رواية غرام العاشق الفصل الثامن 8 بقلم ميرو أحمد

القيت إيلاف راقده  رقدت علي سريري  انبحت لسقف وانفكر في حياتي  اسمعت صوت رساله علي تليفوني 

فتحتها كانت من ايهاب

 (رقدتي) 

ايهاب كان امقعمز في السياره ايراجي في رد غرام  

رديت عليه ((لا مزالت مارقدت))

ايهاب ابتسم ورد عليها: امممم ليش سهرانه

انا ???? مش جايني نوم)

ايهاب ????:(وحتي انا   )

انا ماعرفت شن انرد عليه: (مصطفى شن حاله ) 

ايهاب:  (بكرا ايطلعوه لغرفته نقدرو انشوفوه)

انا: (اكويس  )

انا مافهمت ليش بعتلي وشن يبي  

ايهاب: (تمام تصبحي ع خير حبيت نطمن عليك توا ارقدي مش اكويس السهر )

انا قريتها زاد شوشلي عقلي عليش الاهتمام هذا معاش افهمت لي وين يبي يوصل

انا رديت عليه بجفاف : (انت بخير)

ايهاب قراها تنهد بتعب هو حاير في  تصرفاته بس حب يطمن عليها مخنوق ومضايق لانه حسها زعلانه منه  

رجع شعره للخلف بعصبيه: انا ليش انفكر فيها ليش مش طايق نسمع حرف من رهف ليش بعد تقعد جنبي انتمانها تحكي طول الوقت ماتسكت اوووووف انا لازم اندير حل ممكن بديت نتعود عليها خليني نستعجل في موضوع رهف مانبي نظلمها امعايا في النهايه انا انحب رهف 

انس رن علي ايهاب وقاله تعال مشاله ايهاب

اما عندي انا رقدت وانا انفكر كل دقيقه تخطر علي بالي البوسه لا شعوريا ترسم ابتسامه علي وجهي لين رقدت

.

.

.

.

.

.

.

تاني يوم الصبح

طلعو مصطفى لي الغرفة التانيه خشو الشباب عليه

قعدو قريب ساعه ايرجو فيه ايفيق

بعد دقائق مصطفى قعد ايرمش في اعيونه يفتح وايسكر فيهم ايحاول يستوعب هو وين بعد لحضات ردت بيه الداكره انه دار حادث وانقلبت بيه السياره فتح اعيونه ايشوف كان ايهاب و بوه وجده و عمامه واصغار عمه  

قعد ب الواحد ايسلم عليه وايقوله الحمدلله عالسلامه

مصطفى ايهز راسه كانو اعيونه ذبلات وجه باهت غير اثار و الجروح علي وجه

قعدو جدي وعمامي اشويا وبعدها روحو قعدو الشباب بس

ايهاب:قولي كيف درت الحادث وشن طلعك نص اليل

مصطفى ادكر شن صار بينه وبين جده: طلعت ندهور بالسياره لين صار الحادث

ايهاب: شن تدهور نص اليل

مصطفى: مضايق اخلوقي ضايقات طلعت شنو حرام 

انس الوحيد الي يعرف مصطفى متعارك امع جدي

انس يضحك: كنك شفت الدرامه الي درنها نحسابوك متت قريب طقينا خيمة عزاك العيله انقلب عزاء ويتباكو يحسابوك متت

مصطفى ابتسم ماكن قادر يضحك: من الغبي الي قالكم متت

سراج: مافي غيره الي يضحك قدامك هذا بدل ما يتاكد من الخبر مشا فجع العيله ورعشها

انس: انا شن ذنبي كان الي اتصل بيا قالي صاحب الهاتف مات ابروحي انفجعت

ايهاب ضحك: كله ولا بعد خشينا بنشوفو الجثه وقف زي الوليه قدام الباب ماقدر ايخش ادموعه سبقينه 

انس: شن تبيني انشوف مصطفى ميت تي رجليا معاش شالوني  

مصطفي: ماشاءالله مانحساب روحي غالي

انس:كنك اتشوف حاله ايهاب يومها بعد نحا الغطا من الولد طلع مش انت من صدمته وفرحته انك عايش طاح علي الارض يبكي اقسم بالله لين رعشت نحساب صح متت

ايهاب ضرب انس علي راسه: سادك خلاص

مصطفى ابتسم ايشوف في خوه 

انس:تي عليش تضرب ياراجل خليني انكمل كلامي

ايهاب: لانه كلامك فاضي انزل جيبلنا حاجه ناكلوها  

مصطفى: والله جعان ليا يومين مش واكل حاجه ولا نندري علي روحي  

فهد: توا نطلع انا انجيبلكم

انس: ادير فينا الخير

فهد:نوض امشي امعايا

انس: يفتحلك ربي كاني تحركت من هنا بنمشي انروح نرقد

ايهاب: خلاص فوته يافهد امشي انت

وطلع من جيبه افلوس وعطاهم لي فهد في الاول مابش ياخدهم بعدها خداهم ومشا

اسلام: شن قالولك علي رجلك يامصطفى

ايهاب: بالعلاج الطبيعي توا ايرد يمشي اكويس زي قبل غير يبي راحه واهتمام لانه الكسر في الرجلين

مصطفى:باهي امتى نطلع من

انس ضحك: مزال بكير ياحبيبي من قالك اجري تحمل العوقب ???? 

مصطفى:تي ضم فمك انت قاعد تتسهوك

أنس ضحك: تي مشمت يانور اعيوني كله من البنت الي عيونها اكبار قعدت اتعاكس فيها قتلك امشي موت ترفعك انت وسيارتك الي تتجكتر بيها تي حمدت ربي انه ما تكلمت عليا

الشباب ضحكو ???????????? 

ايهاب:مزلت ماسيبت سريب الصبايا كنك ما تعقل

مصطفى: مش كان ازوجت اتنوض اتقدملي فيها نصائح ???? كله تضيع وقت بس

ايهاب رن تليفونه كانت امه طلع من جنبهم

عميمه: شن حالك يا اوليدي شن حال خوك

ايهاب: الحمدلله يا امي بخير

عميمه: توا بوك خبرني انه مصطفى فاق

ايهاب:اي فاق

عميمه : اتجي ترفعني انا وخياتك ليه والله مش حنطمن الا انشوفه بعيوني

ايهاب: حاضر توا امع العشيه انجي نرفعكم

عميمه: تمام حتي جداك تبي تمشي امعانا

ايهاب: تمام

وسكر

.

.

.

.

.

.

مر الوقت مافيش جديد نحنا نفس الروتين درنا الغذاء  وغديناهم وعميمه قال لي بناتها ايوتو روحهم  ايهاب بيجي يرفعهم  

طلعت عميمه

ريهام:نومي

نمارق :نعم

ريهام: ارفعي امعاك هيثم يبي ايشوف مصطفى من امس ايزن علي راسي يبيه

نمارق: تمام اكيد مصطفي يفرح بعد ايشوفه

انا: قداش متعلق هومي في مصطفى

ريهام: اي بكل لو تشوفيه يوم مصطفى دار حادث اقسم بالله مزقلي قلبي مزال طفل وفاهم الموت شنو

ندى: اها واعي هيثم  احيانا انحسه شخص كبير تي الغيره الي فيه هههههه نسخ لصق من مصطفى وايهاب يومها بوي امروح بيا من الجامعه جاب امعا هيثم المهم بابا نزل لي المحل قعدت انا وهومي في السياره في واحد خطم ايعاكس فيا انا كنت امنزله القزاز مش امعدله يطلعك هومي من القزاز ايفنص وايعارك مش مفهوم كلامه ???????????? الولد مشا يضحك علي هيثم بعدها هومي قعد قالب وجه عليا لين جا بابا وقعد يحكيله ع الموقف قال عمو قلي انت راجل ماتخلي هد ايشوف لي بناتنا اقتله انا كنت بنقتله غير هوا كبير توا انحرش عمو عليه ???????????????? انا يومها خفت يحكي لخوتي قعدت انزلبح فيه عشان ينسا ???????? 

رغد:???????????? تي حي عليكم يعني بيطلع نسخة عمامه

إيلاف: وكنا مايطلع زي عمامه 

ريهام: هههههه

نمارق: هيييي انت اسكتو خلو ولدنا في حاله واهلن في ايديكن

انا: بعدك لقين حاجه يسلن بيها

نمارق: غرام بتمشي امعانا بعدين انتي

انا: لا ماضني لانه ايهاب ما كلمني

ريهام: بنات وين عهود

رغد: قاعده تبكي خشتلي اكتائب وحالتها حاله ماتبيش ترحم روحها ولا عيلها لاتاكل ولا هنت روحها تي طز فيه هوا اتفكر في نفسها دمرتلي روحها تبكي عليه تي هوا مافكرش فيها بعد خانها والله مايستحق دمعه علي ماحولت انفهما ماتبي تفهم

انا: ياروحي انتي ماتزيدي عليها في الكلام نعرف السانك احرف هي في فتره حساسه و صعبه واجد انتن ديما خليكن جنبها واسنها وغيرلها جوها  

وعد: والله هي ماتبي تحكي امعانا حتي انجو انهدرزو جنبها هي مش منتبه امعانا  

ريهام: بعدين نمشي انكسد جنبها  

قعدنا انهدرزو كملنا ضمان المطبخ البنات طلعو انا رن تليفوني كانت شروق  طلعت لي الجنان انرد عليها

شروق: وينك ياكلبه امس واليوم كان ما اتصلت انا ماتتصلي انتي 

انا: والله انسيت وصار كم ضرف والعليه خاشه بعضها  

شروق: ان شاءالله خير شن في  

انا: ولد عمي امداير حادث ايكون خو ايهاب   

شروق: الحمدلله علي سلامته  

انا:الله ايسلمك 

شروق: والله استغربت امس ما جيتي لي الكليه وحتي اليوم

انا ماكن عندي رصيد توا كيف عبيت  وانتي الكلبه ماتتصلي

انا:والله كنت مش فاضيه  

شروق: باهي شن اخبارك انتي وشن جديدك

انا تنهدت بحزن:  خاطري نحكيلك بس هنا مانقدرش

شروق: كنك صاير شي  

انا: استني نمشي لي بيتنا اكيد فاضي توا انكلمك

شروق: شغلتي بالي يابنت شن في

انا نمشي اتجاه بيتنا: اصبري اشوي  

شروق: تعركتو ولا شنو

انا: لالا

شروق: باهي شنو نشفتي ريقي

انا خشيت لبيتنا وخشيت لدار وسكرتها:  وقعد نحكيلها شن صار  

شروق بصدمه: هكي قالها ليك بلا ما ايراعي مشاعرك التافه

انا ????:اها

شروق: خزي حقير ماتوقعت ايدير هكي مصح وجه تي حتي امحدد عرسه البرنس

انا نزلو دوعي: وجعتني روحي ???????? انا اخر همه ولا ايفكر فيا

شروق ابتسمت بخبث: لالا ياقلبي الباين هوا يبيها حرب ???? احني عندنا جميع الاسلحه اسمعيني وافتحي اودانك ياخرا  انتي صح قلتي هوا الي بدا في البوسه وقبله قعد هوا اينابش فيك والرسائل امس هدا اول دليل انه اعيونه تفتحو عليك بدا ايميل لي شخصيتك ومعجب فيها وقلتي هديك الشيطانه تعارك امعاها يومها صح انتي استغلي فتره الي هيا بعيده عليه تعاملي امعا طبيعي ولا كانه صار شي اضحكي وبصري زي قبل وهدرزي وخليك علي طبيعتك لو حاول ايقرب منك ماتعطيه ولا فرصه ايقرب تمام  

انا نمسح في ادموع: كيف تبيني انرد طبيعي وزي قبل بعد الي صار قتلك سالته قتله اتحبها سكت ما رد عليا قتله اامتي عرسكم قلي بصدمه شن عرفك انتي وبعدها بكل وقاحه قال بعد شهرين ونص توا تبيني نرمي روحي عليه ايقول ماعندهاش كرامه وتتلصق عليا

شروق بعصبيه: انتي تبيه ولا لا ماتنفخيلي راسي بجو الكرمه ومش عارف شنو 

انا ????????: مش عارفه شن نبي من جيهه قلبي مش فاهمته ومن جيهه تانيه نبيه مانبي انبعد عنه معاش افهمت مشاعري وشن نبي ????????

