Uncategorized

رواية اتجار بالبشر الحلقة التاسعة 9 بقلم آية عامر

 رواية اتجار بالبشر الحلقة التاسعة 9 بقلم آية عامر

رواية اتجار بالبشر الحلقة التاسعة 9 بقلم آية عامر

رواية اتجار بالبشر الحلقة التاسعة 9 بقلم آية عامر

خلود بقوه: لا.. مش عايزاكم تعيطوا.. احنا كتير وأكيد هنعرف نخرج من هنااا.. وخليكم فاكرين ان الموت أهون ان حد يلمسناا في الحراام…

سامح: مين جااب بس سيره الحراام م انا قولتلك كله بالحلال..

نظرت خلود خلفها لتجد سامح يدلف الي تلك الغرفه..

خلود: انت بني ادم حقير..مصعبش عليك البنات الصغيره دي انت اي ي اخي..

سامح: شششششش..متوجعيش دمااغي ي بت انتي..اللي انا عايزه هو بس اللي هيتنفذ..

خلود: علي جثتي ي سامح…فاهم..علي جثتي..

سامح: يبقي تقري الفااتحه علي روحك من دلوقتي..وانتي ي بت انتي وهي اللبس اللي بعته يتلبس يلا..قدامكم ربع سااعه..وانتي ي خلود والله لو مسمعتيش كلامي لتكوني رايحه معااهم..

خلود بصدمه وتفكير: اي..طب بس اهدي متقولش كده..

سامح: اسمعي كلامي احسن ي خلود..خليكي معايا وهتكوني ملكه…

خلود بدلع: مهو انت بتزعقلي كتير وانا مبحبش كده..

سامح: انتي اللي بتعصبيني..

خلود: لا خلاص مش هعصبك تااني..

سامح بغمزه: طب هروح اشوف شغلي وأرجعلك ي جميل ي قمر…

احدي الفتيات: كلكو عينه وااحده..حسبي الله ونعم الوكيل..

خلود بغضب: بس ي بت انتي مش نقصااكي انتي كمااان..

ـــــــــــــــــــــــــــــــــــــــــ

بارك الله لكما وبارك عليكما وجمع بينكمااا في خير.. 

صفاا: اهو كده بقي تبقوا عرسان بجد.. مبروك ي حبايبي.. 

مريم:  الله يبارك فيكي.. 

بعد فتره ابتعدت عنهم مريم لتقف في التراااث… 

خالد:  متقلقيش ي مريم.. زي م وعدتك هطلقك.. متخافيش مش هسيبك تتدبسي معايا.. 

مريم:  اتدبس..انت مش فاهمني ي خالد.. ولا فاهم سبب زعلي ده..

خالد: لا فاهم.. انتي اكيد زي باقي البنات عاوزه البطل اللي هيجي ياخدك لحياته اللي مليانه بالحب.. البطل اللي مفيهوش غلطه.. وانا طبعا بعيد كل البعد عن الشخص ده.. 

مريم:  لا مش كده.. انا كنت عايزه اللي هياخد ب ايدي للجنه.. واللي يحبني لما نتخطب بس ميرداش يقولي علشان يبقي بيحافظ عليااا.. اللي اكون انا اعظم انتصاراته.. واللي ابني معاه عيله بسيطه.. ويكون حنين علياا.. انا كان نفسي اعيش قصه حب.. زي الرواياات كده.. 

خالد:  الروايات فيها مثاليه مزيفه ي مريم.. كل شخص بيبقي فيه غلطه.. بيكون فيه عيب.. أو ناقصه حاجه.. لازم.. والا ليه هيحتاج شريك لحيااته.. لازم يجي الشخص اللي هيخفي العيوب دي.. الشخص اللي هيكمل الحاجه اللي ناقصه فيك.. 

مريم: مش عارفه.. بس دي كانت أحلامي.. زي اي بنت.. 

خالد:  قوليلي ي مريم لو انا كنت جيت اتقدمتلك عادي من غير كل اللي بيحصل ده كنتي هتعملي اي.. 

مريم:  بس انت مكنتش هتيجي.. علشان انت بتحب خلود.. 

خالد:  ايوه معاكي حق.. انا فعلا بحبها.. وكمان انا أكبر منك بعشر سنين ودي مش كويسه في اي علاقه… 

مريم:  معااك حق.. بعد اذنك هخرجلهم.. 

خالد:  اتفضلي.. 

مريم:  بقولك اي ي خالد

خالد: نعم.. 

مريم بحزن: انت شخص كويس جداا والله.. وده مش مجامله دي الحقيقه.. انا مبعرفش اكدب.. 

خالد:  شكراا ي مريم.. وعلفكره شكلك حلو في الفستاان ده.. وحجابك هو احلي حاجه فيكي.. 

مريم بإبتسامه:  شكراا…

صعدت مريم لغرفتهاا بالأعلي ولم تخرج للضيوف…

ماجده: ادخل

مريم: اتفضلي ي ماما..

ماجده: حبتيه!!

مريم: اي ي ماما الكلام ده..

ماجده: اومال اي الدموع دي..انا أمك ي مريم..مش هتعرفي تكدبي علياا..

مريم: مش عارفه ي ماما..حاسه بإحساس غريب ناحيته..عمري م كنت كده مع حد..من اول م شوفته لما كان جااي البيت وانا حاسه بإحساس غريب بالأماان..محسيتهوش من ايام بابا الله يرحمه..

ماجده: م هو ده الحب ي مريم..

مريم: بس هو مبيحبنيش ي ماما..بيحب خلود مش انا..

ماجده: بس انتي اللي معاه..خلاص ي مريم انتي بقيتي مراته…وانتي دلوقتي من حقك تحبيه من غير م تحسي بالذنب او بالزعل..حاولي علشان خاطر حبك..علشان هو دلوقتي بقي ليكي انتي..

مريم: تفتكري ي ماما..بس يعني اعمل اي!

ماجده: انا هقولك..

ـــــــــــــــــــــــــــــــــــــــــ

داليدا بخوف: احمد!!!!

كان يونس قد رفع يد حسن لتنطلق الطلقه في السقف..لكمه يونس بقوه واسقطه..اخذ مسدسه وصوبه تجاااه حسن..

داليدا: انت اللي قتلت اختي ي حسن!!!

يونس: كويس اني سبت المكالمه شغاله بينا وإلا مكانش هيحصل كويس..

احمد بغضب: بتلبسني جريمه قتل ي زباله

حسن: والله م هسامحك ي داليدا..مش هساامحك ابدااا..

داليدا: مين اللي مش هيسااامح مين..ده انت قتلت اختي..وخليتني خربت بيتي واتطلقت..وبكل بجااحه جيت اتقدمتلي وفضلت تزن علي ماما لحد م وافقت وخلتني اواافق..

اقترب منه يونس ووضع في يده كلبشاات…

يونس بغضب: البناات فين!!

حسن: مش هقول..مش هتكلم..

يونس: اقسم بالله لو م قولت البنات فين م هيكفيني موتك..

اشار يونس للعسااكر..

يونس: خدوه يلا وارموه في التخشيبه..هنخليه ينطق بطريقتنا..

احمد: استنواا..

يونس: في اي مشكله..

احمد: طلقهاااا..

حسن بقرف: انا فعلا مبقيتش طايقهاا..انتي طالق بالتلاته…

احمد: يونس باشا..انا عايزه يتعاقب علي جريمه القتل..

يونس: اكيد..كل حاجه اتسجلت..وهيتقدم للنياابه..

داليدا بدموع: اخيراا حق اختي جه..

يونس: انا هستأذن اروح اكمل شغلي..

خرج يونس ووقف احمد بجمود..

احمد: لمي حاجتك انتي ولياان..علشان هنروح بيتي..بسرعه علشان لياان هناك مع الخدامه..

داليدا: احمد..انا…انا اسفه..انا ظلمتك والله بس كل الأدله كانت بتشير ليك انت..

احمد: حبك وثقتك كانوا ضعااف ي داليداا..يلا جهزي حاجتك..

داليدا: انا هروح بيت ماما..

احمد: وانا مش هبعد عن بنتي تاني ي داليداا..عايزه بقي تيجي معانا اهلا وسهلااا..مش عايزه تيجي تمام هوصلك بنفسي..

داليدا بحزن: حاضر ي أحمد..هجهز حاجاتنا وااجي..مش هتأخر..

ـــــــــــــــــــــــــــــــــــــــ

خلود:  سامح هو احنا فين! 

سامح بغضب:  وانتي عايزه تعرفي لي.. 

خلود بدلع:  اهوه شوفت اهي طريقتك دي هي اللي بتخليني اتضايق منك ي سامح.. 

سامح:  مهو انتي بتعصبيني بردو ي خلود.. عايزه تعرفي لي.. 

خلود:  عادي ي سامح عايزه اعرف عااادي

سامح:  لا بلاش تعرفي ي حبيبتي.. ركزي معايا انا وبس… 

اقترب منهاا ليضمهاا.. 

خلود:  اي ي ساامح.. انت مش قولت في الحلال ولا اي.. 

سامح:  معاكي حق.. عمتا هانت المأذون جااي بليل.. خير البر عاجله بردوا ولا اي.. 

خلود: هو انت هنا لوحدك ولا في رجاله شغاله معااك.. 

سامح:  مهو علشان انتي متعرفيش المكاان ده.. ف بتسألي السؤال ده.. عمتا هو في رجاله شغاله تحت أمري.. 

خلود: اي ده انت اللي بتدير الشغل ده كله مش معقول ي سامح.. ده انا قولت انت واحد من رجالتهم.. 

سامح: مين ده اللي واحد من رجالتهم.. انا ي بنتي بعد الريس علطول.. 

خلود:  اوعاا الجمداان بقي.. والريس ده بيجي هناا.. 

سامح بغيره:  وانتي عايزه تعرفي لي.. 

خلود بضحك:  انت بتغير عليااا.. لا ده انت تاخد قلبي بقي.. 

سامح: هاخده ي اختي زي م انتي واخده قلبي من يوم شوفتك… 

خلود:  اي ده.. سامح انا حاسه ان في حركه غريبه.. 

يونس:  معااكي حق.. 

خلود بصدمه:  يونس.. انت جيت هنا ازاااي.. 

سامح رفع مسدسه في وجه يونس.. 

سامح:  جااي علشااان يمووت… ي مجدي.. ي سيد.. 

يونس: تؤتؤتؤ… خلاص بقي ي سحس.. الفاتحه علي روحهم… 

سامح:  هه.. وانا هحتااجهم في اي يعني.. اتشااهد ي حضره الظابط.. 

خلود:  اهدي بس كده ي روحي.. هو كمان معااه مسدس.. 

يونس بقرف:  انتي حقيره بجد.. 

فجاءه جه حد من خلف يونس وضربه علي رأسه..واخذ مسدسه….يونس مسك رأسه ب ألم..

يونس: والله م هسيبكم ي ولاد الكلب..

اقتربت منه خلود..

خلود: هه..جااي هنا وهتحرر البنات لوحدك..

يونس: مكنتش ابدااا انك كده…ابعدي عني..

خلود قربت اكتر..

خلود: اوبس..معلشي بقي ي يونس..هي الدنيا كده..انت واقف لي انت كمااان..روح يلا مكان م كنت..هات المسدس ده..

سامح: اسمع كلامهااا..

بعد خروجه…اقتربت من يونس..وكأنها تضمه

سامح بضيق: انت بتعملي اي..

خلود: بفتشه ي روحي..متبقاش غيور كده..

يونس: ابعدي ايدك الوسخه دي عني..

خلود: لحظه واحده ي روحي..

فجاءه..سحبت خلود مسدس اخر من يونس كان قد اخفاه في ملابسه..

ساامح: ايوه كده تعجبيني..

خلود: اممم كده معايا مسدسين تحب تموت ب اني وااحد فيهم…

يونس بصدمه: مش قاادر اصدق مش قااادر..

خلود: معااك حق..

رمت مسدس من يدهااا في اتجااه يونس والذي التقطه بحذر..واستوعب خطه خلود..وقفت هي الاخري..وصوب الاثناان مسدسهما بإتجاااه ساامح..

يونس بغمزه: كده احبك..

خلود بضيق: اسكت خالص…بقي انا وسخه ي يونس..

يونس: اي واحد في موقفي هيقول كده..

ساامح: والله لأقتلكم..

يونس:الدعم هيوصل ي حبيبي وهنبقي نتكلم في الموضوع ده بعدين اطلق يونس طلقه في يد سامح الحامله للمسدس..ليسقط المسدس من يده..ف التقتطته خلود..

خلود: يونس انت عرفت ان انا هنا ازاااي..

يونس: هحكيلك…

فلااااااش باااك..

داليدا: انطق ي حسن وكفايه كده

حسن: مش هتكلم..

رن تليفوون يونس في ذلك الوقت..

………  : يونس بااشا..انا شوفت واحد كان شايل الانسه خلود وخارج من بيتهاا..وهي تقريبا فاقده الوعي..انا مشيت وراهم ي باااشا..وهما دخلو بيت مهجور بس كبير وفي حركه جوااه..

يونس بغضب: وانت مقولتليش لي من ساعه م شوفته..

….  : والله حاولت اتصل بيك بس تليفونك كان مشغول..

يونس: طب ابعتلي اللوكيشن بسرعه..

اغلق هاتفه بغضب…واتصل بالخادمه..

يونس: انا مش قولتلك تخلي بالك منهااا..مكلمتنيش لي اول م اتخطفت..

الشغاله: ي باشا والله حاولت اكلمك بس انت خطك كان مشغول..وكنت نازله وجيالك ع القسم بس خوفت لسامح ده يرجع..

يونس: اي ساامح..متأكده ان هو..

الشغاله: ايوه هي كانت بتندهله كده…

يونس:  طب اقفلي.. اكيد ده نفسه ساامح.. 

بااااااك.. 

خلود بغضب:  بتراقبني ي يونس… 

يونس:  احمدي ربنا كان زمانك دلوقتي بتتجوزيه.. المهم.. يلا ننقذ البناات..

خلود بثقه:  تعال. وراايا.. 

دلفت خلود الي غرفه البناات.. 

احدي الفتيات:  ومين ده كماان.. اي انتي مبترحميش.. 

خلود: احم… ده يونس بااشا.. ظابط شرطه وهو المسئول عن قضيتكم..وانا المساعده بتاعته.. 

احدي الفتيات بإحراج: احم يعني انتي تبع الشرطه.. احنا اسفين علشان اسلوبنا معااكي.. 

خلود بضيق:  ده القريب مفهمش اني بمثل.. انتو هتفهمواا!! 

يونس: احم.. كانت بتدلع عليه.. 

احدي البناات:  ااه اووي يعني.. كانت علاقه قذره.. 

يونس بغضب:  انتي طالق.. 

خلود:  وانت كنت اتجوزتني اصلا ي عبيط.. ي اهبل

يونس بخبث: يعني موافقه.. 

خلود:  احم.. خلينا نركز في شغلنا احسن.. 

يونس بضيق:  طيب.. يلا ي بناات.. اخرجواا وراايا.. 

خلود:  يونس ده صوت عربيات البوليس.. الدعم وصل.. 

يونس:  ايوه.. خلاص كده بقيناا في أماان.. 

ــــــــــــــــــــــــــــــــــــــــ

خالد:  لي ي مريم منزلتيش تحت دد.. ده… احم.. مريم.. انتي.. حجاابك.. 

مريم:  ااه.. ده انا فكرت مع نفسي.. ف قولت يعني اي المشكله لو قعدت في بيتي براحتي يعني.. انت زي جوزي بردو.. 

خالد: ااه.. طيب.. 

مريم بخبث: كنت بفكر اقص شعري ي خالد.. اي رأيك.. 

خالد بتلقائيه:  اي لا طبعااا.. شعرك حلو ومخليكي زي القمر.. 

مريم بإبتسامه:  تسلملي ي حبيبي.. 

خالد بإحراج: احم… مريم انتي مالك كده.. 

مريم:  ماالي كده!!! 

خالد:  يعني اصلك.. 

مريم:  اصلي اي.. 

خالد:  خلاص مفيش.. 

مريم:  طيب.. بقولك اي.. احنا لسه العصر.. متيجي نخرج شويه.. 

خالد:  اممم.. وانا هفضل سايب شغلي كده كتير.. 

مريم:  وفيها اي يعني.. م طول عمرها الست بتستني علشاان شغل جوزهاا.. ااي الشغل ميستناااش علشااان الست يعني.

خالد:  مريم انا مبحبش الست النكديه.. وبعدين احنا بنتكلم في ايه ده انتي من شويه مكنتيش طايقاااني… 

مريم:  اممم.. يعني هتخرجني فين.. 

خالد:  تعالي نروح سينمااا.. 

مريم:  ي اخي.. ي اخي ده انت قديم اوووي.. م انا ممكن دلوقتي انت تخرج تجيبلنا شويه شيبسي وشويبس وبيبسي والذي منه وانا اقوم اجهزلنا شويه فشاار ونقعد  بقي علي فيلم حلو.. 

خالد:  اااه وانتي ثانويه عامه.. وتقومي تشيلي ملاحق.. 

مريم:  لي بس السيره اللي تسد النفس دي..اخلص ي ابني روح هات الحاجه.. 

خالد:  بس بشرط.. من بكره هتذاكري جاامد اوووي.. 

مريم: اومااااال.. 

خالد:  طيب.. هو مريم انتي متأكده ان انتي كويسه.. 

مريم:  انت ي ابني مش لسه قايل انك مبتحبش الست النكديه.. عايزنا بقي نفضل قاعدين في وش بعض ساكتين كده.. 

خالد:  لا خلاص… هنزل.. بس هرد علي تليفوني الأول.. 

يونس:  خلاص ي خالد مسكنااا المجرم.. وخلاص بنقفل المحضر والبنات هترجع بيتهم.. متشكر ليك ي صاحبي.. 

خالد:  بجد.. طب الحمد لله.. انا ي ابني معملتش حاجه… 

يونس:  قولي بقاا هترجع مريم امتي.. 

خالد بغيره:  بتسأل لي.. 

يونس:  عادي ي خالد بسأل.. م انت مش هتقعدها جنبك يعني.. 

خالد:  احنا اتجوزنا ي يونس.. اتجوزنا بجد.. 

يونس: لي..انا مش فاهم حاجه مش دي كانت تمثيليه..متقوليش بتحبهاا..

خالد: هكدب لو قولتلك اني عارف احدد مشاعري ناحيتهاا..منجذب ليها بشكل غريب..

يونس: ادي لعلاقتكم فرصه..هو تقريبا انت خلاص خدت الفرصه..يعني اتجوزتوا..

خالد: هحاول ي يونس هحااول..

يونس: ماشي سلام..

خالد: يونس!!!

يونس: نعم..

خالد: خلود بتحبك..

يونس بتوتر: انا..انا..بص ي خالد..

خالد: بدال اتوترت كده يبقي انت عرفت..

يونس: ايوه عرفت..انت..انت لسه بتحبها؟

خالد: مبقيتش افكر فيهااا..يمكن لسه بحبهاا..بس صدقني خلاص مبقتش تهمني وقريب هخلص من الحب ده..او ربنا هيعوضني..حااسس كده..

يونس: قصدك مريم صح؟؟

خالد بغيره: ي ابني بطل تقول اسمهاا؟؟

يونس بضحك: وتقولي مش عااارف ي اخي حسبي الله..

خالد: لا بجد ي يونس..خلود بتحبك اوعي تسيبهااا..

يونس: هي محتاجه مني حاجه واحده واخر حاجه هعملها ليهاا ولو موافقتش بعد كده..انا هستسلم..يلا سلام..

خالد: سلام..

ـــــــــــــــــــــــــــــــــــــــــ

خلود كانت قاعده في مكتب يونس وعنيها بتبكي علي الأمهات والأباء اللي بتحضن بناتهااا..

يونس: فين خلود القويه..

خلود: مبسوطه انك قدرت تنقذهم..شكرا ليك ي يونس..

يونس: انقذناهم سواا..

خلود: هو انت مكرهتنيش لي بعد كل ده..

يونس: اللي بيحب مبيعرفش يكره..انا واثق انك اتغيرتي ي خلود..هو انا صعب اني اتقبل كل ده بس مش مستحيل وانا حبيتك من سنتين..من وقت م جيتي هنااا وعمري م شوفت الجانب ده من شخصيتك..ده معنااه انه انتهي..النهارده كان ليكي الاختيااار انك تكوني معايا او معااه..اصلا لولا انك خدعتيهم مكنتش خرجت من هناااك..اختيارك ده دليل علي انك اتغيرتي..انا ااه محبتش خلود بتاعت زماان..بس انا بحبك دلوقتي..

خلود بدموع: يونس انت مش متخيل الكلام ده معناه اي عندي..بس انا مش هقدر اني اتعايش مع فكره ان ابويا غضبان عليا دي حاجه كبيره اوي عندي مش هقدر اني تااني اتغاضي عنهاا واأكمل..

وكمان موضوع خالد انت عارفه..

يونس: طيب تعالي معااياا..بس خلود دي اخر محاوله..ف خليكي متعاونه معايا..

ــــــــــــــــــــــــــــــــــ

خالد بخبث: بقولك اي ي مريم..تحبي اجيبلك حاجه تانيه وانا جااي..

مريم: لا ي حبيبي روح بس متتأخرش..

خالد وهو يقترب: طب بقولك اي..م تيجي نلغي الفيلم علشان مخرجش وابقي اتأخرت.

مريم بتوتر: لا ي خالد روح واتأخر عادي مفيش مشكله..

خالد وهو يقترب: تؤتؤ..خالد اي بس..قوليلي ي حبيبي..

مريم بكسوف: هو في اي..انت كويس طيب..

خالد: الاه..واحد وعايز مراته تدلعه..فيهاا مشكله دي..

مريم وقد احمرت بشده: لا مفيهااش..بس ابعد شويه..

خالد: م كنتي عامله فيها شبح من شويه..

وووو

يتبع..
لقراءة الحلقة العاشرة : اضغط هنا

لقراءة باقي حلقات الرواية : اضغط هنا

نرشح لك أيضاً رواية ابن عمي للكاتبة نور عصام.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى