رواية ظلم مراهقة الفصل التاسع 9 بقلم همسة محمد

فى المدرسه 

_ مستر فى حد باعت لى جواب. 

_ جواب!!  …….  جواب اى يا احمد؟  

_ معرفش والله يا مستر بس فى واحده من البنات بعتاه  ……….  و فى كلام عيب و مش لسننا اصلا و مينفعش اتكلم فى اساس قدام الفصل كده. 

_ طيب هات الجواب ده كده يا احمد. 

و بدأ المستر يقرأ الجواب. 

مضمون الجواب بإختصار 

( بص يا احمد انا بحبك اوى اوى كمان بحبك من و احنا فى سنه اولى اعدادي  ……….  متخيل يا احمد بحبك من امتى بقالى تلت سنين …… تلت سنين بحبك و محدش يعرف حاجه و كل يوم كنت براقبك و انت فى المدرسه و بشوفك قد اى انت شاب متميز و محترم و طموح و شكلك حلو يعني من الاخر انت ولد جامد + ممكن متقولش لحد اني بعتلك الجواب ده  + بحبك ❤

                            المرسل: 

                            ندي ♥️)  

بس هو ده مضمون الجواب. 

_ اى ده يا ندى. 

_ نعم يا مستر. 

_ بقولك ايه ده. 

_ ده حضرتك تقريبا الجواب اللي مبعوت ل أحمد. 

_ والله مكنتش اعرف  ……..  انا قصدي ايه اللي مكتوب ده. 

_ و انا مالى حضرتك هو انا الى اتبعتلى الجواب و لا انا اللي قرأته. 

_ لا يا حلوه انتي اللي كتبتى. 

_ نعم ????. 

_ اى مش عارفه انك انتى اللى كتباها ولا اى. 

_ و الله يا مستر معرفش حاجه عن اللي حضرتك بتقوله ده. 

_ جرا ايه يا بت هو انتي كل شويه تعملي لينا مشكله و تقولي معرفش عنها حاجه يا بنتى ده انتي كاتبة المرسل ندى انتى هبله ولا بتشتغلينا. 

_ طيب اقرأ الجواب كده يا مستر بصوت عالي عشان اسمع. 

_ ماشي يا ست ندى اما اشوف كده اخرتها معاكي. 

بدأ المستر يقرأ بصوت عالي  ………  و كل الطلاب استغربوا مش معقول ندى تقول كده  ( لو سمحتوا يا جماعه فى نصيحه مهمه للكل تحت فى الاخر اتمنى تقرأوها كويس لأنها مهمه جدا و خصوصا للى فى السن ده  ). 

_ ها يا ست ندى انتى اللى كاتبة الجواب ده ولا لا. 

_ لا. 

_ نعم يا ختى. 

_ قولت لحضرتك لا انا مكتبتوش . 

_ لا ده انتي عيله مهزأه و بجحه كمان  ………..  روح يلا  نادى على مس هدى اما اشوف اخرتها معاكى يا اخت ندى. 

بعد ما جت مس هدى  . 

_ فى اى يا مستر حضرتك عايزني في حاجه. 

_ اتفضلى شويه الهانم اللى مش عارفين نقولها انهى لقب من وساختها. 

_ لو سمحت يا مستر احترم الفاظك. 

_ تمام. 

_ اتفضل حضرتك احكيلي اى اللى حصل. 

_ اتفضلى حضرتك الجواب ده احمد لقاه في الشنطة بتاعته و لما سألتها انتى اللى كاتبة الجواب ده نكرت. 

اخدت مس هدى الجواب و قرأته. 

_ من حقها تنكر  ……..  اى اللى يأكدلك ان هي اللي كتبت. 

_ انتى مش شايفه ان مكتوب تحت المرسله ندي ولا اى حضرتك. 

_ اه انا شايفه اى اللى مكتوب كويس جدا  ….. بس كمان بعرف افكر  ……  ليه حضرتك متقولش ان في واحده من زميلتها هي اللي عملت كده  عشان بتغير منها مثلا او مبتحبهاش و عايزة توقعها فى مشكله. 

_ ????????. 

_ اقولى يا احمد انت لقيت الجواب ده امتى؟ 

_ بعد حصه اللعاب يا مس هدى. 

_ و انت كنت فين وقتها؟

_ كنت تحت فى الملعب. 

_ و انتى يا ندي كنتى فين؟ 

_ كنت تحت يا مس مع نغم و مطلعتش فوق خالص حتى اسأليها اهه. 

_ ايوه يا مس فعلاً احنا كنا تحت طول الحصه. 

_ طيب حد شاف ندي او نغم طلعوا فوق يا جماعه  ؟ 

الكل _ لا يا مس. 

_طيب كل اللى شاف حد طلع فوق يقول عليه . 

_ بصي يا مس احنا الولاد مفيش حد فينا طلع فوق ابدا عشان احنا كنا بنتدرب كلنا عشان المطش. 

_ ماشي قعد يا حامد. 

_و احنا يا مس كنا بنلعب كلنا مع بعض بالكره معادا نغم وندى كانوا قاعدين لوحدهم و فضلنا احنا نلعب كلنا و بعدها مريم طلعت وقالت انها عايزة تشرب راحت و قعدت زى ربع ساعه كده و بعدها نزلت و كانت ايدها فيها حبر. 

_ اهلا بالشخص الجديد  ……..  يعنى كده مفيش لغير مريم اللي طلعت فوق يبقا مريم كتبت الجواب. 

_ لا مش انا يا مس انا فعلاً طلعت فوق بس طلعت عشان اشرب. 

_ والله و بالنسبة للحبر اللى كان على ايدك ده اى هوا. 

_ ما انا كنت ماشيه ولقيت قلم على الطربيزه مسكته لقيته بيحبر ف ايدى اتبهدلت. 

_ اه طيب  …….  كده مفيش غيرك انتي اللي طلعتي فوق يبقى انتي اللي كتبتى الجواب. 

_ لا مش انا اللي كتبت الجواب. 

_ لا انتي لان مفيش غيرك اللى طلع فوق. 

_ لا مطلعتش. 

_ لا طلعت و كتبتى و انا معايا دليل علي كده. 

_ دليل!! …….  دليل اى يا مس.

_ عايزة تعرفي اى الدليل حاضر  …………..  اتفرجى 

مس هدى خلتهم يشوفوا فيديو مريم بتكتب الجواب فى و حطته فى شنطت احمد و نزلت. 

_ ليه يا مريم تعملي فيا كده ليه  ……  انا عمرى ما اذيتك اتهمتينى فى السرقه و اخدت فصل اسبوع و انتى عارفه و انا عارفه كويس اني مستحيل اسرق ليه قوليلي ليه. 

_ و طبعا ندي مسرقتش حاجه و انتى اللى لبستى فيها التهمه دى زي الجواب بردو ولا اى. 

‌_ معاكي حق يا نغم فى كل اللى قولتى  ……..  ليه عملتي كده يا مريم عملتى كده لية  ………..  عايزة تشوفي ندى و هى زعلانه وبتعيط و متبهدله و لا عايزه تخلي سمعتها وحشه وسط زمايلها ليه عملتى كده معاها يا مريم. 

_ انتى غلطى جامد يا مريم و لازم تتعاقبى. 

_ ايوا فعلا لازم تتعاقب. 

و الكل فضل يقول  ايوه لازم تتعاقب  ……. لازم تتعاقب يا مس (زى المظاهرات كده ????????)  . 

بصراخ _ اه أنا  …..  انا اللى كتبت الجواب و حطيته فى شنطتت احمد  اه انا  ……  و انا كمان اللي حطيت الفلوس بتاعتي في شنطتها  …….  عارفين ليه عشان عايزة اشوفها و هي زعلانه عايزة اشوفها و كل شوية بتنزل من نظر المدرسين عايزة اشوفها و هى شايفه البنات بيبعدوا عنها من غير سبب لأنىكنت بكرهم فيها عايزة اشوفها وهي شايفه كل اللى فى المدرسه مش طايقينها و مقروفين منها  ……..  و الكل دلوقتي هيسأل طيب ليه بتعملي كل ده هى مأذتكيش في حاجه  ……  لا هي أذتنى  ….  اذتنى فى كل حاجه  …..  لما اشوف كل المدرسين بيحبوها و مش بيحبونى انا و لما اشوف صحابي كلهم مهتمين بيها و عايزين يصاحبوها و انا اكنى واحده عادية جدا مليش لازمه وسطهم ……  قولولى بقا كان من حقي اعمل كده ولا لا. 

_ انتى عامياكى الغيره يا مريم ( انتى عامياكى الغيره يا تنه و رنه ????????). 

_ معاكي حق يا نغم و طبعا هعملها استدعاء ولى امر و فصل اكيد  …….  اولا عشان موضوع السرقة ده  و انا هشيل الفصل من ملف ندى و ثانيا بقا موضوع احمد اللي هو ولا فى سنك و لا ينفع اصلا تقولي الكلام ده ……  و اتفضلى قدامى بقاا على مكتبى عشان نشوف اللى حضرتك عملتى.