Uncategorized

رواية طفلة عدوي الحلقة السابعة 7 بقلم رنا سليمان

 رواية طفلة عدوي الحلقة السابعة 7 بقلم رنا سليمان

رواية طفلة عدوي الحلقة السابعة 7 بقلم رنا سليمان

رواية طفلة عدوي الحلقة السابعة 7 بقلم رنا سليمان

فضل باصص عليه وساكت مش عارف يرد ب ايه
كمال فعلا مكانش عارف هو غير معاملته مع حور ليه
كمال:هتصدقني لو قولتلك معرفش
طه قعد قدامه
طه:لو كنت قولتلي غير كده مكنتش صدقتك
كمال:انا فعلا مش عارف انا كنت خايف عليها اوي كده ليه
ممكن يكون بسبب كلامك ليا ال فوقني من غلطة كنت هرتكبها في حقها وهي طفله ملهاش ذنب في كل ال بيحصل دا ولا علشان كنت خايف لو حصالها حاجه ملك تزعل مني ومتسامحنيش ابدا
مش عارف السبب ايه بس كل ال انا اعرفه اني خوفت ل يحصلها حاجه وخوفت عليها اوي كمان
طه ابتسمله
طه:ال انت عمالته دا الصح وال كان لازم تعمله من يوم موت ملك
حور كانت بتتعذب في بيت ممدوح عمرها ما حسيت بالامان مع ابوها يا كمال والمفروض انها تحس ب الامأن دا معانا احنا يا كمال
سمعوا صوت فرحة بتنده على طه
طه بص للباب وبعدين رجع بص ل كمال
طه:هطلع اشوف امك عايزه ايه
طه كان هيقوم وبعدين بصاله تاني
طه:ااه صح
جميله ال انت قولتلي اجيبها علشان حور عايزه تقعد معاها دي
شكلها قدرت تعمل في اخوك ال بنات كتير معرفوش يعملوه ووقعت اخوك
طه سابه وخرج من الاوضه
_____
كانت قاعده في حضنها وهي بتطبطب عليها
بعدت عنها
حور:وحشتيني اوي يا جميله
جميله:وانتي كمان وحشتيني يا قلب جميله
عامله ايه
حور: كويسه وانتي
جميله:بقيت كويسه لما شوفتك يا حبيبتي
فرحة جات وهي ماسكه صنيه الشاي وحطيتها قدام جميله
فرحه:كده بردو يا حور تقلقينا عليكي
دا احنا كنا هنموت من الخوف عليكي
جميله:متخافيش يا طنط حور شاطرة ومش هتعمل كده تاني صح يا حور
هزيت راسها ب ااه وابتسمت
فرحه ضحكت
فرحه:أما نشوف
اشربي يا حبيبتي الشاي بتاعك
جميله:شكرا يا طنط بس انا اتأخرت اوي ولازم اروح
جميله قامت وقفت
حور: ايه دا انتي رايحه فين
جميله:مروحه يا حبيبتي
هجيلك بكرة بقي اقعد معاكي شويه
بس تسمعي الكلام ومتزعليش حد منك
فرحة:متخليكي قاعده شويه معانا يا بنتي
جميله:معلش يا طنط لازم امشي علشان اخويا مستنيني في البيت
فرحه:طيب استني اخلي طه يوصلك بدل ما تمشي لوحدك
جميله:لا يا طنط مفيش داعي انا هاخد تاكسي وهروح لوحدي
فرحة:ودي تيجي بردو يا حبيبتي
طه لازم يوصلك
طه يا طه
طه: ايوه يا امي
جميله:صدقيني يا طنط والله ملهوش لزوم
فرحه:ازاي بقي يا حبيبتي
معلش يا طه وصل جميله لحد بيتها
طه: حاضر يا امي
بص ل جميله
طه:اتفضلي
جميله:شكرا
سلام يا طنط
فرحه:سلام يا حبيبتي
جميله:سلام يا حور
حور:سلام يا جميله اوعي تتاخري بكرة
جميله:متخافيش هاجيلك بكرة بدري
طه وجميله مشيوا
حور بصيت ل فرحة
حور:هو انا ممكن ادخل ل كمال
فرحة:طبعا يا حبيبتي ادخليله بس خبطي الباب الاول
حور: حاضر
حور قربت من الباب وخبطت وسمعت صوت كمال بيقول
كمال:ادخل
فتحت الباب ودخلت
كمال اول ما شافها ابتسم
كمال:تعالي يا حور
اتعدل في قاعدته وهي جات قعدت قدامه على السرير
حور:هو انا ممكن اسألك سؤال
كمال:طبعا يا حبيبتي اسألي
حور:هي ماما وملك فين
انا بقالي كتير مش بشوفهم وهما وحشوني اوي
كمال:طيب انا لو قولتلك هما فين مش هتزعلي
حور:ليه هما في مكان وحش؟!
كمال:بالعكس المكان ال ماما وملك فيه دلوقتي احسن مكان ممكن الواحد يروحه المكان ال هما فيه دا مفيهوش حد يزعلهم أو يضربهم كل ال نفسهم فيه بيلاقوه
حور:قصدك انهم في الجنه
كمال فضل باصصلها وساكت
حور: ماما وملك دايما بيقولولي أن المكان الوحيد ال بنعوزه بنلاقيه ومفيهوش تعب او زعل هو الجنه
بس ال بيروح الجنة دا بيكون مات
انت تقصد انهم ماتوا
كمال مسح دموعه ومسك ايديها وابتسم
كمال:هما في مكان احسن يا حبيبتي دلوقتي صدقيني وطول ما انتي زعلانه هما كمان هيكونوا زعلانين ادعيلهم أن ربنا يرحمهم يا حبيبتي
هزيت رأسها ب ماشي وبدأت تعيط
كمال: وبعدين بقي يا حور احنا قولنا ايه
عياطك دا هيخليهم زعلانين اكتر وانتي طبعا مش عايزهم يزعلوا منك ادعيلهم وبلاش تعيطي بقي
حور:حاضر
كمال:طيب يلا بقي علشان تنامي علشان عندك مدرسه الصبح
ولا انتي عايزه كل يوم متروحيش المدرسة بقي
حور:لا انا هروح المدرسة وهذاكر علشان ماما تكون فرحانه بيا
كمال:شاطرة يلا بقي علشان اوديكي اوضتك
حور:يلا
حور مسكت ايد كمال وكمال وداها اوضتها وغطاها وطلع من الاوضه وقفل الباب
حور اول ما الباب اتقفل قامت وقعدت على السرير ورفعت ايديها وبصيت لفوق
حور:يا رب
انا دايما كل ما بطلب منك حاجه بتحققهالي يا رب رجعلي ماما وملك ومتخلهومش يبعدوا عني يا رب
حور نامت
_____
كانوا ماشين في الشارع وساكتين
طه:انتي كويسه دلوقتي
جميله:هو انا مكنتش كويسه من شويه
طه:اصلي حسيت انك مدايقه من حاجه بسبب كلامك ال قولتيه قبل ما نروح ل حور
جميله:لا انا كويسه
طه:طيب هو انا ينفع اسألك سؤال
جميله:اتفضل
طه:مش هتزعلي
جميله:وايه ال يزعل
لو سؤالك دايقني مش هرد
طه:هو يوسف كان بيعتذرلك على ايه
جميله: مفيش مشكلة حصلت بيني وبينه لما رجع ياخد التلفون بتاعه من غير ما يقصد وكان بيعتذرلي على كده
طه:بس كده
جميله: ايوه
طه: طيب هو انا ممكن اطلب منك طلب
جميله:ااه طبعا اتفضل
طه: هو أنا ممكن اخد رقم تلفونك علشان لو حور احتاجت حاجه يعني
لو هدايقك بلاش
جميله ابتسمت
جميله:هات تلفونك
طه طلع تلفونه وهو مبتسم وادهولها
جميله كتبت رقمها واديته التلفون
جميله:سجلتلك رقمي علشان لو حور احتاجت حاجه تكلمني
ممكن توقفلي تاكسي بقي علشان اروح
طه: حاضر طه وقف تاكسي وجميله ركبت التاكسي والتاكسي مشي وطه فضل باصص عليه ب ابتسامه
_____
كان رايح جاي في مكتبه بعصبية وكان عايز يوصلها ب اي طريقه ويتكلم معاها طلع تلفونه وكلم طه وطه رد
طه: الو يا يوسف
يوسف:الو يا طه
بقولك ايه هي انسه جميله عندكم؟!
طه:ليه
يوسف:اصلي عايزها في موضوع مهم اوي
طه: موضوع ايه دا أن شاء الله
يوسف:اخلص يا طه عندكم ولا مشيت
طه:لا مشيت يا يوسف
طه قفل في وش يوسف السكه وكان مدايق ان يوسف عايز يتكلم مع جميله
______
كان في مكتبه متعصب جامد
عمار:ماشي يا يوسف ب انا تضربني علشان بنت لا راحت ولا جيت زي دي انا هوريك
عمار اتبعتتله رساله مسك تلفونه وفتحه وشاف الرساله
_تفتكر ايه الوحش ال انت عمالته في حياتك علشان اكون انا عقابك عليه وهندمك على كل لحظه عيشتها في الدنيا دي واذيت بيها الناس يا عمار باشا ؟!
عمار اتصدم من الرسالة واتصل على شخص وكلمه
عمار:انت فين
“في المكان ال انت قولتله عليه
عمار:كل حاجه تمام عندك
“متخافش كل حاجه تحت السيطرة
عمار قفل معاه وخوفه زاد بشكل كبير وكان خايف جدا
______
في اسكندريه على البحر كانت ماشيه ولابسه جاكيت وحاطه كاب على راسها وماسكه تلفونها بتبص عليه ب ابتسامه قفلت التلفون وحطيته في جيبها والإبتسامة لسه على وشها بدأت تكلم نفسها
=وماله
هبدا من انهارده اخلي كل واحد يتمني الموت بسبب ال عماله فينا وميطلهوش
وانت يا عمار هتكون البداية
مشيت في الشارع وهي بتودع اسكندريه ال عاشت عمرها كل فيها وبتحب المدينة دي اكتر من اي حاجه ومكانتش عايزه تسيبها بس مكانش قدامها غير كده
……
يتبع..
لقراءة الحلقة الثامنة : اضغط هنا
لقراءة باقي حلقات الرواية : اضغط هنا
نرشح لك أيضاً رواية خطأ أفقدني عذريتي للكاتبة سمسمة سيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى