رواية وحدة شغف الحلقة السابعة 7 بقلم ندى
 |
| رواية وحدة شغف الحلقة السابعة 7 بقلم ندى |
رواية وحدة شغف الحلقة السابعة 7 بقلم ندى
دخلت شغف بسرعة وخوف ورعب لاوضة شهد
لقيتها واقعة عالارض وفيه دم كتير حواليها
جريت عليها بسرعة تحاول تفوقها .. شهد ردي عليا .. انا مش عارفة اتصرف يارب اعمل ايه
جريت تجيب الفون بتاع شهد وبحثت بسرعة علي رقم اخوها واتصلت .. بعد ثواني ..
-الو
شغف بعياط وصوت متقطع =احمد ..الحق شهد .. فيه دم كتير .
احمد اتفجع جدا من صوتها وتفكيره اتشتت اوي ..
قفل بسرعة واتصل بصاحبه
-الو .. عمر الحق بسرعة شهد لحد ما اجي بسرعة يا عمر الحقها .
*عمر 24 سنة صاحب احمد وبيعتبره اخوه الكبير وساكن في البيت اللي قدامهم وبيشتغل معاه..
طويل بعضلات عيونه بني غامق وشعره اسود و بيحب شهد جدا ????*
شغف لقت واحد داخل عليها و ظاهر عليه خوف مريب
-ايه اللي حصل
شغف في سكوت ومردتش وقاعدة تعيط وبتأنب ضميرها
عمر شال شهد براحة ونزل حطها في عربيته وشغف قاعدة جانبها وطلع علي اقرب مستشفي .
طلع احمد بسرعة للدور التالت في المستشفى.. لقي شغف قاعدة عالارض و دموعها نازلة في صمت
وعمر كان واقف قدام اوضة العمليات بتوتر شاف احمد جاي راح ناحيته
-متقلقش الدكتور معاها جوة وقالوا انه بسبب خبطة جامدة.. هو ايه اللي حصل ؟
=معرفش لقيت شغف بتكلمني .. لو الموضوع من وراها هكره نفسي اوي اني سبتها مع اختي الفترة دي كلها .
اتجه لشغف و مال ناحيتها بصوت صارم – شغف ممكن تحكي اللي حصل بالظبط .
بدموع وانهيار = انا السبب .. انا السبب.. يارب اموت .. ياريتني مشيت ومقعدتش معاها .. انا السبب.
احمد حس بنغزة متأثرا بحالتها – شغف قولي ايه اللي حصل مفيش وقت.
بصوت متقطع -انا كنت بجيب حاجات ورجعت لقيت الشقة كلها مقلوبة .. و لقيت دم كتير وبعدها شوفت شهد واقعة وكلمتك.
-طب ليه بتقولي انتي السبب .
شغف باستسلام وخوف -هحكي كل حاجة بس اطمن علي شهد الاول بالله عليك
احمد بزعيق-لا مش هستني حضرتك تطمني … اتفضلي قومي معايا نقعد بدل المنظر ده وهتحكي دلوقتي .
شغف بخوف منه – حاااضر .. حاضر هقوم
مشت وراه قعدوا علي كراسي بعيد عن الاوضة بشوية .
احمد بعنف – هااا سامعك ومش عايز كدب
سكتت شغف شوية وبدموع كتير -انا كنت متجوزة واحد مغصوب عليا اسمه يحيي .. وفي يوم سمعت صوت ضرب نار في البيت نزلت لقيته ميت .. تنهدت شغف بدموع وحزن .. لقيت مسدس عالارض ف مسكته عشان كنت خايفة ان يكون حد هيقتلني انا كمان .. بس بعدها لقيت ناس كتير دخلت واتهمتني اني قتلته .. مكانش فيه اي أثر ان حد دخل حتي الكاميرات مكانش فيها ان حد دخل … وحبسوني لحد ما يبلغوا بس انا هربت وجيت هنا وقابلت اختك بعدها .. بس ده اللي حصل والله العظيم .. لما لقيت شهد كدة فتوقعت ان هم عايزين يقتلوني او يسلموني واتعدم بس كل ده ظلم والله انا مقتلتش ..والله العظيم مقتلت حد
قام احمد واتجه لعمر ومردش عليها
قعدت شغف تعيط علي كل حاجة مرت بيها وانها سبب في اذي حد ملهوش ذنب في اي حاجة.
خرج الدكتور بعد وقت مش كبير ومش قليل ..
عمر بعد عن احمد بتلقائية وقال بلهفة- خير يا دكتور .. شهد مالها .. حصلها حاجة .
الدكتور بابتسامة: لا متقلقش كدة .. هي كويسه الحمدلله وقفنا النزيف والضربة كانت شديدة عليها اوي بس هي الحمدلله كويسه دلوقتي وهننقلها لاوضة تانية بعد شوية .
عمر واحمد وشغف حمدوا ربنا جدا
بعد ربع ساعة
خرج عمر مع احمد برة اوضة شهد بعد ما اطمنوا عليها ..
احمد بصوت خافت- عمر انا عارف كل الأسئلة اللي في عينك دي وهتعرف إجابتها مع الوقت خليك عارف انك احسن واحد متدرب عندي وواثق فيك في اي مهمة بديهالك.. شغف متعرفش اني ظابط اوعي تغلط قدامها ده اولا .. ثانيا انا عارف انها متهمة في قضية قتل من الاول بس كان لازم اسمع منها
عمر بصدمة – قتل
احمد بصرامة = وطي صوتك لسه كنت بقول احسن واحد تقوم تعلي صوتك .. اه قتل .. انا عارف مين القاتل كمان فاكر حبيبنا اللي بندور عليه بقالنا كتير
عمر بنظرات حماس – طبعا هو ده يتنسي
-حلو .. اهو دي فرصتنا بقي والتهمة لابساه المرادي مش هيفلت منها.
-تمام يا فندم انا معاك
عند شغف وشهد
شغف بدموع- سامحيني يا شهد كل ده بسببي .. انا خفت عليكي اوي
شهد بصوت خافت = حببتي متقوليش كدة كل حاجة بتحصل حوالينا بيبقي ليها سبب .
بقولك انا عندي سؤال
-اؤمريني يا شهدودي
قالت بخجل خفيف – هو عمر هنا من امتي
ابتسمت شغف – هو اللي جابك هنا اساسا اخوكي الظاهر كلمه عشان يلحقك لحد ما يجي بعد ما كلمته .
شهد بصدمة وسعادة : يالهوي احلفي بجد هو اللي جيه انقذني وشالني كمان .. سكتت بخجل فاجأة.. بعدها هي وشغف ضحكوا جدا علي طريقتها .
يتبع..
لقراءة الحلقة الثامنة : اضغط هنا
لقراءة باقي حلقات الرواية : اضغط هنا
