رواية فرصه استثنائية الفصل الخامس 5 بقلم دودو محمد
رواية فرصه استثنائية الجزء الخامس
رواية فرصه استثنائية البارت الخامس
رواية فرصه استثنائية الحلقة الخامسة
اشرقت شمس صباح يوم جديد بنورها الساطع فى سماء القاهره لتبدء علياء بفتح عيونها على صوت منار بصت ليها وابتسمت وقالت
علياء :- صباح الخير يا حبيبت مامى
منار :- صباح النور يا مامى انا جيت ابوسك قبل ما اروح المدرسه
علياء :- قامت قعدت على السرير واخدت منار على رجليها وقالت احسن حاجه عملتيها علشان اصتبح بأجمل وش فى الدنيا دى كلها وباستها فى خدها
منار :- مامى هو ينفع نروح النهارده عند تيته حكمت أصلها واحشتنى اوى
علياء :- النهارده مش عارفه والله يا منار هكون فاضيه ولا لاء
منار :- بليز يا مامى بليز
علياء :- خلاص هقول لبابا يجى يخدنا النهارده عندها
منار :- بفرحه هيييييا
علياء :- ابتسمت ليها وقالت يلا علشان متتأخريش
منار :- باست علياء فى خدها ونزلت من على رجليها وطلعت تجرى
علياء :- بصت عليها بأبتسامه وهى ماشيه ومسكت تليفونها وطلبت مراد وانتظرت الرد
مراد :- بصوت نعسان صباح الخير يا علياء
علياء :- صباح النور لسه كل ده نايم
مراد :- ده على اساس ان الوقت متأخر صح
علياء :- ضحكت وقالت انا عارفه أن لسه الوقت بدرى بس منار جات صحيتنى من النوم علشان عايزه تروح عندكم علشان تشوف خالتى حكمت
مراد :- حبيبت ابوها والله وعلى فكره امى كمان عايزه تشوفها ولسه طالبه منى اجبها ليها
علياء :- خلاص النهارده هنتغدا عندكم
مراد :- يا سلام ده بيتنا هينور والله
علياء :- ربنا يخليك
مراد :- وميحرمنيش منكم يارب
علياء :-هتعمل ايه دلوقتى هتنام تانى
مراد :- لاء خلاص نوم ايه هقوم اجهز نفسى وانزل اخد ساره واروح على الشركه
علياء :- بغيظ ساره تانى
مراد :- ضحك وقال بموت فيكى وانتى غيرانه عليا كده
علياء :- م.م.مش غيرانه انت حر
مراد :- بصى يا علياء انا والله العظيم عينى دى مش شايفه غيرك ،انتى وبس اللى ساكنه فى قلبى ولو حواليا مليون واحده هختارك انتى برضه، بس ساره انا مقدرش اتخلى عنها بعد ما امها وصتنى عليها وهى بالنسبه ليا مش اكتر من اختى الصغيره زى مريم بالظبط
علياء :- بس هى مش شيفاك اخوها على فكره نظرتها ليك معناها حاجه تانيه خالص
مراد:- انا مليش دعوه هى بتعتبرنى ايه هى حره واكيد يعنى هى شايفه علاقتى بيكى عامله ازاى وعارفه انك انتى ام بنتى معتقدش أن هى بتحبنى يا علياء
علياء :- والله انا قولتلك وانت حر
مراد :- والله الغيره عامله معاكى احلى شغل
علياء :- غلس يلا باى وقفلت السكه معاه وابتسمت على كلامه وقامت من على السرير دخلت الحمام وبعد وقت خرجت لبست هدومها وأدت فرضها وخرجت من اوضتها ونزلت تحت لاقيت سمر لسه نايمه سألتها سعديه وقالت
سعديه :- احضرك الفطار يا مدام علياء
علياء :- لاء يا سعديه هفطر اى حاجه فى الشركه خلى بالك على زين
سعديه :- متقلقيش زين فى عينيا
علياء :- ابتسمت ليها وسابتها وخرجت ركبت عربيتها وراحت على الشركه
~•~•~•~•~•~•~•~•~•~•~•~•~•~•
فى فيلا أدم
صحى أدم من نومه على صوت عمر بص جمبه واخده فى حضنه وقال
أدم :- حبيب بابا وباسه وقال الحمدالله الحراره نزلت خالص وبقيت احسن فين سلوى بقى
عمر :- ننه
أدم :- لسه نايمه حرام نسيبها ننه علشان كانت سهرانه طول الليل مع عم الشقى اللى كان هيجننا من كتر القلق عليه
عمر :- قعد يضحك
