روايات

رواية وردة في المزبلة الفصل المائة والثاني عشر 112 بقلم منة محمد

رواية وردة في المزبلة الفصل المائة والثاني عشر 112 بقلم منة محمد

رواية وردة في المزبلة البارت المائة والثاني عشر

رواية وردة في المزبلة الجزء المائة والثاني عشر

رواية وردة في المزبلة
رواية وردة في المزبلة

رواية وردة في المزبلة الحلقة المائة والثانية عشر

البارت 112
ورده في مزبله
احلامي بلون السعاده
قصص منه محمد كاتب
في بيت مالك الشافعي
ريم رايحه جايه شمال ويمين والموبيل ع ودنها بقلق وخوف رجع مالك متأخر ودخل
مالك بهدوء: سلامو عليكم
ريم لفت وبصتله: وعليكم السلام اهلا وسهلا يا حياتي
مالك قرب منهاببتسامه :اهلا بيكي ياجنتي وباس خدها
لقاها عماله تنفخ وتتصل بارقام وشكلها قلقانه
مالك: مالك ياريم وبتتصلي بمين
ريم بقلق :مش قادره اوصل لفرحه من بعد المغرب تعرف هي فين
مالك حط الشنطه ولف بصلها:لاء طيب ما تتصلي بسليم
ريم :وسليم كمان موبيله غير متاح
مالك :يمكن خرجوا في مكان مفهوش شبكه
ريم: يعني انت بتخمن كدا ولا كلمتهم
مالك :لاء بخمن كدا لان سليم قالي انه يمكن ياخدها ويخرج
ريم كشرت: طيب ليه فرحه متقولليش انا دايما معاها ع الموبيل
مالك: يمكن نسيت يا جنتي اساسا فرحه فاقده عقلها بلاش تزعلي منها
ريم: انا مش زعلانه انا قلقانه وانت عارف انا اساسا عقلي في ولادي دايما بخاف يحصلهم حاجه وانت عارف دول احلامي الي بلون السعاده
مالك ضمها بحنان: حبي بلاش تفكري في حاجات سيئه كدا مينفعش نعيش قلقنين وهما يحسوا بقلقنا ويبقوا مش مرتاحين
ريم : مالك انا قلقي ع فرحه

 

 

مالك عقد حواجبه بقلق: ليه مالها فرحه
ريم اخدت نفس: حاسه انها مخبيه عني حاجه
مالك: هتخبي ايه بس يعني ياريم
ريم: عشان انا ملاحظه من اول ما رجعت من السفر هربانه ع طول من بيتها ولما تيجي هنا تفضل مكشره يأما سرحانه ولا بتقول كلمه لاء دي مش بنتي اكيد عندها مشكله ومش بتقولنا عليها
مالك: سألتيها
ريم: سألتها ودايما تهرب بعينها عن الاجابه
مالك: قلقتيني ياريم
ريم عيونها دمعت:عشان عارفه ان حاله بنتي مش طبيعيه جايز لاننا جبرنها ع سليم
مالك :ريم اولنا احنا مجبرنهاش انا خيرتها وقلتلها اي قرار هتاخده انا معاها وفي ضهرها ثانيا انا متاكد ان ابن اخويا لايمكن يسئ لبنتي لاني عارف اخلاقه غير كدا انا متأكد انه بيحبها
ريم: طيب اعرف ازاي دبرني
مالك: ولا حاجه سبيها براحتها وهي مسيرها هتقولنا بنفسها لو حبت تشاركنا
ريم: مش قادره استني يا مالك مش قادره
مالك ضمها لصدره وطبطب عليها: خلاص اوعدك احاول اتكلم معاها
………قصص منه محمد……….
سليم واقف يشاهد من بعيد ويتأكد حد مع فرحه بس مفيش حد واضح لان رشاد مش ظاهر من بعيد
واول ما قرب اكتر شاف رشاد
سليم اول ماشاف رشاد فتح عيونه وكور كف ايده وهو مقهور ونار الدنيا بقلبه لا والمصيبه قاعدين لوحدهم
قرب عندهم وبصلهم باحتقار : ماشاء الله عليك يا فرحه انتي هنا وانا بلف عليكي
فرحه اول ماشافت سليم على طول وقفت من الخوف ..اما رشاد قاعد مرتاح لانه كان يتمنى ان سليم يشوفهم عشان يقهره
رشاد بص لسليم من فوق لتحت وسليم وجهه نفس النظرات لسليم
فرحه وهي تبلع ريقها : امم رشاد لسه يادوب جاي من المستشفى وقلت لازم اسلم عليه بس
سليم بكل جديه وعصبيه : يعني لازم تسلمي عليه لوحدكم
فرحه برتباك وخوف: نوره كانت معانا والله بس راحت تجيب حاجه وراجعه
رشاد وقف مكانه ووجهه كلامه لسليم من غير نفس وبتكبر: وبعدين انت ناسي يا حلو اني مش غريب يعني مش لازم تنقهر وتتعصب قوي كدا
سليم : اكيد مش ناسي يا امور بس كمان ما تنساش انت اني جوزها والي عاوزه هو اللي لازم يتم وانا لازم يكون عندي كلمه امشيها عليها
رشاد : هههه كلمه ايه دي الي تمشيها وبعدين نسيت اني ابن خالها وكنت خطيبها (شاور بالسبابه باستهزاء )) قبل ما تكون انت جوزها
سليم ربع دراعه: كنت ولا ماكنتش المهم انها بقت مراتي واحنا بنهتم بالمستقبل والحاضر مش بالماضي ( وشاور بالسبابه بنفس طريقته معاه) وانت خليك مع الذكريات اظن ده الشئ الوحيد الي باقي لك
فرحه بعصبيه : بس اسكتو شوي
رشاد بص لفرحه : لا لا عادي خاليه يكمل ( ولف لسليم ) وبعدين حبيت اوضح لك واتمنى ما تكونش ناسي اذا هي جسديا واسميا زوجتك بس روحها وقلبها معايا انا
اذا تقدر تدخل قلبها شوف اسم مين في قلبها اسمي ولا اسمك انا بس اللي في قلبها ماحدش غيري
سليم اتعصب جدا وقرب اكتر منه: وانت كنت دخلت قلبها عشان تعرف وتتفلسف

 

 

رشاد بكل هدوووء واستهزاء : لان انا وهي قلب واحد يعني اعرف ايه اللي في قلبها ..والدليل على اهتمامها وحبها .. انها جت لحد عندي عشان تسلم عليه واظن ده دليل واضح
سليم هنا متحملش كلامه ومسكه من ياقه قميصه : انت انسان وقح ومش بتتكسف ع دمك..
رشاد مسك ايده : عادي سبتلك الاحترام يا اناني
فرحه بتحاول تبعدهم عن بعض قبل ما الدنيا تولع : ربنا يخليكم بس بس ..كفاااايه كفايه حرام عليكم عذبتوني
دخلت وسطيهم تحاول تبعدهم ..حست مره واحده ان الدنيا ضلمت ومسكت راسها وفجاه
وقعت على الارض واغمى عليها
سليم اول ما شاف فرحه حدف رشاد لبعيد ومسك فرحه من وراه رقبتها عشان يرفعها وبكل خوف : فرحه حبيبتي مالك مالك
رشاد واقف وعقد حواجبه وخايف وقرب عشان يشوف فرحه مالها : فرحه مالك
سليم هدده بايده التانيه : انت ابعد بعيد مالكش دعوه بيها ولا تقرب منها ساااامع
نوره جايه تطمن و شافت فرحه مغمي عليها جريت وبصريخ : مالها فرحه
سليم وهو شايل فرحه: نوره الله يخليك وسعيلي اي اوضه عشان اقدر ادخل فيها فرحه بسرعه
نوره وعلامة الخوف عليها : اكيد يلا بسرعه
نوره جريت ودخلت الصاله وهي متوتره
وسليم دخل وماسك فرحه وحضنها وهي مغمي عليها
ليلي وصقر شافو فرحه وقفو مكانهم وعلى طول راحو عند فرحه
اما هند فمرتاحه وقاعده مكانها مبسوطه
ليلي وهي بتكلم سليم وشوي وهتعيط : مالها يا سليم حصلها ايه
سليم : طنط لو سمحتي مش وقته دلوقت ودوني اي اوضه عشان اوديها
نوره فتحت الغرفه : تعال هنا يا سليم بسرعه
سليم راح الغرفه وحط فرحه على السرير وفضل يحرك وشها: فرحه حبيبتي فرحه قومي
فرحه مفيش حركه وقافله عيونها
صقر: هاتو برفان وهاتو هوا عشان تتنفس اكتر يمكن الحر مضايقها
سليم مسك كتاب مرمي وفضل يهوي عليها
سليم: بسرعه مايه
هند دخلت تشوف فرحه والي ممكن يحصل فيها من سليم!!!!
ونوره راحت تجيب الميه ورجعتله: اتفضل الميه يا سليم
سليم بهدوء يكُب شوي من الميه على وش فرحه عشان تقوم كب مره ومرتين لحد ما قامت
فرحه تكح ومسكت راسها : اه يا راسي ( فتحت عيونها ) انا جرالي ايه
صقر : حمد لله على سلامتك يا بنتي
ليلي : مافيكيش حاجه بس اغمى عليكي
فرحه افتكرت الخناق وشافت سليم ااعد جنبها والتوتر واضح عليه
سليم بقلق : ها يا فرحه حاسه بأيه دلوقت
فرحه لفت عنه: انت بتسال عن حالي
سليم عرف انها مضايقه لانهم السبب باللي حصل
ليلي : ها يا بنتي اتحسنتي
فرحه بتعب : الحمد لله انا بخير
هند طلعت تشوف رشاد الي واخدها يمين في شمال كانه في غرفة العمليات
رشاد بتوتر : ها طمنيني فرحه قامت
هند تضحك : ههههههههه الله عليكم انتو الرجاله
رشاد بعصبيه : ده يعني وقته تضحكي سالتك ايه اخبار فرحه

 

 

هند : اطمن قامت مفهاش حاجه .. وكفايه انه جوزها جنبها و لازق فيها
رشاد راح عند الغرفه بعصبيه
هند : رايح فين
رشاد : رايح اطمن عليها
هند : بقولك جوزها جوه
رشاد: يتفلق
رشاد جاي يدخل الغرفه
سليم كان طالع
اول ما طلع سليم شاف رشاد جاي الغرفه
سليم باحتقار : على فين؟؟
رشاد : عاوز اطمن على بنت عمتي
سليم حط ايده على صدره عشان يمنعه : ما تقدرش اولا لاني امنع ده، ثانيا فرحه مش لبسه طرحه يعني عيب تدخل اعتقد لو فيك ذرة احترام ماتدخش
رشاد باحتقار : انا مش داخل بس مش عشانك لانها بحريتها
رشاد راح غرفته
اما سليم فكان بيدور على اي حد قدامه..
هند بدلع : خير يا سليم كنت عاوز حاجه
سليم: لو سمحتي ممكن تقولي لحد يجيب عصير لفرحه عشان تتنشط
هند في بالها ( مش حب ده يا حظك يا بنت مالك )) حاضر من عيوني
سليم بابتسامه : تسلمي يارب
سليم دخل مره تانيه الغرفه وشاف التعب على فرحه
ليلي: خلونا نتصل علي الدكتوره عشان تيجي ونطمن عليها اكتر
فرحه بتعب : لالالا انا بخير بس تعبانه شوي
نوره: التعب من اول ما رجعتي من السفر ووشك شوفي ازاي مصفر
سليم: مظبوط لازم نطمن عليكي اكتر
فرحه بصاله وشافت خوفه وقلقه عليها
صقر : خلاص انا هتصل علي امير
سليم : يكون احسن والله
وقعد جنب فرحه وهو خايف عليها
وجه امير شديد مع ريم لما بلغتها ليلي
امير كشف ع فرحه
سليم : ها يا امير طمني فرحه بتعاني من حاجه
امير ببتسامه: ضغطها نزل شويه وهي محتاجه للراااحه وبدون زعل يمكن لانها مضايقه او بتفكر في حاجه مضايقها
وبص لفرحه الف سلامه يافروحتنا
فرحه هزت رأسها له ببتسامه
سليم في نفسه…. انا السبب والله ياريت ما اتخنقت مع رشاد ..عمري فداكي يارتني انا ولا انتي يا حبعمري
بعد ما مشي امير وسلم ع الكل بعد ماعمل لفرحه اللازم وطمن الكل خصوصا ريم
ريم: بقولك يا سليم ممكن تخلي فرحه تنام هنا الليله
سليم فتح عيونه : ليه يا طنط
ريم : عشان ترتاح وانا معاها عشان اطمن عليها

