رواية عشق الروح الحلقة السابعة 7 بقلم بنت الصعيد
 |
| رواية عشق الروح الحلقة السابعة 7 بقلم بنت الصعيد |
رواية عشق الروح الحلقة السابعة 7 بقلم بنت الصعيد
أسر …اه …وبعدين أنا كنت هانسي أنا عاملك مفاجأة
روح …مفاجأة ايه؟؟؟؟؟؟
أسر …تعالي معايا بس غمضي عنيكي وامشي معايا …واوعي تغشي أنا عفريت وهعرف لو فتحتي عنيكي
روح …أغمضت عينيها ….أنا مغمضة اهو …ومش بغش والله
أسر …شاطرة
سارت روح ماسكة بيد أسر وهي لا تعرف الي اين ولكن ثقتها الكاملة به جعلتها تسير معه دون خوف
أسر ….واخيرا وصلنا يلا بقي فتحي
فتحت روح عينيها فوجدت نفسها أمام الشاليه والظلام حالك حتي انوار الشاليه الخارجية مطفأة…..تلفتت روح حولها ولكن لا تستطيع رؤية شئ فالظلام حالك علي الشاطئ
روح ….بإحباط …هي دي المفاجأة طب …وايه المميز في الشط بالليل في ام الضلمة دي بقا..
أسر ….وصفق بيده مرة واحدة …وقال أثناء التصفيق …طب وكده..
وبمجرد تصفيقه واشتعلت الاضواء في كل مكان وأصبح الشاطئ كأنه في وضح النهار من كثرة الاضواء
ويوجد خيمة جميلة باللون الابيض مصنوعة من الأخشاب ومغطاة بالستائر البيضاء الجميلة وبها طاولة ومقعدين وسرير وكلهم باللون الابيض .وعلي الطاولة يوجد قالب حلوي وخارج الخيمة مرسوم قلب بالانوار كان المشهد وحده كفيلا ليذيب قلب روح التي لم يفاجئها أحد في حياتها بمثل هذا المشهد الرومانسي الرائع …
اخذت روح تحدق وتلف انظارها بانبهار وإعجاب شديد
روح…..واااااااو …دي اول مرة اصدق انك عفريت بجد
واجمل عفريت كمان
أسر همس لها بأذنها ….كل سنة وانتي اجمل روح في العالم
التفتت اليه روح هو انهاردة ايه؟؟؟؟!!!!!!!
أسر …انهاردة عيد ميلاد اجمل بنت انا شفتها في حياتي ١مارس
نظرت اليه روح لوهلة ثم قالت …وانت عرفت ازاي عيد ميلادي
أسر بمزاح …..عفريت أنا ولا مش عفريت هه
ابتسمت روح وعلقت يديها في عنقه وقالت. …اجمل عفريت
أسر …طب تعالي يا شقية
وأخذها ودخلوا الخيمة جلست روح علي مقعد واسر علي علي المقعد الآخر
أسر…يلا بقا كلي الكيك بتاعك
روح …بتلقائية طب وانت مش هتاكل ….بدا عليها الحزن …اه صح انت مش بتاكل
أسر في نفسه ….تسدقي فاتتني دي أنا كنت هاكل بجد
…وأخذت روح قطعة من الكعكة واكلتها كان أسر غارقا في جمالها وهي تأكل واضعا يديه علي الطاولة
وفجأة روح أمسكت أحدي يديه فارتجف أسر ..ونظر إليها
روح …أنا بحبك ….
أسر بفرحة لم يظهرها ….بتحبيني شفقة عشان عرفتي أنه شريف لسة عايش….ولا احساس بالذنب عشان قتلتيني
روح بإصرار …لا والله ابدا …أنا بحبك من قبل ما اعرف أنه
شريف خائن بس كنت بكدب نفسي كنت بقول مش ممكن إنسانة تحب عفريت بس انا دلوقتي اتأكدت من شعوري .ومش هخبي تاني ابدا …أسر انت الامان بالنسبة ليا بطمن وانت معايا بقلق لما تتأخر عليا وماتجيش بخاف وانت بعيد قولي لو دا مش حب اومال دا ايه …
كان يستمع لها أسر بانصات ولم يتفوه بأي كلمة لأنه شعر أنها بحاجة للكلام اكتر من الاستماع
تابعت روح ….كان نفسي يا أسر تكون حقيقة كان نفسي تعاملني كده من البداية ..بس كل دا مش مهم دلوقتي المهم اني أنا بحبك ونفسي تفضل جمبي علي طول اوعي يا أسر تسبني وتختفي ..بدأت تبكي …أنا مش ندمانه اني حبيتك ومش عارفة مصير حبي ليك ايه بس كل اللي بتمناه انك تفضل معايا علي طول توعدني …توعدني يا أسر انك تفضل علي طول معايا بدأت شهقاتها تعلو …أنا مش طالبة اكتر من كده…
أسر مسك يدها وقبلها …اوعدك بس ..بس انتي كمان لازم توعديني يا روح أنه مهما حصل مش هتكرهيني ولا هتسبيني
روح..هزت رأسها ومازالت تبكي …..اوعدك
أسر …..طب خلاص كفاية بقا دموع انتي في ماسورة مية ضربت في عينك ولا ايه
نظرت له روح وابتسمت
أسر …يااااااااالهوي ع الضحكة اللي تجنن دي حاسس اني عايز اغني
روح بإصرار …انت بتعرف تغني وبدأت تمسح دموعها بظهر يديها …طب عشان خاطري غنيلي اغنية
أسر …اوك بس ماليش دعوة لو جالك تلوث سمعي
روح …..لا متخافش
أسر بدأ يغني ????ضحكت يعني قلبها مال????
????وخلاص الفرق ما بينا اتشال????
????يلا يا قلبي روحلها يلا قولها كل اللي بيتقال ????
????مستني ايه بعد الضحكة ????دي الضحكة فتحالك سكة???? مش هي دي اللي انت عاشقها وبقالها ياما شغالة البال ???? (اغنية عمرو دياب)
كانت تستمع له روح بكل فرحة كاد قلبها يطير من مكانه وكانت تصفق له بهدوء مع ايقاع الأغنية
روح …..الله …بقي هو دا صوتك الوحش …انت بتشتغلني
أسر ..بخجل نوعا ما ….خوفت ما يعجبكيش
روح ….انت كل حاجة فيك حلوة يا أسر
قام أسر من مقعده وامسك يد روح وخرجوا من الخيمة ووضع شالا علي كتيفيها ليحميها من البرد
أسر …تحبي ترقصي
روح …..أنا مش بعرف ارقص سلو ..عمري ما رقصت
أسر ….انا هعلمك
احتضنها أسر وبدأ يرقص معها ويعلما حركات الرقص
وبعد ذلك استلقي أسر علي الرمال واستلقت بجواره روح
وبعد فترة من الصمت …
أسر ….بتردد….روح أنا كنت عايز اقولك علي حاجة مهمة اوي
روح …..أنا سمعاك قول يا حبيبي
أسر …وغير مستوعب للكلمة…..يا ايه …قولي تاني كده
روح …قولتلك أنا سمعاك
أسر …لا اللي بعدها
روح …بخجل ….حبيبي
أسر ….الله طالعة من بقك زي العسل …..وسكت لحظة وكأنه يفكر في شئ ما …..خلاص يا روح مافيش حاجة
روح ….ازاي مافيش …انت كنت عايز تقول حاجة وسكت
في ايه يا أسر
أسر …خلاص خليها مرة تانية أنا مش عايز حاجة تبقي مميزة في اليوم دا غير عيد ميلادك
روح …تمام
بعد مرور بعد الوقت في ذلك الهواء الطلق والجو البارد ..وكأنهم لا يشعرون بالبرد فحبهم الصادق كافي لتدفئتهم …بدأت روح تقفل عينيها ببطء وغلبها النعاس
فنامت ..أما أسر فظل مستيقظا طوال الليل ينظر اللي ملاكه النائمة كالحوريات وبعد ذلك رفعها من الرمال وادخلها الخيمة ووضعها علي السرير وظل بجوارها حتي طلوع الشمس ..ثم غادر
استيقظت روح بسبب ضوء الشمس الذي ملأء المكان نظرت حولها لم تجد أسر …لم يكن هناك سوي هي والبحر
روح …أسر أسر ..جزررررررررر جزر …نفسي اعرف بتروح فين يا أسر ساعات بتختفي خالص
دخلت الشاليه..وقالت دادا …دادا فاطمة ..راحت فين دي كمان
دخلت اخدت شاور وتوضأت وصلت وجلست أمام التلفاز ترتشف فنجان من القهوة أعدته …وسرعان ما جاءت دادا فاطمة
روح …دادا صباح الخير …انتي رحتي فين ع الصبح كده يا ولية انتي
دادا فاطمة …رحت السوق اشتريت خضار طازة الصبح بدري وشوية حاجات ومانسيتش انك بتحبي الفطير السخن جبتهولك
روح ..كالاطفال ركدت …هو فين فين في أي كيس من الأكياس الكتيرة دي
دادا فاطمة…لا يا بنتي هو مش في الكيس هتلاقيه عندك ملفوف بورقة جريدة
روح….تمام لاقيته …فتحت روح ورقة الجريدة لتأكل الفطيرة
ولكن فجأة تتسع عينيها بمجرد ما قرأت عنوان خبر فيها
روح ….لا لا …مش ممكن لااااااااااااااا……
يتبع..
لقراءة الحلقة الثامنة : اضغط هنا
لقراءة باقي حلقات الرواية : اضغط هنا
نرشح لك أيضاً رواية أحببتك صدفة للكاتبة فاطمة أحمد.
