Uncategorized

رواية معاً من جديد الفصل الثامن 8 بقلم شروق فاروق

 رواية معاً من جديد الفصل الثامن 8 بقلم شروق فاروق
رواية معاً من جديد الفصل الثامن 8 بقلم شروق فاروق

رواية معاً من جديد الفصل الثامن 8 بقلم شروق فاروق

قام وقف ومشي خطوتين عشان يطلع من الباب
حسين بتساؤل:رايح فين يانادر؟
نادر:رايح ل تالين
حسين:نعم! ليه إن شاء الله؟
نادر :اتأخرت اوي عاوز اطمن عليها
حسين بضجر:بصفتك مين؟خطيبها ..جوزها؟
نادر بضجر:يووووه بصفتي زميلها يا أخي 
حسين:طب اعقل كدا واقعد كمل شغلك وهي هتطلع كويسه.. ماتنيلش الدنيا
نادر بتأفف قعد علي المكتب تاني
أما عند تالين وأمير
أمير بثناء:الله ..طعمه حلو أوي الينسون
تالين بعدم اهتمام:اممم.الف هنا
أمير وهو بيحط المج علي الكومود اللي جمبه:مالك متغيرة كدا ليه؟
تالين:أصلك امبارح قولت اني بخونك فتقمصت شوية ..مليش حق صح؟
أمير بحزن:معلش أنا اللي غبي وبعدين نادر دا بيتلزق كدا وما بحبهوش
تالين بشرح:اولا انت مش هتحكم علي كل حد هو هيتعامل معايا ازاي..ثانيا انا هتطلق وممكن يكون ليا فرصه اننا نتجوز ..ولا هتتخلل
أمير بغصه:بس احنا ما اطلقناش
تالين بقوة مزيفه:بس هنطلق..ذائد ان نادر مايعرفش اننا متجوزين
نادر:بس كل جيرانا عارفين
تالين:خلاص مش عاوزه اتكلم في الموضوع ده أنا هروح أعملنا أكل..تاكل إيه؟
أمير بضجر:أي حاجه
تالين:زي ايه يعني؟
أمير:اعملي شوربة خضار سهله وسريعه
تالين:ماشي
قامت شدت الغطا عليه كويس وقالت:دفي نفسك عشان ماتسخنش تاني
أمير في نفسه بندم:أنا عملت ايه كدا!!
أما في الشركة
علي بود:دا مكتبك الجديد..اي سؤال ممكن تسألي هبه.. لو ماجابوبتش تقدري تسأليني
نرجس ب ابتسامه:متشكرة جدا انا مش عارفه من غير حضرتك كنت هعمل ايه
علي:لا شكر علي واجب..بعد اذنك..بالتوفيق
نروح ل روفيدا
علا:ايوا ياعم الدكتور شكله معجب بيكي
روفيدا بتأفأف:بطلي شغل الروايات ده..زمانه عاوز يشتغل مع أخويا ولا حاجه
علا بإستفزاز:وان طلع زي ماقولت وعاوز يطلب ايدك ياجميل انت ..تديني كام؟
روفيدا وكزتها في دراعها وقالت:هديكي علي دماغك..ويلا نشوف ورانا ايه نخلصه
أما ميس كانت رايحه جايه في المكتب وكل شوية تبص في فونها
ميس:هيكون فين يعني! ومجاش ليه؟
حد خبط علي الباب
ميس بضجر:ادخل
نادر:تالين جات النهاردة؟
ميس:لا ولا أمي……ثانيه واحده..هما الاتنين ماجوش؟
نادر بغصه:ايه الصدفة الغريبة دي
ميس جزت علي سنانعدها وقالت:انا مش مطمنه للحوار ده
نادر:وبعدين يعني!.. هنفضل كدا دراويش مش عارفين حاجه؟
ميس بخبث:طب لو اتقدمتلها وخطبتها؟
نادر بحماس:نفسي..من بكرا الصبح بس خايف من رد فعل أمير
ميس بعصبيه:وهو أمير ماله؟..انت هتخطبها ملهوش حق يدخل
نادر:بس انا محتاج دعمك في الخطوة دي
ميس ب ابتسامه:اي حاجه المهم تغور من طريقي
أما عند رزق وعادل
رزق بتوتر:فاهم كويس.. بس احنا كدا مش  مستعجلين؟
عادل:لا مش مستعجلين..هنكتب الكتاب وبعد خمس ست شهور هنعمل الفرح
رزق عدل ياقة قميصه بتوتر وقال:هتكلم مع أمير النهاردة
عادل ب ابتسامه:ربنا يقدم اللي فيه الخير
أما عند تالين 
تالين وهي شايله الأكل:حاسب كدا عشان أحط الأكل
أمير بحماس:بدي دوق
تالين بمرح:بلااااش
أمير بضحكه:بدي دوق يعني بدي دوق
تالين:افتكر اني قولتلك بلاااااش
أمير بطفولة:أكليني
تالين :لا
أمير:يبقي مش واكل..انا راجل مفرهد وعاوزني اكل نفسي؟
تالين بضجر طفيطف:افتح بؤك..اااااااااه
أمير فتح بؤه وبدأت تأكل
أمير:الله ..تسلم ايديكي
تالين ب ابتسامة:الله يسلمك
أمير:كمان معلقة
تالين بحب:ماشي
فجأة فونه رن رفعه لاقاه رقم ميس
أمير بضجر:دا وقتك انتي كمان
تالين :ميس؟
أمير:ايواا
تالين:رد عليها ..ماينفعش
رفع الفون ورد
ميس:أمير..ماجتش ليه النهاردة؟..قلقت اوي عليك
أمير بضجر:لا أنا كويس الحمد لله.. وانتي؟
ميس ب ابتسامة:تمام الحمد لله..عندي ليك خبر جامد مش هتصدقه
أمير ب ترقب:ايه؟فرحيني!!
ميس:بابا وعمو اتفقوا علي كتب الكتاب
أمير من الخضة وقع الفون علي الأرض………..
يتبع ……
لقراءة الفصل التاسع : اضغط هنا
لقراءة باقى فصول الرواية : اضغط هنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى