رواية سحر العيون الفصل السادس 6 بقلم مروة حسن
رواية سحر العيون الجزء السادس
رواية سحر العيون البارت السادس
رواية سحر العيون الحلقة السادسة
عدى اسبوعين على الحادثه و روح ابتدت تتحسن حالتها عن الاول.. بس لسه جرح قلبها.. وبتحاول تبين انها قويه علشان اختها.. و آدم طول الاسبوعين مسابش نهى علطول بيروحلهم و بيطمن عليهم بقى شئ اساسي ان يشوفها ف يومه… اما سليم مرضاش يروح المستشفى تاني مكنش عايز اول مقابله بينهم تبقى كدا…..
*******
ف المستشفى
نهى: يلا ي قمري البسي الطرحه
روح: وحشني بيتنا اووي.. اتخنقت من جو المستشفى دي
نهى: خلاص ي روحي اهو رايحين بيتنا
الباب خبط و دخلت اسيل
اسيل: الجميل بتاعنا عامل اي.. اي يا خواتي القمر دا
روح بابتسامه: برضوا بكاشه
اسيل: ماشي ي ستي
اسيل: ااصحيح ي بت يا نهى فين القمر بتاعك مش موجود يعني
نهى: اتلمي ي أسيل احسن اقسم بالله هديكي بشبشب على دماغك… انا معنديش قمر ي حبيبتي
أسيل: لا والله امال كل يوم بيجي ل مين… دا بيجي يسلم علينا و يكمل القاعده تسبيل ف حضرتك.
نهى: و انا مالي روحي قوليلو انتي.. انا من ناحيتي مفيش حاجه
أسيل بهزار: بجد يعني احلق عليه انا؟
نهى: نااااااعم تحلقي على مين
اسيل: مش انتي بتقولي مفيش حاجه من ناحيتك.. و الواد حلو و شخصيه مش عايزينه يخرج من عندنا
نهى سحبت الشبشب من على الارض و راحت رمياه على اسيل جه ف دماغها.
أسيل: هو دا الرد اللي كنت عايزه اسمعه ههههه
و قعدوا يضحكوا على كلام اسيل
نهى: يلا علشان نمشي…. الباب خبط و دخل آدم
آدم بابتسامه: ازيكم… ردوا عليه: الحمدلله
نهى: انت كمان هتوصلنا
أسيل بصوت واطي: اختك دبش بسم لله ماشاء الله عليها هضيعه
روح: اسكتي هيسمعنا
آدم: عايزه تاخدي تاكسي وانا موجود عيب عليكي… يلا يا بناويت ورايا
اسيل: ف ديلك يا باشا اااقصدي وراك يعني هههه
روح: يخربيت هبلك ي أسيل
وخرجوا و ركبوا العربيه و آدم وصلهم و راح على الشركه
**************
ف الشركه
سليم كان نفسه يشوفها اووي بس مش عايز يحسسها انو عارف اللي حصلها… خرج من شروده لما دخل عليه آدم
سليم باهتمام: هاا وصلتهم؟
آدم: ايوا
سليم: و روح عامله اي دلوقتي؟
آدم بخبث: الله و من امتا سليم الشرقاوي بيسأل عن بنت
سليم بغرور: دي حاجه ودي حاجه.. هيه بس صعبانه عليا يعني عطف مش اكتر
آدم: امممم ماشي ع العموم هيه كويسه.. و عرفت من اختها انها هتروح الكليه من بكره
سليم بفرحه: بجد…
آدم وهو خارج: لا واضح انك بتعطف عليها ههههه
سليم بشرود: اخيرا هشوفك بكره يا اجمل روح… فوق يا سليم انت بتعطف عليها فاهم ولا لا….
****************
في الصباح في فيلا الشرقاوي
سليم صحي بدري و جهز نفسه و نزل سلم على اهله و خرج ركب عربيته و اتجه الي الكليه….
*****************
روح صحيت و جهزت و اخدت عهد على نفسها انها هتبدأ حياه جديده… مش هتفكر ف اللي حصلها و اكيد ربنا له حكمه ف كدا و مش هتفكر غير ف مذاكرتها بس…
و زي العاده خرجت روح و اسيل للكليه و نهى راحت شغلها…
********************
في الكليه
سليم مشلش عينه من على باب الكليه علشان يشوفها…
هشام: اي يا بني انت مستني حد ولا اي..
سليم: سيبني ف حالي يا هشام بقى الله يخليك..
ابتسم سليم لما شافها هيه و صحبتها جم.. بس سليم مشفهاش هو بس و هشام كمان…
هشام: القمر اللي كان غايب وصل و نور الدنيا..