أدم :- قعد يبوس فيه وقال ضحكتك حلوه يا ابن التيييت وسمع صوت خبط على الباب بص بأستغراب وقام من على السرير وهو شايل عمر وفتح الباب وقال سلوى مالك
سلوى :- هو انت هنا يا عمر قلقتنى عليك واخدت نفس وخرجته براحه وقالت أنا عينى راحت فى النوم غصب عنى وصحيت ملاقتهوش جمبى اتخضيت
أدم :- أهدى بس ما انتى عارفه أن هو بيبقى فى اوضى
سلوى :- عارفه بس كنت عايزه اطمن الحراره عاملت ايه
أدم :- الحمدالله نزلت وحط أيده على دماغ عمر فى نفس الوقت اللى سلوى حطت ايديها فيه والاتنين أيديهم جات على بعض فوق دماغ عمر
سلوى :- اتكسفت وسحبت ايديها بسرعه وبصت فى الارض وقالت احم ا.ا.الحمدالله أن الحراره نزلت هنزل أحضره الفطار علشان افطره واديه العلاج بتاعه ونزلت تجرى من قصاد أدم
أدم :- بص لعمر وابتسم وقال شايف وساكت انت لئيم وباسه فى خده وقال يلا انزل عند سلوى لحد ما اجهز وانزل وراك علطول
عمر :- نزل يجرى وراه سلوى
أدم :- قفل الباب وابتسم على لمسة ايد سلوى واتنهد ودخل على الحمام
سلوى :- نزلت تجرى تحت وهوة بإيديها على وشها وقالت يا نهار كسوف ده لمس ايدى احيه هو اللى حصل ده بجد ولا بحق وحقيقى وضحكت وقالت هو ايه اللى انا بقوله ده شكلى اتجننت من حلاوته دى والله وشافت عمر نازل راحت عنده وشالته وقالت حبيب قلبى يا ناس وباسته وقالت اللللله ريحتك كلها ابوك يا بختك يا عم ياريتنى كان أسمى عمر ويخدنى فى حضنه كده احيه عليا انا راحت منى على الاخر ابوك هيجننى يا عمر احسن حاجه اروح احضرك الفطار قبل ما ينزل ابوك وينيل عيشتى علشان سيبتك جعان واخدته على المطبخ وحضرت لعمر الفطار وقعدت تأكله
وبعد وقت نزل أدم من فوق وبص بعينه على سلوى وعمر وملاقش حد قاعد دخل المطبخ وقال
أدم :- انتى بتعملى ايه هنا
سلوى :- وقفت بتوتر وقالت ب.ب.بأكل عمر
أدم :- فى المطبخ
سلوى :- ا.ا اه فيها ايه
أدم :- اطلعى اكليه بره
سلوى :- ا.ا.انا اصلا أكلته خلاص
أدم :- ماشى ولسه هيمشى
سلوى :- احضرك الفطار
أدم :- انتى اللى هتحضريه
سلوى :- ا.ا ايوه فيها ايه
أدم :- امال فين الشغالين اللى هنا
سلوى :- لسه بدرى ومحدش جه لسه
أدم :- بص فى ساعته وقال اه صح.تصدقى مأخدش بالى أن الوقت لسه بدرى خالص
سلوى :- يعنى احضرك الفطار ولا تستناهم
أدم :- لاء حضرى الفطار وقرب منها وقال هاتى عمر وانتى حضرى الفطار براحتك
سلوى :- اتوترت من قرب أدم ليها واديته عمر وهى مغمضه عينيها
أدم :- بصلها وهى مغمضه عينيها واخد منها عمر وقصد يلمس ايديها
سلوى :- اتصدمت من لمسة أيده ليها ورجعت لوراه وقالت ا.ا اتفضل حضرتك بره وانا هجيب الفطار لحد عندك
أدم :- ابتسم ليها واخد عمر وخرج من المطبخ
سلوى :- ايه التوتر ده ياربى الواد حلو ومسهوك كمان هييييح وواقفت تحضر الفطار وبعد وقت خرجت بالاطباق وحطتهم على السفره وقال الاكل جاهز اتفضل
أدم :- قعد وقال اقعدى يلا
سلوى :- ا.ا.اقعد فين
أدم :- على رجلى
سلوى :- بصت ليه بصدمه وقالت ها
أدم :- ضحك وقال هقولك ايه يعنى بقولك اقعدى على الكرسى علشان تفطرى
سلوى :- ش.ش.شكرآ انا مش جعانه
أدم :- ليه كنتى بتاكلى وانتى نايمه اقعدى علطول من غير كلام كتير يلا
سلوى :- بصتله بتوتر وقعدت على الكرسى وبدأت تاكل
أدم :- حط قصادها الاكل وقال كلى يلا
سلوى :- م.م.ما انا باكل اهو
أدم :- قعد يبصلها وهى بتاكل
سلوى :- بتوتر ه.ه.هو فيه حاجه حضرتك بتبص ليا كده ليه
أدم :- احم لاء ولا حاجه كلى كلى وقعد هو كمان ياكل
سلوى :- خلصت اكل وقامت وقفت وقالت الحمدالله شبعت
أدم :- وقف وقال وانا كمان
