رواية عشقي الفصل السابع 7 بقلم شيرين زكي
 |
| رواية عشقي الفصل السابع 7 بقلم شيرين زكي |
رواية عشقي الفصل السابع 7 بقلم شيرين زكي
-ناهد لما عرفت إن عشق حامل فقدت السيطرة على نفسها ومقدرتش تتحكم ف تصرفاتها وبدون وعى وجهت رصاصة لصدر عشق بس أخدها خالد ووقع على الأرض وعشق بدأت تصرخ ومش عارفه تستوعب اللى حصل بس ناهد خبطتها على دماغها وفقدت وعيها وناهد مش استسلمت،،،، وبرضو نفذت اللى فى دماغها واستغلت وضعهم وقدرت انها تاخد الصور وبعدها …….. بقلمي شيرين ذكى
-أدم ف الفيلا حيران وتايه ومش عارف يتصرف وبيلف على عشق ف الشوراع زى المجنون وبدون اى فايده،،،،،،،، وكمان بيراقب ناهد ويارا بس تصرفاتهم طبيعية وبيقضوا يومهم عادى جدا مفيش اى جديد
يوم واتنين وتلاته ومحدش عارف حاجه عن عشق وأدم لا اكل ولا شرب ولا شغل ولا حاجه خالص غير انه يلف عليها ولما يغلبه التعب واليأس يمسك صورتها وبيبكى
-حسن:- وبعدين يا آدم هتفضل كدا يبنى
-أدم:- يعني عايزينى اعمل ايه انسي عشق ياجدى انسى مراتى
-حسن:- لا يبنى محدش قال تنساها بس على الاقل تاخد بالك من نفسك وصحتك عشان تقدر تلاقيها
-ادم:- هى ناهد ياجدى مفيش غيرها انا عارف انها تعرف مكان عشق ومخبيه علينا
-حسن:- ازاى بس يا آدم ماانت بتراقبها ومفيش اى كلام عن عشق
-ادم:- معرفش ياجدى بس انا واثق إن ليها علاقه يعنى امال عشق راحت فين بس بيقطع كلامه جرس الباب وبيوصل طرد فيه حاجة لآدم…. بقلمي شيرين ذكى
&ف مكان تانى عشق بتفتح عينيها&
-عشق:- انا فين اااه حد يرد عليا انا فين
-سمر:- متخافيش يبنتى انتى هنا ف بيتنا ف اسكندرية
-عشق:- فين؟!! وانا ايه جبنى هنا وايه اللى حصل وانتى مين
-سمر:- الأول اهدى بس يا حبيبتي لانك تعبانه والدكتور قال الانفعال والتوتر غلط عليكى وانتى اللى المفروض تقوليلنا ايه اللى حصل بنت زيك ايه اللى يخليها تكون مرمية على الرصيف ف طريق صحراوى للسفر بس يعنى محدش يبقف يبص قدامه حتى
-عشق بصدمة:- مرمية على الرصيف انتى بتقولى ايه
-سمر:- ايوا وهدومك كلها دم كمان
-عشق:- انا اخر حاجة فاكرها ناهد لما ضربت خالد لما موتته…خالد ايوا هو فين جراله ايه
-سمر:- انتى مكنش معاكى حد يبنتى كنتى لوحدك خالد دا مين
-عشق بخوف:- لا ازاى كان معايا خالد ابن مرات ابويا وناهد ورجاله خطفونى
-سمر بهدوء:- متفكريش ف حاجه دلوقتي واستهدى بالله كدا ويلا بقا غيرى هدومك وقومى كدا عشان نفطر ونكمل كلامنا بعدين وحاولى متجهديش نفسك عشان غلط عليكى
-عشق بدموع:- لا بس انا لازم اروح ادم اكيد هيتجنن عليا
-سمر:- هنعملك اللى انتى عايزاه بس تتحسنى الاول انتى جسمك ضعيف جدا وبقالك يومين من غير اكل يبنتى
-عشق:- حاضر بس قوليلي هو مين اللى جبنى هنا انتى؟!!!
-سمر:- لا يا حبيبتي مش انا اللى جبتك دا…..وقاطعها شخص تانى وقال…
-مدحت:- انا اللى جبتك ياعشق
-عشق متنحة:- انت انت بتعمل ايه هنا….
-سمر:- مدحت يبقى ابنى ياعشق
-عشق بصدمة مش عارفه تخبيها:- ابنك هو انتى مرات عمى حمزة
-سمر:- لا يا حبيبتي انا اخته بس مدحت بالنسبة ليا اكتر من ابنى انا صحيح مخلفتش بس مدحت عندى بالدنيا
-مدحت:- حمد الله على سلامتك يا عشق
-عشق:- الله يسلمك….هو انت جبتنى هنا ازاى يا مدحت
#فلااااااس_بااااااك
-ناهد بعد ما اخدت كام صورة لعشق وخالد،،،،،،،،، ف اوضاع مختلفه وهما طبعا الاتنين مش ف وعيهم كان لازم تبدأ تفكر ف الخطوة الجاية وتقرر هتعمل ايه…….الأول أمرت الرجالة انهم يرموا عشق على الرصيف ومدحت هنعرف ايه حصله قدام شوية،،،،،بعدها فكرت ف طريقه توصل بيها الصور لآدم وجده عشان توقع بينهم وبين عشق…..بس ياترى هتقدر؟!
#بااااااك
-مدحت:- أنا كنت جاى اسكندرية هنا عند عمتى ياعشق بس وانا ع الصحراوى العربيه اتعطلت وكنت بدور على اى حد يساعدني ولقيتك على الطريق ومكنتش اعرف انه انتى الا لما قربت واتأكد ومكنش ينفع إن ارجع القاهرة تانى كنا اقرب من اسكندريه وكمان خفت يقابلنا لجنة أو كمين ويحصلك حاجة فحاولت اتصرف ولما العربية اتصلحت جبتك وجينا هنا وجبتلك الدكتور وبقالك يومين غايبة عن الوعى
-عشق بدأت تبكى وتقول:- ليه كدا يا خالد ليه كل دا بس ياربي وبدات تنهار من العياط
-سمر أخدتها ف حضنها وهونت عليها:- معلش يبنتى الدنيا زى ما فيها الحلو فيها الوحش والحمد لله انك بخير
-مدحت:- فهمينا ياعشق ايه اللي حصلك وازاى
-بدأت عشق تحكى من أول المكالمه اللى وصلتها من فون آدم واللى وراها سر كبير لانه ازاى قدرت ناهد توصل لفون ادم الا لو فيه خاين،،،،،لحد لحظة ما خالد اتضرب بالنار
-مدحت بغضب:- دا جريمة وياعالم الشخص دا حصله ايه وكمان شروع ف قتلك لازم نبلغ البوليس
-عشق بفزع:- لأ لأ بوليس لا دى مرات عمى وخالد ف مقام اخويا وطبعا مكنش دا السبب اللى خوف عشق،،،،،،، السبب الحقيقي هو انها عارفه إن ناهد معاه ورق يدمر العيله كلها
-مدحت:- ازاى يعنى لأ بعد كل اللى حصل فيكى دا انتى متخيلة كان هيجرالك ايه لو كان حد شافك كنت هتبقى فريسة لكلاب الشارع ويكمل بغضب هو كل حاجه لأ لأ،،
ولا هو عناد والسلام
-سمر:- يبنى كفاية اللى هى فيه براحة عليها يا مدحت
-عشق بكسرة نفس:- انت متعرفش حاجه بطل تحكم بالمظاهر وتكمل عشق كل اللى عايزاه دلوقتي ان ارجع القاهرة
-سمر:- يبنتى انتى تعبانة
-عشق:- معلش يا خالتى لازم ارجع وبصت لمدحت
-مدحت:- طيب خدى الدوا اللى كاتبه الدكتور وكلى حاجه وارتاحى وبعد الضهر نتحرك
-عشق:- ماشى كتر خيرك تسلم
-وبالفعل نزلت عشق القاهرة هى ومدحت بس مكنتش متخيلة يكون كل الوجع دا مستنيها….
-أدم وصلته علبة مقفولة ويفتحها ادم يلاقى ظرف ومن هنا تبدأ خطة ناهد
-أدم فتح الظرف لقى صور لعشق وخالد بمشاهد غراميه ف منتهى البشاعة لدرجة مقدرش يمسك نفسه وخبط التربيزة برجلك والكل اتجمع من خبطته
-جده حسن:- مالك يا آدم وايه اللى معاك دا
-يارا بدلع:- ف ايه يا آدم متضايق كدا ليه ياابن عمى
-قرب ادم من ناهد ويارا وبغضب وزعيق بيقولهم:- عملتوا فيها ايه ردوا عليا؟!!!!!
-ناهد بمسكنة وخبث:- هى مين دى يبنى وهنعملها ايه بس
-أدم:- هتكون مين يعنى،،،، اتفضلى شوفى
-جده:- ايه دا الصور دى مين جابها وازاى اتصورت ومين دا وبيعمل ايه مع عشق
-يارا بلؤم:- بيتسلوا يا جدى بيتسلوا
-أدم:- اخرسي ياحقيرة عشق اشرف منك ورفع ايده ولسه هيضربها،،،،،،،،بس مسكتها ناهد
-ناهد:- مش كل مرة هتضربها يا آدم بيه روح شوف مراتك مع مين وبتعمل ايه احنا ملناش دخل
-أدم بوجع:- عشق مستحيل تعمل كدا
-يارا:- تقدر تفسرلنا يا آدم بيه هى خرجت يومها راحت فين
-أدم:- انتو اكيد ضحكتوا عليها وقولتولها حاجة تخليها تخرج
وهنا بيتدخل جده ف الكلام
-حسن:- يا آدم يبنى بس عشق يومها قالتلى انها رايحة عندك المكتب……
-“يااااااه ياعشق على القدر انتى يومها قولتى كدا عشان مكنتيش عايزه تقلقى جدك بس ياترى كنتى عارفه إن دا هيكون أذى ليكى ف يوم زى دا،مهى دنيا بقا”
-أدم بزعيق:- قصدك ايه يا جدى يعنى عشق خرجت بمزاجها
-يارا وناهد استغلوا وضع آدم اللى بقا تايه ومش عارف يفكر ولا يفهم ايه اللى بيحصل ولا لاقى تفسير لخروج عشق ومع
الأسف بدأ شكه فيها بسبب كلامهم،،،،،،اللى كان بينزل عليها كأنه جمر ونار بتحرق فيه وتمس كرامته دا غير الصور قدامه ومش راضيه تروح من باله،،،،،وخاصه كلمة يارا لما قالت مهو عايش معاها بقاله كتير هيكون لها غير خالد حبيب يعنى….
-وف وسط الذهول والصدمات والتكفير بيتفتح الباب وبتدخل عشق بس بتلاقى وضع اتمنت بعدها الموت
الف مره وحست ان الموت اهون من موقف زى دا
-حسن:- عشق يبنتى حمدالله على سلامتك كنتى فين
-عشق بدموع:- كنت مخطوفة يا جدى
-يارا بمكر:- واللى خطفوكى زهقوا وسابوكى ولا ايه
-عشق بغضب:- ابقى اسألى الست والدتك يا يارا هانم
-يارا:- وانا والدتى داخلها ايه ياعشق هانم ما تشوفى نفسك كنتى فين ومع مين كل دا
-عشق:- اخرسي هو انا زيك
عشق بتبص لآدم ومستنية إنه يدافع عنها زى ما اتعودت بس آدم حتى ما اهتمش لوجودها قربت منه عشق وحضتنه جامد وبتبكى وتقول:- رد عليها يا آدم
-بس ادم مكانه متحركش وكأنه تمثال ولحظات وبعد عشق عنه ورفع صوره من الصور وقالها:- ايه دا؟!!!!!!!
-عشق بصدمة:- بصت على الصورة وگأن لسانها عاجز عن الرد ومش مصدقها وبتنهيدة قالت:- معرفش معرفش
-أدم بزعيق:- امال مين اللى يعرف وكنتى فين وايه خرجك من البيت ردى عليا
-عشق بخوف:- نزلت عشانك يا آدم عشان حد رن عليا من رقمك وقالى انك عملت حادثه
-ادم:- رن عليكى من رقمى وانا معرفش ازاى يعنى؟!!!
-عشق:- ايوا يا آدم من رقمك هو انت مش مصدقنى يعنى
وبصت لحسن وقالت:- ياجدى هو دا آدم هو مش مصدقنى فيه ايه وايه اللى بيحصل وزادت ف بكاها؟!!!!!
-حسن:- يبنتى بس انتى لنا نزلتى ما قولتليش حاجه عن الحادثه دى، وقولت رايحه لأدم المكتب
-عشق بتنهيدة:- كنت خايفة عليك ياجدى
-حسن:- ازاى يعنى ياعشق
-عشق بزعيق:- هو فيه ايه هو انتو مش مصدقنى، وبصت لادم وقالت:- يا آدم آدم هو انت فاكرنى بكدب عليك رد عليا وقعدت تزعق وتخبط على صدره وبتبكى
-بدون اى مقدمات وآدم من غير وعى ضرب عشق بالقلم على وشها..عشق انهارت وطلعت على السلم بس اتكعبلت ووقعت وبدأت تنزف…… بقلمي شيرين ذكى
-أدم بيصرخ:- عشق عشق
