ندى / هنروح فين
حسام / مكان حلو اوى و ان شاء الله هيعجبك
ندى / مش كانوا سافروا من مطار القاهره اسهل
حسام / و تضيعي على نفسك الفسحه الخطيره دى
ندى / اخبار الصيدليه الجديده ايه
حسام / اهم شغالين فى التوضيبات على ما نرجع من المصيف تكون جهزت نفرشها و نعمل افتتاح كبير
ندى / عرفت ؟ مش انجى اتخطبت لكرم
حسام/ متوقع
ندى / مع ان اللى كان يسمعها بتتكلم عنه
حسام / انجى بنت ذكيه اختارت اللى يسعدها ياريت كل البنات كانوا زيها
ندى / ذكيه اوى و انت خير برهان مش كدا
حسام يبص لندى و يبتسم و يفتحلها باب العربيه تركب يقفل الباب و هو بيخبط بصوابعه على سقف العربيه و يلف يركب الناحيه التانيه و يمشي
…………………..
فى شقه امانى
تهانى و امانى قاعدين و امانى بتفرجهم على الخاتم بتاعها
امانى / قولتله يا حبيبي انا كل اللى يهمنى انك تكون بخير يقولى الغالى للغالى و ان ما كنتيش انتى يا ماما تلبسي الحلويات دى مين يلبس بس
تهانى / ربنا يهديه حسام طول عمره ابن حلال اياكش بس ال … و لا خلاص بقي ما عادلوش لزوم الكلام ده
امانى / عامله ايه مع جوزها
تهانى / زى الفل بيتمنالها الرضا ترضي انتى عارفه انه ما بينزلش مصر كتير دا هم حياله تلت اسابيع فى السنه بس ايه بيقضوهم فسح و خروجات و سفر من هنا لهنا ما بيقعدوش
امانى / ربنا يسعدهم يا رب بس يا اختى و دا يبقي اسمه جواز ده
تهانى / الراجل شقيان فى الغربه عشان يعيشها احسن عيشه و جايبلها شئ و شويات و هى بتاخد بالها من شغلها و مستقبلها
امانى / طب ما ياخدها معاه بره
تهانى / و تسبنى لمين يا امانى دا انا مقطوعه ما ليش حد
امانى / ما تقوليش كدا يا اختى دا انتى تتشالي على الراس
تهانى / دا كان زمان بقي دلوقت بقيت بعد الايام لحد ما المزغوده تغور عشان اجى اخد و ادى معاكى و بكره تيجي تقعد علاطول و ساعتها مش هقدر اعتبها تانى
امانى / و انتى مالك و مالها انتى تيجي بيتك و بيت اخوكى و اللى مش عاجبها تغور هى هتمنع حبايبي يزورونى فى بيتي كمان دا ايه الهم ده يا ربي
……………………….
على الطريق فى منطقه صحراويه
ندى / هو احنا تهنا و لا ايه
حسام / لا ما توهناش انا حافظ السكه كويس
ندى / احنا سافرنا اسكندريه كتير اوى اول مره اشوف الطريق ده
حسام / جديد
ندى / دا مفيهوش حد لو العربيه عطلت و لا البنزين خلص
حسام / لا ما تخافيش عامل حسابى و شايل جركنين بنزين مليانين فى شنطه العربيه
حسام يحود و يمشي ناحيه بيت من دور واحد باين بعيد
ندى / انت رايح فين
حسام / قولتلك ما تقلقيش انا حافظ السكه
ندى / العربيه ممكن تغرز منك يا حسام الطريق ده مش متسفلت … حسام انت رايح فين … حسام انت ساكت ليه … حسام
حسام يفرمل ندى تبصله يبصلها
حسام / تعالى
ندى / اجى فين
حسام / خايفه و انتى معايا
ندى / حسام ايه المكان اللى جايبنى فيه ده
حسام / هندخل جوه
ندى / و دى اسكندريه و لا ده البيت اللى هنعيش فيه كلنا
حسام / انزلى يا ندى
ندى / مش نازله يا حسام
حسام / براحتك خليكى هنا بقي فى الشمس كدا كدا العربيه هتسخن و شويه شويه الاكسجين جواها هيقل
ندى / هو فى ايه يا حسام