سلوى :- هشيل الاطباق ولسه بتمد ايديها تشيل الطبق
أدم :- مسك ايديها وقال لاء خليهم هما لما يجوا يشيلوا الاطباق
سلوى :- سحبت ايديها من أيده وقالت م.م.ماشى
أدم :- هو عمر راح فين
سلوى :- بصت حاوليها وقالت مش عارفه وطلعت تجرى تدور عليه
أدم :- طلع يجرى وراه سلوى يدور على عمر وبصوا عليه فى المكان كله ملاقهوش طلعوا بره فى الجنينه لاقوه باب مفتوح طلعوا يجروا ودخلوا الاوضه دى لاقوه عمر قاعد فى الارض وبيلعب فيها
سلوى :- اتنهدت وشالته وقالت عمر بتعمل ايه هنا
أدم :- الاوضه دى مقفوله من زمان اوى ازاى عرف يفتحها ويدخل فيها
سلوى :- معرفش انا اصلا اول مره اخد بالى من الاوضه دى
أدم :- ايه اللى فى أيده دى
سلوى :- دى باين عليها صورة
أدم :- أخدها من أيده وبص فيها لاقها صورة ملك ملامح وشه اتغيرت وهو بيبص على الصوره
سلوى :- استغربت من ملامحه وقالت الصوره فيها حاجه
أدم :- بعصبيه وانتى مالك بتدخلى فى اللى ملكيش فيه ليه بدل ما تدخلى فى كل حاجه كده ابقى خدى بالك من شغلك و عمر كويس وسابها ومشى
سلوى :- صعبت عليها نفسها ودمعه نزلت منها مسحتها وبصت لعمر مده طويله واخدته وخرجت من الاوضه وقفلت الباب وراها ودخلت الفيلا تانى لاقت أدم مشى اتنهدت وطلعت على اوضت عمر
~•~•~•~•~•~•~•~•~•~•~•~•~•~•
فى شقة عبدالرحمن
صحى عبدالرحمن من نومه وبص جمبه لاقه مريم لسه نايمه قام براحه من جنبها على السرير ودخل الحمام وبعد شويه خرج لاقه مريم صحيت من النوم بصلها وقال
عبدالرحمن :- صباح الخير
مريم :- صباح النور انت رايح فين
عبدالرحمن :- نازل الشغل
مريم :- انت هتنزل الشغل وانا كده
عبدالرحمن:- وانتى كده ازاى يعنى ما انتى زى الفل اهو
مريم :- انا مش لسه والده
عبدالرحمن :-طيب انتى لسه والده أنا مالى بقى مروحش الشغل ليه افهم بس
مريم :- علشان تخلى بالك منى
عبدالرحمن :- يا مثبت العقل، هخلى بالى منك ازاى يعنى ما انتى كويسه وبتتحركى اهو ومفيش حاجه بلاش دلع ابوس ايديك وخرج من الاوضه وسابها
مريم :- خرجت تجرى وراه وقالت خليك قاعد معايا يا عبده هزهق من القاعده لوحدى
عبدالرحمن :- والشغل
مريم :- ماله بس دى شركة اختك ومش هيحصل حاجه لو منزلتش الشغل اليومين دول
عبدالرحمن :- دلوقتى شركة اختى وامبارح مكنتيش طايقها ربنا يكفينا شرك عامله شبه الحربايه بتتلونى بمليون لون فى وقت واحد
مريم :- مش بتلون انت اخوها ولازم تتحملك فى ظروفك
عبدالرحمن :- لما اجى أولد المره الجايه هبقى اخليها تدينى اجازة وضع
مريم :- بتتريق
عبدالرحمن :- امال عايزانى اعمل ايه
مريم :- براحتك يا عبدالرحمن اعمل اللى عايز تعمله وسابته ودخلت الاوضه
عبدالرحمن :- نفخ وقال وليه نكديه ودخل المطبخ عمل فنجان قهوه لنفسه وشربه وخرج من المطبخ دخل الاوضه غير هدومه تحت نظرات مريم وسرح شعره واده فرضه ونزل ركب عربيته وراح على الشركه
مريم :- نفخت بغيظ وقالت بنى أدم مستفز وشالت معاذ ورضعته
~•~•~•~•~•~•~•~•~•~•~•~•~•~•
فى شقة مياده
صحيت مياده من نومها ومسكت تليفونها وبصت فى الساعه وقامت من على السرير ودخلت الحمام وفى الوقت ده مروان فتح عينه مسك تليفون مياده وفتحه وقعد يدور فى الأرقام عندها ويفتش فيه وخرجت مياده وشافت مروان وهو ماسك تليفونها بصت ليه وقالت
مياده :- ماسك تليفونى بتعمل فيه ايه مروان
مروان :- ها ولا حاجه كنت بشوف الساعه كام
مياده :- والله طيب ما اقربلك تليفونك
مروان :- ها ما الساعه بتاعة تليفونى مش مظبوطه