سليم بص على هشام لقاه بيبص على روح..
سليم بغضب مكتوم: اتلم يا هشام بدل ما اعرف شغلي معاك
هشام باندهاش: الله و انت مالك بيها… و بعدين استنى انت مش زعقت فيها المره اللي فاتت
سليم: بقولك ملكش دعوه و ابعد عنها..
هشام: هيه صعبانه عليك ولا اي..
سليم قام و سابهم.. و راح عشان يشوف روح لقاهم دخلو المحاضره… بعد ساعتين خرجوا من المحاضره..
اسيل: بقولك اي تعالي نقعد ف الكافيتريا لحد المحاضره التانيه
روح: تمام يلا..
روح لما دخلت لفتت نظر اللي موجدين كلهم منها نظرات عطف ومنها اعجاب و منها غيره…
سليم كان قاعد ف الكافيتريا هيطق من نظرات الشباب ليها ومش عارف اي السبب… اخرتها اي معاكي ي روح
اسيل: محدش شال عينه من عليكي يا قمر
روح: اتنيلي شكلهم بيبصوا عليكي و عايزه تلزقيها فيا
اسيل: وانا جمبك حاجه برضوا…… اي دا؟
روح: اي؟
اسيل: في واحد مركز معانا اوووي.. الحقي دا جاي علينا..
روح: طب يلا نقوم..
اسيل: ليه احنا بنخاف اقعدي يا بت هنا..
سليم: صباح الخير
اسيل: صباح النور.. افندم.
سليم موجهه كلامه ل روح: و الآنسه مش هترد الصباح دا حتى الصباح لله..
اسيل: لا مش هترد انا هنا المتحدث الرسمي باسمها..
روح ابتسمت على كلام اسيل.. وهو سرح ف جمالها..
اسيل: انت يا استاذ باصص فين.. اتكلم معايا انا..
سليم: ما تتكلمي كويس.. و بعدين بصراحه انا كنت عايز اتكلم معاها..
اسيل: و تتكلم معاها ليه اصلا..
سليم متجاهل اسيل: لو سمحتي عايز اتكلم معاكي ممكن؟
روح حست انو محترم: اتفضل..
اسيل: يتفضل فين؟
سليم متجاهل اسيل للمره التانيه و قعد على الكرسي..
سليم: انا عايز اعتذر من حضرتك
روح: انا؟!.. ليه
سليم: انا اللي خبطتي فيا…. و كلمتك بطريقة وحشه اتمنى تقبلي اعتذاري…
روح بابتسامه تسحر: خلاص محصلش حاجه انا مش زعلانه منك
سليم: قد اي انتي مسالمه يا أنسه….. هو انتي اسمك اي؟
روح: اسمي روح… و صحبتي اسم…. قاطها سليم
سليم: طنشي اسم صحبتك هيه اصلا مش طيقاني
روح ضحكت على كلامه و اسيل كانت متغاظه منه..
سليم بحنان: يارب دايما تكوني بتضحكي..
روح بكسوف: شكراً و انت كمان..
سليم: استأذن انا..
اسيل: ليه بس دا واجب عليا انا…
سليم بضحك على شكلها: كان نفسي والله تقومي و تسبيني معاها….. بس للاسف عندي محاضره و سابهم و مشي و هو بيضحك
اسيل بتمثيل: سيبوني عليه..
روح كانت هتموت من الضحك عليهم….
اسيل: بتضحكي… ماهو سبتك
روح: حسيته محترم و كان بيتكلم بزوق و بعدين كان جاي يعتذر…. اسيل اوصفيلي شكله..
اسيل: حاضر مع انه عادي على فكره..
روح: بجد؟
اسيل: الصراحه الواد زي القمر.. عيونه عسلي و بشرته مش بيضه قمحيه و شعره اسود و جسمه رياضي ولا بتوع السيما…
يا بختك الواد مشلش عينه من عليكي كان سرحان ف عيونك..
روح: بطلي هبل دا عطف منه مش اكتر… يا بنتي انا مش متاحه غير للعطف و بس…
اسيل: طب يلا علشان المحاضره…
*******************
ف الصعيد بالتحديد ف سوهاج
الشخص١: لجيت بيت زهره يا ولد؟
الشخص ٢:ايوا يا بوي بس….
الشخص١:لقيتها ماتت هيه و جوزها..
الشخص٢ بحزن: ماتت… يعني بعد كل السنين دي و الجيها ماتت….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية سحر العيون)
