Uncategorized

رواية غرام العاشق الفصل التاسع 9 بقلم ميرو أحمد

 رواية غرام العاشق الفصل التاسع 9 بقلم ميرو أحمد

رواية غرام العاشق الفصل التاسع 9 بقلم ميرو أحمد

رواية غرام العاشق الفصل التاسع 9 بقلم ميرو أحمد

الحاج خليفه وقف قدام الكل وجا جنب مصطفى ودخل يده في جيبه ويتكلم
الحاج خليفه: كلكم عارفين العشاء اليوم بمناسبة ربي رجعلي حفيدي من الموت والحمدلله كانت بينه وببين الموت شعرا ????كلنا خفنا عليه والحمدلله والشكر لربي اليوم قاعد جنبا وامعانا
مصطفى اعيونه علي جده ايشوفله عارف وقفته عليه وراها شي حط في باله انه جده كان بيحكي علي الموضوع
الحاج خليفه: انا بالمناسبه هدي حبيت نهديه هديه بسيطه وطلع من يدا مفتاح وحطه في ايد مصطفى
مصطفى مستغرب في جده : ومفتاح شنو هدا جدي 
الكل ساكت ويسمع الا ايهاب يبتسم ايشوف لي خوه
الحاج خليفه ابتسم: امس طلعت انا وايهاب خديتلك سياره عشان سيارتك الاوله تكسرت
مصطفى انصدم ايشوف لجده  : ليش ياجدي امكلف روحك 
الحاج خليفه: مافي شي يغلا عليك غير شد صحتك بسرعه
مصطفى :شكرا ياجدي برغم ماكنش لازم يكفى العشاء الي امدايره ليا ربي ايخليك لينا
انس ضحك: شنو ياجدي وسطات بكل توا نمشي اندير حادث عشان انحصل سياره جديده
الكل ضحك عليهم
مصطفى:شنو حاسدني حتي في الحادث 
انس يضحك: اها حتي من الجبس الي في رجليك حاسدك عليه ???????????? تفكيت من شيل وارفع وصل ???? 
مصطفى: ???????? 
الحاج خليفه رجع لمكان ايشوف لي مصطفى طول الوقت
مصطفى حس هدية جده مش بلاش وراها شي بس ماحب يحرجه قدام الناس 
حطينا العشاء وعشيناهم ومر الوقت 
.
.
.
.
.
كنت انساعد في البنات نغسلو في اماعين العزومه  
خش ايهاب شايل سفرة الشاهي خديتها منه
ايهاب :غرام وتي روحك بنروحو 
انا: مزال بدري قاعده انساعد في البنات
ايهاب: امصدع وحاس روحي بنمرض وعندي بكرا شغل 
انا انخلعت: كنك شن اتحس
ايهاب: مافي شي ماتنشغلي غير هيا البسي انراجي فيك برا
إيلاف: كنكم بتروحو توا 
ايهاب ضحك: وانتي كنك عازقه وذنك امعانا الهي في خدمتك ???????????? 
إيلاف ????: خزي عليك بجديات ليش بتروحو
نمارق بصوت واطي: انتي شن دخلك راجل ومرته
إيلاف ضحكت :????????تي فضول قتلني نسمع فيهم ايوشوشو
نمارق قرصت إيلاف ????????????  
ايهاب ضحك عليهن: خلاص انراجي فيك امشي البسي هيا
انا هزيت راسي وعطيت السفره لي ندى وخشيت داهل تلاقيت امع ريهام خاشه لمطبخ  
ريهام شافت ايهاب: ايهاب هيثم امعاكم
ايهاب:  اي امع الشباب قاعد
ريهام: بالله عليك بنتعبك تقدر اتجيبه ليا وقت نومه توا
ايهاب: تمام
طلع ايهاب وجاب هيثم لي ريهام علي خشتي
ريهام خداته منه وخشت ودعت البنات وطلعت امع ايهاب
حسيت من وجه مش تمام  
ركبنا في السياره وطلع ايهاب
انا انبحت فيه: ايهاب انت اكويس 
ايهاب :اها اكويس غير شكلي حصلت برده
انا: ماهو قتلك ما ادوش وتطلع الصبح شعرك مزال مبلول
ايهاب: مانقدرش لو ما خديت دوش الصبح مستحيل انصحصح  
انا مديت ايدي ولمست جبهته كان في اسخونه اشوي  
انا: حرارتك اشوي مرتفعه
ايهاب مسك يدي وحطها علي رجله كان مازل ماسك ايدي
ابتسم : خليني انركز في الطريق احسن   
انا سكتت خفت عليه ???? واضح من وجه مريض ???????? 
جيت بنسحب ايدي ايهاب ضغط عليها وسحبها شوره وقعد ايسوق بيد وحده ويدا التانيه ماسك فيها ايدي طول الطريق
ماقدرتش انشيل عيني منه وانا قلبي مابطلش فضائح من مسك ايدي وانا قلبي ايدق بسرعه ❤️ شعور حلو لمسني من داخل ❤️   
اما ايهاب كان ساكت وماسك ايدي وايسوق مانطق ولا حرف
وصلنا فتحلي الباب ايهاب خشينا  
ايهاب: انا بنرقد تاعب ماعندكش بكرا كليه صح
انا:اي ماعندي
ايهاب: تمام  وخش لداره
انا وقفت انشوف فيه لين خش انا بالي مشغول عليه لانه حرارته مرتفعه خفت عليه قعدت نفرك في ايدي مش عارف شن انديرله بس هوا خش لداره بيرقد اووووف خشيت لداري غيرت لبست توب قطني واستريش اسود بالي عند ايهاب  
ايهاب اول ما خش لي الدار حذف تليفونه ودبشه حس الجو ساخن سلح دبشه وخش الحمام دوش بالميه امصقعه ???? وطلع لبس كانتيرا وشورت هو حاس بتعب رقد  
.
.
.
.
.
الكل روح لبيته بعد يوم طويل ومتعب  
إيلاف كانت طالعه من بيت جدي بعد ماكانت ناسيه تليفونها رجعت خداته وطلعت هي خايفه لانها اتخاف من الظلام وعندها فوبيا منه ???????? 
اول ما طلعت من بيت جدي مشت خطوتين في يدي مسكتها وسكرتلها فمها وكرس بيها ورا بيت 
إيلاف خافت تبكي وتضرب فيه برجها  ???????????????? 
انس: اسسس هدا انا انس اسكتي ????????????  
انس نحا يدا
إيلاف تبكي: ???? خزي عليك حقير وربي متت من الخوف  
انس رجع سكرلها فمه: اسكتي يامصبيه توا جدي يفطن مش قصدي انخوفك
إيلاف اتشوفله وتبكي ???? 
انس نحا يده: اسف مش قصدي انخوفك وقعد يمسحلها في دموعها خلاص يابكايا مانحساب خوافه هكي
إيلاف تبكي ????: خلعتني يا انت والله قلبي وقف ????
انس ابتسم : سلامت قلبك ياقلبي  
إيلاف ماركزت في الكلمه:  حقير وربي ليش اتخوف فيا
أنس ضحك:  ماكنت نبي انخوفك غير شفتك طالعه من بيتكم ومشيتي لبيت جدي لحقتك استنيتك لاني كنت نبي انكلمك اول ما طلعتي هستلك ما اسمعتي بعدها مسكت من يدك وسكرتلك فمك لاني عارفك بتلمي الدنيا كلها عليا يا خوافه  
إيلاف ????: والله قلبي طاح نحسابه حد تاني ????
انس ضحك:  منو الحد هدا الي يقدر يقربك
إيلاف: تي مانعرفش يابارد شن تبي انت
أنس: في موضوع نبي نحكي فيه امعاك
إيلاف: شنو 
أنس: اتجوبيني بصراحه
إيلاف استغربت: شنو الموضوع
أنس بتكلم رن تليفون إيلاف
إيلاف من الخوف سكرت طول  انس مالحق يقرا الاسم
أنس: من الي متصل بيك
إيلاف: مش مهم شن هوا الموضوع نبي نمشي بسرعه
أنس عصب ????: تي من الخرا الي متصل بيك اخر اليل
إيلاف رقتلها: مادخلكش من متصل بتقول موضوع لا نمشي
أنس ???? عصب يحسابها اتكلم في واحد:  منو الكلب الي اتكلمي فيه الي ماتبيني نعرفه ال #$%%???????????? 
إيلاف ????: احترم نفسك يامريض
أنس بعصبيه ????:انا مريض
إيلاف: اها مختل عقلي
وجت بتمشي مسكها انس من يدها ولصقها في الساس  
أنس بعصبيه: مدي الخرا هنا
إيلاف تبي اتفك روحها : مش عاطيته بعد عني  
انس رفع تليفونها بلقوه من إيلاف وايده التانيه امتبت فيها إيلاف ع الساس عشان ماتتحركش
انس: افتحي الخرا
إيلاف بعصبيه: مش فاتحته اقسم بالله انعيط كان ما تطلقني
أنس ????:عيطي من ماسك بطيح علي راسك انتي 
إيلاف: حقييير
أنس: بتفتحيه 
إيلاف اتشوفله بحقد وخداته فتحاته  
أنس طول جبده منها خش علي اخر الاتصال  كان من ريهام اختي  
إيلاف بحقد ????: عرفت من الي متصل بيا توا  
أنس ساكت مصدوم حس روحه تسرع وتحشم من إيلاف عشان شك فيها  
إيلاف خدت تليفونها منه بقوه نفس لقطة انس بعد خداه منها
إيلاف: ياريت معاش تطلع في وجهي مره تانيه وخلي مسافة الف متر بينا
ومشت وهي متعصبه من حركة أنس ليها وكلامه خشت لبيتهم  لقت ريهام اتراجي فيها في الصاله
ريهام: ليش سكرتي عليا وطولتي
إيلاف: ترا حطيني انتي التانيه
وخشت لدارها
ريهام هزت راسها: وهدي كنها فاصله استغفر الله
وخشت لدارها ورقدت جنب ولدها
اما عند أنس نادم علي تسرعه وعرف انه لبز امع إيلاف بدل ما يعترفلها انه معجب بيها خلاها تكره ???????? 
.
.
.
.
.
مصطفى رن تليفونه كان رقم  مش امسجل
فتح الخط
مصطفى: الو
ريان بفرحه: عاش من سمع صوتك وين الغيبه هدي كنه رقمك مقفل
مصطفى: بشويا من انتي  
ريان: لحقت تنساني بسرعه هدي يامصطفى 
مصطفى: والله مش عارف من انتي لانه غيرت هاتفي الاول تكسر في الحادث  
ريان شهقت: هيييييي حادث شنو
مصطفى: من اسبوع درت حادث
ريان: حمدلله علي سلامتك حبيبي ???? والله انشغلت عليك طول الاسبوع نتصل مقفل
مصطفى: الله ايسلمك بس من امعايا
ريان: انا ريان
مصطفى: اها اهلين
ريان: رايفتلك واجد حبيبي كيف درت الحادث و كيف حالك توا
مصطفى ماكان خاطره يحكي : انا تعبان اشويا مانقدرش نحكي اليوم كيف طلعت من المستشفى بكرا نحكو تمام
ريان: تمام المهم طمني عليك
مصطفى:تمام تصبحي ع خير 
ريان:انت من اهله
سكر مصطفى ورجع قفل تليفونه كان ماعنداش نيه ايكلم حد
تنهد هو ايفكر في الموضوع زواجه من ريهام عارف جده كيف امصمم علي الموضوع مستحيل جده يتراجع في قراره والدليل قدامه خوه ايهاب كيف جبره يتزوج غصب عنه
قعد ايفكر لين خدا النوم والتعب ????
.
.
.
.
.
.
.
انا معاش تحملت طلعت من الدار  وقفت قدام دار ايهاب دقيت ع الباب بس مافيش صوت كنت نبي نطمن عليه فتحت الباب  كانت الدار ظلام ولعت الضي القيته راقد مش متغطي قدمت عليه رفعت البطانيه بنخطيه لمست ايدا  زي النار انخلعت حطيت ايدي علي راسه حرارته امشيطه ????  
حطيت ايدي علي وجه نبي انوضه
انا بخوف: ايهاب نوض تسمع فيا
ايهاب قلب وجه لجيهه التانيه وايتمتم: نعم شن تبي غرام خليني راقد
انا:  ايهاب نوض ره حرارتك مرتفعه
ايهاب قعمز كان امغمض اعيونه وصوته مرخي: ها 
انا خايفه ماسكه ايده وايدي التانيه حاطتها علي وجه ايهاب : ايهاب شن اتحس انكلم واحد من الشباب ايجي ايشيلك للمستشفى ????
ايهاب رجع رقد : مافي داعي مافيا شي   
انا ????????:تي شن مافيك شي وانت حرارتك بتتفجر وجسمك زي النار  
ايهاب ساكت ما رد عليا  
انا ????ماعرفتش شن اندير حطيت ايدي علي راسه كان مزال مبلول  
انا: ايهاب ليش ماجففت شعرك ولبست اكويس  
ايهاب فتح اعيونه شبخلي بعدها رد سكرهم  انه عرفته انه مش واعي من الحراره طلعت بسرعه وجبت اميه في صونيه ومنشف وقعدت انديرله في كمادات ونقرا علي في القران 
قعجت انغيرله في الكمادات
ايهاب مسك ايدي ونزلها علي فمه وباسها بالراحه كنت انحس بنفسه ساخن علي ايدي يحرق ???? 
ايهاب ايشوفلي اعيونه ذبلات: ليش انتي حلوه هكي ليش تبي اتعذبيني امعاك غرام
انا وجهي احمر رقت عليا الحرارة وقلبي ايدق بقوه ???????? 
ايهاب كان يتكلم ومزال حاط ايدي علي فمه ويتكلم: ليش بديت انفكر فيك ديما ونبيك  نزل ايدي حطها ع قلبه في حاجه حلوه هنا مش فاهمها لكن نفرح بعد نقعد جنبك واعنادك وكلامك وحركاتك كلهم انحبهم في شي يجذب فيك اعيونك بعد انشوفهم انضيع عقلي وقلبي ينسو الناس كلها يقعد ايفكر فيك انتي ليش جيتي في وقت الغلط ياغرام ليش طلعتي توا فحياتي
ايهاب كان يتكلم يفتح في اعيونه وايسكر فيهم يتكلم بصوت هادي وفي بحه في صوته
انا نسمع فيه  عارفته مش في وعيه يتكلم ???????????? صح افرحت بكلامه الا في غصه وكسره في قلبي ???????? مسحت دموعي  
ايهاب: انا ما كانت حاسب ايصير هكي ???? انا مانبي نكسرك ولا نجرحك ???? 
