رواية فريق فستق الفصل السابع 7 بقلم ملك الصباغ

كانوا ينظرون إليها بقلق  وهي تتسطح الفراش ووجها شاحب شحوب الموتي.

 بينما كانت تلك الطبيبة التي تكون جارتهم وأخت مرام كانت عائده من سفرها للتو حتي سمعت صوت صراخهم فأسرعت لتري ماذا يحدث ليخبروها أن صديقتهم في حاله حدثت لها حاله فقدان للوعي مفاجأة لتخبرهم انها طبيبه ويمكنها مساعدتهم. 

ميرڤت بقلق: ايه يا دكتوره هي ملها. 

حنان ببسمه بشوشه: البنت كويسه بس هي ناقصها تغذيه. 

ميرڤت بتسائل: ازاي يا دكتوره هي جسمها مضبوط يعني * قصدها ان يعني جسمها مليان شويه زي اغلب البنات*

حنان: البنات في السن ده جسمهم بيتعرض لتغير هرمونات عشان كده لازم يتغذوا ومفيش حاجه اسمها دايت للسن ده. 

ميرڤت بامتنان: شكرا بجد ليكي يا دكتوره…… 

حنان: حنان دكتوره حنان ساكنه في الشقه اللي قصادكوا. 

ميرڤت: بجد شكرا لحضرتك مش عارفه من غيرك كنا عملنا ايه. 

حنان: لا شكر علي واجب عن اذنكم. 

أركان: اتفضلي. 

خرجت حنان بينما كان ينظر الجميع لكارما بقلق ملتفين حول سريرها بشكل دائري.

ميرڤت:أركان لو سمحت خفف عليها تدريب شويه البنت لسه صغيره مش زينا.

أركان ببرود:ميرڤت تعالي بره محتاجك في موضوع وياريت نطلع كلنا نسبها تستيرح.

ليومأ معتز وسلينا برضا ويخرجوا من الغرفه بينما ميرڤت لحقت ب أركان 

أركان: تقدري تروحي يا سلينا.

ليكمل بهدوء:وانت تقدر تروح تنام شويه يا معتز عشان شكلك تعبان تقدر تنام في الاوضه انا مش هنام دلوقتي عشان مش تعبان.

معتز:تمام هروح انام صحوني علي الغدا.

ليغادر معتز ويترك ميرڤت تجلس مع أركان.

أركان بهمس:استغليت الوضع اوي مفكر نفسك في بيت اهلك.

ميرڤت:بتقول حاجه يا أركان.

أركان بجدية:احم احم ميرڤت انا قلتلك قبل كده انك مسؤله عن كارما بس مش المربيه بتاعتها يعني انتي اللي هتقوليلها المهمه عباره عن ايه وتوضحيلها وتحاولي تقنعيها بأي حاجه لو رفضت يعني انتي وسيط بيني وبينها عشان هي بتعصبني بسرعه.

ميرڤت بهمس:مش حال لو مكنتش بارد كنت عملت ايه لما انت بتقول بتتعصب بسرعه.

أركان:بتقولي حاجه يا ميرڤت.

ميرڤت بتوتر:لا لا لا ولا حاجه.

لتكمل بجدية:عن اذنك هدخل اطمن علي كارما.

أركان:استني يا ميرڤت كنت عايز اكلمك في موضوع تاني.

ميرڤت:موضوع ايه.

أركان: بتحبيه.

ميرڤت بتلعثم:هو …هو…..مين.؟

أركان بتركيز علي رده فعلها:معتز.

ميرڤت بتوتر:حضرتك بتقول ايه انا مش فاهمه.

لم يشأ أركان ان يضغط عليها لذلك لم يضغط عليها.

أركان:تقدري تروح تتطمني علي كارما.

ميرڤت:تمام عن اذنك.

لتتنهد براحه وتجري بقدميها كأنها في مسابقة حتي وصلت إلي غرفتها هي وكارما واغلفت الباب خلفها وجلست تتنفس بسرعه

ميرڤت بنفي:لا مش بحبه مش بحبه خالص الحب ملهوش مكان في حياتي.

قالتها ودموعها تهبط بقوه علي وجنتيها.

لتكمل بحرقه:حتي لو بحبه اذا كان هو ابيض البشره وشعره اشقر ولا عينه خضره هيرضي بواحده سودا زي مستحيل.

عندما دلفت ميرڤت إلي الغرفه لم تلاحظ ان الفراش فارغ وكارما لا توجد عليه.

لتخرج كارما من الحمام وهي تتساند علي نفسها لتري ميرڤت تجلس بانهيار خلف الباب وتبكي بحرقه لتذهب إليها بلمح البصر وتضمها بقوه وهي تهدأها.

كارما:اهدي يا ميرڤت طب قوليلي بتعيطي ليه.

احتضنتها ميرڤت بقوه ولم تجب علي حديثها 

لتردف كارما وهي تجفف دموعها:خلاص مش عايزه اعرف بتعيطي ليه قومي دلوقتي امسحي دموعك واي سبب يخليكي تعيطي كده قومي صلي وربنا هيحللك كل حاجه.

ميرڤت بانهيار:انا تعبانه اوي يا كارما تعبانه وضايعه مش عارفه اوضح مشاعري.

كارما:بس خلاص متقوليش كده قومي اتوضي وصلي وهيتحل كل حاجه.

ميرڤت:ماشي بس متقوليش لحد اني كنت بعيط ماشي.

لتومأ كارما في صمت لتذهب ميرڤت باتجاه الحمام بينما قررت كارما الخروج ومعرفه سبب بكائها.

????????????………………………………………????????????

كان أركان  يجلس يتذكر كل ما مر به منذ بضع الوقت وكيف كان الجميع خائفا علي كارما أحقا هو السبب في ذلك ام انه نقص في الغذاء كما قالت الطبيبه تذكر كيف وقعت فاقده للوعي

…

ليحمل أركان كارما الغائبه عن الوعي بين يديه ويدخلها إلي غرفتها وتدخل حنان بسرعه تتفحصها وسط نظرات القلق منهم جميعاً.

                        back ????????

استفاق علي يدها التي تلوح أمام وجهه وهي تقول: بس بس أستاذ ظل طب أستاذ نور انت يا أستاذ روحت فين. 

أركان ببرود: أستاذ انتي متأكده  انك بنت. 

كارما بتكبر: بنت وأحلي بنت. 

أحب أركان ان يوترها ليردف قائلا وهو ينظر لها: هي لو علي بنت فأنتي بنت اوي اوي. 

قالها ثم غمز لها بمشاغبه.

ليكمل قائلا:اما طريقه كلامك توحي انك راجل.

كارما بغيظ: انت قليل الادب علي فكره.   

أركان ببرود:انا عارف.

جلست كارما بجواره 

ثم أردفت قائله وهي تنظر امامها:انت قولت حاجه لميرڤت ضايقتها.

 وضع أركان  قدم فوق الاخري  ثم أردف قائلا ببرود:ليه بتسألي 

لينظر لها ثم يكمل قائلا:مش بحب اسلوب اللف والدوران عايزه توصلي لإيه.

كارما بتحدي:عايزه اعرف انك انت ٱخر واحد كلمتها عشان خليتها……..

توقفت فجأه عندما تذكرت قول  ميرڤت عندما قالت لها:متقوليش لحد اني بعيط.

أركان برفعه حاجب:وقفتي ليه كملي القطه كلت لسانك.

كارما بتوتر:انا انا داخله انام تصبح علي خير.

لم يتحمل أركان لينفجر بالضحك

كارما بحماقه:بتضحك ليه؟

أركان:بصي في ساعه موبايلك عشان تعرفي بضحك ليه.

نظرت كارما في ساعه هاتفها لتجد ان الساعه مازالت ال ٣ عصراً 

كارما بخجل وتلعثم:اه اه هنام عشان اصحي بدري كده يدوب الحق انام تصبح علي خير.

قالتها ثم وقفت لتذهب 

أركان بسخريه:حاسبي لتروح عليكي نومه عشان يدوب تلحقي تنامي.

كارما:شكرا ملكش فيه.

أركان بتركيز:كارما انتي فطرتي.

ليكمل:اصل يعني احنا مش بنتغدا عشان احنا شباب فده عادي لكن انتي مراهقه لسه صغيره فعندك اكل في التلاجه.

وهكرر سؤالي تاني فطرتي.

كارما:لا.

سحبها أركان من يدها ليتجه إلي المطبخ.

أركان بحزم:اقعدي.

كارما بذهول:انت بتعمل ايه.

أركان:هحضرلك الغدا عشان معتز نايم وميرفت مش عارف راحت فين.

كارما:بس انا مش جعانه.

أركان وهو ينظر لعينيها:هتاكلي غصب عنك او برضاكي 

ليذهب باتجاه الثلاجه ثم يخرج منها بضع الطعام ويضعه علي طاوله الطعام بجوارها ثم يردف قائلا:خلي بالك مش بحب الدلع فهتاكلي يعني هتكلي انتي مشوفتيش شكلك لما كنتي مغمي عليكي اه صحيح انتي تقيله لكن عندك انيميا.

كارما بصدمة:انت عرفت ازاي اني تقيله.

أركان بلا مبالاه:اصل انا اللي شلتك.

قال ذلك ثم التفت يأخذ خياره ويأكلها دون تقطيعها.

كارما بصدمة:شلتني 

رددت الكلمه اكثر من مره حتي تستوعبها لتنتفض قائله:انت ازاي ازاي.

أركان بغمزه:اقعدي يا قطه عشان مش هيعجبك رده فعلي مش معني اني لطيف كده يبقي انا علطول.

كارما بخوف من رده فعله:لا خلاص هقعد.

نظر أركان بتمعن إلي ملامحها ليشرد بها فلوهله رائها رائعه في نظره لاحظت كارما نظراته المتمعنه في تفاصيل وجهه لتردف قائله:لو بتبص علي الحبوب اللي في وشي فأنا عارف انها فتره وهتروح فبلاش تقلل ثقتي في نفسي بنظراتك دي.

أركان ببرود:حد قالك انك ضعيفه الشخصيه انا قلتلك كده انتي مش ضعيفه بدنيا انتي ضعيفه نفسياً بتخافي من اقل الشيء وانا اللي هكسر حاجز خوفك ده يا كارما اوعدك.

كارما بدموع:تفتكر هبقي قويه في يوم.

أركان بتركيز علي عينيها:مش افتكر انا متأكد انك هتبقي قويه.

كارما:بجد شكرا ليك مش عاررفه أشكرك ازاي يا ظِل *هي لغايه دلوقتي مش بتركز لما بيقولوا أركان يعني هي بتقولوا ظل ده لقبه في المخابرات*.

أركان بابتسامة:متشكرنيش اهم حاجه تاكلي وبس يالا كلي 

ليكمل بسخريه:عشان تدخلي تنامي عشان تصحي بدري.

كارما:بطل بقي رخامه مكنتش جمله.

استمر الحديث بين كارما وأركان حتي انهت كارما طعامها . 

قام أركان  ليأخذ معطفه ثم يذهب قبل ان يوقفه صوت كارما  

كارما: ممكن اتعرف علي  الجيران. 

أركان ببرود: لا. 

كارما: بلييز. 

أركان: لا يعني لا. 

كارما: خلاص ماشي. 

أركان  بشك: من امتي الطاعه دي. 

كارما: من النهارده 

لتكمل وهي تمد يدها له قائله: توعدني اننا نبقي صحاب ومنتخانقش. 

مد أركان يده وأردف ببرود قائلا: علي اساس اني انا اللي بتخانق مع دبان وشي عشان اعمل مشاكل. 

كارما: خلاص بقي بلاش خناقه خلينا اصحاب كويسين. 

لتكمل وهي تتصنع الجديه: وعدتك أنا كارما  أحمد يوم الاثنين اننا سنصبح اصدقاء علطول ومش هنتخانق. 

أركان بهمس: اللغه العربيه الفصحي بتبكي في الجوار. 

كارما: كده خلاص خلصنا الوعد اللي يخالف الوعد امه رقاصه. 

أركان بضحك: انتي اول واحده هتخالفيه فبلاش الشرط ده بالذات. 

كارما بتذمر: طب  اعمل شرط ايه؟  

أركان بخبث:الشرط ان اللي يخالف الوعد ينفذ الطلب اللي التاني يقوله.

كارمابهمس:يا مصيبتك يا كارما انتي اول واحده هتتخانقي حبكت تعملي العهد ولا الزفت ده.

ليضحك أركان لأنه سمع همسها

أركان:ها قولتي ايه.

كارما وهي تدعي الشجاعه:موافقه.

أركان بهمس:مش هنخلص انهارده

ليلتفت لها ثم يردف قائلا:خير.

كارما:انا هنا بقالي يوم ونص عشان في مهمه هنعملها بس هي ايه المهمه.

أركان ببرود:لما اجي اقلك.

كارما ببراءه:طب هدخل اقعد مع ميرڤت.

لينظر لها أركان بشك ثم يخرج من المنزل مغادراً إلي وجهته.

كارما وهي تدخل إلي الغرفه:ميرڤت يالا تعالي معايا أركان مشي ومعتز نايم

ميرڤت:ناويه علي ايه يا كارما.

كارما بخبث:ناويه علي كل خير.

ميرڤت بهمس:استرها يا رب 

????????$&$&&$$&$&&$&$&$&&$&$&????????

عاد أركان بعد عده ساعات مرهقا يخبأ وجهه حتي لايعرفه أحد في تلك الحاره اللعينه التي ستتم به مهمتهم ليصعد السلم ثم وقف امام شقتهم كاد ان يخرج المفاتيح حتي سمع صوت ضحكات من الشقه المقابله لهم ليتجاهل الامر ويفتح الباب ويدلف إلي الشقه . 

لايعرف لماذا ولكن اول شيء بحث عنه هو تلك الفتاه المجنونه التي اضحكته من كل قلبه اليوم عند جلوسه معها. 

نظر نحو غرفتهم ليجدها مفتوحه ليدلف إليها ليتفاجأ بعدم وجودهم

أركان بصوت جهوري:كارما 

ذهب بسرعه إلي الغرفه التي يرقد بها معتز 

ليوقظه

 أركان:قوم سايب شحط معاهم

معتز بنعاس:في ايه يا جدع انا مش قادر حرام عليك جسمي متكسر.

أركان بنظره جهنميه:ده انا اللي هكسرك قووم كارما وميرفت مش برا.

معتز بصدمه:انت بتقول ايه.

أركان بغضب:اتصل علي ميرڤت وأسألها هما فين

معتز:حاضر.

ليخرج معتز هاتفه ويتصل علي ميرڤت

معتز:الو …انتم فين…..ايه الدوشه اللي حواليكم دي….أركان جه ولا لا 

أركان بهمس:قولها لا.

معتز:لا بس اتصل وقالي جاي في الطريق…..تمام…بس بسرعه.

أركان:هما فين.

معتز:في شقه جيرانا 

أركان:بقي كده يا كارما ماشي.

????$&$&&$&$&$&&$&$&$&$&????