شروق: امالا ضمي فمك انتي اتحبيه مش معترفه واتكابري  

انا ????????: كيف انحبه في فتره بسيطه هدي  

شروق: ووووه عليا ربي بلاني بصاحبه زيك يانعليا ياكبدي تمزطت من وراك انتي شن تبي بزبط

انا تنهدت بحزن ????????:نبيه هوا ????

شروق ضحكت: معناها اتحبيه تفتحي فمك اقسم بالله نطلعلك من التليفون باهي اهو نبهتك

انا ضحكت: هههههه

شروق : زيدي اضحكي قريب ننجلط من وراك

انا: هههههه بعيد السو عنك بعدها من بيوقف امعاي وايحل معايا مشاكلي 

شروق: ينعليا بنقعد غير انحل مشاكلك انتي و البرنس امتاعك

انا: ههههه عادي ماهو انتي بست افرند تبعي اكيد مجبوره ???????? 

شروق ضحكت : عنجد مجبوره ???? خلينا نرجعو لموضوعنا  

والله نصائح الي نعطي فيهن ليك مش قادره انفيد بيهن روحي انا وقيس 24 ساعه شادينها مشاكل وعركه كان قلي محلاك انتعاركو ???????????? 

انا ضحكت: لا انتم ميؤس منكم تي في حد ادير مشكله بعد التاني ايقول انحبك اكثر

شروق ضحكت: تي هوا قالي ماتفرقش يعني عادي عنده انحبه ولا ومانحبه تي مادكريني قعدنا شهر ما نحكو 

انا: وربي مجنونه  

شروق: ???????? شن بندير يعني المهم هوا راضي بمشاكلنا انحبو بعض توا خليني فيك ياهمي  

انا: شروق مانبي انوهم روحي هوا خلاص امقرر يتزوج عليت ما نبي انطيح روحي عليه بنصبر اشويا وبنطلب الطلاق خليه يتهنا بيها  

شروق: انا ماقتلك امشي طيحي عليه قتلك خلي الجو عادي وطبيعي بينكم ولا كانه صار شي وقدامك فرصه حاولي اتخليه ايحبك  

انا: شروق مانبي نلعب لعبه وانطيح انا في الفخ بدل ما انخليه ايحبني نقعد انا انحبه وانزيد نتعلق فيه وننحرق بعد انشوفه امعاها وهوا ايحبها هي واضح كل شي نبي ننسحب ع البر خير ما انخش علي حرب علي قوتلك ونخسر فيها  

شروق: وراسك مش خاسره بعدين من حقك ادافعي علي زواجك وراجلك ماتقعديش غبيه لين يمشي وايسيبك

انا: لو من البدايه زواجي فاشل شن بندافع عليه وبننقده

شروق: نحكي امع حيط اني من الصبح رصيدي تم ع الفاضي انتي مش خاسره شي في الحالتين انتي اتحبيه ماتكدبي علي روحك جربي عشان بعدين ماتتندمي بعد ايفوت الوقت واتقولي ياريتني سمعت كلام شروق  

انا:اوووف والله حايره  

شروق: زعمتيلي كبدي 

انا:ياخرا انتي كيف نتصرف طبيعي بعد موقف امس  

شروق ابتسمت وعدلت تقعميزتها وقعدت اتقولي شن اندير

سكرت منها وانا انفكر في كلامها مش عارف ليش متردده بس في شعور قوي داخلي ايقولي ديري ياغرام  بعد ندكر عرسه بعد شهرين نار تركب بيا ???????? محروقه بنمووت  كان نلقا نمشي نقتلت البنت الي ايكلم فيها من غير تفكير  لانه ايهاب ليا انا وبس   مسحت دموعي وطلعت  بالصدفه تالقيت انا ايهاب خاش بي ايشيل هله  لمستشفى  

انا حولت قناع الحزن وابتسمت غصبن عني وقلبي مليان الف غصه  قدمتله

ايهاب بعد شافني مبتسمه افرح وبدلني نفس الابتسامه مد يدا سلم عليا  

ايهاب: شنجو

انا: تمام وانت

ايهاب: اهو ماشيه ناقصك شي  

انا ابتسمت وهزيت راي: لالا بس نبي انروح وبكرا عندي محاضره امس واليوم فاتوني  

ايهاب خبط ايده علي راسه: اوووف انسيتك بكل  كنك مادكرتيني

انا: ماحبيت نضغط عليك انت مشغول امعا خوك  بعدين حتي انا مافضيت ولا خطر في بالي  بس توا الحمدلله مصطفى تحسن وفاق الصبح نمشي لي كليتي والعشيه انجي لهلك

ايهاب: تمام توا جاي بنرفع هلي بعد انروح انجي ناخدك انروحو

انا: تمام

ايهاب: غرام

انا رفعت راسي: نعم  

ايهاب: كلميلي امي والبنات يطلعولي  

انا: تمام

وجيت بنمشي

ايهاب: اسمعي  

انا لفيت عليه: نعم

ايهاب: معاش تطلعي هكي حطي وشاحك  

انا استغربت: ليش  

ايهاب توتر: عيب في حقي انتي مرتي وانتي قاعده في بيت امعبي شباب حرام تطلعي هكي  ((كان في خاطره ايقول مانبيش حد ايشوف شعرك غيري  ????))

انا افهمت قصدا ????:عادي هم زي خوتي حتي قبل ما نزوجك كنت هكي مش متحجبه عليك اعتقد عادي اصلا مافيش حد من الشباب  

ايهاب: مهما كان مش خوتك وانا نبيك اتحجبي عليهم  

انا ????: يعني مطلوب مني انفد كلامك

ايهاب: اكيد بتنفديه غصبن عنك

انا ضحكت: مش حنتحجب هذوم خوتي  

ايهاب عصب: غرام ماتلعبي باعصابي الي قتلك عليه يتنفد وبري ديري الي قتلك عليه  

انا مشيت ماعدلت عليه نضحك مزال ما شفت شي من لعب العصاب شكلي بنستمتع واجد بحرق اعصابك ???????????? هدا اشويا فيك تستاهل وربي ياما جايك مني ???? 

خشيت كلمت عميمه والبنات طلعو لي ايهاب لقوه امعصب خاش بعضه رفعهم لي المستشفى شافو مصطفى وهدرزو جنبه مصطفى افرح بهيثم طول الوقت امقعمز جنبه

مصطفى مسك هيثم امعا وايهاب روح بي امه وخواته واجديده

كنت اندير في العشاء انا وريهام والبنات ايحوسوفي المطبخ

خشو البنات  

إيلاف: روحتو  

نمارق: شن اتشوفي فينا  

انا ضحكت: سؤال تافه ????

ريهام شافت لنمارق: وين هيثم  ماتقولي خليته في الجنان ابروحه توا ايعبيلي روحه اميه  

نمارق: لالا قعد امع مصطفى غادي مسكه من جينا هوا لصق فيه ماتحرك وقت ايهاب قال هيا قعد يبكي مصطفى قال خليه امعايا  

ريهام: كنكم جبتوه توا بيزيد ايتعبه وايقيده  

نمارق ضحكت: هههه انتي شن دخلك بينهم هم الاتنين فاهمين بعضهم ???????? مفروض بتريحي تفتكي من دوشته

ريهام ضحكت: مش هك والله مانبيش ايتعبه عارف هيثم حركي واجد ومصطفى كيف طلع من العنايه ومجبس 

نمارق: قالتله ماما بس هوا قال خليه خلاص

ريهام: به يعني بيقعد عنده اليله ولاكيف

نمارق: انس قال توا انروح بيه بعدين

ريهام: تمام  

ندى خشت: غرام قالك ايهاب هيا  

ريهام: وين يا خيا بدري  

انا: هدا هوا بكرا ورايا كليه ومحاضرات

ريهام: حي بديتو انتم

انا: اي  

ندى :الحمدلله كملت انا  

انا:سعدودك ???????? مزلت انا مشوار طويل

رغد: شن اتقولي عنا احني مزلنا في التانويه ???????? 

إيلاف: ???????? السنه الجايه نطلعو منها  

انا: ???????????? ربي ايوفقكم هيا تصبحو ع خير ياعيله

إيلاف: بتجي بكرا

انا:اي امع العشيه  

سلمت ع البنات وطلعت لبست عباتي سلمت علي ماما وعميمه و اجديده وطلعت لي ايهاب  

طول الطريق ساكتين مافيش حد فينا تكلم

وصلنا نزلت قبل خليت ايهاب ايسكر في السياره  فتحت الباب وخشيت سلحت وشاحي وعباتي انا متوتره وانفكر كيف بنتصرف طبيعي قدامه

خش ايهاب شبحته بطرف عيني قلبي ايدق ❤️ اوووف اهدا وراس امك اهدي غرام مزال قدامك طريق طويله  

ايهاب: انا خاش بندوش  

انا رفعت راسي: متعشي  

ايهاب: لالا

انا وقفت: توا اندير حاجه خفيفه علي ماطلعت

ايهاب ابتسم: تمام

خش ايهاب لي الحمام “حشاكم ” 

وانا خشيت لمطبخ اندير عشاء  

طلع ايهاب كملت العشاء ومحطيته وقعدنا نتعشو ايهاب مره مره يرفع ايعيونه ايشوفلي مستغرب تصرفاتي ومن جيهه فرحان انه قاعده نتعامل امعا عادي بس كانت في شي من داخله ايخلي فيه طول الوقت ايفكر فيها وفي مشاعرها ???? 

انا اوقفت  

ايهاب رفع راسه: كملي كولي ماكليتي شي  

انا: صحه اشبعت الحمدلله

ايهاب وقف: حتي انا اشبعت  

انا :صحه

طلع ايهاب ايدخن انا ضميت السفره وغسلتها  كملت

وجيت بنطلع وايهاب وقف قدام الباب

ايهاب: غرامي

انا رفعت عيوني وقلبي ايدق يرجف مجرد ما قال اسمي بالطريقه هدي ????

ايهاب مسك ايدي وايشوف لي اعيوني: بخصوص امس

انا من لمسة يدا جسمي رعش وتوتر علي طول نزلت اعيوني وسحبت ايدي منه:  مايهمني الي صار امس انساه خلاص  

ايهاب اضايق من لقطتي: عارفك زعلانه مني وقلبك شايل مني بس مستاهله تبكي عشاني انا واحد اهبل وغبي  

انا رفعت راسي شفتله بنضره خلاته يكره روحه ????

انا: عندك حق مش مستاهله نبكي علي راجلي الي امقرر يتزوج عليا  

ايهاب: غرام افهميني مش

انا ابتسمت وقطاعته: مافيش داعي نفهم لانه موضوع ما ايهمني تتزوج ولا ماتتزوج تسطفل روحك حياتك ماندخل فيها كلها فتره ونطلقو  

ايهاب عصب: شن قتلك علي الطلاق ماتحلميش انطلقك  سكريلي ام الموضوع سيرة الطلاق معاش نسمعاها علي السانك

انا: وليش ماتبي اطلقني  وانت امقرر اتعيش حياتك كيف ماتبي وحتي انا عندي حق انعيش حياتي كيف مانبي  نبي انشوف حياتي انحب وننحب ونتزوج شخص ايحبني  

ايهاب عصب والشراره تطاير من اعيونه ????????:شنو ماسمعت اتحبي وتنحبي  

انا بكل تقه ????: والله زي ما انت ليك الحريه اتعيش حياتك وانا ماعرضتك وحتي انا بعد نطلق بنعيش حياتي

ايهاب بعصبيه مسكني من مرفقي وجبدني ليه: شكلك مضروبه علي راسك قتلك طلاق مش امطلقك انشوفو حياتك الي بتعيشها كيف الحق فيا جيت بنعتذرك و دايرلك اهميه بس طلعتي ما تستتحقي  

انا بعدت عنه وونتكلم وعيني فيه عينه: عطيني سبب مقنع انك ماتبيش اطلقني عشانه حب مافيش بينا عيل مافي بينا مافي شي يربطنا غير ورقه وانت اتحب وحده تانيه ولا ناسي

ايهاب بعصبيه ????: مافيش سبب تمام اناهكي بجوي مانبي انطلق  

انا: انا مستحيل نقعد بجوك امتى ماتبي اتجيني امتى ماتبي اطلقني مش بجوك فاهم حتي انا انسانه وعندي مشاعر انحس اوك انت تبيها بعناد توا اتشوف طلعت وسيبته

دمي يغلي منه شخص اناني ايفكر في مصلحته بس والباقي طز تي حتي انا انسانه شنو حياتي لعبه في يده لكن توا اتشوف يا ايهاب   

عند ايهاب  

طلعت من المستشفى عشان نرفع امي والبنات سكنو يتصلو يبو ايشوفو مصطفى روحت تلقيت امعاها طالعه من بيتهم سلمت عليها قتلي علي اقرايتها راحت من بالي انشغلت امع مصطفى انسيتها انها كيف باديه تقرا قتلي تبي اتروح قتلها تمام انروح بيك بعد انروح من المستشفى قتلها اتكلمي اهلي امعاها لفت بتمشي جدبني شعرها كيف ملفوف بطريقه حلوه ونازلات خصلاته زايدتها جمال بعدها انتبهت انه مش قاعده في بيتنا تبو الحق غرت اي غرت عليها مانبي حد ايشوفها هكي قتلها تلبس حجاب قعدت اتعاند فيا ومشت ماخلتني انكمل كلامي القصه مانبي حد غيري ايشوفها هي في كل حالاتها حلوه في انوثه تجدبك ليها برغم بساطتتها الا بعد نوقف جنبها نفقدكل حواسي ونضعف بعد عيني اتجي في عينها  لكن اول مره انشوف في اعيونها العناد خشت داخل وانا عيني مانزلت من عليها اشويا طلعو امي والبنات وجدتي  

رفعتهم لمستشفي طول الطريق هن ايهدرزن بس انا مش منتبه امعاهن وصلتهن شافو مصطفى اطمن عليه روحت بيهن قبل لا تنزل ندى اختي قلتلها اتكلم غرام امعاها  نزلت

قعدت نستنا فيها لين طلعت قعدت ساكته طول الطريق

روحنا سالتني متعشي قلتها لا دارت عشاء وتعشينا حسيتها مش علي بعضها  ناضت قالتلي اشبعت حتي انا نضت بعدها لانه طارتلي حسيت بيها مزال شايله مني علي خاطر امس  طلعت برا اندخن وشاغله تفكيري هي مانكدبش لو انقوللكم حاس بحاجه حلوه اتجاها ❤️ انا نبي اتصير بينا حساسيات طلعت نحكي امعاها في الموضوع خشيت عليها في المطبخ بنحكي امعاها القيتها كيف طالعه منه حكيت امعاها بخصوص امس ردت عليا بجفاف قالت ما ايهمني وجعتني حركتها بعد مسكت ايدها سحبتها بسرعه ماعدلت عليها كملت كلامي رد عليا انها تبي اتعيش حياتها تحب وتنحب وتتزوج تي علقي طلع من مكانه مش متخيل اتعيش امعا شخص تاني غيري مش عارف ليش قلبي رافض يتخلا عليها ومتمسك فيها مانبي انطلقها بعد قتلي عطيني سبب مقعنع مافيش لاحب ولا اعيال يربطونا ماعرفتش شن انجاوبها حتي انا مش عارف ليش مانبي انطلقها ومتمسك فيها رد عليا قتلي انا مش بجوك تبيها بعناد توا اتشوف ومشت  تي انا ماعندي روح امع العناد تبي ماتبي البيت هدا مش طالعه منه و كان ماخليتك تنسي الطلاق  صح انانيه مني بس مش متقبل فكرة تبعد عني ولا تاخد راجل تاني تي تفكير مانبي انفكر فيه يبال هي اتفكرلي نحب وتنحب تي تحلم حلم انا انخليها غرام ليا انا صح اناني وحقير وبنتزوج عليها حتي البنت الي امعشمها امعايا اكثر 3 اسنين حرام انسيبها وانا انحبها ونبيها بس غرام حاله تانيه مانقدرش انسيبها   خشيت لدار الي نرقد فيها طفيت الضي ورقدت علي امل مانفكرش في شي رن تليفوني  

القيتها رهف تنهدت هو اني حلفت ما انكلمها  استنيها لين فصلت المكالمه بعتلها رساله شن تبي  

ردت عليا “”حبيبي انا اسفه رد عليا خلينا نحكو عارفتك زعلان مني اسفه حبيبي من غيرتي عليك تعرفني انحبك واجد مجنونه انلبز في الكلام بعد انغار رد عليا خلينا نتفاهمو معقوله اطنشني يومين هكي “” 

ايهاب قرها تنهد بقلة حيله مش فاهم حايته كيف خشت بعضها  رد عليها  “” رهف انت تعرفيني بعد نحلف وانا حلفت اتصالات معاش فيه لين نتزوجو نختصرو المشاكل الي اديري فيها بعدها اتقوليلي انغار عليك حتي الغيره عندها احدود وانا مش زعلان منك حبيبتي صدقيني هكي احسن نبعدو هل فتره مانحكوش منها انرايفلك ومنها ما ايصيرو مشاكل تمام معاش تحرجيني وتتصلي لاني مش حنرد عليك تمام تصبحي علي خير “”  

طفا تليفونه ورقد

رهف قرت رساله فرحت وقعدت تبعت في رسائل نصهم عثاب نصهم حب ونصهم شوق  لين عيت بعد مافيش رد

قعدت اتهدرز امع اختها وحكتلها انه ايهاب رد عليها ????

.

.

.

.

.

.

اما عندي انا بعد خشيت صح كانو اعصابي محروقه منه بس فرحانه من داخل حسيت بشعور انه ايهاب مايبي يتخلا عندي

بس بسيطه يا ايهاب  رقدت انا انخطط شن بنديرله  

.

.

.

.

.

.

.

اما عند مصطفى انس روح بي هيثم الي رقد  والشباب حتي هم روحو قعد اسلام طلع برا ايكلم في خطيبته  

مصطفى قعد ابروحه يدكر في حديثه امع جده قبل لا ايدير الحادث  

الحاج خليفه: والله يا اوليدي ليا قتره انفكر في الموضوع هدا مخمخته زين في عقلي  

مصطفى ضحك: شنو ياحاج تبي تزوج علي الحاجه تبي اتقيم علينا حرب  

الحاج خليفه ضحك: مادرتها في شبابي تبي انديرها انا انا غير خليني انزوجكم انتم ونتريح

مصطفى: هههههه كان خاطرك تتزوج عادي تكلم ماتتحشم شرع محلل 4???????? 

الحاج خليفه: مادم تعرف الشرع وتعرف ربي شفت حال ولد خوك كيف متبهدل

مصطفى مافهم جده: كنا متبهدل

الحاج خليفه: في واحد نعرفه جاء طلب ريهام مني قتله ارمله وعندها ولد هو وافق قال عادي الولد ايعش امعايا وانا وافقت 

مصطفى عصب: كيف اتوافق هي تزوج ولالا ما دخلني فيها اما ولد خويا ما ايربيه حد براني يقعد امعانا وخليها تتزوج

حلوه هدي ولد خويا ايعيش امع الغريب واهله قاعدين

الحاج خليفه: انا مانبي انفرق طفل من امه و ريهام ما بتخلي ولدها  

مصطفى بعصبيه: بتتزوج تتزوج اما هيثم ماتحلمش تاخده امعاها

الحاج خليفه: وريهام مش حتتزوج من غير ولدها

مصطفى: امالا اتهني روحها اتشد ولدها لو تبيه اما ولد خويا يمشي للغريب لا

الحاج خليفه: شنو تبيها تقعد طول عمرها هكي واضيع شبابها  

مصطفى: شن بنديرلها انا تبي ولدها ماتتزوج

الحاج خليفه: تتزوجها انت وخلاص وربي ولد خوك

مصطفى: ما استوعبت الكلمه كيف نتتزوجها وجديات تحكي انت يا جدي هدي اتكون مرت خويا خووويا يعني زي اختي    

افهم

الحاح خليفه: عادي واجد غيرك تزوجو مرت خوه عشان ايربو اصغار خوهم انت ماك اخر واحد ولا اول واحد يتزوج مرت خوه يعني عاجبك يومها عمك كيف تبهدل يجري بولد خوك افرض بوها مش قاعد شن كيف تتصرف يومها  هيثم يبي بيت فيه بوه وام مش ام بس عارفك مش متقبل كلامي لكن حلال مش عيب كان تزوجتها بعدين ريهام مزلت اصغيره وحلوه اكيد امع الايام والعشره الطيبه اتعيشو مرتاحين وهيثم يتربا بينكم  

مصطفى عصب: يعني من امبدري اتلف و ادور وركبت فيلم عشان انا انصدق 

الحاج خليفه: انا لا لفيت ولا ركبت فيلم الموضوع جدي لانه قبل 3 اشهور في واحد تقدملي لي ريهام وكان متقبلها بي ولدها لكن انا رفضت لانه نبيك انت تتزوج ريهام شفت كيف هيثم متعلق فيك انت اكثر من ايهاب فكرت في الموضوع لين وقت المناسب نحكي للعيله كلها بقرار زواجك انت وريهام  

مصطفى: كيف ياجدي  انت واعي في اتقول فيه 

“الباقي تعرفوه انتم شن صار “”

أنس حط ايده علي كتف مصطفى ايهز فيه

مصطفى وعا علي روحه لانه كان شارد

أنس: وين ليا ساعه انكلم فيك

مصطفى: امتى جيت انت

أنس: ساعه انكلم فيك ماترد عليا صح النوم في شنو اتفكر

مصطفى تنهد من خاطره:  شي

أنس: عليا انا  

مصطفى: مافي شي والله

أنس: عليا انا احكي صح بنسالك شن في بينك وبين جدي

مصطفى: شي موضوع عادي

انس: شن هوا اكيد هوا سبب الحادث

مصطفى: لالا هوا ايعارك فيا علي سريب البنات وقصه تعاركت انا ويا وطلعت

انس: علي من بتكدب احكي ياراجل

مصطفى تنهد:  يبيني نتزوج ريهام مرت المرحوم  

انس: كان تزوجتها شن بيصير يعني

مصطفى: زمري انت التاني تي مافيش حد فاهم هدي مرت خويا كيف تبو نتزوجها كيف فاهم شنو مرت خويا تي انا نحكي لمن اصلا اكيد جدي حكالك

انس: مصطفى حتي بعقل جيبها هي صح صعبه عليك بس عشان ولد خوك ما يتربا عند الغريب وانت تقدر تحويه واتكونله الاب والسند قبل اتكون عمه مزال العيل الصغير بكرا بيكبر يبي بات امعا عارف مش امقصر امعا بس دور الاب مهم في حياة الطفل لو وكان علي ريهام والله البنت اقنينه ومحترمه وصغيره في العمر حرم ايضيع عمرها هي مسكنيه اتربي في ولد خوك ابروحها شاركها في الحمل اشويا صدقني الخيره فيما اختاره الله انت كون البيت الي يحتويهم وسندهم تكسب اجر انك تحوي طفل يتيم الاب واتكون ليه الاب صدقني جدي كلامه صح ريهام انت اولاه بيها  

مصطفى عصب: اطلع انت الاخر جدي علمك الكلام هدا علي اساس اتغير راي

انس: كله مصلحة هيثم اما مش امع جدي ولا غيره انت شفت هيثم كيف متعلق فيه تي الولد خش في حاله بعد اسمع انك متت لقيوه في دارك ويبكي

مصطفى: كيف

انس قعد يحكيله علي هيثم بعد ريهام لقاته في دار مصطفى حكتله عليها وعد اخته  

.

.

.

.

.

.

.

.

.

تاني يوم فقت بدري وتيت روحي لبست  طلعت درت فطور  

نسمع في صوت ايهاب ايدوش  

قعمزت نفطر  خش عليا ايهاب  

ايهاب: صباح الخير

انا من غير مانرفع عيني فيه: صباح الورد  تعال افطر راني تاخرت ع المحاضر  

ايهاب: تمام انتي واتيه

انا: اي

ايهاب: خلاص انجيب مفتاح السياره ونطلعو  

انا: تعال افطر قبل  

ايهاب: مانبي ديريلي قهوه بس

انا:تمام

خش ايهاب رفع مفتاحه وتليفونه وخش عليا في المطبخ مديتله القهوه ركز في وجهي

ايهاب: ترا شوفيلي  

انا شفتله: كنك

ايهاب: شنو الي امديرته علي وجهك

انا هزيتله اكتوفي: ميك اب خفيف  

ايهاب: شن قلنا احني علي الخرا الي في وجهك

انا: مش ملزومه نسمع كلامك هيا تاخرت  

وطلعت خليته ركبت في السياره  

ايهاب لحقني امعصب ركب  وسحب منديل ومده ليا

ايهاب ????????: تمسحي الوسخ الي وجهك ولا اقسم بالله معاش تحلمي تعفسي في الكليه باهي  

انا: مادخلك فيا بعدين مش امدايره واجد انا كنك اتعقد فيها انت

ايهاب: غرام صبح ره قتلك امسحي الي في وجهك احسن السياره مش متحركه لين تمسحي الوسخ هدا  

انا رفعت المنديل قعدت نمسح فيه بغل مسحت الروج والايلاينر  ???????? ها توا تريحت  

ايهاب ابتسم ولع السياره وطلع ???? 

انا كل مره نشبحله بغل تكلمت بصوت واطي: حقير اشح كيف فرحان

ايهاب:قلتي حاجه

انا لفيت وجهي: سلامتك انتبه لطريق قدامك كنك عازق وذنك امعايا

ايهاب ضحك عليا  ولع دخانه وقعد ايدخن و ايسوق

وصلني جيت بننزل

ايهاب طلع افلوس من درج السياره: استني خودي مصروفك 

انا: شكرا مانبي شي منك نزلت وسكرت الباب السياره بالقوه وخشيت لكليه

ايهاب عصب من تصرفي???? :تي شن صارلها مصيبه هدي   

ايهاب مسح بيده علي وجه وتنهد:  اووووف كنك اتعبي فيا هكي ياغرام ???? الباين بنتعب امعاك واجد

لف وطلع امعصب ادكر انه يبي جده في موضوع رفع تليفونه واتصل بجده

ايهاب: صباح الخير ياحاج

الحاج خليفه: صباح النور

ايهاب: جدي فاضي اليوم

الحاج خليفه:  كنك تبي شي  

ايهاب: نبي تمشي لي اهل البنت تعطيهم الفلوس الدفع عشان تبدا تاخد دبشها

الحاج خليفه: لكن عيب نمشي وبوك مش امعايا

ايهاب: ياجدي اكيد باتي لو عرف بيدير قصه وحتي عمي  

الحاج خليفه: لو علي المشيه ساهل نمشي بس فكرت في اليوم الي بتتزوج فيه شن بتحكيلهم وشن هوا سبب المقنع الي ايخليك تتزوج علي بنت عمك

ايهاب: اندير اي سبله المهم باتي مايعلمش توا

الحاج خليفه: لا حوله ولا قوة الا بالله والله فهمتك يا اوليدك ازوجتك هدي ما بي ايجي منها غير وجع الراس بس واتخشش العليه في بعضها

ايهاب: جدي انت وعدتني ولا بتخلف وعدك ليا ماحد يعرف لين ايتم العرس انا مش امداير شي وهي دايره حفله بس يعني يوم واحد نقرو الفاتحه بعد الفاتحه انخبروهم

الحاج خليفه: ايصير خير والله قلبي مقبوض منك اول مره اندير شي ورا اولادي  

ايهاب: جدي انت عارف انا ما وفقت نتزوج غرام الا بعد اتفقت امعاك وعدتني نتزوج الي نبيها

الحاج خليفه: ان شاء الله خير

ايهاب: تمام توا انمر عليك ونعيطك الفلوس بنمشي لمصطفى وبعدها عندي شغل  

الحاج خليفه: تمام  وسكر منه

نص ساعه وصل ايهاب لي جده وعطاه الفلوس  ومشاء لي مصطفى هدرز امعا اشويا وطلع ع المكتب فتحته القي الشغل متراكم علي بعضه  قعد يشتغل  جا اتصال

ايهاب: وعليكم السلام

    تمام بخير

   والله كنت بالي توا كيف كنت بنتصل بيك  

   والله انت تعرف بقصة مصطفى والحادث لهيت امعاها

   الله ايسلمك

   اي شن صار علي اخر قرر

  تم تم اليوم انتم فيها  “”خشيت عليه انا انتظار””

   اوك بينا اتصال وسكر  

.

.

.

.

.

انا وصلت علي قصاد المحاضره خشت بسرعه نحساب روحي تاخرت حضرت المحاضره طلعت انا وشروق طلعت عندنا محاضره تانيه خدينها وطلعنا خديت من البنات المحاضرات الي فاتتني قعدت انهدرز انا وشروق ابروحنا اتصلت بي ايهاب القيته انتظار  

انا ????: اهو انتظار اكيد ايكلم فيها

شروق: مرات ما ايكلم فيها

انا: انتي كنك تعذري فيه ديما  “”ورجع تليفوني رن كان ايهاب “”

شروق: اهو اتصل ردي

انا: مش راده

شروق: بلا اهبال شوفي الكليه قريب تفضا انا بابا قريب يوصل ردي ياهمي

انا : مش راده  “فصلت المكالمه “

شروق: تي خاطري انلكك كف غير الناس بس تي لو ايكلم فيها ماسكرش بسرعه ايرد عليك

انا بنتكلم رن تليفوني شروق فتحت الخط انا فنصت اعيوني ورفعت التليفون وحطيته علي ودني  

انا: الو

ايهاب: كملتي انجيك

انا: اي  

ايهاب: كنك اتصلت ماردتي  

انا: ماشفت المكالمه

ايهاب : حصل خير ربع ساعه وانكون عندك

انا: تمام ماطولش لانه الكليه فاضيه  

ايهاب وقف ورفع  مفتاحه: تمام

سكر وطلع

انا قعدت انهزب في شروق علي القطه اشويا وجاء بوها روحت وقعدت ابروحي  نستنا في ايهاب اشويا وجاني

المره هدي خش داخل الكليه عكس المره الي فاتت  

طلعت امعا  روحنا في نص الطريق

انا: خود من المطعم غذاء لانه مابنلحق انطيب  

ايهاب: تمام اليوم بتمشي لبيت العيله صح

انا: اي

ايهاب سكت درس علي مطعم وجاب منه غذاء طول اشويا  ورجع  روحنا  سخنت الغداء تغدينا كل واحد خش لداره كنت انا متجاهلته انا ماتكلمت امعا  خشيت لدار رقدت

عكس ايهاب الي تخميم واخد عقله وايفكر في تصرفاتي الي بدت تتغير الي ايزيدو في اجنانه و في موضوع زواجه وقصه العيله  مليون قصه فوق رسه  

امع العشيه طلعت امع ايهاب حطني في بيت العيله وهوا طلع لي الراجل الي كلمه

.

.

.

.

.

.

.

.

مر اسبوع مافيش اي جديد

حمادي مزال ايدور في هشام ويتصل بي عهود علي امل اترد عليه بس عهود ماترد عليه اخر شي حطاته في الحظر   

عهود طول الفتره مكتئبه تبكي وخاشه في حاله ???? 

اما حمادي فهم خوت عهود كل القصه وانس ساعده وحكا لي بوه بس رد عليه القرار يرجع لي عهود  حمادي بيموت امرايف علي عهود و عهود نفس الشي ???????? بس هي تحساب حمادي ايخون فيها  صح ????????

اما مصطفى تحسن اشويا والدكتور كتبله خروج اليوم بيطلع من المستشفى طول السبوع ماشاف جده ولا وقف عليه غير اول يوم الي جاء فيه امع بوه عمامه اما موضوع انه يتزوج من ريهام استبعده نهائي ولا حتي فكر فيه

اما عند انس مافيش جديد في حياته قاعد امع ايهاب ايبات امعا الصبح ايروح يرقد ويتريح وايرد العصر يقعد امعا

معاش شاف إيلاف

وإيلاف نفس الشي كانت الصبح مدرسه بعد ايروح انس

كانت ماتشوفي فيه

ريهام مافيش ولاجديد في حياتها

شروق قاعده هي ونصائحها امعايا لحضه بلحضه صح نشفتلهة ريقها علي قولتها ???????????? 

اما انا وايهاب كانت حياتنا زي توم وجيري كلمه بكلمه  

الصبح ايهاب يرفعني لي الكليه ويمشي هوا لشغله ويطمن علي مصطفى  بعدها ايروح بيا امع العصر ايحطني عند العيله ويمشي المستشفى  استمر السبوع هكي  ايهاب استغرب تصرفاتي كيف تغير بيعرف شن السبب؟ ؟ مش فاهم شي  

اما الباقي حياتهم عاديه جدأً مافيش جديد  

اليوم كان الي بيطلع فيه مصطفى جدي كان امداير عزومه كبيره علي سلامت مصطفى

نحنا كنا انوتو من اليوم الي قبله عشان كانت عزومة صبايا و رجاله  كنا حايسين في الخدمه   

.

.

.

.

.

الحاج خليفه وقف قدام الكل وجا جنب مصطفى وطلع من جيبه …..

مصطفى ???????????????? 

.

.

.

.

.

.

.

رهف ????:………….

ايهاب: ……………

.

.

.

.

.

.

.

طلعت من الحمام وانا دموعي خط يجرو وراء بعضهم ???????? 

شروق: شنو

انا ????:………???? 

شروق حضنتي 

.

.

.

.

.

.

إيلاف طالعه من بيت جدها وهي خايفه في يد جبدتها وسكرتلها فمها ???????????????? 

يتبع ..