مياده :- اتنهدت وقالت هحاول أقنع نفسى انك فعلا بتبص فى الساعه مش بتفتش فى تليفونى ولبست هدومها
مروان :- بصلها من غير ولا كلمه ودخل الحمام
مياده :- اتنهدت بوجع وأدت فرضها وخرجت من الاوضه راحت المطبخ تحضر الفطار
مروان :- خرج من الحمام ولبس هدومه وخرج من الاوضه وراح المطبخ عند مياده وباسها من خدها وقعد على الكرسى
مياده :- بصت ليه وقالت ما تروح صحى عامر وغيره هدومه يا مروان ساعدنى شويه على ما احضر الفطار
مروان :- انتى عارفه أن انا مليش فى جو المساعده ده يا مياده خلصى الفطار وبعد كده ابقى روحى صحيه براحتك
مياده :- اتنهدت وقالت ماشى يا مروان وحضرت الفطار وحطته على الترابيزه وراحت صحيت مروان وجهزته وخرجت من الاوضه ومعاها عامر وقعدت أكلته واكلت هى كمان
مروان :- هجيب معايا امى النهارده ياريت لما ترجعى من شغلك تجهزى اوضت عامر ليها
مياده :- طيب وعامر
مروان :- يبقى ينام فى السرير اللى معانا فى الأوضه ما اكتر الأوقات بينام معانا فى الاوضه
مياده :- اتنهدت وقالت حاضر يا مروان
مروان :- وانا هروح اشوف موضوع العربيه ده
مياده :- تمام وقامت وقفت
مروان :- متتأخريش فى الشغل علشان تيجى تجهزى الاوضه وتعملى اكله حلوه لماما
مياده :- مش هتأخر أن شاءالله
مروان :- بصلها من فوق لتحت
مياده :- ايه فيه حاجه فى لبسى عايز تعلق عليها
مروان :- لاء كله تمام
مياده :- سلام ولسه هتمشى
مروان :- مياده استنى
مياده :- وقفت وقالت خير
مروان :- قرب منها وباسها فى خدها وقال خلى بالك من نفسك
مياده :- اتنهدت وقالت حاضر
مروان :- شد الطرحه على صدرها وقال ابقى طوليها شويه يا قلبى علشان تغطى صدرك
مياده :- حاضر
مروان :- يلا روحى ومتقعديش جمب اى راجل ولو مفيش غير مكان واحد جمب راجل اقفى جمب اى كرسى قاعده عليه واحده ومتقعديش فيه
مياده :- اتنهدت وقالت حاضر يا مروان فيه حاجه تانى
مروان :- باسها تانى فى خدها وقال لاء يا قلبى فى حفظ الله ورعايته
مياده :- هزت راسها يمين وشمال واخدت عامر ونزلت ركبت الاتوبيس وراحت على الشغل
~•~•~•~•~•~•~•~•~•~•~•~•~•~•
فى الشركه
دخلت علياء المكتب الخاص بيها ومسكت تليفونها وطلبت مراد وانتظرت الرد
علياء :- انت فين مجتش ليه
مراد :- انا خلاص داخل على الشركه اهو
علياء :- م.م.معاك حد
مراد :- ايوه
علياء :- هى صح
مراد :- وهو بيضحك قال ايوه
علياء :- هوف ماشى باى
مراد :- وهو بيضحك قال باى وقفل السكه
علياء :- قعدت تهز فى رجليها بغيظ لحد ما وصل مراد ودخل عندها المكتب وقال
مراد :- انا جيت اهو اتأخرت عليكى
علياء :- كنت فين من بدرى وايه اخرك كده
مراد :- قعد على الكرسى وقال ولا حاجه اتصلت بساره تجهز نفسها و فطرت ونزلت واستنيت ساره تنزلى وجيت على هنا علطول
علياء :- بغيظ ماشى
مراد :- بصلها وقعد يضحك
علياء :- بغيظ ممكن افهم انت بتضحك على ايه
مراد :- اصلك بتبقى عسل اوى وانتى غيرانه عليا
علياء :- لاء طبعآ مش غيرانه عليك وانا هغير عليك ليه بقى أن شاءالله
مراد :- بأبتسامه يمكن علشان بتحبينى
علياء :- ها ل ل لاء طبعآ
مراد :- بلاش عند يا علياء واعترفى بقى علشان عيونك فضحتك
علياء :- انت بس اللى بتحلم مفيش حاجه من دى
مراد :- تتجوزينى
علياء :- بصدمه ها
مراد :- تتجوزينى
علياء:- بس انا لسه هتعالج يا مراد
مراد :- وايه المشكله ما نتعالح واحنا مع بعض يا علياء ايه يمنع
علياء :- وقفت بتوتر وبصت الاتجاه التانى وقالت بس انا خايفه
مراد :- وقف قصادها وقال خايفه من ايه يا علياء