حسام ينزل و يلف و ندى متبعاه يروح يفتح باب الكوخ و يدخل و يسيب باب الكوخ متوارب ندى تطلع الموبايل مفيش شبكه تحاول تتصل مره و اتنين و تلاته مفيش شبكه حد يخبط على الازاز بتاعها تتفزع تلاقيه حسام يفتح باب العربيه
حسام / تعالى
ندى تبصله
ندى / حسام
حسام / بتتصلى بمين ليكي مين غيرى هاه
ندى تعيط يمسكها من ايدها و يشدها تنزل يدخلها الكوخ فاضي و فيه حفره كبيره جواها تابوت تحاول تخرج حسام يمنعها تصرخ و تقاوم
ندى / عشان خاطر حبيبه يا حسام عشان خاطر حبيبه
حسام / عملت كل حاجه عشان خاطر حبيبه بس انتى ما بيتمرش فيكي
ندى / بلاش يا حسام بالله عليك بلاش
حسام يثبت ندى فى الارض و يربط ايديها ورا ضهرها
حسام / عدنان بعت بلطجيته خطفوكى و ضربونى و جريوا
ندى / حبيبه محتاجانى
حسام / ما حدش محتاجك ما حدش هيفتكرك حتى
حسام يزق ندى فى التابوت بترفص برجليها
ندى / حبيبه محتاجانى يا حسام ابوس رجلك ما تموتنيش
حسام يغطى التابوت و ندى بتصرخ و تحاول تزقه برجليها و حسام بيعيط و هو بيدق المسامير و يقفل عليها و ندى بتصرخ و تخبط برجليها
حسام / المره اللى فاتت سبتك لقضاكى المرادى هكون انا قضاكى
ندى / عشان حبيبه يا حسام بنتنا يا حسام
حسام / ما حدش هيسال روحتى فين و لا حتى يترحموا عليكي هجبها مرات اب تسقيها المر كاسات
ندى / لاااا
حسام / هنتقم منك فيها كل ما هبصلها هفتكر اللى عملتيه فيا … لو ما كانتش نور لو ما كانتش نور كنت رميتها فى احقر دار ايتام و لا فى الشارع
ندى / انا بحبك يا حسام بحبك
حسام / حتى على بتاعك مش هيفتكرك نور هتنسيه حروف اسمك و يعيشوا سوا و انتى هتموتى و تتنسي
ندى / بحبك يا حسام هعيش خدامه تحت رجليك هعملك كل اللى انت عاوزه بس ارحمنى
حسام / و انتوا رحمتونى و انا بتفرج عليكى فى حضنه و وقفتكوا على السلالم خليه ينجيكى بقي يا ندى خليه ينجيكى
ندى / هو اللى وقفنى انا كنت نازله انا مش بخونك انا بحبك انت
حسام يروح يجيب الكوريك و يبدا يردم فوق ندى و ندى عماله تخبط و تصرخ و حسام بيعيط وهو بيردم فوقيها
ندى / لا يا حسام لا عشان حبيبه يا حسام لا
حسام / موتى بقي موتى
حسام بيرمى فوقيها التراب
……………….
فى شقه منال
أية / غير متاح برده
منال / يمكن فصل منهم لما هتوصل الفندق و لا الشقه اللى هو ماجرها اكيد هتشحنه و تكلمك
أية / انا هكلم عمر يمكن يكون معاه رقم حسام
منال / كلميه و انا هقوم ابص على العيال هاديين اوى ليكونوا بيعملوا مصيبه و لا حاجه
منال تقوم و أية بتتصل بعمر
عمر / حبيبي لحقت اوحشك
أية / معاك رقم حسام
عمر / دا ايه الفصلان ده لا مش معايا لا تصدقى معايا ليه عوزاه ليه
أية / بحاول اتصل بندى غير متاح
عمر / يمكن وصلوا الشقه و تعبانين فقفلت التليفون عشان ما حدش يزعجهم
أية / ندى ما كانتش طبيعيه يا عمر كانت خايفه من حاجه انا مش مرتاحه
عمر / انا بيتهيالى انك اوفر شويه … انا هكلمه اقفلى و هكلمك تانى
أية /تمام ما تنسانيش طمنى
أية تقفل و تدخل تلاقى منال بتلعب بالمكعبات مع يس و نغم
منال / ها ايه الاخبار
أية / هيحاول يكلمه و يرد عليا
منال / ان شاء الله خير ما تقلقيش انتى
أية / ندى بقالها فتره متغيره تقريبا من موت كرم