انا ????????: ايهاب خلاص اسكت خليني انكملك واضح بديت اتهلوس  
ايهاب لف ورقد علي جنب: مانبي شي بس خليك جنبي ماتمشي  
انا سحبت ايدي ودموعي علي خدي ???????? رجعت انديرله الكمادات  ايهاب مره مره ايفتح عيونه ويسكرهم قعدت سهرانه عليه  امع الساعه 4 نزلت حرارته 
كنت نعسانه حطيت ايدي انقيس في الحرارة نزلت  بسته علي جبهته اطمنت الحراره مشت دخلت ايدي في شعره وقعدت نلعب بطراف شعره لين غفيت انا امقعمزه  
ايهاب فتح اعيونه بتعب لقني راقده وانا وامقعمزه وايدي في شعره ابتسم وضمني في حضنه  انا ماكنت حاسه لاني تعبانه وكنت سهرانه مجرد ما رقدت معاش حسيت بشي   
ايهاب ابتسم وبعد خصلات شعري الي نزلو علي وجهي وباس راسي ❤️ تنفس براحه وحضني بقوه ❤️  وغمص اعيونه ورقد هو مبتسم مش قادر ايعبر بشعور الي داخله الا انه مايبي ينتهي تمنا لو يوقف الوقت وتقعد غرام في حضنه ديما  
.
.
.
.
.
نضت فتحت اعيوني القيت روحي في حضن ايهاب  ???? ابتسمت ❤️ مديت ايدي انقيس في حرارته كان مافيش حراره  ابتسمت انشوف فيه كيف راقد ???? ايجنن شكله ولحيته وحواحبه اعيونه انفه شعره كله كله ايحنن والله شكلي حبيتك يا ايهاب ❤️  قعد دقيقه انتامل فيه وانفكر في كلام ايهاب امس مفروض انا مكاني في قلبك انا بس وانت ليا
مش الوقت الغلط صدقني وقت الصح يا ايهاب انا اخترت انحارب عشانك وانا عارفه الحرب هدي انا خاسره فيها والقرار لقلبك انت من تختار بينا انا مابنضغط عليك ولا شي بنخلي الخيار ليك يا اتكون امعايا يا اما تكسر قلب حبك في وقت الغلط و الوقت والقدر كانو ضددها ????  مسحت دمعتي قبل ماتنزل ???? وجيت نبي نوقف كان ايهاب ماسكني امسكر ايدينه عليا ماقدرت نتحرك حاول انفك روحي بسرعه قبل ما اينوض ايهاب  
ايهاب حس بيا نتحرك فتح اعيونه وكان راسه تقيل  
انا اجمدت في مكاني ???? 
ايهاب ايحاول يستوعب تلقائي ابتسم: صباح الورد
انا وجي راح كله الوان متحشمه نزلت راسي
ايهاب ابتسم عرفني تحشمت  : شن اديري هنا
انا تخزرطت ????:اءءءء انت كنت مريض امس وانا قعدت جنبك
ايهاب يستعبط: شن صار امس  
انا فكيت روحي منه وقفت بسرعه متحشمه: امس ارتفعت حرارتك وقعدت جنبك لين نززلتت نعستت رقدتت بلغلط  
طلعت بسرعه
خشيت لداري وانا حاطه ايدي علي قلبي ????????  
انا ابتسمت بعد شميت ريحة عطره القويه عالقه فيا ❤️
انا: نعليا يا ايهاب تبي اتجنني وربي انحبك ❤️ 
خشيت لحمام
ايهاب بعد طلعت قعمز هو مبتسم ويدكر في كل شي صار من لحضه غرام خشت عليه لين طلعت  برغم الالم راسه  الي حاس بيه الا انه فرحان بهتمام غرام بيه  رفع تليفونه القيها الساعه 10 وربع  
ايهاب تنهد بتعب: اوووف تاخرت علي الراجل  وناض بسرعه  
خش لحمام وطلع يلبس بسرعه
انا طلعت من الحمام طرحت الصلايا ولبسة املايه وصليت الصبح وطلعت بندير الفطور القيت ايهاب كيف طالع يلبس في كندرته ???? شهقت: هييي وين ماشي انت
ايهاب رفع راس: عندي شغل تاخرت علي الراجل
انا قربت منه: اما شغل وين ماشي انت مريض
ايهاب: غرام مافيا شي مانقدرش انتاخر ع الراجل ديري بالك علي روحك وسكري الباب وماتفتحي لحد
انا مديت ايدي و رفعت مفتاح السياره: مافيش طلعه وانت مريض حتي شعرك مش امجففه تبي تقتل روحك ولا شنو    
ايهاب: غرام بلا معيله عطيني المفتاح الراجل ايراجي فيا
انا مسكته من يدا وخشيت بيه لصاله: ما ايهمني لا شغلك ولا الراجل اتهمني صحتك الي مش امدايرها احساب  
ايهاب: غرام مش وقتك والله عاطي موعد لي الراجل
انا: اقسم بالله مانكش طالع باهي موعدك يتأجل عندي صحتك بالدنيا كلها
ايهاب: ليش تحلفي عطيني المفتاح مش امطول انا
انا: لا ما تحلمش بيه اليوم مافيش اطلوع بكل  
ايهاب: غرام
انا:قلت لا يعني لا 
ايهاب: والراجل
انا: اتصل بيه واعتذر عطيه موعد تاني اما انك تطلع ماتحلمش بيها
ايهاب تنهد بتعب لانه ماكان عنده جهد لنقاش طلع تليفونه واعتذر من الراجل وعطا موعد تاني  
ايهاب:  ها تريحتي توا
انا ابتسمت:  نجك ليا والله عشانك بس
ايهاب ضحك وقعمز علي الصالون : والله لو نقعد هكي شغلي بيريح فيها  
انا: خليه ايريح فيها مش اهم من صحتك يا ايهاب  
ايهاب رفع اعيونه فيا: خايفه عليا 
انا: اكيد خايفه ره كل شي يتعوض الا  الصحه  اكيد لو طلعت بتزيد تنبرد اكثر حتي لبستك خفيفه  
ايهاب ????: هههه عادي لو امرضت اكثر توا تقعدي جنبي  زي امس ????❤️ 
انا تحشمت  :انديرلك الفطور اكيد جعت
ايهاب ضحك: ياريت والله جعان امس ماتعشيت اكويس
انا: تمام  
خشيت لدار رفعت منشف نضيف  وطلعت علي ايهاب
انا: امسك
ايهاب: شن
انا: جفف شعرك اكويس  
ايهاب خدها وضحك: حاضر في اومر تانيه
انا: لا لا تبي شي انا في المطبخ كلمني
خشيت المطبخ حطيت الشاهي ع النار وقعدت انوتي في الفطور  خش عليا ايهاب ايهدرز جوه حلو ورايق  فطرنا امع بعض طول والوقت ايهاب ماحولش اعيونه عليا  
بعد الفطور خش ايهاب بيرقد قتله ارقد في داري بنضم البيت
خش ايهاب رقد في الدار
انا لفيت ع البيت ضميته وبخرته وحطيت الغداء النار وخشيت لي الدار القيت ايهاب راقد رفعت تليفوني وطلعت
قعدت انهدرز علي شروق انا في المطبخ حكيتلها ع مرضة ايهاب  سكرت منها وطفيت ع الغذاء  وقعدت نتفرج في الصاله ع Tv
.
.
.
.
.
.
.
.
قبل اسبوع
رهف خشت فرحانه ورافعه ضرف في يدها
ريان: كنه باتي شن يبي فيك
رهف: قالي ايهاب دز افلوس امع جده عشان نطلع ناخد حاجاتي في الوسع
ريان: الف مبروك ياقلبي
رهف بفرحه: والله مش امصدقه انعد في الساعه واليوم عشان نتزوجو
ريان: هههههه خلاص هانت المهم انتي ماديري حركات غبيه شوفيه اهو ايفكر فيك بعتلك الفلوس معناها ايحبك ويبك انتي خليك ع الرسائل كلميه مادم حالف ع الاتصالات ابعتيله رسائل حسيسيه انك ديما امعا
رهف: تعرفي خاطري انشوف مرته  
ريان:اكيد شينه ????
رهف: لكن عندي فضول تعرفي  
ريان: تعرفي تسكتي واتخليني نرقد
رهف: تف علي وجهك ????????????
ريان:  اي صح امتى بتطلعي تاخدي حاجاتك
رهف: حسيت توا بدري توا نمشي في الاسبوع مره ولا اتنين لين انكمل
ريان:  غبيه اطلعي من توا كملي بسرعه عشان تهتمي في روحك وشكلك واقنعه
رهف: حتي انا فكرت هكي
ريان: خلاص من بكرا نطلعو  
رهف: تمام انكلم بابا عشان يرفعنا
بدت رهف تطلع امع ريان وامها وبنت خالته تاخد في دبشها
رهف بالصدفه وقفت اتشوف لي الشخص قدامها ???? 
هدا كله صار قبل اسبوع  انجو الوقت الحاضر
ريان خشت لدار: رهف قتلك ماما هيا بنطلعو
رهف: ماعنديش نيه خليها هي تاخد الي امس كتبنا لكن ع لون الموف
ريان: ليش ماتبي تمشي
رهف: ماعندي نيه اتعبت من لف امس رجليا طاحو
ريان: تمام تريحي توا نمشي انا امع ماما وطلعت
رهف تنهدت ????ورجعت رقدت
.
.
..
.
.
.
.
.
.
.
إيلاف من رجعت من المدرسه خشت رقدت طول وهي اتفكر في انس شن كان يبي منها وليش عصب عليها بعد رن تليفونها  
.
.
.
.
ريهام  غيرت لي هيثم مشطتله شعره وعطراته ولبست وشاحها وطلعت ماسكه يد ولدها  خشت في مربوعته جدها الي كانت مفصوله ابروحها دقت الباب  هيثم طلق يدها وخش يجري لي مصطفى  
مصطفى ضحك ومسك بيده التانيه: بالشويا ياعمو  
هيثم ????: وجعتك
مصطفى:  لالا ???????? 
ريهام: احممم الحمدلله ع السلامه مصطفى
مصطفى ماشافلها ايبوس في هيثم: الله ايسلمك  
ريهام: كيف حالك توا انشاءالله احسن
مصطفى: الحمدلله انتي شن اخبارك  
ريهام: تمام غير الفرخ هدا منكلب 24 ساعه ايعيط يبيك ماحوتك لبسته هو من فتح عينه ايعيط يبيك
مصطفى ضحك: حق ياعمو اتعب في ماما
هيثم قوص فمه : لالا بس ماما انا انقولها نبيك هي اتقولي عمو مريض مرات تضربني  
مصطفى : ???????? حق ياريهام تضربي فيه
ريهام ضحكت: كذاب ماعمري ضرتبه ???? 
مصطفى عض هيثم في خده: شن قلنا احني ع الكذب
هيثم ????:ما اكدب انا
مصطفى: ???? لو تكدب مره تانيه مافي شكلاطه
هيثم: انقولك حاجه صح تعطيني شكلاطه
مصطفى: تطلع تكذب ما نعطيك
ريهام:  انا بنمشي ماتخليه يطلع برا توا بعد الغدا نرفعه
مصطفى: تمام
طلعت ريهام
مصطفى:  ها شن تبي اتقولي
هيثم: يومها  ماما تبكي وماسكه صورة بابا وتبكي واتقول لمن هليتني ياهيثم   
مصطفى ????  : كمل به
هيثم: هلاص انا مسهت دموعها قلت انا معاك ياماما هي هضنتي وتبكي واتبوس فيا
مصطفى ابتسم وباس هيثم: ايوا ديما خليك امع ماما ماتخليهاش لين تكبر تبدا راجل زيني تبدا انت اطلع فيها وتشريلها شن تبي وتقعد امعاها
هيثم: انا نبي نكبر بسرعه به 
مصطفى ضحك عليه: كول ديما عشان تكبر زيني  
هيثم ابتسم: تاخدلي حتي سياره
مصطفى: ههه انت غير اكبر س الي تبيه انديره ليك  
هيثم باس مصطفى: نحبك عمو امتى نمشو في السياره لي سوسو
مصطفى ضحك: من سوسو
هيثم: البنت الهلوه
مصطفى ضحك عليه: هههه مزال اشح كيف امجبسيني عقاب ???????????? 
هيثم: به امتى ايثم العقاب امتاعك
مصطفى: مش معروف ???????? 
هيثم: هفففف كساد زح
مصطفى: شنو
هيثم ضحك: انت ديما اتقول فيها  
مصطفى: ههه امشي جيبلي تليفوني في الشحن مره تانيه مش اي كلمه تسمعها اتعاود سامع
هيثم: هاضر نبي شكلاطه
مصطفى: توا انكلم واحد من الشباب ايجيبلك
هيثم جاب التليفون مصطفى نزل الالعاب وعطا هيثم جنبه يلعب
مصطفى زاد تاكد انه قرار جده غلط مستحيل يتزوج مرت خوه  
.
.
.
.
.
.
.
.
امع الساعه 2ونص ناض ايهاب تغدينا قعدنا انهدرزو وايهاب مره مره اينابش يحدف كلمه كان مستمتع بعد يحرج فيا قدامه  
تاني يوم كانت عندي محاضره رفعني ايهاب ورجع لي شغله  
وفي المغرب مشينا للعيله هدرزنا امعاهم وروحنا
مشو الايام في جرت بعضها مافي جديد غير علاقتي بي ايهاب تحسنت اشويا بدينا انهدرزو وجونا حلو مافيش مشاكل واني نقرا الصبح ايشيلي ايهاب الكليه  طول الفتره كنت متقربه من ايهاب انهدرزله شن ايصير امعايا في الكليه وكل شي عني وحتي ايهاب  بس كان في حاجز بينا ????  
وايهاب طول الفتره يتواصل امع رهف بالرسائل مره مره اما رهف ماوقفت رسائل  هوا مره ايرد مره لا في حاجه كان شاك فيها وتاكد منها  وكمل الشقه قعد ياخد في الاثاث ????  
مصطفى قاعد زي ما هو رجع في بيتهم بعد ماخفت زحمة الناس  فك الجبس الي في يدا ورجله التاتيه وقعدت الرجل الي كانت فيها الحديده  قالوله مزال ماجبرت ضروري  ياخد علاج طبيعي عشان يرجع يمشي اكويس  اما موضوع الزواج شاله من راسه  
اما انس إيلاف  من بعد موقف الي صار بينهم معاش تلاقو  نهائي إيلاف معاش مشت لبيتهم  علي خاطر ماتبي اتشوف انس  وانس ايدور في فرصه عشان ايشوف ايلاف ايحاول يعتذر منها وايفهمها كل شي  لانه كان غاير  
اما عهود قاعده علي نفس حالها نفسيتها تعبت اكثر ونقصت واجد وبدا الوحم فيها  
اما حمادي جرب بجميع الطرق امع عهود ماقدر يوصل فيها بعت امه وخواته عشان ايكلمها هي رفضت اتكلمه وكلم حتي انس ايحاول امعاها بس عهود امسكره الموضوع ماتبي تفتح ماعطت مجال لي انس يحكي  
اما ريهام حياتها عاديه وعايشه هي ولدها مش امفكره في الزواج ماتعرفش جدها في شنو ايخطط
اما الحاج خليفه سكوته مش امطمني  ولا ايقولو هدوء ماقبل العاصفه
اما باقي العيله مافيش جديد  نفس ما هم
مر شهر 
كنت في الكليه 
طلعنا انا وشروق  
انا: شروق تعرفي شاكه اني حامل
شروق وقفت فرحانه: احلفي
انا:  مش عارفه
شروق: وكيف شكيتي  
انا:  لانه فات موعدها بي اسبوعين مرت انقول تلخبط موعدها ولا هرومات بس تاخرت واجد
شروق: هوا امتي صار بينكم
انا: بعد يوم المحضر بعد صارت مشكلة منذر
شروق:  واخر مره جاتك
انا: قبل اسبوع العرس  
شروق: هوا مارقد امعاك مره تانيه صح
انا:لالا  
شروق: مرات تطلعي حامل بجد
انا ????:خايفه مانبيش نحمل
شروق: خلينا نتاكد قبل  
انا: كيف بنتاكد من غير ماهو يعرف
شروق:  ساهله توا بعد انروح انكلم بابا ايحطني علي الصيدليه ناخد اختبار حمل  وفي العشيه انقوله ايجيبني ليك علي اساس نقرو انوتو لي الامتحانات زي قبل  
انا: كان طلعت حامل
شروق: اكيد بيتغير كل شي ايهاب بيقعد امعاك 
انا: انا مانبي نجبره يقعد امعايا علي خاطر نطلع حامل
شروق افهمني انا انحبه بس مانبي يقعد امعايا هوا قلبه امع غيري  
شروق: واللهي ايهاب ايحبك
انا نزلو دموعي: لو ايحبني مش قاعد ايوتي لي عرسه بعد شهر حتي اثاث الشقه فرشها الي بيتزوجها فيها ماتعرفيش النار الي عايشه فيها انشوف فيه بعيني ايوتي وايكلم في العمال صح انهدرز امعا عادي بس من داخل نار تحرق فيا مش متخيلته امعاها مش متخيله بتشاركني فيه وحده تانيه
انا قصدا مافتحت الموضوع الطلاق امعا مش عارف ليش قلبي ايقولي اسكتي ياغرم ماتحكيش ايهاب حبيبك انتي انتي ماتقدريش اتعيشي بلاه بس مانقدر نستمر هكي والله بنموت ???????? 
شروق: اسس خلاص اسكتي عارفتك شوفي الناس كيف اتشوفلنا  
انا قعدت نمسح في دموعي: انحبه غصبن عني والله انحبه
شروق: ربي ايفرح قلبك حبيبتي
انا تليفوني رن كان ايهاب : اكيد ايهاب جاء
شروق: كنا بدا ايجي بلا ماتتصلي بيه
انا: لانه حفظ موعيدي امتى نطلع هوا قالي هدرزه ولف في الكليه لا
شروق: تي هذا واتقولي ما ايحبني  
انا ردت عليه: الو
ايهاب: ههههه نحساب روحي جيت بدري
انا: اها توا كيف طلعنا
ايهاب: تمام انا انراجي فيك برا
انا:به وسكرت
انا:ايهاب برا بعدين اندرزو اكيد بتجي صح
شروق: ان شاءالله  
طلعت انا لي ايهاب وشروق اتصلت بي بوها عشان اتروح
انا ركبت في السياره
ايهاب: شنجو
انا:تمام وانت
ايهاب: تمام شن القرايا
انا: نفخ وجع راس و الامتحانات قربو
ايهاب شافلي: ماتخافيش كل شي ساهل غير اقري اول باول
بعدها ركز فيا
ايهاب انخلع: ترا لفي وجهك شوفيلي
انا شفتله: كنك مش امدايره مكياج
ايهاب: باكيه صح 
انا: لالا
ايهاب: تي شنو بتكدبي عليا شوفي اعيونك شنو امبكيك وصاير امعاك مشكله
انا: لا مافيش شي غير نشت عيني بضفري بس
ايهاب بشك: غرام ماتكدبي
انا ابتسمت: ما نكدبش اي صح اليوم جايتني صاحبتي  
ايهاب: منو
انا: شروق صاحبتي جايتني امع العصر  
ايهاب: مرحبتين بيها ناقصك شي ناخدوه من توا
انا: تقريبا في كل شي جيب حلو وشكلاطه
ايهاب: تمام
اتكا ايهاب علي محل حلويات وخدا حلو  وبعدا نزل محل غذائيه جاب  وشكلاطه وعصاير وحاجات خفيفه  
روحنا  حطيت الحاجات الي جابهم ايهاب في المطبخ غيرت دبشي  وخشت المطبخ درت الغذاء
حطيت الغذاء جاء ايهاب تغذا قتله مانبي  حس انه صايرتلي حاجه لانه ليا يومين مش علي بعضي  
خش ايهاب يرقد  انا قعدت علي نار نستنا في الساعه امتى تمشي كل مره نتصل بي شروق نتاكد عليها انها بتجي  
امع الساعه خمسه جتني شروق  ايهاب لبس وطلع حب ايخلينا علي راحتنا  
انا كنت مستعجله خديت من شروق الختبار  قعدت تشرحلي كيف نستعمله زي ما قتلها الممرضه الي في الصيدليه    
خديت وخشيت لي الحمام  شروق قعدت تستنا فيا في الدار  
بعد دقائق  طلعت من الحمام دموعي خط يجرو وراء بعض ???????? 
شروق: شنو  
انا نبكي ????: حامل ???????????? 
شروق حضتني: كنك يامنجوه تبكي  
انا ????:مانبيش نحمل انا حياتي مش مستقره امعا مانعرفش انا شنو في حياته
شروق: ي عمري الحمل هدا نعمه من ربي مرات هوا الي ايقربكم من بعض  
انا: انا مش نبكي لاني حامل بلعكس فرحانه بيه قطعه من ايهاب جوا احشائي بس انا عارفه مابنكملو امع بعض مستقبلنا مجهول انا مانبي انعيش امع ضره لو ايهاب يعرف باحمل مستحيل ايطلقني ???????????????? 
شروق رجعت حضنتي:  ياروحي اهدي خلاص اهكي انتي وايهاب وحطيه في امر الواقع  يا يختارك انتي ولدك يا هيا  
انا نبكي بعبرتي: مانبيش مش مخيرته بينا لانه عارفه بيختارها ???????? مانبيش اصلا مش قايلتله علي حملي  
شروق: كيف مش حتقوليله
انا ????: مانبي يعرف توا لين بعد يتزوج وانا نمشي لعند هلي  
شروق: مجنونه انتي احكي لي ايهاب كل شي وحلو المشكله بعدين يزعل منك لو عرفها متاخر في الاخير هوا اب الطفل من حقه يعرف 
انا قعدت نبكي ومنهاره وشروق اتهدي فيا اتحاول تقنعني نحكي لي ايهاب علي حملي  
انا هديت اشويا وطلعت ضيفت شروق عيب البنت اول مره اتجيني  مشا الوقت روحت شروق  قبل المغرب  
انا خشيت في سريري نبكي وحاطه ايدي علي بطني ???????? 
ليش ايصير امعايا هكي  ???? عمرها الفرحه ما كملت امعايا
حتي بعد انحب فرحتي مش كامله حبيت منذر النصيب فرقنا رضيت بنصيبي بعد حبيت نصيبي ليش ياربي اتعذبني ووبتاخده مني ???????? ممكن مش نصيبي ايهاب نصيبها هي  صح انا خشيت لحياتهم بس حبيته شن بندير في روحي عشقته اها عشقته ادمنت حاجه اسمها ايهاب حبيته بكل تفصيل عصبيته كلامه وحنانه وعفويته وتصرفاته حتي من مشيته عشقتها  شن اندير في روحي ???????????????? 
سمعت الباب الدار انفتح عرفته هوا  غمضت اعيوني مسكت بكيتي  
ايهاب: شنو غرام مشت صاحبتك
انا سكتت
ايهاب:غرام شكلها راقده هدي  وجا بيطلع سمع شهقتي  
قدم وقف علي رسي ورفع الغطا من وجهي  
انا فتحت اعيوني ????
ايهاب انصدم من شكلي كان وجهي احمر  وانفي احمر واعيوني دم ???? 
ايهاب انخلع مسك وجهي : بسم الله كنك   
انا سكتت زددت نبكي ???????????? 
ايهاب قعمز علي طرف السرير ومفجوع عليا   
ايهاب: غرام احكي شن في من الصبح  وضعك مش عاجبني  
انا ????حضنته وقعدت نبكي: ………………
.
.
.
.
.
.
.
كانت العيله كلها ملتمه
انس: ها ياجدي اهو كلهم جو  
بابا: خلي جدك يتكلم اسكت انت
مصطفى ايشوف لجده ايحاول يفهم شن يبي يحكي  وخايف ايحطه في موقف يجبره انه يتزوج غصبن عنه
اجديده: ها ياحاج ان شاء الله خير شن الموضوع
الحاج خليه: …………………..
.
.
.
.
.
.
.
.
.
.
طلعت من المحاضره وقف عليا ولد قعد يحكي امعايا  
في لمح البصر القيت ايهاب فوق الولد يضرب فيه ????????
ايهاب ????:………..
انا ????????????
.
.
.
.
.
.
.
مصطفى: …………….
.
.
حمادي بعد فقد الامل في عهود بعتتلها رسائله وشرح كل شي صاير امعا كان خاطره يحكي امعاها ويشرحها بنفسه بس عهود ما عطاته اي فرصه
.
.
..
.
.
عهود فتحت تليفونها الي ليها اكثر اسبوع قافلته بدو رسائل مكالمات الفائتة  ورسائل حمادي من بينهم اخر رساله بعتها
يتبع ..
لقراءة الفصل العاشر : اضغط هنا
لقراءة باقي فصول الرواية : اضغط هنا
نرشح لك أيضاً رواية عائلات راقية بفسادها للكاتبة أروى طاهر المسلاتي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى