رواية وحدة شغف الحلقة الثامنة 8 بقلم ندى
 |
| رواية وحدة شغف الحلقة الثامنة 8 بقلم ندى |
رواية وحدة شغف الحلقة الثامنة 8 بقلم ندى
تاني يوم في المستشفى
دخل احمد بهدؤ لاخته .. لقاها نايمة وكمان شغف كانت نايمة
تردد لدخوله وبعدها دخل عيونه اتجهت لشغف كانت قمر اوي كأنها طفلة غفلت بسهولة ومن ثم غاصت في نوم عميق .
صحي شغف بهدؤ
– شغف اصحي .. شغف
تقلبت شغف للجانب التاني وقالت : انا ملحقتش انام يا تيتة
ضحك احمد بشدة عليها – قومي يابنتي انا مش تيتة
قامت بسرعة اتفاجأت من صوته
=انت بتعمل ايه هنا .. ازاي تدخل اوضتي
-انتي في المستشفى يابنتي براحة هو انا هاكلك .. تعالي برة عايزك .
=طيب اخرج وانا هاجي وراك
طلعت شغف وهي متنرفزة من اسلوبه.. قالت بغضب خفيف .
-ايوة خير لو هتسألني تاني علي اي حاجة .. انا حكيت كل حاجة ومش بكدب و همشي اساسا بس مستنية شهد تخرج … في حاجة تاني عايزني اقولها.
احمد بغضب = انتي متخلفة .. انا مقولتش امشي و مقولتش كرري مصيبتك تاني .. شغالة لوك لوك لوك مش بتفصلي يا ساتر عليكي ، انا كنت هسألك عن شهد لو حكيتلك حاجة عشان محتاج اعرف منها اللي حصل .. بس كدة
بصت شغف في الأرض باحراج ودموع
– هي محكيتش حاجة لسه ممكن تتكلم معاها هي زمانها صحت .. و انا .. انا اسفة علي اسلوبي مكنتش اقصد .
دخلت عمر لقي احمد واقف مع شغف سلم عليه وقال
:ازيك يا احمد .. ازيك يا شغف ..
شهد عاملة ايه النهاردة
شغف – الحمدلله هي كويسه .. هدخل بقي اشوفها عشان كانت نايمة
دخلت شغف واحمد مسك كتف عمر ومشي كذا خطوة بعيد عن الاضوة
-لقيت اي حاجة هناك ؟
=طبعا انا روحت الفيلا بتاعت يحيي ودورت لقيت ورق كتير ولقيت حاجة غريبة جدا لقيت ورقتين منهم ورقة فيها نص الثروة لشغف والنص التاني ليك … انت تقربله ؟
احمد متفاجأش لان عارف طبع الحاج يحيي وحبه ليه –
بعتبره زي ابويا الله يرحمه وافضاله عليا كتير وكان بيساعدني عشان اقبض عالزفت اللي بيهرب مننا ده ..وكان بيعتبرني ابنه.. الله يرحمه
=طب هتعمل ايه كدة .. وكمان الورق ده صور كله وملقتش الاصلي ..تفتكر شغف معاها ورق
احمد بتفكير -اكيد معاها ورق ومخبياه بس ملهوش لازمة دلوقتي المشكلة ان المخزن بتاع الحاج يحيي هم استغلوه في انهم يخبوا البضاعة بتاعتهم من وراه وطبعا اي حد هيتهمهم هيقول مش بتاعتنا .. سيبني افكر و هبقي اقولك
=ماشي انا هدخل اشوف شهد لو معندكش مانع
-بقولك استني انا هاخد شغف البيت نجيب لشهد هدوم وكدة وانت اعرف من شهد كل حاجة حصلت يومها قبل ما نيجي مش عايز شغف تعرف حاجة عن التحقيق ده انت فاهم .
=طب تمام جدا متقلقش يا باشا
دخلوا لشهد ..
احمد -شهد حببتي عاملة ايه دلوقتي
– الحمدلله يا احمد احسن
عمر -حمدلله عالسلامة يا شهد قلقتينا عليكي
شهد بخجل خفيف – الله يسلمك
احمد وجه نظره ل شغف وقال – شغف ممكن تيجي معايا البيت عشان نجيب هدوم لشهد و هنشتري شوية حاجات وكدة
شهد -ملهوش لازمة يا احمد .. كلها يومين وهخرج اساسا مش لازم تجيب حاجة من البيت
احمد – لا مينفعش وكمان عشان نجيب اكل ولا انتي عايزة تجوعينا كمان
شغف – تمام مفيش مشكلة هاجي عادي.
وخرجوا من الاوضة واتبقي شهد وعمر
نظر عمر لشهد بابتسامة هادية وجذابة وسحب كرسي وقعد قصادها جانب السرير اللي نايمة عليه .
-انتي كويسه
سرحت شهد في ملامحه القريبة منها جدا وخدودها اللي بقت زي الطماطم من الخجل
=احم .. ايوة كويسه … بعدت نظراتها عنه وبتبص علي اي حاجة حواليها ماعدا هو
عمر بابتسامة وصوت هادي -عايز اقولك حاجة مهمة بس ملحقتش
نظرت له شهد باهتمام وقالت = ايه هي
-وحشتيني
ارتبكت شهد جدا ومش عارفة تهرب منه ومن نظراته ليها وفكرت تغير الموضوع
= هو احمد هيتأخر
-لا مش هيتاخر
سرح عمر في ملامحها لفترة وفاجاة قام من مكانه بخضة وقال -ياختاي عليا اخوكي هيموتني بسببك
اتخضت شهد من تغير اسلوبه المفاجئ
ضحكت علي طريقته = في ايه يا عمر مالك
سكت فاجاة وقال – قولي عمر تاني كدة
ضحكت شهد =بس بقي …هو اخويا هيموتك ليه صح
عمر بصلها بجدية وقال – عشان لازم اعرف منك كل حاجة حصلت يومها قبل ما شغف تيجي لانها متعرفش اننا ظباط وكدة ف احكي قبل ما يجوا وكدة كدة احمد هيرن عليا قبل ما يدخل المستشفي
ابتسمت شهد علي طريقته .. من شوية كان رومانسي بعدها شافت واحد مجنون ومضحك وشافت اخيرا ظابط جاد جدا في شغله وحاجة عظمة كدة .
تنهدت شهد – هقولك بص انا كنت برتب الشقة عادي زي كل يوم ودخلت المطبخ اروقه لحد ما شغف تيجي لانها نزلت كالعادة تشتري حاجات من تحت وفاجاة لقيت خبط كتير عالباب .. بصيت بسرعة من ورا الباب لقيت ناس غريبة كدة .. بعدها خوفت افتح بس فاجاة لقيت الباب اتفتح حاولت اهرب منهم كتير وفيه واحد حدفت فيه فازة و دماغه اتفتحت وكنا في الصالة ف خوفت وجريب علي اوضتي حاولت اقفلها بس لقيتهم دخلوا ورايا ومسكوني .. بعدها واحد اتصل وقاله حاجة ف سابني بس الحيوان ضربني جامد علي دماغي وبعدها مشوفتش حاجة … هم كانوا عايزين شغف صح؟
عمر – ايوة اكيد .. علفكرة شغف متهمة في قضية قتل ف لو لقيتي اي حاجة خاصة بيها في اوضتها مثلا مختلفة زي ورق مثلا ولو حكيتلك حاجة ابقي قوليلي واوعي تعرف انك عارفة حاجة يا حببتي
تنحت شهد واتكسفت اوي من كلمته الاخيرة ونست اي كلام
عمر بغمز لشهد -بقولك ايه انا هشوف احمد فين عشان مش هينفع اقعد كدة
شهد ابتسمت وفي سرها يارب وفقه يارب وخليه ليا.. يالهوي شغف متهمة في قضية قتل ليه يارب استرها ..خرج عمر ووقف قدام اوضة شهد يكلم احمد
الو ايوة يا احمد انت فين
-قدام المستشفي … الو.. عمر … روحت فين يابني
=ايوة انا موجود بس شوفت حد غريب شكله مراقبنا وروحت ناحيته بس لقيته مشي بسرعة ..متقلقش انا عند شهد .. بس خلي بالك وانت جاي مع شغف
-تمام خلي بالك انت كمان
يتبع..
لقراءة الحلقة التاسعة : اضغط هنا
لقراءة باقي حلقات الرواية : اضغط هنا