 

 

سليم بضيق: تقدري تيجي حضرتك بيتنا وتنامي هناك والله عندنا اوض زياده
ريم : معلش خليها على الاقل النهارده ده سواد الليل وانا معاها اطمن
سليم رافض بشده لان رشاد بيتقرب اكتر بس لانه مش عاوز يزعل ريم منه : خلاص ولا يهمك هخليها تنام وترتاح والصبح اجي اخدها
نوره فرحت جدا
اما فرحه فهي في عالم تاني ولا تعرف ايه الي بيدور كانت سرحانه ومضايقه..
سليم : طيب عن اذنكم همشي وهتصل اطمن عليها
صقر : تنور يابني باي وقت
سليم : الله يخليك ..شكرا
طلع سليم وهو مضايق لان حبيبته تعبانه ومقهور من رشاد لانه هيكون موجود معاها في نفس المكان
…….
رشاد في الغرفه مقهور دخلت هند عليه وهي بتضحك
دخلت هند بدون ما تدق الباب
هند بهبل : عندي ليك خبر حلو
رشاد بعصبيه : مره تانيه تخبطي علي الباب
هند : والله انت ما تستاهل بقولك عندي خبر حلو .. فرحه هنا الليله
رشاد فتح عيونه والابتسامه بشفايفه : احلفي
هند : شوي شوي على بؤك ليقع
رشاد: اول مره تجيبي خبر حلو حلو دايما اخبارك شبه وشك
هند : يعني بتغلط .. وبعدين اكيد خبر حلو زي وشي
رشاد بابتسامه : لا الخبر احلى من وشك بمليوووون مره
هند بعصبيه: والله انا غلطانه اني جيت افرحك اطلع بكرامتي احسن
رشاد ضحك: يكون احسن..هند بقولك ايه
هند من من طرف عينها : نعم
رشاد : فرحه بخير
هند : يعني احسن شوي والدكتور امير أمر بالراحه سمعت يعني اياك تضايقها
رشاد: والله
هند : لانك لو روحت عندها بيتعمل فلم هندي الحرامي و الظابط بس ماعرفش مين البطل ياتري انت ولا سليم
رشاد مسك المخده وحدفها في وشها : انا البطل وتعرفي مين الحراميه انتي
هند وهي تمسك المخده : اخص انا الحراميه غور
رشاد : خلاص اخت الحرامي
هند تضحك : هههههههههههههه يعني اختك انت ..لانك انت الحرامي
رشاد : هند
هند ضحكت وطلعت من الغرفه ..
رشاد وهو مبتسم : الله فرحه هنا وهتنام في بيتنا زي ايام الطفوووله
فرحه مضايقه
ريم بصالها بشك بس مش حابه تتكلم حاليا في اي حاجه: يلا انا هطلع عشان ترتاحي واخوك هيفوت عليك بعد الكليه وابوك يخلص شغله ويجي من النجمه
فرحه بتعب :اوك ماما نادي نوره عاوزها
ريم : من عيوني حبيبتي

 

 

نوره دخلت : خير يافروحتي
ساره : تعالي نوره شوي عاوزه اتكلم معاك
نوره : خير حبيبتي مالك ليه حزينه
فرحه عيطت
نوره: لا ليه العياط ارجوكي امير مانع الزعل
فرحه: انا تعبانه يا نوره بس المشكله مفيش حد حاسس بيا
نوره : عارفه حبيبتي
فرحه : انا زوجة انسان كنت بحبه ابن عم وبس.. وقلبي مع رشاد اللي هو مش جوزي وعارفه الي بعملو غلط وحرام لان حرام مجرد التفكير بانسان تاني وانا على ذمة سليم
نوره :اكيد كلامك كله
فرحه بحيره : طيب اعيش مع انسان مش بحبه ورشاد متعذب عشاني . وانا عارفه ان سليم مستحيل يتنازل عني وميصحش افكر في انسان تاني مع العلم اني عارفه ان اللي بعملو غلط .. .والله تعبت من التفكير
نوره : المشكله لازم حد من الاتنين يتنازل .. سليم يقدر يتنازل عنك وبالطريقه دي هو بيعيش مع انسانه تانيه وانتي مع رشاد.. ورشاد يقدر ينساكي ويتجوز من واحده ثانيه وانتي تكوني لسليم وبرضو بالطريقه دي تقدري تحبي سليم بس لانك بتفكري في رشاد وبعذابه فعشان كدا مش عاطيه لنفسك الفرصه تحبي سليم
فرحه : المشكله صعب على الاتنين يتنازلو
نوره تهز راسها : صح الاتنين كل واحد اعند من التاني
فرحه: واذا انا اتنازلت هكون سبب بعذاب واحد منهم .. يعني لو سبت سليم فوق ما هيتعذب العايله هتقع في مشاكل..واذا قلت لرشاد ابعد هو الي هيتعذب
نوره : بس انتي من غير ما تحسي بتعذبي الاتنين
فرحه بتعجب: انا ؟؟ ليه
نوره : اول شي سليم انتي اي نعم مراته بس اللي بشوفه انك مش بتعمليه كزوج ويمكن هو متعذب من جواه بس مش بيصرح .. واصعب حاجه على الشخص يوم ما يحس ان الحب من طرف واحد وانك ما تكني له اي حب
فرحه : والله هو عارف ان الحب من زمان من طرف واحد بس هو اصَر انه ياخدني
نوره: لانه بيحبك ولا يقدر يتنازل عنك وهو رضى بكل شئ وده اكبر دليل انه بجد بيحبك مفيش راجل ولا انسان في الدنيا يرضى بحب من طرف واحد ..الا له كان عاشق يافرحه
فرحه ماسكه راسها : اااااااااااااااااااااه يا نوره مش عارفه
نوره : انتي قصتك صعبه المشكله لازم حد من الاتنين يتنازل عشان ترتاحي
نوره تحضن فرحه : حبيبتي هونيها وتهون ان شاء الله ..
فرحه: والله مليت يا نوره واناعارفه اني السبب بمشاكل سليم ورشاد وبسببي اشوفهم متعذبين بالذات رشاد لانه هو مستنيني من زمان
نوره : حبيبتي ربك كريم ماحدش يعرف ايه اللي ممكن يحصل بعدين .. بس ان شاء الله يحصل كل خير
وبعدين فيه واحد عاوز يشوفك
فرحه : مين

 

 

نوره في حد غير رشاد اللي معذبني
فرحه اتغيرت ملامحها وحاسه بضيقه: رشاد .. لا مينفعش مش عاوزه سليم يجي ويشوفه وتحصل لينا مشاكل والله سليم ممكن يدبحه المره دي لو انا ما اغمى عليا كنتي شفتي حد فيهم في المستشفى
نوره : هو مش هيتاخر بس دقايق ..
فرحه : طيب هاتي حاجه استر بيها نفسي
نوره راحت جابت طرحه لفرحه : ها اتفضلي
فرحه : تسلمي
نوره : ها اخليه يدخل
فرحه: خليه
نوره راحت عند رشاد عند الباب .وهي نشاور بايدها : اتفضل
رشاد يبتسم : تسلمي اختي
رشاد قبل ما يدخل : احم احم
نوره تضحك : اه ياولاد شوفو الادب
رشاد برق لنوره : نوروووه اسكتي شوي
نوره : طيب يا عم الحرامي خد اللي عاوزه واطلع
رشاد : هههههههههههه
فرحه : اتفضل يا رشاد
رشاد دخل وشاف فرحه بملامحها البريئه والحلوه والتعب باين عليها ..
رشاد اتحرج من الي حصل ومنزل راسه : عامله ايه؟
فرحه بدون ما تبصله: بخير الحمد لله
رشاد : اسف يافرحه عن الي حصل كله بسبي
فرحه : لا يا رشاد عادي اظن متوقع انه يحصل والحمد لله ماحصلش اكتر عن كدا
رشاد رفع راسه : والله انا مضايق لما اغمى عليك بس بنفس الوقت فرحت
نوره بصت لـ اخوها مستغربه ..
فرحه مستغربه :مبسوط اني وقعت
رشاد وهو يبتسم بخبث: يعني فرحت لانك هنا في بيتنا زي ايام الطفوله لما كنتي تنامي في بيتنا
نوره تحرك راسها : الله ع الغزل
فرحه نزلت راسها ومستغربه ليه مضايقه منه ومن كلامه ودي اول مره تحس ان فيه حاجه بس مش قادره تحددها
رشاد : المهم يا فرحه انا اسف مره تانيه على اللي حصل
فرحه : لا عادي يا رشاد مفيش داعي تتاسف
رشاد يبصلها نظرات كلها حب وحزن بنفس الوقت لانها مش ملكه ..
نوره تضرب كتف رشاد : ايه نزل عيونك فضحتنا ..البنت دابت
رشاد : اوووه نسيت نفسي

 

 

رشاد: يلا عن اذنك يافرحه
فرحه : اذنك معاك يا رشاد
…………
باليل
اتصل سليم بفرحه
فرحه شافت الموبايل بينور بأسمه ليه فرحت وحاست انها عايزه ترد بدون اي تردد.
فرحه برقه: الو
سليم : حياتي عامله ايه
فرحه: الحمد لله بخير
سليم:والله البيت من غيرك ضلمه اتعودت عليك يافرحتي
فرحه : ساااكته
سليم : فينك يافرحه
فرحه : احم معاك
سليم : عامله ايه يا عمري ان شاء الله تكوني بخير..
فرحه : الحمد لله
سليم : يلا امتى يطلع الصبح عشان اشوفك واطمن عليكي
فرحه : ليه مستعجل للجرجه دي
سليم : لان دنيتي من غيرك.. مالها ش اي اعتبار
فرحه : سليم عاوزه انام ممكن تعبانه والله
سليم كان عاوز يسالها ليه راحت للجنينه مع رشاد بس افتكر انها تعبانه واجل الكلام ليوم تاني ..
سليم : خلاص يا قلبي هسيبك لانك تعبانه وانا ما ارضاش على تعب اغلى انسانه عندي
فرحه بدون اي تعليق
سليم : فرحه
فرحه : نعم
سليم : لو حسيتي انك تعبانه اتصلي بيا مهما كانت الساعه
فرحه حاضر
سليم: فرحه انا مش بس بحبك انا بعشقك.
فرحه وشها احمر واتكسفت : سليم بلييييييييز
سليم: خلاص ولا تزعلي هسيبك تصبحي على خير
فرحه : وانت من اهله .يلا باي
قفلت فرحه التلفون والتفكير والحزن رجع لها
فرحه….. يارب.. سليم مستحيل يكرهني مهما عملت بجد مش عارفه لازم اعيد حسباتي معاه
اما سليم من خنقته انها في مكان واحد مع رشاد اغلق الموبيل خالص مالوش نفس يتكلم ولا يشوف حد لحد ما يطلع النهار ويجبها لحضنه تاني

 

 

…………..قصص منه محمد كاتب……
في اليوم التاني
الصبح الكل علي السفره بيفطروا ومعاهم ريم الي منمتش طول الليل لحد ما يطلع النهار
اما فرحه فكانت نايمه لانها مانامتش الا قليل من كتر التفكير
دخل مالك وعماد وبعد السلام لف عماد يمين وشمال
هند تضحك عماد بيدور ع فرحه : عمده فرحه نايمه لا تكون بتلف على حد
ليلي قامت وقفت بترحاب: اتفضلو افطروا معانا
مالك بضيق للموقف كلو: بالهنا بس انا داخل اطمن ع فرحه عن اذنكم
ريم بحنان:استني رايحه معاك يمكن صحيت اجيبها تفطر حرام تاكل لوحدها
عماد أأعد: اه والله حرام تفطر لوحدها المشاغبه اكيد نايمه خليها تيجي للمه الحلوه دي
ريم : عن اذنكم اشوفها ودخلت
ليلي: عماد عاوز ايه من اختك دي عيانه
عماد : مين فرحه انا غاسل ايدي منها
هند بقرفه: يعععع يععع متتكلمش وبؤك مليان اكل
عماد ماسك كوبايه اللبن: اسكتي ولا اصب عليك اللبن يكش تتحرقي
هند : بعيدالشر عليا وبدلع بكره كتب كتابي يا مفتري
رشاد رافع ايديه للسماء : الحمد لله يارب نخلص من البومه
هند: انا بومه
عماد: بومه مين ده يعين امه هيتجوز شيخ الحاره
هند شدته من التي شيرت وبتهديد: عارف لو قلت عليا كدا تاني هديك بالبونيه في وشك
عماد ضرب جبينها: بلطجيه
الكل ضحك ع منظر عماد
…………..
في غرفه فرحه
عماد:سمعت ان كان فيه اكشن امبارح
فرحه:بس لايطق فيك عرق من فضولك
مالك بصلها وبشويه عصبيه: ممكن اعرف ايه الي جابك هنا
فرحه: عادي يا بابا جايه بيت خالي
مالك اتعصب شويه: لاء مش عادي مش عادي بعد الي حصل من ابنه في حقنا مش عادي يافرحه
ريم تهدي الوضع: نوره طلبتها وهي مكنش عندها علم بأن رشاد خرج يا مالك بدليل سليم كان معاها
مالك: ريم نوره عايزها تجيلها بيتنا او تروحلها بيتها بدل ما تحصل مشكله
فرحه: يابابا سليم اتعصب ع رشاد لما وقفت سلمت عليه والله ما حصل اكتر من كدا ولما خرج سليم وشافني واقفه معاه انا خفت ووقعت
مالك بهدوء: انا مش عارف ايه الي حصل بالظبط لان سليم رفض يقولي حاجه بس قلبي بيقولي ان سليم اول ما شافه معاكي اتعصب ويمكن اتهور وضربه وده الي خلاكي تقعي من طولك
فرحه : لان مش من حقه يعمل ده قبل مايسمع اللي حصل

 

 

مالك جز ع سنانه:يسمع ايه انتي بتخرفي وضعكم مش ظريف
فرحه عيطت:عارفه بس والله ما فيش حاجه غلط حصلت
مالك برفق:برضو غلط تجنبو الشبهات انا الي هفهمك في الدين
عماد غمز لابوه: خلاص يا بابا رشاد جه واتأسف
مالك مش عاوز يعمل شوشره: خلاص يابنتي جوزك يجي ترجعي معاه ربنا يخليك ويسعدك دنيا و آخره ممكن نلم الحكايه
ريم لحكمه للموقف: خلاص يامالك ويلا يا فرحه قومي عشان تفطري
فرحه: لا ماليش نفس ..بس ممكن اشرب كوبايه عصير
مالك : لا كلي اي لقمه عشان لو جوزك جه تقدري تروحي معاه وانا ماشي عندي عمليه هخلصها واعدي عليك في البيت ومشي مالك!!!
عماد حب يضحك اخته الي مكشره وفي عيونها دمعه:بصي جبتلك ايه الشوكلاته الي بتحبيها ناكلها سوي لحد ما ندخل في غيبوبه سكر
فرحه ابتسمت
ريم باست خدها بحنيه: ايوه كدا كفايه تضحكي واحنا مش هنسيبك ابدا
عماد فتحلهم درعاته: يله تعالوا في حضن اخوكم عماد
قصص منه محمد كاتب
وبعد شويه سليم دخل مع لورا
سليم لابس قميص سماوي وبنطلون بيج وفي ايده باقه ورد حمراء ومعاها بطاقه صغيره
ريم : اتفضل ياسليم
سليم : ها فرحه صاحيه
ريم ابتسمت : اكيد تعال ادخل حبيبي
ريم لفرحه : فرحه جوزك جه
فرحه : افففففففففف
ريم : فرحه كدا مش حلو ابوك قالك ايه قبل ما يمشي
نوره : طيب انا هخرجك انتظركم برا
فرحه: خليك معايا
نوره : مش حلوه جوزك جايلك هسيبكم لوحدكم واكيد لورا معاه هروح ارغي معاها
سليم دخل ومعاه الباقه : السلام عليكم
فرحه فارده شعرها : وعليكم السلام
سليم ماسك الباقه : اتفضلي الورد يا احلى ورده والف سلامه مره تانيه ما تشوفي شر
فرحه : الله يسلمك
سليم ااعد جنبها :ها يا عمري ان شاء الله احسن
فرحه : الحمد لله
سليم : يلا اليوم ترجعي وتنوري بيتك
فرحه : طيب
سليم: طيب ايه ده اكيد .. انا من يوم واحد وما قدرتش انام الصراحه اتعودت يا فرحه اتصبح بوشك الحلو وبصوتك الجميل
فرحه بصتله وسكتت
لورا دخلت : انا جيت
فرحه بابتسامه : اهلا وسهلا
لورا ضمت فرحه اوي : الف سلامه عليكي يا مرات اخويا

 

 

سليم : ما براحه موتيها البنت تعبانه
لورا : مالك انت بنت عمي الله
فرحه: هههههههههههههه من شويه كنت مرات اخوكي
لورا مدت لسانها : مرات اخويا واختي وبنت عمي كمان
فرحه : حبيبتي والله
سليم : والله شكلكم نسيتوني من القائمه
لورا : جدا كنت معاها في شهر العسل
سليم خمس: الله واكبر وانا اقول مين حاسدنا غيرك
لورا: انا احسدكم ..والله فرحتي يوم ما اشوفكم مبسوطين .. يلا عاوزين نفرح كفايه حزن وغم
فرحه بتضحك ع اسلوب لورا مع اخوها
سليم وقف : طيب انا هخرج اقعد برا في الجنينه علي ما تجهزي فرحه
ولف لفرحه تامريني باي حاجه حبيبتي
فرحه : لا ميرسي
لورا : ياعيني شوفي الحبيب
سليم يضرب لورا على راسها : انتي ما تسكتيش ابدا
لورا : هههههههههههههه ابدا
سليم طلع من الغرفه
لورا :عامله ايه يافرحتي حاسه من زمان ما أأعدتش معاك ورغينا
فرحه: اه والله ..يلا نعوضها انشاء الله
#######رايكم مش ملصقات
اظن كفايه كدا نقرب بقي فرحه من سليم ورشاد يا ولدي الله معك

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية وردة في المزبلة)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى