رواية الكابوس الفصل التاسع 9 بقلم إسراء القاضي

ادهم بغضب_مقدرش مقدرش ابدا اني اخدها هناك المكان هناك خطير اللي بيدخله ممكن ميرجعش الناس اللي جوا المختبر دي بقت عباره عن زومبي فعلاً مش حاسين بحاجه وحتي لو إسراء شافت اهلها ولقتهم هما مش هيفتكروها ولا هيتأثرو بيها دول هيبقي عايزين يقتلوها يارزان يقتلوووها.. 

مهند _خلاص يبقي لازم دلوقتي علي الاقل باقي الفريق يعرف انك خطيبها 

رزان _مهند معاه حق لو مش هتقولها علي المختبر اقل حاجه تقولها انك خطيبها علشان تطمن يا ادهم.. 

ادهم بإستفسار_تفتكري هتطمن ولا هتخاف اكتر؟ 

رزان_هتطمن اكيد انها لقيت حد تعرفه وهترتاح شويه عن الاول.. 

_تمام يلا بينا نرجع زمانهم قلقانين دلوقتي.. 

وفعلا رجع ادهم ومهند ورزان لمكانهم تاني وسط خوف وتفكير ادهم في ردة فعل إسراء لما تعرف الحقيقيه..!  و

_احنااااا جينااااا ياشباااااب 

قالتها رزان بحماس اول ما دخلت المكان بس الغريبه محدش رد عليها الكُل كان قاعد وملامح الحُزن والخوف والقلق ظاهره علي وشه. 

ادهم _مالكم في ايه؟؟ 

ليساء بخوف _إس إسرراء!؟ 

رزان_مالها اسراء حصل ايه؟؟؟؟ 

مهند_عرفت حاجه في ايه هيا لحقت عرفت ده احنا لسه جاايين؟؟ 

ادهم بصوت غااضب_في ايه ماتنطقووو مالها إسراء ولا هيا فييين مش معاكم ليييه؟؟؟ 

رهف _ادهم إسراء عرفت بالمرايه السحريه شافتها في اوضة اوليفيا وفضلت تسأل عنها كتيير بس احنا احناا.. 

ادهم بغضب _انتوو ايييه؟؟ 

اوليفيا=كدبناها قولنالها انها بتخرف.. 

ادهم_وانتي متخيله انها هتصدق كلامكم اسراء مش هتسكت هتفضل لحد ما تفهم كل حاجه.. 

اوليفيا بغضب_بس هيا م….. 

ادهم_مبسش اسكتي خاالص انتي السبب في اللي حصل ازاي تسيبي المرايه كده مفكرتيش في اللي ممكن يحصل لو وقعت في ايديها واهو ده اللي حصل فعلاً.. 

مهند_خلاص يا ادهم اهدي اللي حصل حصل بقي.. 

بص ليهم ادهم بغضب وبعدين اتكلم=المهم دلوقتي إسراء فيين؟؟ 

_انااا هنا 

ادهم بقلق واضح_إسراء انتِ كويسه؟ 

إسراء_انا بخير ي ادهم ينفع لو سمحت نتكلم لوحدينا خمس دقايق مش اكتر؟ 

ادهم بإستغراب_ااه اكيد طبعا تعالي معايا.. 

طِلعت إسراء هيا وادهم لِبره وسط عيون بتبصلهم بغضب وكُره وحقد.. 

اوليفيا بغضب_هو في ايه ادهم لسه داخل وهيا اول ماسمعت صوته طلعت تجري علي بره معاه؟؟ 

رهف بغضب واضح_ينفع تسكتي بقي شويه انتي السبب في اللي بيحصل ده كله 

بإستغراب_وانا مالي مكنتش متوقعه انها هتدخل اوضتي اعمل ايه يعني

رزان_بسسس اسكتي انتي وهيا في حاجه مُهمه لازم لازم تعرفوها.. 

مُهند_رزااان لاا ادهم هو اللي هيتكلم انتي مالكيش دعوه 

رزان_لا انا اللي هتكلم عادي يعني مش لازم هوو 

اوليفيا _ماتقولي بقي في  ايه؟؟ 

رزان بحماس_احم احم ادهم حبيبك يبقي ادهم ظابط المخابرات المصريه خطيب إسررراء…

=نعمممممممممم!!!!!!

________________________

(عند ادهم واسراء) 

_انتِ هتفضلي ساكته كده؟! 

إسراء _المفروض اعمل ايه 

ادهم_علفكره انتي الي كنتي عايزه تتكلمي وخلتينا نطلع في ايه بقي! 

ضحكت إسراء بصوتها كله_علي اساس انك مش عارف سؤالي هيكون ايه يعني؟ 

ادهم_اااه بالنسبه للمرايه انا….. 

إسراء بمقاطعه_بص يا ادهم انا مش محنونه ومكنتش بتخيل علشان لو هتقول نفس الكلام… انا شوفتها بعيني شوفت جواها شخصين بيتحركو انا مكنتش بتخيل المرايه دي فعلا سِحريه! 

ادهم _وانا مكنتش هقولك انك بتتخيلي بالعكس انتي كلامك صح المرايه دي فعلا سحريه تقدري تقولي كده بتظهر الحجات اللي حصلت في الماضي.. المرايه دي بتاعت اوليفيا هيا اللي تقدر تستخدمها بس 

إسراء بتساؤل=اشمعناا؟!! 

ادهم_طب ما تيجي نقعد في حته واحكيلك.. 

_عند مكان الخيل؟ 

_انتي كنتي بتخافي منو ليه عايزه تروحي هناك في اماكن كتير نروحها؟! 

_مش عارفه بس حبيت المكان هنا الخضرا والخيل والطبيعه هناك حلوه تقدر تقول ان مش خايفه دلوقتي.. 

_ماشي تعالي 

(بعد مُده قليله وصلو لمكان الخيل)) 

إسراء بحماس_يلا اتكلم 

_بسرعه كده احنا لسه جايين. 

_مفيش وقت انا عايزه اسمممع ايه حكاية المرايه السحريه دي؟؟ انت انت عارف انها شبه المرايه اللي كانت مع الوحش وعاطاها للجميله بيلا في الأخر علشان تقدر تطمن علي باباها.. 

ضحك ادهم_بس ده كرتون؟ 

اتكلمت إسراء بجدية_هو كرتون فعلا بس المرايه شب
ها اووي المرايه بتاعت الوحش كانت سحريه بردو وبتظهر اشخاص.. 

ادهم_طيب بصي وقت الحرب كانت اوليفيا كمان مشاركه فيها وهيا محاربة شاطره جدا بتعرف تدافع عن نفسها وذكائها عالي جدا يمكن ده السبب اللي بيخليها مميزه انها دايما بتعرف تحمي نفسها  المُهم في مره واحنا بنحارب هيا لقيت جُندي من الجنود الإسرائيليه ماسك المرايه دي وبيبص جواها علي افكار ومخططات الدول العربية ف اوليفيا استغربت جدا من المرايه وقبل ماتقتله خدتها منو وفضلت تسأله حجات كتيره عنها وعن استخدامها ومن اليوم ده والمرايه بقت بتاعت اوليفيا بس.. 

إسراء _ليه محدش كان عايزني اعرف بالمرايه ليه طلعتوني مجنونه؟؟ 

ادهم _مكنتش عايزك تخافي منا كنت عايز تفضلي مطمنه وانتي معانا! 

بصتله إسراء وبعدين رجعت بصت للسما وقالت =عارف يا ادهم من وانا صغيره كنت بفضل قاعده قصاد البحر وابص للسما وافضل اسأل نفسي كتيير ياتري العالم الكبير ده لو كان من غير ناس هيكون عامل ازاي هيكون حلو ولا وحش فكرة انك تكون عايش في عالم لوحدك من غير حد يفضل يعقدك في حياتك من غير حوارات المساواه بين الرجل والمرأه الي بتتعمل كل سنة.. فكرة انك تكون حُرر من غير ما حد يفضل يقولك اعمل ده ومتعملش ده.. بس الحقيقه ان تفكيري طلع غلط في غلط واكتشفت ان العالم من غير نااس دي أبشع حاجه حقيقي.. 

ادهم بهدوء_بس انتي بقيتي عايشه في العالم لوحدك وتقدري تعملي كل الي بتتمنيه دلوقتي زعلانه ليه بقي كده انتي كأنك بقيتي عايشه في الجنه تقدري تعملي كل حاجه هنا براحتك.. 

إسراء _ والجنة من غير ناس ماتنداس فاهم يعني ايه  انا دلوقتي بقيت موجوده في مكان مش مكاني لو حققت في اي انجاز او عملت حاجه مش هلاقي حد يقف يصقفلي او حد يحزن عليا ‏”يستحق الإنسان بأن يشعر ولو لمرّة واحدة عالأقل بأنهُ في المكان الصحيح الذي لا شك به ولا حيرة.” فهمتني !؟

ادهم_بس تقدري تتأقلمي علي الوضع الجديد مش كده! 

إسراء_تفتكر انا محاولتش بالعكس انا حاولت كتير اوي اعمل كده بس مكنتش بقدر كل مره كنت برجع ابدأ من الصفر تاني.. انا مش ضعيفه ولا كئيبه زي ما انتو فاهمين انا بس مش قادره افهم الوضع الجديد اللي بقيت في ده وكل يوم بصحي بلاقي حكايات جديده غريبه عليا! صعب علي عقلي انو يستوعب كل اللي بيحصل ده.. 

ادهم_طب علفكره بقي انتي كده كأنك اميره فعلا بتعيشي حكايات زي ما كنتي عايزه؟ 

إسراء بغضب وصوت عالي_وانا مش اميرة من اميرات ديزني في آخر الحكايه هتقابل الأمير وتكون معاه وتعيش سعيده واناا مش بطلة رواية ولا فيلم انااا انسانه فات من عمري سنين كتييره محستش بيهم مش لاقيه اهلي ولا اعرف حصلهم ايه!! خطيبي هو كمان معرفش طريقه فين! انا مش أميرة يا ادهم علي الأقل الأميرات بيبقو عارفين نهاية حكّايتهم كويس لكن انا ايه نظامي!!؟ 

خَلصت كلامها وخدت نفسها بعُمق ورجعت تبص للسما تاني ودموعها نازله علي خدها وكأن بتشتكي للسما من قساوة العالم عليها.. 

ادهم فِضل ساكت وباصص ليها بغموض خايف يتكلم يخسرها وعايز يقولها علشان ترتاح.. و

_اسندي عليا! 

إسراء بعدم فهم_قصدك ايه؟ 

ادهم_مَيلي رأسك علي كتفي وعيطي براحتك بدل ما انتي بتعيطي في صَمت كده 

إسراء_لا مينف…. 

قبل ما تكمل كلامها مِسك ادهم راسها ومَيلها علي كتفه وهيا فِضلت تعيط بصوتها كُله.. 

” نميل دائمًا للذين لا يبخلون بالمواساة و الودّ و الحبّ و لو بأبسط الكلمات، نميل دائمًا لمن يجيدون مواساتنا، أولئك الذين يمكنهم تحمل الضغوطات عنك دون أن يشعروك بأنّك عبءٌ و حمل عليهم، لمن يرفعون عنّا عناء التفكير في نظرتهم لنا، لأصحاب الظلّ الخفيف.”

________________________

_اوليفيا اوليفيا فوقي 

_انتي غبيه يارزان حد يقولها في وشها كده حبيبك يبقي خطيب واحده تانيه. 

_خلاص بقي اللي حصل المهم حد يفوقها بقي.. 

ليساء _هجيب مايه يمكن تفوق.. 

_تمام 

رهف _رزان الكلام اللي انتي قولتيه ده حقيقي ولا بتهزري

رزان _والله ادهم بتاعنا يبقي ادهم خطيب إسراء.. 

رهف _ازاااي بس اذا كانت هيا معانا ده كله ومتعرفش انو خطيبها هيا مفقدتش الذاكره اكيد؟ 

مُهند_بس ادهم كان فاقد الذاكرة ومكنش عارفها في الأول لكن دلوقتي عرفها ومتنسيش انو بعد الحرب كان مِغير شكله.. 

جاك_ااه صح بس انتو عرفتو ازاي وإسراء عرفت ولا لسه؟

ابتدت اوليفيا تفوق بالبطئ وهيا بتتكلم بصوت ضعيف.. 

_اددد ادهم اانت فييين

رزان بقلق_اوليفيا حبيبتي انتي كويسه؟ 

اوليفيا_ادهم فين يارزان هو مش خطيبها صح انتي انتي بتهزري؟ 

رزان_للأسف لااااا ادهم يبقي خطيبها فعلا

اوليفيا بغضب_لاااااا ادهم بتاعي اناا فاهمين ادهم بتااااعي مش هسمح ليها تدخل بيناا كده

ليساء _انتي اللي دَخيله بينهم إسراء خطيبة ادهم من وزماان. 

مُهند بتأييد_وبيحبها اوي كماان 

اوليفيا بغضب_بااااس بسسس اسكتو خااالص مش عايزه اسمع حاجه 

________________________

بِعدت إسراء عن كتف ادهم بهدوء_احم انا اسفه مكنش قصدي حقيقي.. 

ادهم _ولا يهمك المهم استريحتي دلوقتي؟ 

إسراء=اااه ااه شكرا 

_إسراء انتي واثقه فيا؟

_ايه السؤال الغريب ده  

بَصت لبعيد ف بصلها من فوق لتحت وضم حواجبه.. 

_عادي عايز اعرف بس 

_واثقه يا ادهم! في ايه بقي 

_يعني لو قولتلك إن اهلك ممكن يكونو عايشين هتصدقيني؟

قامت من مكانها ووقفت بسرعه وهيا بتبصله بإستغراب

_انت بتقول ايه!؟ 

_مصدقتنيش يبقي مش بتثقي فيا.. 

_ادهم مبهزرش اهلي عايشين فعلا!! طب هما فين مع مين! ليه مسألوش عليا اناا عايزه اشوفهم يلاا بسررعه.. 

قام ادهم ليها بسرعه ووقف قصادها.. 

ادهم_علشان كده مكنتش عايز اتكلم ينفع لو سمحتي تهدي وتسمعيني للأخر.. 

إسراء بدموع_ارجووك خدني عندهم الاول وبعدين هسمعك زي ما انت عايز بس دول اهلي يا ادهم قدر موقفي ارجوك.. 

ادهم بغضب_قولتلك متعيطيش تاني انتي ايه عيوطه علطول كده! 

مسحت إسراء دموعها بإيديها الأتنين سرعه وبَصت ليه بطفوله.. 

_قولي بقي هما فين؟ 

_هقولك بس تعالي نرجع الاول هناك زمانهم قلقانين دلوقتي و…. 

قبل ما ادهم يكمل كلامها كانت إسراء مسكت ايديه وطلعت تجري بيه علي المكان بتاعهم.. 

ادهم بضحك_مجنونة وربنا

_اناااا هشوووف حد اعرفه اخييراا مش عايزني اتجننن عاااااا الحمدلله ياااارب اخييييييرا.. 

_____________________

مُهند_وبس علي كده هو ده كل  اللي حصل 

جاك بعدم تصديق_دي حكايه وكأنها من الخيال

ليساء_فعلاً  ! حد كان يصدق ان ادهم بتاعنا يبقي الظابط ادهم خطيب إسراء.. 

رهف _اهم حاجه دلوقتي الموضوع ده يفضل بينا ودانيال ميعرفش عنوو حاجه دانيال لو عرف مش هيسكت.. 

اوليفيا بسخريه_هيعمل ايه يعني؟ 

رزان_يعمل كتيير اقل حاجه ممكن يعملها انو يفكر يأذي إسراء علشان يدايق ادهم.. 

اوليفيا بخبث_امممم ااه طبعا محدش هيقوله علي اي حاجه.. 

قاطعهم دخول إسراء وادهم المفأجي عليهم.. 

رهف _ادهم انت تبقي خ…. 

ادهم بمقاطعه وهو بيبص لرزان ومهند بغضب_انا هاخد إسراء المختبر 

_نعممممممم!! 

رهف _انت اتجننت مختبر ايه ده تموت هنااك

ادهم_انا هبقي معاها 

مهند_ده مختبر الموووت يا ادهم اللي بيروح هناك مبيرجعش! 

إسراء _بس انا عايزه اشوف اهلي! 

رزان_إسراء حبيبتي المختبر ده اللي بيدخل جواه مبيطلعش الناس اللي جوا المختبر دي عباره عن زومبي بيقتلو اي حد يشوفو انتي ممكن فعلا تلاقي اهلك بس هما مش هيعرفوكي هيبقو عايزين يقتلوكي.. 

ادهم بسخريه _انتي اللي بتقولي الكلام ده دلوقتي؟! 

رزان_مكنتش اعرف انك هتسمع الكلام كده علطول المهم مينفعش مينفعش خالص تروحو المختبر هناك.. 

اسراء _انا مش فاهمه حاجه  اهلي بقو زومبي انتي بتقولي ايه!!!؟ 

رهف_هتفهمي لما تروحي هناك بس ادهم رزان معاها حق مينفعش تروح دلوقتي. 

ادهم_لا انا  هاخدها خليها تتطمن وممكن متلاقيش اهلها محدش عارف.. 

ليساء_ع الاقل مش دلوقتي الدنيا ليل وعتمه 

اوليفيا بتأكيد _اه اها استنو للصبح ونروح سوا كلنا انما دلوقتي مش هنشوف حاجه.. 

إسراء بغضب_مش هقدر استني للصبح.. 

_انتي استنيتي كتييير مجتش علي الكام ساعه دول.. 

=ياااربي بقي خلاص مااشي براحتكم.. 

في مُنتصف الليل كانت تتحرك وَسط الأشجار بهدوء تام حتي وصَلت الي ذالك الجالس بإنتظارها.. 

_اوليفيا هانم خيير كنتي عايزاني في ايه ولا يكون ادهم اللي باعتك؟! 

اوليفيا بغضب وعيون شريره_انا عندي ليك خبر انما إيه حاجه كده ولا الخيال!! 

دانيال بإنتباه_في ايه قولي بسرعه!؟ 

اوليفيا_عارف مين الشخص اللي دخل المقر الأسرائيلي وحاول يبوظ ليكم التجربه ودخل إسرائيل في السر؟؟

_مييين انطقييي؟؟ 

اوليفيا بضحكه شريره_بس انا عندي شرط قبل ما اتكلم 

دانيال بغضب_قولي وانجزي

اوليفيا_تخلصلي علي إسررراء… و 

يتبع ……