Uncategorized

رواية البنات بتحب مين الحلقة الثامنة 8 كاملة

 رواية البنات بتحب مين الحلقة الثامنة 8 كاملة

رواية البنات بتحب مين الحلقة الثامنة 8 كاملة

رواية البنات بتحب مين الحلقة الثامنة 8 كاملة

حاتم بعد ما منى اضايقت انه بيكلم شذى…بيروح لشذى وبيقولها
= معلش ياشذى … منى عاوزاني اروح معاهم هناك
= تروح مع مين ؟!
= حد كدا اسمه فرغلي حاجه فرغلي
= ايه ؟!
= زي بيسوني حاجه بيسوني
= ايه ؟!!
= ماتشتغليش بالك
= انت قصدك فرغلي الي هناك دا ؟!
بص حاتم هيا بتشاور على مين
= فرغلي دا طلع مشهور !! لا انا دا انا اروح ارتبط بيه انا كمان
= ايه ؟!
= هو انتي علقتي ؟!… كل حاجه اقولها تقولي ايه ؟! نص ساعه كل كلامك ايه…
مافيش B مافيش C
= انا هاجي معاكم 
= تعالي يا اختي
شذى بتروح مع حاتم
فرغلي بيبص لشذى وبيقوم من مكانه وبيحضنها كاصحاب قدام منى وهو بيقولها شوشو هنا!!! ومع حاتم!!!!
حاتم بص لفرغلي بصه معناها مش انت بس الي تعرف بنات
منى طبعا لما شافت فرغلي قام وحضن شذى كانت من جوها بتدخن وشويه وهتنفجر
قامت هيا كمان وراحت ناحيه حاتم وراحت حضنته وهيا بتقوله 
= وحشتني اوي ياتومه ف الشويتين الي بعدت عني فيهم دول
حاتم وهيا بتحضنه فضل مبرق شويه 
منى ميلت على خده وباسته وهيا بتقوله 
=ماتبعدش عني تاني يابيبي عشان بتوحشني
حاتم تبريقه زاد وهو مش فاهم ف ايه ؟!
منى ميلت على ودنه وهمست
= بطل تبرق هتفضحنا واحضني عادي
حاتم بعد كلمه واحضني عادي برق اكتر ناحيتها وهو كل دا مش مستوعب
بس سمع كلامها وقام حضنها جامد وهو بيقولها
= يانهار ابيض…يانهار ابيض انا لو اعرف اني هوحشك….
= هتموتني ياحاتم ياخربيتك …قعد ، قعد
حاتم قعد جنبه منى من ناحيه وشذى جنب فرغلي من الناحيه التانيه….
فرغلي قال انتي تعرفي حاتم ياشذي من فين
ردت من الجامعه
 وانتي يامنى
ردت من الجامعه برضو
حاتم كان ف باله جواب لسؤاله 
انت طبعا عارفهم من الكباريهات يابايظ…يابايظ* بصوت اللمبي ف فيلم كتكوت *
شذى بصت لحاتم وقالت 
= بس انت احلويت ياتومه عن ايام ماكنت شوفتك من سنتين
=نعم !!!
قامت منى ردت عليها بسرعه
= مهو الرك ياحبيبتي على الواحده هيا الي بتخلي الي مرتبط بيها قمر او شكله عره
* كانت قصدها ان اي حد يرتبط بشذى هيبقى معفن زيها  *
حاتم قرب من منى وهمسلها
= بس احنا اصلا مش مرتبطين انتي هتزيطي؟!
= كلمه كمان ياحاتم وهرشقك بالسكينه الي ادمنا دي ف كرشك
حاتم بيكلم ف سره….
* انا شكلي اتسرعت ولا ايه ؟! *
سمع صوت منى جوه دماغه 
* اتسرعت ف ايه يا اخويا ؟! *
كمل كلام جوه دماغه 
* لا ما هو انتي مش فاهمه اصل انا بح….ثانيه واحده ، انتي دخلتي جوه دماغي ازاي ؟! *
بص لمنى لاقها مبرقه شزرا ناحيته وصوتها جوها راسه بيقوله 
* قسم بالله لو فكرت ف بنت غيري … هموتك *
حاتم رد عليها ف سره …. 
* اطلعي بره دمااااغي … انا خايف والله *
قطع صوتهم كلام فرغلي لشذى وهو بيقولها 
= انتي وراكي ايه ف اخر الاسبوع ياشوشو عشان انا رايح شرم استجم
= لا يابيبي ماوريش حاجه انا هجيب المايوه البيكيني بتاعي الي بتحبه
منى طبعا كانت هتطلع لهب من بوقها يولع ف شذى
بعد كدا فرغلي بص لحاتم وقاله
= ماتيجي معانا صح ياتومه
= بص يابرنس هما يقولولي تومه براحتهم انما انت تقولي حاتم اشطه 
=انا اسف انا مش قصدي
= بدل ما افلقك نصين دلوقت 
* عروق وعضلات فرغلي بدات تظهر ورد فرغلي عليه بعصبيه *
=تفلق مين يلا ؟!
* حاتم بعد ما شاف العضلات خاف وجاب ورا *
= لا انا بكلم الي وراك
* الي ورا فرغلي سمعه وكان عضلات وقام بصله وقاله بتقولي انا *
= يا اخي لا الي وراك
* الي وراه كان نفس الكلام سمعه وكان عضلات برضو *
= يا اخي لا برضو مش انت الي وراك
* الي وراه كان نفس الكلام *
= ماشاء الله انتو كلكم مشتركين ف نفس الجيم !!…هو الي ف الطابور دا كلو كدا ؟!
منى ردت على كلام فرغلي لما طلب من حاتم يجي معاهم شرم وقالتله
= اصل احنا كل ويك ايند انا وتومه حبيبي بنروح شرم كدا كدا ف ماشي نقابلكم هناك باه
حاتم ميل على منى وقالها
= كل ويك ايند ايه ؟!… دا الويك ايند الي جي هيبقى اول ويك ايند نكمله واحنا عارفين بعض اساسا
بتقرصه منى من ايده عشان يقعد ساكت ومايفضحش الدنيا
= طب ايه مش هنقوم نروح بدل ما نتاخر وفيه بنات معانا
شذى ومنى وفرغلي بصو ب استغراب لحاتم
حاتم قالهم ….
= ايه انتو بتكملو بايت هنا ولا ايه ؟!
يتبع..
لقراءة الحلقة التاسعة : اضغط هنا
لقراءة باقي حلقات الرواية : اضغط هنا
نرشح لك أيضاً رواية حكايات عروسة للكاتبة آية موسى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى