رواية طفلة ولكن أحببتك الفصل السابع 7 بقلم روان محمد

طارق وزياد فى نفس الوقت … حبيبه ….. ؟؟؟؟؟؟ 

جدته : انتو هتستهبلو منك ليه .. 

طارق : انا بحب حبيبه وهتجوزها و وريني يا زياد هتاخدها مني ازاى … 

زياد : طب ما انا كمان بحبها … وهتجوزها ومش هتعرف تتلم عليها يا طارق .. 

نسرين : بصراااخ .. انتو مجنين دي بنت عمتكم وفى نفس الوقت ازاى تتكلمو بالشكل ده عليها يعني اى يعني هو تحدي … 

زياد : اه تحدي وانا موافق .. 

طارق : انت ناسي أنها خطيبتي … 

زياد : ده كان زمان يا حيلتها … خلصت هي اللى تقرر تختار مين .. 

طارق : تمم … ها يا حبيبه … انزلي كده وقولي عايزة مين فينا … انا ولا زياد …. اختاري .. 

حبيبه : بصدمه ودموع … طارق …. انت عارف انت بتقول اى … يعني انا مثلا لو اختارت زياد … انت هتسبني …. 

طارق : هو مش هيبقي انتي اللى اختارتي … انا مالي بقا اتدخل ليه … 

حبيبه : ببكاء وقهر …. طارق انا …. طارق انا بحبك … 

طارق : بس فى أسباب تمنعك … صح … 

حبيبه : ببكاء … طارق أن….. قاطعها دق علي الباب … 

…..بنتي … 

زياد : بصدمه … حسام … انت اللى جابك هنا يا راجل انت اطلع بره … 

حسام ابو حبيبه وجوز ام نسرين ..يعني جوز ثريا التاني … 

حسام : بنتي .. جي اشوف بنتي … 

زياد : هههههههههه ما طبعا … مش بنت الحسب والنسب .. جي تشوفها بعد كام سنه حضرتك … بعد كام سنه … ولا ليه جي تشوفها بعد كام سنه … ما ممكن تكونو مطبخينها من بعض … وانت جي بسلامتك عشان تركبلنا قرون وتعمل دور الاهبل … 

حسام : زياد احترم نفسك … 

زياد : انت تسكت خالص بدل ما اطردك انت وبنتك دلوقتي يا عيلة زبالة يا كلاب … بقا بتزق بنتك علينا وكنت محفظها كلمتين وهي صغيرة ورميتها فى طريقنا فى الشارع ولما كبرت لفيت علي عقلها عشان تجوزها لطارق وتقوله وتورث  … انت اى جنس ملة اهلك اى … مراتك وكانت بتموت وأنت مش راضي تعالجها ولا حتي كنت راضي توصلها بأهلها وقلنا ماشي … بعد ما عمتي ماتت وسابت البنتين انت إخدتهم وشغلت بنت عندها 9 سنين ملهاش ذنب فى اى حاجه وعزبتها هي واختها ومرمتطهم وفى الاخر جي تسأل علي بنتك اللي حرقتها وهي صغيرة … اى انت اى …. 

حبيبه : بأنهيار ….. وقعت مغشيا عليها … 

_____________________________

تاني يوم الصبح … 

طارق : حمد الله على سلامتك … 

حبيبه : بدموع تلقائية عندما استيقظت من النوم … طارق والله العظيم انا اول مره اشوف فيها بابا كانت امبارح والله عمري ما شفته ولا اتكلمت معاه وزياد والله فاهم كل حاجة غلط والله انا .. انا معملتش حاجه صدقني … 

طارق : اسبتيلي … 

حبيبه : موافقة … هعمل اى حاجه عشان اكدلك كلامي … والله يا طارق انا بحبك بس غصب عني خايفة يكون انت هتتجوزني غصب عنك ودي اكتر حاجه توجعني يا طارق ….

طارق : عشان اتأكد من كلامك وأنك ملكيش علاقة بأبوكي … هو حل واحد مفيش قدامك غيرو .. 

حبيبه : موافقة من قبل ما اعرفو … 

طارق : مش تستني يمكن ميعجبكيش … 

حبيبه : لا لا انا موافقة علي اى حاجه هتقولها … 

طارق : هتتجوزي زياد … 

حبيبه : بصدمه …. اى ؟؟؟ 

_____________________________ 

بعد مرور سنه ..  

مها : ببكاء شديد وصرااخ …. ااااااه يا زياد بعتني .. بعتني واتخليت عني … ليه ليه … 

زياد : انا مبعتكيش يا مها والله ما بعتك وانتي عارفه اني عمري ما حبيت غيرك .. مها حاولي تفكري انتي واحدة عندك 23 سنه وانا بحبك من وانتي فى 6 ابتدائي … هسيبك وأروح ابص لواحدة ماشية فى 19 سنه يعني انتي عبيطة … 

مها : انت كمان هتتريق ..  

زياد : حبيبتي بصي … انهارده فرحي انا وحبيبه صح .. اللى طارق قرر أن يتعمل من سنه .. حلو …. بمعني أن انا عارف دماغ طارق … وعلي فكرة هو بيحبها … بس عايز يتأكد من حاجه فى دماغو …. اهدي كده بقا وصلي علي النبي وصدقيني انا وحبيبه مش هنتجوز … 

مها : بجد يا زياد … 

زياد : بجد يا قلب زياد من جوه … 

مها : مين … 

زياد : مين اى .. 

مها : حد بيرن عليا استني .. 

الو … 

مجهول : لقطتلك كام صورة عسل وانتي قاعدة كده اهو علي الكورنيش وحبيب القلب قاعد تحت رجلك … 

مها اتنفضت بعد ما سمعت صوت اللى بيتكلم وبعد الكلام اللى قالو ليها … 

مها : بخوف وفزع … انت…. انت بتراقبني … انت عايز مننا اى … ارحمنا بقا … 

مجهول : يا بنتي فوقي … ده انتي اكتر واحدة عارفه اني بعرف أراقب حلو اوى.. ده انا راقبت زياد وطارق وهما بيجيبو حبيبه من ورا الشجرة … مش هعرف اراقبك يعني يا مها … 

مها قفلت فى وشه من كتر خوفها … 

زياد : فى اى فى اى بتترعشي كده ليه و مين ده اللى بيراقبك انا مش فاهم حاجه … 

مها : انا خايفة … أنا خايفة … ده صورني انا وانت … 

زياد : مين ده اصلا … 

مها : عمر … 

________________________

نسرين : ممكن تفردي وشك بقا … 

حبيبه : ببكاء .. افرد وشي … عايزاني افرد وشي … نسرين … انتي مش فاهمه حاجه … 

مش فاهمه يعني اى واحد متعلقة بيه وبتموتي فيه .. صوتك بيريحك وطريقة كلامه بتريحك ..بتشوفيه عايزة تترمي فى حضنه … كل حاجه فيه بتشدك نحيته … بتحبيه … لدرجة الجنون … وفى الاخر فى يوم وليلة تلاقي نفسك فى حضن حد تاني … الامان اللى كنتي بتحسيه معاه مش موجود مع الشخص التاني … حتي لو الشخص التاني ده بلسم يا نسرين …حتي لو كانت حنية الدنيا كلها فيه … انتي عايزة حد معين ومش عايزة غيرو … وانا عايزة طارق … عايزة طارق مش عايزة غيرو … مش عايزاه مع واحدة تانية عايزة حنيته وكلامه وضحكته وكل تفصيلة فيه تبقي ليا … بحبه اوى يا نسرين …. بحبه اوى …. اااااااه …. 

نسرين : عشان خاطري انا حاسه بيكي … ممكن تهدي طيب … ده منظر واحدة بفستانها الابيض … علي الأقل عشان خاطر الناس .. 

حبيبه : ببكاء يتمزق له القلب … انا عايزة طارق … عايزة طارق … عشان خاطري … مش هزعلو هعملو اللى هو عايزو … بس انا عايزة طارق … ونبي ونبي …. عشان خاطري اتصرفي اعملي اى حاجه … انا عايزة طارق … عايزة طارررررق ….

__________

بليل فى الحفلة … 

المأذون …  اى يا جماعه فين العروسه … 

طارق : وهو يجز علي أسنانه …. ويهمس لنسرين … فين حبيبه …. 

نسرين : معرفش معرفش … هطلع اشوفها … 

نسرين : طلعت واول ما فتحت الباب اتصدمت من المنظر وصرخت …. 

نسرين : حبيببااااااااا ……….. ؟؟؟ 

يا تري نسرين شافت اى وليه طارق مع انو بيحب حبيبه عمل كده وليه زياد وافق ومين عمر ….