علياء :- بصت ليه وقالت خايفه مقدرش اسعدك بسبب اللى حصل زمان
مراد :- انا سعادتى هو انتى يا علياء أننا نبقى مع بعض اسره واحده وتحت سقف واحد انا عمرى ما هضغط عليكى ولا اذيكى يا علياء لأنك انتى كل حياتى ملكه متوجه على عرش قلبى انا بعشقك لحد الجنون وعمرى ما اتخيلت حياتى مع حد غيرك ايدى فى ايديك هنقدر نتخطى الصعاب ونعيش طبيعى زى اى زوجين
علياء :- والدموع فى عينيها قالت سبنى افكر وهرد عليك لما اخد القرار
مراد :- ابتسم ليها وهز راسه بحب وقال وانا هستنى ردك عليا لو هستنى العمر كله مش همل عمرى
علياء :- ابتسمت ليه بحب وقالت شكرآ
مراد :- بص ليها بحب وقال انا تحت امرك يا اجمل واحلى ما فى حياتى
علياء :- بكسوف ر.ر.روح شغلك بقى
مراد :- بهزار مش لما اطمن على ساره الاول وانا خارج
علياء :- بصت ليه بغيظ وقالت انت حر
مراد :- قعد يضحك وقال عسل وانتى بتغيرى عليا كده وسابها وخرج من المكتب
علياء :- ابتسمت على كلامه وراحت عند الباب علشان تتأكد أنه راح على مكتبه واطمنت أنه مشى علطول قفلت الباب تانى ودخلت قعدت وبدأت تشوف شغلها
~•~•~•~•~•~•~•~•~•~•~•~•~•~•~•
عند سمر
وصلت سمر عند مقر شغلها ونزلت من العربيه واتفاجئت بحازم واقف قصادها بصت ليه بصدمه وقالت
سمر :- ا ا انت
حازم :- قرب منها ومشى أيده على وشها وقال واحشتينى اوى يا قمر
سمر :- بعدت وشها عن أيده ورجعت وراه وقالت ابعد عنى متلمسنيش
حازم :- ليه كده بس نسيتى حزومه حبيبك
سمر :- حبك برص ابعد عن طريقى يا حازم
حازم :- ليه بس كده يا مزه انتى مش خلاص اطلقتى يبقى عايزه تحرمينى ليه من المهلبيه وبص على جسمها
سمر :- بصت ليه بقرف وقالت انت بنى أدم مقرف وزباله وندمانه على كل ثانيه فكرت فيها فيك وان انا فى يوم من الايام سلمت ليك جسمى كنت غبيه و حماره
حازم :- هتعملى فيها شريفه الله يرحم افكرك يا بت كنتى بتعملى معايا ايه
سمر :- رفعت ايديها وضربته بالقلم على وشه وقالت انت حيوان وزباله حسك عينك اشوفك قصادى تانى فاهم
حازم :- وحياتك يا غاليه هدفعك التمن غالى اوى
سمر :- بصت ليه بقرف وسابته ومشيت دخلت جوه ووقفت فى مكان فاضى ودموعها نزلت منها وحطت ايديها على بؤقها علشان تكتم صوتها وهى بتعيط ومسكت تليفونها واتصلت بأنجى وانتظرت الرد
انجى :- فينك يا واطيه مكلمتنيش ليه امبارح
سمر :- بدموع الحقينى يا انجى
انجى :- بخضه فيه ايه يا سمر
سمر :- حازم رجع تانى وبيهددنى انا خايفه اوى
انجى :- وايه رجعه تانى زفت الطين ده بس
سمر :- مش عارفه يا انجى انا تعبت كل ما اقول ان حياتى اتظبطت يحصل حاجه من الماضى تجيب عليها واطيها
انجى :- طيب وعملتى معاه ايه
سمر :- ضربته بالقلم بس شكله مش ناوى على خير يا انجى
انجى :- انا من رأى تقولى لمهند وهو هيعرف يتصرف معاه
سمر :- لاء مهند لاء يا انجى انا قولت ليه مره وسابنى بسببها مش مستعده الجأ ليه تانى هيصدقة هو يا انجى مش هيصدقني انا
انجى :- طيب والعمل ايه دلوقتى
سمر :- مش عارفه يا انجى حاسه نفسى تايهه ربنا يستر بقى انا هقفل معاكى علشان اروح اشوف شغلى باى وقفلت السكه مع انجى واخدت نفس عميق وخرجته بهدوء ومسحت الدموع من على خدها ودخلت جوه
~•~•~•~•~•~•~•~•~•~•~•~•~•~•~
فى شركة أدم
قعد أدم فى مكتبه يفكر فى اللى حصل ما بينه وبين سلوى وانب نفسه على اللى قاله ليها الصبح مسك تليفونه ورن عليها مردتش عليه نفخ وقام وقف وخرج من باب المكتب ونزل ركب عربيته ورجع على الفيلا ودخل بص عليها وقال
أدم :- سلوى يا سلوى مردتش عليه طلع على اوضة عمر وخبط على الباب وفتحه ودخل لاقه سلوى بتلعب مع عمر بصلها بقلق وقال انتى هنا قلقتينى عليكى
سلوى :- قامت وقفت وقالت وتقلق عليا ليه أن شاءالله عمومآ انا كده كده ماشيه بس مرضتش اسيب عمر لوحده لحد ما انت تيجى ابنك عندك اهو عن اذنك واخدت شنتطها ولسه هتمشى
أدم :- انا عارف انك زعلانه منى علشان اللى حصل الصبح انا اسف متزعليش يا سلوى غصب عنى والله
سلوى :- حضرتك مش ملزم انك تعتذرى انت حر فى تصرفاتك بس انا مش هقبل لأى حد يهنى مهما كانت الظروف عن اذنك
أدم :- مسكها من دراعها وقال يهون عليكى عمر تمشى و تسبيه
سلوى :- بصت على عمر واتنهدت بوجع وقالت كده كده كان هيجى عليا يوم وهسيبه
أدم :- وليه كنتى هتسبيه يا سلوى
سلوى :- اتنهدت بوجع وقالت اكيد حضرتك كنت هتتجوز واللى هتتجوزها هتاخد بالها منه وانا مش هيكون ليا لازمه ساعتها و كنتوا هتمشوني
أدم :- ياااا تفكيرك بعيد اوى عن الواقع والحقيقه يا سلوى
سلوى :- ليه ما ده المنطق واللى مفروض يحصل مع اى واحد مكانك
أدم :- متفكريش فى الموضوع ده لان مستحيل الكلام ده يحصل
سلوى :- والله حضرتك حر بقى يحصل ولا ميحصلش دى حاجه تخص حضرتك لكن انا مش هقعد دقيقه واحده تانى هنا لو سمحت سيب دراعى
أدم :- طيب تعالى معايا تحت عايز اتكلم معاكى كلمتين
سلوى :- اسفه حضرتك مفيش كلام ما بينا ولو سمحت سيب دراعى خلينى امشى
أدم :- و غلاوة عمر عندك اسمعينى الاول
سلوى :- بصت لعمر واتنهدت وقالت اتفضل حضرتك اتكلم
أدم :- تحت مش هنا
سلوى :- اتفضل ونزلوا الاتنين تحت وقعدوا فى الجنينه وقالت ياريت حضرتك تختصر فى الكلام علشان عايزه امشى
أدم :- اتنهد وقال سبب عصبيتى الصبح أن الصوره اللى كانت فى ايد عمر صورة امه
سلوى :- وايه المشكله مش امه فيها ايه لما يمسك صورتها
أدم :- انا مش عايز عمر يشوف أمه ولا يعرف هى مين
سلوى :- بأستغراب ليه
أدم :- اتنهد وقال علشان أمه مجرمه واخدت اعدام بس المحامى قدر يخليه مؤبد بس بعد الطعن بسبب انها كانت سبب فى موت ناس وكانت ناويه تقتل مرات اخويا عمر الله يرحمه
سلوى :- يا لهوى لدرجاتى هو فيه ناس كده بجد
أدم :- ايوه ملك دى كانت شيطانه وسيطرت علي حياتى فتره كبيره اوى لحد ما ربنا أراد أنه يفتح عينى ويبعدنى عن طريقها وسكتها بس للاسف كانت حامل فى عمر ابنى اخده منها بعد ما ولدت فى السجن وعيشت فتره كبيره فى دبى ورجعت تانى اعيش فى مصر بس شيلت اى صوره ليها موجوده فى الفيلا علشان عمر ابنى لما يكبر ميعرفش مين أمه ولما شوفت الصوره النهارده فى أيده اتعصبت وطلعت عصبيتى فيكى
سلوى :- بس اكيد عمر هيكبر وهيدور على أمه ويعرف الحقيقه
أدم :- يوم ما يسألنى عليها هقوله ماتت مش مستعد ابنى يكبر ويتعقد فى حياته لما يعرف حقيقة امه
سلوى :- يا حبيبى يا عمر ذنبه ايه هو فى كل ده اتحرم من حنان الام من وهو لسه مولود وخايفه عليه لما يعرف الحقيقه قد ايه الحياه صعبه اوى والابناء هما اللى بيتحملوا الاختيار الخاطئ من الام والاب
أدم :- عندك حق انا متحمل جزء كبير اوى من الخاطئ ده علشان كنت ماشى وراه شيطانى ومغمى عينى عمر اصلا جاى من علاقه غير مشروعه انا متجوزتش ملك انا كنت عايش معاها فى الحرام
سلوى :- لدرجاتى كنتوا انتو الاتنين أقذر من بعض
أدم :- بصلها من غير ولا كلمه
سلوى :- اسفه بس بجد مش لاقيه كلمه غير دى توصفكم انتو الاتنين
أدم :- محدش بيتعلم ببلاش يا سلوى انا دفعت التمن غالى اوى لما بشوف ابنى عايش محروم من أمه وهى لسه على قيد الحياه بذمتك مش ده اصعب عقاب
سلوى :- بصت ليه وقالت اقسم بالله انا ما صعبان عليا فى الموضوع ده كله غير عمر إنما انتوا الاتنين الموت شويه عليكم سورى يعنى
أدم :- شايف ان لسانك ماشاءالله عليه مش بيرحم
سلوى :- انا كده لما بنفعل بقول اللى فى قلبى علطول
أدم :- ابتسم ليها وقال ودى برضه من الحاجات الحلوه اللى فيكى
سلوى :- ها
أدم :- ايوه يا سلوى انتى فيكى حاجات كتير اوى حلوه بتشدينى ليكى
سلوى :- وقفت بتوتر وقالت ه.ه.هروح اشوف عمر ولسه هتمشى
أدم :- سلوى
سلوى :- بصت ليه وقالت ن.ن.نعم
أدم :- مش هتمشى و تسبينا صح
سلوى :- هزت راسها يمين وشمال بمعنى لاء وطلعت تجرى على اوضة عمر
أدم :- بص عليها وهى بتجرى وابتسم بحب وطلع على اوضه
~•~•~•~•~•~•~•~•~•~•~•~•~•~•
فى شقة حكمت
خرج مهند من اوضه وقعد على الكنبه وبص على أمه لاقها قاعده وساكته قال
مهند :- بخاف من سكاتك ده يا اما بحس انك بتفكرى فى موضوع خطير وربنا يستر وميطلعش اللى فى دماغى
حكمت :- ما انت طلعت بتفهم اهو
مهند :- ليه كده بس يا اما
حكمت :- علشان انت عديم الاحساس مستنى ايه انت مبقتش صغير امته هتتجوز وأشوف ليك عيل قبل ما اموت اطمنت على اخوك واطمنت على اختك وانت زى ما انت عايش على أمل انها تحن عليك وترضى ترجعلك وهى سايقه فيها ورافضه ترجعلك
مهند :- اممم وصلة كل يوم مش كان نفسك تبقى جده وتشوفى احفادك اهو ربنا كرمك بتلاته مش واحد فكك منى انا بقى علشان عمرى ما هتجوز غير سمر يا اما
حكمت :- خليك يا اخويا قاعد جمبى لحد ما تحن عليك السفيره عزيزه
مهند :- طيب وربنا سمر احلى واجمل من السفيره عزيزه اللى انتى بتقولى عليها دى
حكمت :- لا يا شيخ
مهند:- اه وربنا وبعدين ما ابنك مراد اهو رافض يتجوز اشمعنا بقى مش بتكلميه هو
حكمت :- ومين قالك أن انا هسكت انا خلاص قررت اكلم ام ساره ونروح نطلب البت ليه
مهند :- أحيه يا ابو سوسو احيه ده هيحصل مهازل اقسم بالله
حكمت :- وانت شوفتلك بنت كويسه وغلبانه وبنت حلال وهتروح تشوفها فاهم
مهند :- انا قولت سكاتك ده وراه مصيبه سوده متتعبيش نفسك يا اما علشان مش هتجوز غير سمر وابنك مراد مش هيتجوز غير علياء فبلاش الشغل بتاعك ده علشان هتخسرى ناس كتير اوى وباس خدها وقال سلام وخرج وسابها
حكمت :- طيب يا مهند شوف كلام مين اللى هيمشى المرادى
~•~•~•~•~•~•~•~•~•~•~•~•~•~•
فى شقة مياده
وصلت مياده الشقه ومعها عامر وكررت الروتين اليومى بتاعها وبعد ما جهزت الاكل ودخلت اخدت شاور سمعت صوت الباب بيتفتح راحت عند الباب وسلمت على ام مروان وقالت
مياده :- نورتى البيت يا ماما
ام مروان :- والله لسه فاكره أن ليكى حمه الا مفكرتى تيجى تسألى عليا وتشوفينى محتاجه حاجه ولا لاء انا مكنتش هاجى اعيش معاكم لو مكانش مروان حلف يمين طلاق علشان اجى معاه إنما انتى طلعتى واطيه ومتستهليش
مياده :- اتنهدت وقالت متزعليش يا ماما غصب عنى والله انا يدوب برجع من الشغل واخلص اللى ورايا وانام قتيله مش حاسه
ام مروان :- ربنا ما يحوجنى لحد الصحه هياكلها الدود يا اختى
مياده :- بصت لمروان
مروان :- ادخلى بس يا امى ده بيتك انتى واحنا هنعيش معاكى ضيوف ومياده هتكون تحت امرك فى اى وقت صح يا مياده
مياده :- ا.ا اه طبعآ
ام مروان :- بصت بغيظ لمياده ودخلت قعدت على الكنبه
مياده :- بصت لمروان بزعل وقالت هدخل احضر الاكل وسابتهم ودخلت المطبخ
مروان :- دخل وراه مياده لاقه دموعها نازله منها بصلها بأستغراب وقال مياده انتى بتعيطى
مياده :- انت مشوفتش امك عملت معايا ايه
مروان :- يا حبيبتى امى ست كبيره اعتبريها زى ولدتك الله يرحمها وخديها على قد عقلها
مياده :- وايه موضوع الحلفان بيمين الطلاق ده انت لسانك اخد عليه ولا ايه يا مروان
مروان :- اعمل ايه كانت زعلانه منك ومش عايزه تيجى تعيش معانا وحلفت يمين الطلاق علشان تيجى معايا
مياده :- ارجوك بلاش تحلف بي تانى علشان مجيش مره اوقعلك اليمين ده وتخسر كل حاجه يا مروان
مروان :- خلاص بقى يا ميزو دول مرتين بس ومش هتتكرر تانى المهم مش تقوليلى مبروك
مياده :- مبروك بس على ايه
مروان :- اشتريت العربيه واقفه تحت ابقى اخدك بيها لفه كده انتى وعامر
مياده :- أن شاءالله خد الاطباق حطها على السفره على ما احضر الاكل واجيبه
مروان :- ابقى هاتيهم انتى يا مياده بقى انا هروح اغير هدومى وخرج وسابها
مياده :- بصت بغيظ على مروان وهو ماشى واتنهدت وحضرت هى الاكل وحطته على السفره وقالت يلا يا ماما يلا يا مروان واخدت عامر وقعدت على الكرسى وقعدوا كلهم وبدأوا ياكلوا
ام مروان :- مش ناويه بقى تحنى على ابنى وتخاوى الواد ابنك
مياده :- بصت لمروان ورجعت بصت لامه وقالت لسه شويه يا ماما
ام مروان :- شويه ليه ما الواد كبر اهو ماشاءالله
مياده :- انا ومروان متافقين على كل حاجه وان شاءالله لما الظروف تسمح نبقى ناخد الخطوه دى
ام مروان :- اممم بنات اخر زمن الواحده الاول كانت تجيب العيل وبعد الاربعين تكون حامل علطول عمرنا ما شوفنا المحن بتاعكم ده
مياده :- اه كلامك صح بدليل أن حضرتك مجبتيش غير مروان
ام مروان :- لاء يا اختى جيبت غير مروان بس ربنا مكانش ليه اراده أنهم يعيشوا وانتى قليلة ادب علشان تردى عليا بالوقاحه دى وعيطت وقالت انا غلطانه أن سمعت كلامك يا مروان انا كنت قاعده فى بيتى معززه مكرمه انا من بكره همشى وارجع بيتى
مياده :- غمضت عينيها علشان تهدا
مروان :- متزعليش يا امى وبص لمياده وقال عيب يا مياده لما تردى على امى بالطريقه دى
مياده :- انا مغلطش يا مروان انا كنت برد عليها عادى
مروان :- لاء برضه غلطانه
مياده :- بصت لام مروان وقالت انا اسفه يا ماما وقامت وقفت وقالت عن اذنكم انا شبعت ودخلت اوضتها
ام مروان :- يا ابنى رجعنى بيتى مراتك مش طايقه وجودى
مروان :- ايه بس اللى انتى بتقوليه ده يا ماما مياده بتحبك زى امها بالظبط
ام مروان :- اه واضح بأمارة ما سابت الاكل وقامت
مروان :- انا داخل جوه ثوانى وجاى وقام دخل الاوضه وقال بعصبيه ايه اللى انتى عملتيه ده امى زعلانه وعايزه تمشى
مياده :- عملت ايه انا معملتش ليها حاجه ورغم كده اتأسفت ليها يا مروان
مروان :- لاء جرحتيها بكلامك وبعدين انا لسه كنت بقولك عامليها زى امك يا مياده يلا تعالى معايا بوسى دماغها وراضيها
مياده :- ابوس دماغها واراضيها على ايه وانا معملتش حاجه اصلا
مروان :- يا ستى راضيها وخلاص
مياده :- نفخت وقالت حاضر يا مروان وخرجت معاه وباست راس ام مروان وقالت متزعليش يا ماما مكنتش اقصد حاجه والله
ام مروان :- اممم جيتى لما اتحايل عليكى وباس ايديك علشان تراضينى
مياده :- بصت لمروان
مروان :- خلاص بقى يا امى هى مكانتش تقصد حاجه والله اقعدى يلا يا مياده
مياده :- اتنهدت وقعدت وبدأت تاكل وتأكل عامر
~•~•~•~•~•~•~•~•~•~•~•~•~•~•
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية فرصه استثنائية)
