Uncategorized

اسكريبت لعنة جمال العيون الفصل التاسع 9 بقلم شهد محمد

  اسكريبت لعنة جمال العيون الفصل التاسع 9 بقلم شهد محمد

 اسكريبت لعنة جمال العيون الفصل التاسع 9 بقلم شهد محمد

 اسكريبت لعنة جمال العيون الفصل التاسع 9 بقلم شهد محمد

تمارا جريت على يوسف و زقته و وقعوا وصوت الرصاصة دوي في المكان
يوسف بهلع:تمارا انت كويسة
تمارا مسكت ذراعها بألم لأن الرصاصة خدشتها و قالت بدموع:الحمد لله يا رب الحمد لله جت فيا انا
يوسف بزعيق لرجالته:حد يشوف الرصاصة دي جت منين
قرب عليها فهي قالت بذعر:متقربش انا مؤذية انا عليا لعنة اسمها خراب،لعنة مميتة مبتنتهيش،عشان خاطري ابعد كفايةةةة
قومي معايا ع المستشفى انت دراعك بينزف 
قولتلك متقربش منيييي
شالها غصب عنها و طلع يجري بيها ع المستشفي
و قعدت تعيط بصوت عالي
على الصعيد الآخر 
كان خراب بيتخانق مع اللي كلفه بالمهمة دي 
يا غبي قولتلك يوسف مش تمارا
يا باشا هي طلعت فجأة قدام الرصاصة بس متقلقش هي ملحقتش يادوب الرصاصة لمستها
متخلف،اتاوي في أي داهية بقى لحد ما اطمن عليها مش كفاية مخلصتنيش منه لا كمان بتإذيها يا حيوان،دة انا اللي هتاوي جثتك هنا، ثم نظر إلى حراسه:خدوه
خراب لنفسه:لو حصلت اني اخطفك هعملها و مش هتردد يا تمارا
في المستشفي
الدكتور:متخافش يا باشا دة جرح سطحي انا بس اديتها مهدء لأن أعصابه تعبانة شوية
يوسف:اقدر أخذها يا دكتور
اه طبعا بس استنى تفوق
لا لازم تروح معايا و هي نايمة
زي ما تحب انا هكتبلها خروج عن اذنك
سامح خرج ليوسف و قال بخوف:تمارا جرالها ايه يا يوسف
كندة:مالها تمارا يا سامح 
يوسف:ملهاش 
سامح بغضب:يا بني رد عليا
اتنهد:الحمد لله هي كويسة، بس في مشكلة صغيرة اخلص في ايه،في جديد
الفرح لازم يكون بكرة
كندة بصدمة:نعمممم،فرح ايه اللي بكرة انت مش شايف احنا عاملين ازاي،دة انتو لو هتزفوا عروسة مولد مش هتمشوا بالسرعة دي
يوسف:لا بقولكوا ايه انا مش ناقص اللي اقولوا يتنفذ
سامح:ما تستنى يا يوسف انت واعي انت بتقول ايه،فرح ايه دة اللي يتجهز في٢٤ساعة
يوسف:ملكش دعوة كل حاجة جاهزة و مترتبة السرعة دي حماية لينا كلنا
سامح اخد يوسف بعيد عن كندة و قال:حماية ايه دة كل ما بنقرب ليوم الفرح بتحصل كوارث و انت لسة معرفتش مين خراب
يوسف:ما عشان كدة عايز نقرب الفرح عشان اخلي خراب يظهر نفسه،و اياد هيكون مجهز حراسة و ان شاء الله الفرح يعدي على خير و ننبسط كلنا
كندة:بتتوشوا في ايه
سامح:بنقول مبروك يا عروسة
ضربت ايدها على رأسها بخفة:الله يخربيت قرارتكم يا شيخ فكروني ابوظ علاقتكوا دي
سامح:متقدريش يا حبيبتي دي علاقة حديدية
يوسف ابتسم و قام عشان ياخد تمارا يروحها و كان معاه سامح و كندة
في البيت
يوسف طلعها و كندة طلعت معاهم و بعدها نزل هو سامح عشان يجهزوا للفرح فجأة تليفون يوسف رن باسم رامي،يوسف:ابن حلال كنت لسة هتصل عليك
رامي بعصبية:ممكن اعرف ايه اللي عامل في خد اختك كدة
يوسف:و انت بتعمل ايه عند اختي يا حيوان
رد على قد السؤال
ملكش دعوة،و بعدين انا مش قولت مفيش زفت بدل النهاردة و لا انا كلامي مبيتسمعش
طب مانا قولتلك هخطفها ايه كلامي مبيتسمعش
و ربنا يا رامي لو ما روحت لأنفخك و اخليها جوازة منيلة عليك
يا بني انا تحت الفيلا و فريدة طلعتلي من البلكونة و لا روحنا و لا جينا،الهانم بتسمع كلامك اوي قال ايه مقدرش ازعله
ابتسم بفخر:طبعا يابني تربيتي 
طيب يا سيدي ممكن افهم بقى ايه مورم خدها كدة عشان مرضيتش تقولي
بخبث:طب ايه رأيك اخليها هي تقولك بنفسها
يعني ايه
يعني للأسف الشديد مضطر اعمل فرحك مع كتب كتابك بكرة
بصدمة:قول و المصحف
بضحك:مينفعش تحلف بغير الله يا دكتور
بفرحة:اه صحيح استغفر الله العظيم،قول و النبي
ضحك يوسف:يابني اخلص بقولك الفرح بكرة
طب ياعم خليها تنزل عشان اجيب البدلة بقى و نجيبلها فستان و نفرح كلنا و نعمل قلبان
و الله مانا عارف دكتور دة و لا سواق توكتوك
لا سواق توكتوك متخرج من كلية الطب يا خفيف
اقفل يا رامي عشان ارن عليها جتك نيلة فيك و في هبلك
حبيبي يا جو
خلي بالك منها
بتوصي مين على مين 
ضحك يوسف و قفل معاها و رن على فريدة عشان يقولها تنزل مع رامي 
يوسف بص  لسامح و ابتسم بنصر:كدة الكل ان شاء الله هيكون جاهز
في بيت عزت عاشور
فاقت تمارا لقت نفسها على سريرها و جمبها كندة
قامت تمارا من ع السرير بفزع:يوسف فين
كندة:اهدي يا حبيبتي، يوسف مشي هو سامح عشان يجهزوا لفرحنا
بصدمة:فرحنا! لا انا مش هتجوز
كندة:هو ايه اللي مش هتجوز هو لعب عيال
دمعت:عشان خاطري مش عايزة اتجوز
كندة اخذتها في حضنها بعدم فهم:في ايه يا تمارا مالك هو ايه اللي حصل
تمارا عيطت اكتر و حكت ل كندة اللي حصل
تمارا:عشان كدة بقولك الفرح دة مينفعش يتم
كندة:بالعكس الفرح دة لازم يتم
بصتلها باستفهام فكندة كملت:كدة خراب هيظهر نفسه
تمارا:بس ممكن يؤذي حد فيكو
تليفون تمارا رن باسم يوسف
يوسف:عاملة ايه دلوقتي
تمارا:انت كويس؟روحت؟سامح فين؟
يوسف:يا بنتي اهدي كل دي اسئلة
صوتها اتحشرج من العياط و قالت:يعني انت بخير
يوسف بلين رفقا بحالها:و الله العظيم كويس،و بعدين انا مش عايزك تكوني خايفة كدة
انا قلبي مقبوض و الله
بهدوء:مش انت بتثقي فيا
و هي بتمسح دموعها:اممم
خلاص انا بقولك اهو اطمني و ان شاء الله خير،يلا بقى قومي اغسلي وشك كدة عشان ابعتلك صور لفساتين فرح متأكد انها هتاكل من حبيبتي حتة،وهتكون قمر اكتر ما هي قمر
ابتسمت:حاضر ربنا يستر
مش عايزك تعيطي تاني،مش عايز العيون اللي سحرتني تبات وارمة يا عروستي
ضحكت:حاضر يا روح عروستك
يا وعدي انا ع الضحكة اللي قلبت كياني دي،تصبحي على خير يا تيمو
وانت من اهله
كندة:و انا اللي بقول على سامح ممحون دة انتو عديتوا البراميل في المحن
ضحكت:خليكي في حالك يا آنسة
في المول
رامي و فريدة اشتروا بدلة و كانوا بيجيبوا فستان
رامي:مش هتدخلي تقيسي
فريدة:تؤتؤ هخليه مفاجأة
غمز:يا عيني عالمفاجآت 
ابتسمت بفخر:طبعا عشان اكون فريدة
ضحك:يا لهوي نفس غرور اخوها،و بعدين يا حبيبتي مانت فريدة فعلا الآنسة فريدة من نوعها
فريدة:يلا خلاص انا اختارت فستاني
… 
مالك ساكت ليه
اصلي كان نفسي اقولهالك اوي بس اخوكي رخم هيخلي كتب الكتاب و الفرح بكرة
ابتسمت:خلاص ابقى قولها بكرة 
مشيت من قدامه فهو قال بهمس:بحبك على فكرة
سمعتك يا محترم
انا خلاص مش عايز اتجوز،اقطع شراييني عليكوا و يكون ذنبي في رقبتك انت و اخوكي دلوقتي
ضحكت:روحني لأخويا و ابقى اتكلم انت و هو بقي
هي بقت كدة طب بح… 
لا استنى بعد كتب الكتاب بتبقى احلي
(✨????في الحلال أحلى????✨) 
**********”””***”************
عدي الليل على أبطالنا في سعادة و فرح و خوف و قلق من اللي جاي
في صباح اليوم المنتظر
كان كله بيجري،يوسف اتفق مع عزت على الفرح و سامح كلم عديل و الاتنين استغربوا من تسرعهم لكنهم اتحججوا بأنهم خلاص مش قادرين يستنوا و دة كان طبعا من ضمن الأسباب كل واحد نفسه البنت اللي قلبه اختارها تنور بيته و يبتدوا حياتهم سوا
كندة و فريدة و خديجة و تمارا و هدى و نسمة كلهم في اوضة واحدة بيجهزوا
و سامح و رامي و مصطفى ابوه و اياد و يوسف و عزت و عديل بيجهزوا القاعة و كان اياد مسؤول عن الحراسة تحسبا لأي غدر من خراب
في الأوضة عند تمارا
هدي:مش كنتو روحتو بيوتي سنتر
فريدة:كدة احلى اننا نجهز في البيت ليها طعم تاني كدة نحس اننا مبسوطين بلمتنا مع بعض يا طنط
كندة:فعلا يا خالتو و بعدين نسمة هانم مش اي حد دي احسن حد يعمل ميكب و شعر في الدنيا،كانت دايما تعملي شعري في حفلات المدرسة كنت ببقى احلى واحدة في صحابي
نسمة حضنتها:عشت و شوفتك عروسة يا بنت بطني
بادلتها الحضن،وفريدة دمعت و هدى خدت بالها فطبطبت عليها فريدة قالت:كان نفسي تبقى معايا اوي في يوم زي دة
هدى حضنتها و قالت:ربنا يرحمها يا بنتي اعتبريني مكانها مع اني عارفة ان محدش هياخد مكانها
ضحكت من بين دموعها:اللي المفروض يقول كدة حماتي،بس للأسف أم رامي متوفية هي كمان
هدى ابتسمت بحزن عليها و حضنتها و فريدة بادلتها الحضن لكنها اتفاجأت لما لقت كلهم بيحضونها ابتسمت و مسحت دموعها و قالت:انا ربنا رزقني بيكوا بعد ما كنت وحيدة 
تمارا:انت معنتيش وحيدة خلاص كلنا جمبك
هدى و نسمة:ربنا يهنيكوا يا حبايبي
في القاعة
رامي هايص و عمال رايح جاي بفرحة 
يوسف:يا بني اقعد بقى خيلتنا هو مفيش غيرك اللي هيتجوز
رامي بفرحة:هكتب كتابي و هعمل فرحي في يوم واحد
هعمل الاتنين????✌️
عزت و عديل:ربنا يفرحكوا يا ولاد
عديل:شوف ابنك يا عزت 
عزت بص لقى سامح متشعلق في السقف
عزت:انت بتعمل ايه عندك يا سامح
سامح:بعلق البلالين يا بابا عشان اول ما كندة تدخل تقع عليها الزينة بالبلالين
طب انزل يا آخرة صبري
ثواني هعلق آخر واحدة
البلونة فرقعت و سامح فقد توازنه و وقع على يوسف
يوسف بضيق:اااه الله يخربيتكوا يا جدعان عايز اقضي فرحي معاكوا مش في المستشفي
عديل:و الله يابني انت العاقل اللي فيهم
مصطفي:يلا يا ولاد عشان تجيبوا عرايسكم 
**************”””***”******
عند تمارا
كله خرج من الاوضة بعد ما خلصوا لبس و ميكب و هي كانت قاعدة في اوضتها مستنية بفستان الفرح يوسف و اللي معاه عشان ييجوا ياخدوهم للقاعة
و في هذه الأثناء سمعت صوت عند الشباك راحت عند الشباك و فتحته لكنها ملقتش مصدر الصوت بس بقت عربية يوسف تحت لفت عشان تنزل لكنها قابلت حائط بشرى في وشها
اتخضت و رجعت لورا و هي بتقول بصدمة و خوف:خراب
رش في وشها منوم و قال:لا عاصم،اللي المفروض يكون فستان الفرح دة ملبوسلي انا مش هو انا أحق بيكي من البيه اللي مشرف تحت دة انا أحق من اي حد
تمارا و هي بتغيب عن الوعي: يعني عاصم هو خراب و خراب هو عاصم،انت ازاي شيطان كدة
شوفتي الزمن
يوسف مش هيسكت
غابت تمارا عن الوعي
و هو قال:نامي يا حبيبتي لسة دورك مجاش لازم احرق قلبه الأول 
عاصم شال تمارا و هرب بيها زي ما دخل 
كندة دخلت لتمارا عشان تبلغها أن يوسف وصل انهم المفروض ينزلوا
لكنها ملقتش حد جوة
سامح و يوسف دخلوا الاوضة لما لقوا كندة طولت لكنها طلعت تصوت و هي ماسكة ورقة في ايديها:تمارا اتخطفتتت
يتبع….
لقراءة الفصل العاشر والأخير : اضغط هنا
لقراءة باقي فصول الاسكريبت : اضغط هنا
نرشح لك أيضاً رواية إشارة للكاتبة دعاء الأنصاري

‫4 تعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى