رواية ليلة بكى فيها الحاضرون الفصل الرابع والعشرون 24 بقلم محمد طه

رواية ليلة بكى فيها الحاضرون الجزء الرابع والعشرون

رواية ليلة بكى فيها الحاضرون البارت الرابع والعشرون

رواية ليلة بكى فيها الحاضرون الحلقة الرابعة والعشرون

_وياخد نعمان مراته ويروحوا ورا الفيلا..
عند الباب الخلفي للفيلا ونعمان ينط من فوق الباب..
ويدخل الفيلا ومن غير ما سهام وضحي يحسوا..
بيه يقدر يوصل للفلوس والدهب..
وأخد منهم على قد ما قدر..
وخرج من غير ما حد يشوفه
_(في الفيلا)_
_ضحي…طيب ليه يا ريسه..ما إحنا شايفينه..
ليه سبناه يدخل ويخرج وياخد اللي هوا عايزه..
كنا مسكناه وقلعناه ملط هوا كمان
_سهام بهدوء…إتعلمي يا ضحي..
إحنا نكسب جوله..وهوا يكسب جوله..
بس الجوله اللي هوا يكسبها..
تبقي تحت عنينا وبرضانا..
وبعدين هوا دلوقتي زي المد،بوح اللي بيفرفر..
وإحنا لو دوسنا عليه..روحه هتطلع..
وإحنا مش عايزين روحه تطلع دلوقتي..
المهم دلوقتي إحنا عايزين نجهز ونستعد..
لحفله الليله..عشان خلاص..
وقت الهزار خلص..والجد هيبدأ
_(عند سامر)_ (مخبأ سري)_
_سامر…عادل تروح تراقب الكباريه من بعيد لبعيد..
وتخليك على إشاره من سهام أو ضحي
_عادل…أوامرك يا رياسه..أخيراً الحفله هتبدأ
_سامر…هتبدأ..وكل واحد هياخد حقه..
والشحاتين هيرجعو لأصلهم من تاني..
والليله هتكون أول ليله ف لليالي الحساب..
الليله ليلتك يا وليد باشا
_عادل…أنا مش عارف يا رياسه..
أنته كنت عايش ف وسط الناس دي إزاي
_سامر…كنت أعمي..ما كنتش شايف غير الجانب الحلو..
اللي هما عايزيني أشوفه وبس.
كنت طيب ذياده عن اللزوم..
كنت فاكر إنهم بيحبوني..
كنت مصدق إنهم أهلي
_(في الفيلا)_ (سهام وضحي)_
_ضحي…مش كنتي تنامي شويه..وتريحي نفسك..
عشان الليله هتبقي صباحي
_سهام…مفيش وقت للنوم يا ضحي..
إنتي مش شايفه اللي بيحضرلنا ف جيش..
إحنا لازم نكون سابقين
_ضحي…يا ريسه دا لو حضر جيوش مش جيش واحد..
ولا هيعرف يعمل حاجه
_سهام…أوعي تستهيني بعدوك..
ولازم تعمليلو ألف حساب..
واللي زي نعمان دا غبي وغشيم والنوعيه دي..
لازم تعمليلها ألف حساب وأنتي بتتعاملي معاها
_ضحي…وربنا يا ريسه إنتي مَدرسه
_سهام وهيا بتديلها التلفون…طب خدي إتصلي..
بعريس الليله عشان يجهزلنا نفسه
_بقلم…محمد طه عبد المجيد
_(ضحي تاخد التلفون وتتصل ب وليد)_
_ضحي…وليد معاكي يا ريسه
_سهام بدلع…ليده..فاضي الليله
_وليد لسه مش مجمع مين اللي بيتكلم…مين معايا
_سهام بدلع…إيه يا ليده..
أنته مش عزمتني على سهره عندك ف الكباريه..
ولا أنته رجعت ف كلامك
_وليد بفرحه…لأ..رجعت ف كلامي إيه..
دا الكباريه وصاحب الكباريه تحت أمر حضرتك..
دا الليله هتتكتب ف تاريخ الكباريه..
دا حضرتك هتنوريني
_سهام بكل دلع…الليله ليلتك يا ليده
_وليد بسعادة…أنا هسهرك سهره العمر..
إنتي بس سيبيلي نفسك
_سهام بدلع…كل واحد يسيب للتاني نفسه..
ونشوف مين اللي هيقدر عالتاني يا ليده
_وليد…أنا الليله هتتفتحلي طاقه القدر..
أنا الليله هتولد من جديد..
الليله هتبقي من لليالي ألف ليله وليله
_سهام…أنته كلامك كتير يا ليده..
وخد بالك أنا بصدع بسرعة..
ف متخلنيش أصدع منك من أول ليله..
يلا بقي جهز نفسك واستعد..
أنا عيزاك تفاجئني..باي يا ليده
_(في بريطانيا)_ (قصر العزيزي باشا)_
_نسرين…طمني يا بابا على سهام
_العزيزي…إطمني سامر وصل ليها وأنقذها
_نسرين…الحمدالله..خليها بقي ترجع وهما يكملوا
_العزيزي…مش هينفع..يا يكملوا كلهم مع بعض.
يا يرجعو كلهم مع بعض..
وخلاص بعد خطف سهام..ما بقاش ينفع يرجعو..
لازم يكملوا ويخَلصو الليله دي
_نسرين…ربنا يستر بقي وتخلص على خير..
أنا مش عارفه إزاي قلبك سابها تسافر ف مهمه زي دي
_العزيزي بثقه…سهام ما يتخافش عليها
_نسرين…ولما هيا ما يتخافش عليها..إزاي إتخطفت
_العزيزي بغضب…موضوع خطفها دا..
مش هعديه لنعمان بالساهل..وعشان كده..
أنا هسافرله أحاسبه بنفسي……..