منال / طبيعي يا بنتى هو اللى حصل ده كان سهل على اى حد
تليفون أية يرن ترد بسرعه
أية / خير طمنى
عمر / غير متاح قولتلك يا هم فى حته ما فيهاش شبكه يا وصلوا بالسلامه بس قفلوا موبايلاتهم عشان يرتاحوا الطريق طويل على فكره
أية / طب هم انهى احتمال من الاتنين ما يمكن فى مشكله يا عمر انت هادى اوى
منال / انا هكلم امانى اكيد حسام لما وصل كلمها طمنها
أية / اهى دى وجه نظر معقول مش هيطمنوا حد انهم وصلوا
عمر / طب شوفى و طمنيني
أية تقفل و منال تجيب موبايلها و تتصل بامانى
منال / ازيك يا حبيبتي عامله ايه اخبارك
امانى / الحمد لله تمام كدا ما تجيش امبارح
منال / العيال بقي و انتى عارفه المشاغل معلش ان شاء الله نعوضها و اجى اشرب معاكى الشاى
أية / خشي فى الموضوع بقي
منال / بقولك يا اختى هو حسام ما كلمكيش يطمنك انه وصل
امانى / اه كلمنى و قالى انهم وصلوا نور خلاص و سلمت عليها و زمانها فى الطياره دلوقت ان ما كانتش وصلت
منال / ما كلمكيش بعد كدا خالص
امانى / لا ما كلمنيش هو فى حاجه و لا ايه
منال / لا ابدا اصلنا بس بنحاول نكلمه غير متاح
امانى / الطريق ما فيهوش شبكه ما انا حاولت اكلمه برده غير متاح بس هو قالى ان مفيش شبكه كويسه على الطريق منهم لله شبكات المحمول فالحين بس يلهفوا مننا فلوس قد كدا
منال / نقول ايه بس على العموم لو فى جديد طمنينى انا مش هعطلك
امانى / و لا عطله و لا حاجه و باذن الله اول ما هيوصل هيكلمنى و انا هكلمك اطمنك ما تقلقيش تسلميلى و يسلملى سؤالك
منال / مع السلامه يا حبيبتي فى حفظ الله
منال تقفل و تبص لأية أية تحاول تتصل بعمر
أية / انا هكلم عمر يكلم البوليس احنا ما ينفعش نسكت
منال / هيكلم البوليس يقولهم ايه
أية / يقولهم اى حاجه اكيد هيعرف يتصرف … ايوه يا عمر كلمها لما كان فى المطار و بعد كدا غير متاح برده
عمر / خلاص اهدى و شويه و هيبان
أية / انت ازاى هادى كدا ما يمكن جرالهم حاجه فى الطريق انت لازم تكلم البوليس يا عمر
عمر / هكلم البوليس عشان الموبايل غير متاح و بعديه البوليس كدا كدا مش بيعمل بلاغ اختفاء غير بعد اربعه و عشرين ساعه
أية / و احنا هنستنى اربعه و عشرين ساعه بحالهم يا عمر
عمر / على فكره انتى وترتيني و ممكن تكون دى كلها افوره منك فا اهدى و ان شاء الله خير
أية / انت بارد كدا ليه
عمر / هستني ساعتين كمان لو ما حدش اتصل او فى جديد ساعتها هشوف اقدر اعمل ايه
أية / ما تشوف من دلوقت
عمر / ايه ممكن يحصلهم فى ساعتين يعني غير انهم يوصلوا لمكان فى شبكه ممكن تهدى بقي
أية / كتير خيرك يا عمر حقيقي كتر خيرك
عمر / و انا فى ايدي ايه اعمله بس اخد العربيه و اطلع ادور عليهم على الطريق يعني اما انتى غريبه اوى
منال / خلاص يا أية اهدى و ان شاء الله خير
أية تبصلها و تتنهد
أية / ماشي يا عمر اللى تشوفه
عمر / اهدى يا حبيبتي و ان شاء الله خير ما تقلقيش
أية / ماشي يا عمر سلام دلوقت
عمر / سلام
أية تقفل و تبص لمنال
أية / مش مرتاحه خالص يا طنط مش مرتاحه يا ناس
منال / والله يا بنتى و انا كمان قلقت بس ان شاء الله خير ما تخافيش
أية / ان شاء الله
…………….
فى الكوخ
صوت ندى بتخبط و حسام قاعد على الارض فى جنب و ساند على جدار الكوخ و بياكل من قالب المكرونه و جنبه ازازه ميه
حسام / تسلم ايديهم بصراحه المكرونه تحفه
حسام يمسك الازازه و يشرب و يمسح بقه و يسيب باقي الاكل و الازازه على الارض
حسام / سبتلك منابك لما تجوعى ابقي كلى انا ماشي … سمعانى انا ماشي
حسام يروح يقعد فى جنب و صوت الخبط مستمر
…………………
فى المطار
على و نور واقفين فى جنب و على بيركب شريحه فى التليفون
على / نكلمهم بقي نطمنهم اننا وصلنا و بعدين نشوف تاكس يوصلنا الفندق
نور / هو احنا مش هيبقي معانا جروب او اى حد
على / لا اللى اعرفه اننا هنبقي لوحدنا بس ما تقلقيش يعني انا قريت كويس و عارف المناسك كويس و لو فى اى حاجه هنسال اى حد و اكيد هنلاقى اللى يساعدنا يعني
نور / تمام كلمهم بقي اطمن
على يحاول يتصل
على / اخوكى غير متاح
نور / يمكن مفيش شبكه عنده او تليفونه فصل
على يحاول يتصل بندى
على / ندى كمان غير متاح
نور / شوفت يبقوا فى مكان مفيهوش شبكه بقي اتصل بطنط اطمن على الولاد او اتصل بماما طمنها اننا وصلنا بالسلامه
على / تمام
على يتصل
على / ايوه يا طنط ازى حضرتك
منال / ازيك يا حبيبي عامل ايه وصلتوا بالسلامه
على / اه لسه واصلين و لسه شارى الخط من المطار اهو انا قولت اطمنكوا و اطمن عليكوا
منال / كلنا بخير يا حبيبي ما تقلقش روح انت شوف اللى وراك زمانكوا تعبانين من السفر احنا كلنا بخير
على / تمام معلش بقي تطمنى عمر انا عارف انه مش عندك
منال / ما تشيلش هم انا هكلمه و هكلم ليلى و امانى كمان تلاقى كل ده دولى يا حبيبي
على / تمام تسلمي
منال / مع السلامه
على يقفل
على/ بتقول كلهم بخير و انها هتكلم الباقيين تطمنهم
نور / هات اكلم ماما برده هتعملها فيلم طمنتوا طنط منال و انا لا
على / اساليها على حسام
نور / تمام
نور تتصل
نور / الو ايوه يا ماما ازيك انا نور
امانى / حمد الله على السلامه يا حبيبتي ده رقمك الجديد
نور / ايوه يا ماما انا بطمنك اننا وصلنا بالسلامه ما تقلقيش علينا اخباركوا ايه و حسام اخباره ايه غير متاح
امانى / ايوه يا اختى وصلوكوا و قفلوا موبايلاتهم انتى مش عارفه حركاتهم يلا ربنا يهنى سعيد بسعيده انا هيفرق معايا ايه يطمنى و لا عنى ما اطمنت
نور / طب ما يمكن مفيش شبكه او موبايلاتهم فصلت
امانى / و انتى هتوهى على حركات ست ندى هانم يلا بكره يا مرات الابن تبقي حما
نور / لا اله الا الله
امانى / بقولك ايه ما تشغليش بالك انتى بحاجه
نور / تمام لو فى جديد طمنيني
امانى / ماشي يا قلبي مش هطول تلاقيكي بتتكلمى دولى ما هونتش عليكي مش زى الدلدول التانى اللى ماشي ورا مراته
نور / سلام يا ماما
امانى / سلام يا حبيبتي
نور تقفل
نور / بتقول قافلين الموبايلات مكايده فيها
على / و دا كلام يدخل العقل برده
نور / هنعمل ايه يعني هنفضل واقفين كدا و لا هننزل مصر
على / بتهزرى ليكي نفس تهزرى
نور / و انا اقدر اعمل ايه يعني ما يمكن فعلا وصلوا و قفلوا الموبايلات او يمكن فى حته ما فيهاش شبكه كويسه انت عارف فى شوارع ضيقه كتير فى اسكندريه و المبانى عاليه و الشبكه كتير بتبقي وحشه او يمكن وقفوا فى مول ولا اى كافيه ياكلوا لقمه و مفيش شبكه فى احتمالات كتير جدا
على / معاكى حق طبعا
نور / دا غير اننا بعيد جدا خلينا نروح الفندق و يمكن على ما نوصل حد يكلمنا يطمنا
على / انا شايف كدا برده
نور / تمام يلا بينا و لا هتكلم مامتك الاول
على / لا هكلمها لما اوصل يمكن يكون فى جديد
نور / تمام يلا
نور و على يمشوا و باين على على التوتر و القلق
……………
فى شقه منال
أية / ما قولتيلوش ليه
منال / اقوله ايه بس انتى بتهزرى يا أية هم فى ايه و لا فى ايه و لا فى ايدهم ايه يعملوه و هم فى بلد تانيه انتى عوزانا نقلقهم و خلاص
أية / طب كلمى عمر شوفي عمل ايه
منال/ لا اله الا الله ما تهدى بقي يا بنتى وترتيني و عليتي ضغطى باللى بتعمليه ده
أية / يا طنط انا مش مرتاحه انتوا ليه مش حاسين بيا
منال / والله يا بنتى و لا انا مرتاحه بس هعمل ايه بس ادى الله و ادى حكمته
أية / انا هكلم عمر بيتهيالي عدى وقت كفايا و المفروض يتصرف بقي ما ينفعش كدا
أية تطلع الموبايل و تتصل بعمر
منال / افرجها من عندك يا رب
…………………..
فى الكوخ
صمت تام حسام يقوم يجيب الكوريك و يبدا يشيل التراب من فوق التابوت و يجيب الشاكوش و يشيل المسامير و يفتح الصندوق ندى ما بتتحركش يجس نبضها بهدوء و يروح يجيب ازازه الميه و يكبها عليها تفوق و تصرخ
ندى / حسااااام لا يا حسام
ندى تبص لحسام هادى تفضل تتنفض و ايديها مربوطه ورا ضهرها و تعيط و تبصله حسام يوطى يفكها تحضنه
حسام/ المره الجايه مش هتصعبى عليا المره الجايه بنتك هتبقي جنبك و مش هبص ورايا انتى فاهمه
ندى / انا بحبك يا حسام بحبك يا حسام
حسام يقوم و ندى تحاول تقوم رجليها ما تشيلهاش تنزل على ركبها حسام يديها الميه تشرب تهز راسها لا و تحط ايديها على هدومها مبلوله و تبص فى الارض
حسام / اطخن منك و بيعملوا اسوء من كدا فى موقف زى ده قومى نروح الفندق تستحمى و تغيرى قومى عشان تكلمى بنتك تطمنى عليها
ندى تهز راسها و حسام يسندها تعيط
ندى / ما تعملش كدا تانى ما تعملش فيا كدا تانى
حسام / اسمعى الكلام و انا عمرى ما هعملها تانى
ندى / هعمل كل اللى انت عاوزه انا بحبك اصلا والله بحبك انت و بس و الله بحبك يا حسام انت اللى مش بتحبنى انا بحبك و الله بحبك
حسام / طب اهدى بس و تعالى
ندى رجليها مش شيلاها و حسام مسندها تطلع من الكوخ تركب العربيه
ندى / انا مش هزعلك تانى انا بحبك انت بس انا بحبك انت بس انا عاوزه اربى حبيبه انا بحبك انت بس بحبك يا حسام بحبك و مش هزعلك تانى ابدا بس اشوف حبيبه حبيبه بيبي محتاجانى انا مش هزعلك تانى انا بحبك بحبك انت بس بحبك يا حسام
حسام يقفل الباب و يلف الناحيه التانيه
ندى / هشوف حبيبه صح هتخلينى اشوفها تانى صح دا انا بحبك هتخليني اشوفها صح
حسام / اهدى يا ندى اهدى
ندى تعيط و تبص فى الارض حسام يطبطب عليها تصرخ و تبصله يحضنها
ندى / مش هزعلك تانى ابدا انا بحبك بحبك انت بس بحبك والله
حسام يربطلها الحزام ندى تبصله بفزع
ندى / ما تربطنيش لا لا
حسام / دا عشان الطريق انا مش بربطك ما تخافيش
ندى تبصله يهز راسه ندى تبص قدامها و تهز راسها
…………………….
فى الفندق
نور بتتكلم فى التليفون
نور / المهم اننا اطمنا عليكوا .. لا احنا الحمد لله تمام … ايوه فعلا الفندق حلو اوى … تمام اكيد .. هههههههه ماشي ماشي …. ما تنساش لما تصحى تخليها تكلمنى … ماشي يا حبيبي مع السلامه… مع السلامه
نور تقفل و تروح تقعد جنب على
نور / انا كنت فعلا بدات اقلق انا كمان بس الحمد لله زى ما قولتلك ما كانش فى شبكه والعجله فرقعت منهم و على ما غيرها و كدا بس الحمد لله وصلوا للفندق و يادوب مغيرين هدومهم و هينزلوا بس طبعا من اول ما لقطوا شبكه الكل بقي بيتصل بيهم
على / الحمد لله كلمتى ندى ؟
نور / لا دخلت الحمام هتاخد دوش وتنام و لما تصحى هتكلمنى
على / ازاى يعني
نور / زى الناس عادى يعني ما تنساش الطريق طويل و وقفوا وقت طويل لحد ما العجله اتصلحت و اتبهدلت روحت تعبانه هتستحمى و تريح شويه انا مش دفتر حضور وانصراف الازم تمضي فيه يعني
على / على الاقل تطمنى انها كويسه
نور / كويسه سمعت صوتها و هو بيكلمنى كانت بتنادى على حسام مش فاهمه والله على فكره
على / انا بطمن بس لان أية كلت دماغى
نور / انا مش فايقه و لا جايه هنا للكلام ده بجد انا تعبت انا داخله الحمام
نور تيجي تمشي على يمسك ايدها
نور / احنا جايين هنا نقرب من ربنا و نغسل حزننا فدى الحاجه الوحيده اللى ناويه اعملها دلوقت
على / معاكى حق
نور / تمام عن اذنك بقي ادخل اتوضي
على / اتفضلي
نور تدخل الحمام و على يقعد على السرير و هو مخنوق
………………………..
فى فندق فى اسكندريه
حسام لابس برنص الباب يخبط يروح يفتح الباب الروم سيرفيس جايب ترولى عليه اكل متغطى حسام ياخده و يديله تسبس و يروح يخبط على الحمام
حسام / خلصتى
ندى تطلع لابسه برنص ابيض قصير و شعرها مبلول على وشها حسام يلعب فيه
حسام / شكلك حلو اوى و خدودك حمره كدا
ندى تبصله و تبتسم بتردد
حسام / شوفتى جبتلك ايه
ندى / جبت حبيبه؟
حسام / هجيبها بس مش دلوقت
ندى / امتى انا عملت كل اللى طلبته
حسام / و انا كنت طلبت ايه اكتر من حقى يعني و لا انتى فاكره انك هتمنى عليا بحقوقى
ندى / انا والله ما اقصد حاجه انا ما اقصدش ازعلك قولى اعمل ايه و انا اعمل قولى ايه يرضيك و انا اعمل
حسام / انا كنت بتكلم عن العشا طلبتلنا اكله سي فود عنب حاجه كدا تخلينا ننور
ندى / انا بحب السي فود اوى
حسام / تمام تعالى كلى معايا بقي
ندى تهز راسها و تروح تقعد جنبه يشيل الغطا من على الاكل و ندى بتبصله و تاكل بتردد
…………………..
فى شقه منال
أية / طب تعرف هيرجعوا بكره و لا بعده كان قايل هيقعدوا يومين بس
عمر / لا حولولا قوة إلا بالله مش اطمنتى عليها ترجع وقت ما ترجع بقي انتى مالك
أية / الله
عمر / أية … واحد و مراته بيتفسحوا ممكن افهم انتى قلقانه ليه لم تليفوناتهم اتقفلت قولت ماشي انما دلوقت مفيش اى مبرر للى انتى بتعمليه ده
أية / هو احنا هنسافر معاهم فعلا .. هنقعد معاه هو و امه فى نفس المكان
عمر / لا يا ستى انا و انتى و الحجه و طنط ليلى فى شقه و هو و امه و على فى شقه تانيه ماجر شقتين فوق بعض كل واحده فيهم تلت اوض و حمامين يعني حاجه كويسه
أية / ماشي
عمر / لو مش عاوزه تسافرى
أية / الكل هيبقي موجود
عمر / و دى فرصه كويسه تغيرى جو
أية / تمام يا عمر تمام
عمر / انتى فى حاجه عاوزه تكلميني فيها يا أية
أية / تفتكر المفروض اكلم اسماء اقولها انى رايحه اسكندريه
عمر / انتى عبيطه صح … واحده زى دى تكلميها ليه اصلا
أية / مش يمكن
عمر / بقولك ايه فكك منها بقي و مش عاوز اسمع السيره دى تانى نامى بقي عشان انا على اخرى
أية / حاضر
……………………
فى الفندق
حسام نايم و ندى نايمه فى حضنه فجاه تبدا تفرك و تان جامد حسام يصحى ندى تقوم مفزوعه
ندى / حبيبه
حسام / اهدى يا ندى اهدى
حسام ياخدها فى حضنه و هى مصدومه و فجاه ندى تعمل على نفسها و تبص على هدومها و تبص لحسام اللى مستغرب
حسام/ عادى على فكره يعني انتى شربتى ميه كتير عشان السمك و كدا
ندى تعيط فى صمت و تقوم و تلم نفسها و تدخل الحمام حسام يقوم يشيل الملايه و يقلب المرتبه و يطلع غيار و يفتح الحمام يلاقي ندى قاعده تحت الدوش بهدومها
حسام / جبتلك غيار
ندى / دى مش اول مره
حسام/ ما تكبريش المواضيع يا ندى … ما تعيطيش فى الحمام يل ندى و قومى البسي حاجه نضيفه جبتلك غيار قومى
ندى / روحنى يا حسام عشان خاطرى
حسام / انا كنت حاجز بكره كمان
ندى / هبقي خدامه تحت رجليك هعملك كل اللى انت عاوزه بس روحنى لبنتى
حسام / حاضر قومى بقي لتعيي
حسام يساعد ندى تقوم
حسام / انا عارف ان عقابى كان شديد بس انتى اقوى من كدا تمام مش هتنهارى بالبساطه دى
ندى / حاضر
حسام / اجمدى عشان حبيبه اللى حصل ده مش مقياس و مش دليل انه هيتكرر ما تشربيش قبل ما تنامى و اعملى حمام و هنتابع
ندى / و لو اتكرر انا عمرى ما عملتها انت عارف
حسام / هشوفلك ادويه تقوى المثانه و الاعصاب
ندى / هتوديني لدكتور
حسام / هتقوليله ايه
ندى / اللى انت عاوزنى اقوله … انا مستعده اعملك اللى انت عاوزه امضيلك على الورق اللى انت عاوزه بس ما يجيش عليا يوم و اقف قدام بنتى بالمنظر ده
حسام / ما تافوريش يا ندى بتحصل والله عادى انا نفسي مره حلمت انى بسقى زرع و لحقت نفسي فى اخر لحظه هههههههههههه اهدى و ما تكبريش المواضيع لو اتكررت نتكلم تمام
ندى / حاضر
حسام / خليني اساعدك تغيرى
ندى تبص لحسام و تبص فى الارض
…………………..
فى شقه امانى
امانى / شوفلك حل فى البلوه اللى فوق دى
محمد / خير يا امانى عملت ايه
امانى / بقولها تروق المطبخ و تغسل المواعين بتقولى انا جليسه مش خدامه
محمد / طب ما يمكن ابنك متفق معاها على كدا
امانى / هو فى اخيب من ابنى مايل فكل اختياراته انا مش صعبان عليا غير الغلبانه الصغيره دى
محمد / اهم جايين بالليل يبقي يتعامل معاها
امانى / يتعامل معاها و لا يرجع من السفر تعبان يقف ينضف و يروق لتكون فاكر ان الكونتيسه بنت اخوك هيطلع من كوعها تغسل كبايتين
محمد / بنت اخويا كانت شايله بنتك يا امانى اتقى الله
امانى / و هى اختك لما ولدت ما روحتش شيلتها يا محمد دى الاصول مش بتمن عليها دا واجب عليها تنزل تبص عليك و على طلباتك مش تعمل من بنها امال لو ما كنتش عمها
محمد / شيلى البت من دماغك و سيبي ابنك يعيش ما تخربييش عليه
امانى / هو انا هستفيد ايه لما اخرب عليه
محمد / مثلا يعني
امانى / انا عاوزه بس اطمن عليه هو و البت الصغيره و ندى دى لا تنفع و لا تشفع
محمد / و هى البت قصرت فى ايه بس
امانى / صحيح و انا بكلم مين
محمد / انتى شكلك تعبانه و محتاجه ترتاحى ما تدخلى تنامى شويه
امانى تبص لمحمد و تسيبه و تمشي محمد يتنهد
…………………….
فى شقه ندى
ندى تدخل بتجرى تحضن حبيبه و تنزل فيها بوس و حسام يدخل شايل الشنطه و يحطها على الارض بنت تروحله يطلع فلوس و يحاسبها
حسام / كان فى اى مشاكل او اى حاجه
البنت/ نهائي البنوته هاديه جدا و كيوت و الحج ما شاء الله عليه متعاون و هادى هو كمان
حسام / تمام انا متشكر جدا و معايا رقمك و اكيد مش هيكون اخر تعامل بينا
البنت / ان شاء الله هستاذن حضرتك اكيد راجعين تعبانين و محتاجين ترتاحوا
حسام يبتسم البنت تمشي و حسام يقفل وراها الباب و لسه هيدخل جرس الباب يضرب يفتح يلاقي امه
امانى / و دا اسمه ايه ان شاء الله مش هاين حتة عليك تعدى عليا تسلم و انت طالع
حسام / والله كنت نازلك انا بس قولت اشيك على البت على غفله هى ما تعرفش انى هاجى دلوقت
امانى / تشيك ايه ما هى نزلت خلاص
حسام / ايوه ما انا كنت داخل ابص حضرتك خبطتى
امانى / طب و الست هانم بتاعتك طالعه تشيك برده و لا مش مستعبره تسلم على حماتها
حسام / ام يا ماما ام و اى ام هتجرى تطمن على ضناها اول حاجه
امانى / على العموم يا حبيبي انا مش مستنيه سلامها و لا سلامك انا بس حبيت اوريك … شوف انا واقفه بقالى قد ايه ما طلعتش حتى تسلم عليا بنت اصول اوى
حسام / يمكن فى الحمام دلوقت تطلع اتفضلي بس اقعدى و
امانى / و لا تطلع و لا تنزل انا اللى نازله بيتي قال على راي المثل من خرج من داره اتقل مقداره
حسام / ما عاش و لا كان اللى يقل منك يا قمر و بعدين ما دا بيتك برده
امانى / بيتي ايه و انت كاتبه باسمها
حسام / هترجعهولى احنا اتفقنا على كدا المهم ترتاحى حضرتك
امانى / و الله طول ما انت متجوز البت دى و لا هرتاح و لا هشوف راحه
حسام / هطلقها حاضر حاجه تانى
امانى / انت بتمالس عليا يا ولا هى دى اخره تربيتي فيك
حسام / طب اقولك ايه طيب انا راجع من السفر مهدود انا حتى ما دخلتش الحمام هو فى ايه
امانى / فى محشي يا خويا اغرفلك انا نازله بلا هم
امانى تنزل حسام يقف على الباب
حسام / بالنسبه للمحشي فى فعلا و لا دى تريقه و كدا … ماما … ماما
امانى ما تعبروش و تنزل حسام يهز راسه و يدخل يلاقي ندى حاضنه حبيبه و قاعده مقرفصه فى ركن الاوضه
حسام / اعمل ايه فى امى دى بس و انتى كمان مش قادره تطلعى تسلمى عليها يعني و تضحكى عليها بكلمتين حلوين … قومى اشربيلك بق ميه و لا كليلك لقمه من امبارح ما نزلتيش حاجه بطنك
ندى تهز راسها لا
حسام / مش هيحصل حاجه يا ندى قولنا الطريق طويل و ما سبناش استراحه الا اما دخلناها عشان الحمام و الحمد لله وصلنا من غير مشاكل و دلوقت بقيتي فى البيت كلى حاجه بقي بدل ما تقعى منى
ندى / طب انت مش قولت هتجبلى علاج
حسام / مش لما تبقي عيانه الاول اعالجك … انتى مالك معبطه فى البت كدا ليه هتخنقيها سبيها تجرى و تلعب
ندى / وحشانى
حسام / و ابوكى مش واحشك ما تقومى تطمنى عليه
جرس الباب يضرب
حسام / دا اكيد المحامى بعت الورق اللى قولتله عليه انتى هترجعيلى الشقه و هتمضى على تنازل عن حضانه حبيبه ما انا لازم ائمن نفسي من ناحيتك
ندى / انا عمرى ما هائذيك
حسام / اكيد عشان ساعتها هتدخلى السجن و مش هتشمى ريحه حبيبه حتى
حسام يسيب ندى و يطلع بره ندى تحضن حبيبه اوى و تفضل تعيط حبيبه تبصلها بحزن و تحضنها اوى
ندى / انا مش هسيبك ليه ما تخافيش مش هيحرمنا من بعض لو ما كنتيش اتولدتى ما كانش قدر يعمل كل ده ما كانش قدر ياذيني و يعذبنى كدا كانت تيته بقت عايشه و جدو كويس كنت هبقي فى الكليه زى كل البنات فى سنى
ندى تحضن حبيبه اوى و مش واخده بالها ان نفسها بيتكتم
ندى / بس انتى جيتي و نورتى حياتى مش هيقدر يحرمنى منك مش هياخدك منى هعيش و اربيكي و اجوزك اللى تحبيه بس هعيش عشانك انتى لو روحتى منى اموت اموت و ارتاح ارتاح من كل العذاب ده
حسام يدخل الاوضه يشوف المنظر يرمى الورق و يجرى يفك حبيبه من ندى ندى تصرخ
…………………