رواية الوقوع في الحب الحلقة التاسعة 9 بقلم هبوش
 |
| رواية الوقوع في الحب الحلقة التاسعة 9 بقلم هبوش |
رواية الوقوع في الحب الحلقة التاسعة 9 بقلم هبوش
كانت جوري تقراء في امتحان غدوة وتراسل مع البنات واتس ايراجعوا في كل شيت يقروه
خش عليها مسج من رقم غريب مادورتش كملت مذاكرة وبعد كملت اتصل عليها ادم هدرزوا ساعة وبعدين صكرت منه وجت بتحط التلفون وترقد جاها شعار من نفس الرقم ارسال صور رجعت فتحت التلفون وهي راقدة على بطنها وفتحت ع المسجات وكانت صدمة ليها جت مقعمزة وتشبح بتركيز ع الصور والكلام اللي مع الصور ????????
جوري/ حطت يدها على قلبها وبصوت ضعيف… سااااجدة ساااجدة… ????????
وساجدة كانت تحت البطنية وتهدرز مع اسامة
ساجدة/ طلعت راسها… هممم شن تبي
جوري/ يدها ع رقبتها وتاخذ في نفس… تعاااليلي مممش قاااارة نتنفسسس…
ورتخيت طاحت ع جنبها
ساجدة/ بعياط… جورررري خيرررك…
وطارت لعندها قيمتها ع حجرها…
ساجدة/ بعياط… جوووري ررردي علياااا ????????
اسامة/ مزال ع الخط…الوووو ياساااجدة شن فيه ساااجدة ررردي الوووو…
وساجدة تضرب ع خدها تعيط بعلوا صوتها وتنادي
ساجدة/ ياااااااسااامي يااااامي اااالحقواااا جوووري ????????…????????????????????
خشوا سامي وغالية يجروا على عياط ساجدة شادة جوري بين ايديها وتبكي
شاف نبضها وحاولوا ايفيقوها وجوري مرتخية ونبضات قلبها سريعة قامها سامي
وعلى طول خذوها للمستشفى ودخلوها ع الاسعاف السريع دخل معها سامي وقعد واقف يشبحلها بوجع والدكتور المسعف يفحص فاها
دكتور/ شاف للممرضات… دخولها العناية و استدعوا دكتور عمران…
سامي/ قرب منها وشبح للدكتور… طمني يادكتور جوري شن عندها
دكتور/ الحق يادكتور سامي مانقدرش انطمنك لين ايشوفها دكتور عمران اخصائي قلب
سامي/ بخوف… قصدك عندها مشكلة في القلب؟ ????
دكتور/ مانقدرش انجاوبك لين انتاكدوا
…
و اعطى تعليمات يرفعوا جوري للعناية وسامي طلع على امه وساجدة
غاليه/ جاته شدت فيه… خيرهاااا ااختك ياسامي شن قاالك الدكتور
سامي/ بهدؤء… يبوا ايدخلوها العناية مزال ماعرفوش شن عندها
غالية/ قعدت تخبط… واااه علياااا بنتي واااه…
زادت تعيط وتخبط
سامي/ ياامي بالله عليك اسكتي لا حول ولاقوة الابالله…
حضنتها ساجدة وقعدت تسكت فاها
ساجدة/ تبكي… ماتبكيش يام اكيد صايرلها هبوط و ارهاق من الامتحانات
غالية/ ببكاء… مش درجة ايدخلوها العناية لالا اكيد بنتي فاها حاجة ومايبوش ايقوليلي…
وانفتح باب الغرفة وطلعوا بجوري طاروا عليها غالية وساجدة يبكوا بصوت بعد شافوا حالها ????
و ماحوتك شدهم سامي
والمسعفين خذوا جوري للعناية واستدعوا دكتور جراحة قلب ايجي يفحصها
واتصل سامي على بلال و اسامة خبرهم
اشوية وخش بلال ومرته وبعدين اسامة وبوه قعدوا كلهم على نار يستنوا في الدكتور يطلع بعد ساعة طلع عليهم
بلال/ شنووو يادكتور
د عمران/ المريضة كانت تشكي قبل من قلبها
الكل/!؟
بلال و غالية/ لاااا
بلال/ بقلق… طمنا يادكتور شن عندها
د عمران/احتمال تشوه خلقي في صمام القلب توا نتاكدوا بعد مانديرولها صورة تبين اكثر
غالية وساجدة/????????
سامي/ يعني شنو في خطر عليها
د عمران/ حاليا وضعها مستقر وان شاءالله خير…
مشى الدكتور خش عليها
والكل خايف ويدعي و غالية تبكي بصوت وتتجدا فيهم اتخش اتشوفها
وساجدة ايسكت فاها اسامة ويضغط عليها تمشي مع مرت بلال الحوش المهم فاتت عليهم ليلة صعبة لعند الفجر والكل مزال قاعد لين طلبوا منهم يقعدوا مرافقين بس
بالغصب بيش قعدت غالية مع بلال والباقي روحوا للحوش
خشت ساجدة لدار تبكي على اختها مش مصدقة اللي صار ???? شعور يوجع اتشوف لمكان شخص عزيز عليك كان من لحظات يضحك وتهدرز معه وفجأة يقعد بين الحياة و الموت ????
قعمزت على سرير جوري وتمسح عليه ودموعها ينزلوا كيف المطر
شافت تلفونها طايح جنب مخدتها تذكرت لما كانت تهدرز مع صحباتها وبعدين هدرزت مع ادم
شدت تلفون ضماته لصدرها ورقدت على السرير بوجع وبكاء وقعدت كل شوية تتصل على بلال لين طلعت الشمس
ساعة ثمانية خذاها النوم وناضت على تلفون جوري يرن جنبها شافت للتلفون و ردت ????
رهف/ باستعجال… يااااحيوانة وينك هيااا قعدين انخشوا الامتحان…
ساجدة/ ???? تشهق…جوووري في اااالمستشفى ياارهف اهه اهه اهه ????
رهف/ برعشة… خيررها البارح كانت كويسة
ساجدة/ ببكاء… مش عااارفة طااحت علينا فجأة ادعيلها يارهف جوري تعبانة في العناية ???? ????
رهف/ دموعها نزلوا… بعيد الشر عليهاااا…
ومسكتها العبرة وقعدوا يتبكوا
شبحنها مروة و سندس تبكي جوا لعندها لونهن مخطوف
مروة/ رررهف علاااش تبكي شن في
رهف/ شبحتلهم بحزن… جوووري ياابنااات في العناية ????????
سندس و مروة/ شنوووو ????????????…
ودارن عزاء عليها ياناري حتى بعد خشوا ع الامتحان ماقدرن ايحلن كملنها دموع وخلاص ????????????????????????????
اما ادم كان راقد مايندري على حاجة ناض على صوت امه توعي فيه وتبكي
ادم/ ناض مفزوع… بسم الله الرحمن الرحيم خيرك يااام
صفية/بعياط… ياناري عليكم مالحقتوا تفرحوا هيااا نوووض ارفعني لخالتك جوري تعبانة في العناية ????
ادم/ قعمز ومسح ع وجه بيش يستوعب…
جوري من؟
صفية/ ببكاء… ماتهبلنيش هياااا بسرعة نوووض خطيبتك بين الحياة والموت وانت رااقد …
وطلعت تبكي خشت تلبس عبايتها
وادم قعد مصدوم فاتح فمه مش فاهم حاجة او مش مصدق اللي سمعه معش عرف روحه في حلم ولا علم دعس على تلفونه واتصل عليها ولما ضرب قلبه ارتاح وتوقع امه تلعب عليه ولا غالطة المهم مش حق اللي سمعه
قعد تلفون يضرب لين جت ساجدة كانت تبي تطلع تمشي للمستشفى خذاته وردت عليه
ادم/ باهي ياجوري دايرة فيا مقلب انتي و صفصف ????
ساجدة/ معك ساجدة يا ادم
ادم/ بلع ارياقه بخوف… ووو جووري ووين
ساجدة/ قعدت تبكي… جوررري مريضة راقدة في العناية????
ادم/ بانزعاج… تي بالله عليكم مش جو مقالب راهو اعطهالي انكلمها
ساجدة/ بوجع… والله مانكذب عليك البارح بعد كلمتها طاحت علينا…
وقعدت ساجدة تبكي منهارة و سامي ينادي عليها تطلع
صكرت منه ومشيت مع سامي
اما ادم طار قفز من ع السرير وطلع يجري نزل بحوايجه كان راقد بشورت نص ركبة و تيشيرت وحتى وجه ماغسله ركب سيارته وطار بيه ع ال200
طلعت صفية من دارها تبي تلحق عليه بس لقاته ماشي والمسكينة رجعت لفوق اتوعي في معاذ
وصل ادم و خش يسأل في الاستعلامات و مشى جري للعناية شاف بلال و خالته
ادم/ بانفاسه متقطعة… ششششن صااااير وووينها جووووري
غالية/ عيونها مدمعة… يااناري عليها بنتي بتضيع منا ياادم ياحليلي مافرحت بيها صغيرتي وااااه علياااا…
و ادم ???? رجليه فشلوا قعمز ع رجليه
ادم/ لا خليتها كوويسة
بلال/ ايعارك… علاااش يااامي اتفاولي عليها قولي خير واستغفري الله
غالية/ ببكاء… نار في كبدي ماحد حاسس بيها اهه اهه ياااناري عليك ياااجوري ????
بلال/ ادعيلها ربي يشفيها مش اتعيطي
غالية/ يااارب اشفي بنيتي يارب ماتكسرني فيها ياربي حضرني عرسها ????
ادم/ يبكي ويعيط على بلال… كيف مرضت شن قالولكم فهموووني ????
بلال/ شده … صبي تعال قعمز ع الكرسي توا يطلع الدكتور ونفهموا منه…
صبى باهمال و استند ع الحيط ايشوف لباب العناية بخوف وجع
والوجه شاحب و مسبوه ????
صعبة اتنوض على فاجعة لشخص عزيز عليك مش ح تقدر تستوعب باللي صاير وتقعد طول الوقت ضايع ومهزوز ????????
وصلوا سامي وساجدة وعبود وكل مرة يوصل حد من العائلة
وانفتح باب العناية طلع الدكتور عمران التموا عليه
بلال/ طمنى شن طلع عندها يادكتور
د عمران/ المريضة عندها انسادال الصمام التاجي
سامي/ بس يادكتور ولا مرة شكت من قلبها كيف طلع فجأة
د عمران/ فيه اللي مايطلعش عليه اعراض المرض لبعد البلوغ او لو المريض يتعرض لصدمات نفسية يسبب اضطراب في وظيفة الصمام
غالية وساجدة/????????
سامي/ والحل شنو يادكتور
د عمران/ ضروري من عملية جراحية ايتغير الصمام بيش يمنع حصول قصور في القلب ولا لا سمح الله المريض يتعرض للموت المفاجئ
الكل/????????
بلال/ و نسبة نجاح العملية كم يادكتور
د عمران/ ان شاءالله عملية ناجحة بس اهم شي بعد العملية ضروري تحافظوا على نفسيتها ماتخلوهاش تزعل
بلال/ بوجع… ان شاءالله يادكتور…
قعد كل مرة حد يستفسر ع العملية و ادم واقف ايشوفلهم وخلاص كان مغيب وكل تفكيره عند جوري يتمنى ايشوفها ويحضنها ????
.
………….. ????????????????????????????????????
عند حنين
ناضت على صوت سراج يتكلم مع اخته في صالة وشوية وصكر الباب وخش عليها سراج
حنين/ قعمزت… صباح الخير
سراج/ صباح الخير… وفتح دولابه ايطلع في حوايج
حنين/ شن تبي خلود
سراج/ بملل… امي تبينا ننزلوا انتغدوا تحت
حنين/ اهااا… ونزلت من ع سرير
سراج/ فات من جنبها… تنزلي وفمك ساكت كلام زايد مانبيش اووكي
حنين/ تشبحله… نبي نعرف علاش تعامل فيا هكي سامع عليا حاجة احكي قول ليش مااا…
قاطعها بعياط????
سراج/ شدها بالقوة… معش تساااليني و ياويلك حد يسالك تفتحيله فمك نقتلك فاااهمة ولالا ????
حنين/ بخوف… باااهي خلاااص فهمت
سراج/ دفها قدامه… ااامشي ديريلي فطور نبي نطلع…
مشيت دمعتها في عينها اول ماخشت المطبخ نزلوا كيف المطر دارت فطور وجهزاته في سفرة ومشيت ع الحوض غسلت وجهها نشفاته بالكلانكس وخذت السفرة وطلعت رفعتها له في صالة وسراج مقعمز رجل على رجل ويتصفح بالتلفون حطت السفرة قدامه ورجعت خشت للدار
بعد مافطر طلع وخبط وراه الباب
سمعاته طلع طلعت خذت السفرة خشت للمطبخ حطت القهوة ع النار ولفت السفرة وسرحت وهي تغسل في الموعين لين فاجت القهوة ع الغاز ???? مسحت الغاز ودموعها ايصبوا احتارت شن ادير ولمن تشكي طلعت حتى القهوة ماشربتها خشت بدلت حوايجها وحطت شوي مكياج ونزلت لعمتها تحت
.
.
عندي في المزرعة
خ محمود/ خش المكتب… تبي حاجة انا ماشي للحاج
انا/ لا سلامتك يا خالي
خ محمود/ مرات انتاخر بيش اتشوفي يامن ايجي يقعد في المزرعة
انا/ باهي توا نتصل عليه…
وفي عقلي انقول هو وين يامن ليه يومين ماشبحتاش ولا اتصل دورني
طلع خالي وصبيت ع الروشن انشوف برا
تذكرت اخر لقاء بينا ضحكت بفرحة طلعت تلفوني من جيب البالطو واتصلت عليه دون تردد
ويامن كان طالع من الحمام وينشف في شعره قرب شاف المتصل ابتسم بخبث…
يامن/ الووو صباح الورد لاحلى وردة في الكون
انا/ ابتسمت… صباح الفل كيف حالك وكيف حال عمتي صفية والشباب
يامن/ لوح المنشف… ايسلموا عليك شنجوك ياوردة قلبي
انا/ ضحكت… الله الله هههه اهو الحمدلله ماشية ☺️
يامن/ بصوت ايذوب… اااستحشتك مووووت امتى بس انشوفك
انا/ بعتب… اللي مستاحش ايجي و يسال ولا شنو
يامن/ ايطلع في حوايج من دولاب… عندك الحق تزعلي انا مقصر معك بس والله معش فضيت
انا/ ضحكت… خلاص المرة هذه سامحتك
يامن/ اخ منك اشوية وتلقيني عندك تبي حاجة انجيبها معاي
انا/ بفرحة… سلامتك…
يامن/صكر الخط وضحك بخبث…ههه توا ح يبدا اللعب…
ونحى المنشف عليه وقعد يلبس
استنيته بفرحة لين وصل وجاء خبط ع الباب يستاذن وعاد مش من عادته ???? ضحكت بصوت ????????
انا/ خش عاااد المكتب مكتبك ????
يامن/ فتح الباب ورسم ابتسامة… خفت تطلقي عليا اللسانك ????…
وخش صكر وراه الباب
انا/ نشبح للباب… اااني نطلق في اللساني؟امتى؟
يامن/ جاي لعندي… تبي انذكرك…
وقرب مني اكثر قريب يلصق فيا
انا/ ارتبكت… جووو نووو برااا اافتحه الباب…
وقعدت انهوي بيدي ????????
يامن/ حط يده ع خدي… جو حلو اليوم انتي اللي عندك حرارة…
وقعد يمسح على خدي بلطف ويشبح لعيوني اللي سرحوا معه وماوعيتش الا على بوسة منه ع شفافي ???? نقزت برعشة بعدته مني
انا/ بلعت بخوف… لاااا يااامن مايصحش
يامن/ زاد قرب… حبيبي عادي نحن مخطوبين وعرسنا قريب ليش خايفة مني…
انا/ قلبي يخبط… لااااا مش خايفة بس مااانحبش ايكون في جو اهوه…
التفت يامن لجهة المكتب وقعمز ع الكرسي…
يامن/ بزعلة…. اااوكي ماتضايقش روحك ها شن جو المزرعة
انا/ جيت قعمزت مقابلته… تمام الحمدلله اتصلت بيك بيش حتى اتساعدني وتشوف الشغل
يامن/ حط رجل على رجل… هممم وعمي محمود مش قاعد مالا
انا/ ابتسمت… اهاااا مشى ايشوف الحاج
عندهم شغل
يامن/ عقد حاجبه… قصدك قااعدة ابروحك
انا/ من نص ساعة بس طلع خالي!
يامن/ نفخ… لالالا مايمشيش معاي مرة ثانية معش تقعدي اابروحك افرضي حد من العمال تعرضلك ????
انا/ بفرحة… ياحليلي خايف عليا
يامن/ مد ايديه شد يدي… لو ما انخاف عليك انخاف على من و ديري احسابك انا انغااار هلبا راااهو
انا/ عيوني عليه… ربي ايخليك ليا نحب الراجل الغيور ☺️
يامن/ شد يدي باسها… وااانا اانموووت فيك…
وزاد باسها من الكف
انا/ بلكلكة… هيااااا نمشوا انشوفوا الشغل برا… وبلعت ارياقي
يامن/ صبى شاد يدي… باهي يا ستي هيااا…
طلعنا نهدرزله ع الشغل و كان يامن ايمثل دور المهتم ويسأل على كل حاجة بعد وقت
اتصل خالي وقالي مش ح يقدر ايجي توا وانروح مع يامن صكرت من خالي ومشيت ليامن كان واقف جنب سيارته ايدخن
انا/ معليش ح نتعبك اتروح بيا
يامن/بغضب… شن جو الرسميات معش اتعاوديها
انا/ ابتسمت… باهي اسفة هيا نمشي ناخذ شنطتي خمس دقائق بس وانجي
يامن/ تمام… وعزق دخانه داس عليه…
يامن/???? ههه وقعتي…
خذيت شنطتي وقفلت المكتب وطلعت
انا/ عطلت عليك ????
يامن/ لا ولايهمك ها خلاص نمشوا
انا/ ايه هيا…
وفتحت باب السيارة و ركبت
يامن/ ولع السيارة… شن تحبي تسمعي
انا/ عادي اللي يعجبك
يامن/ شغل اغنية اجنبية… نحب نسمع اجنبي تسمعي
انا/ ????ابتسمت… اي حلووو…
و طلعنا من المزرعة ساعة خمسة تماما
………. ????????????????????????????????
ع السوشل ميديا نزل منشور على كل صفحات الليبية والتونسية عن …. جريمة قتل زوز بنات تهز تونس و كاميرات تظهر صور لشباب ليبيون ليلة وقوع الجريمة…
كانت في كاميرات واخذا صورهم وهم طالعين بيهن من الملهى و صور وهم طالعين للعمارة و صور برواحم بعد ساعة طالعين من العمارة يعني كل الادلة تثبت تورطهم
وطبعا الصور لجهاد ومعاذ و عبود…
بس كيف ماتت صحبتها وزعما نفس القاتل
????????
و اول واحد من الشباب شاف المنشور ونزل عليه كيف الصاعقة كان جهاد على طول اتصل بمعاذ فوق من عشر مكالمات بيش رد عليه
معاذ/ الووو
جهاد/بغضب… تي خيييرك ماااترد الللزح
معاذ/ كنت انوصل في امي للمستشفى ومخلي تلفون خير شن تبي
جهاد/بعياط… اااااما خيرررر خلاص نحن انتهيناااا
معاذ/ شن في اااحكي كووويس
جهاد/ شووووف شن امنزلين ع النت …
فتح معاذ الفيس وقعد يتصفح بين الصفحات لين طلع معه نفس المنشور????
معاذ/ بعصبية… يللللعن **** ال ****** شن اااايصير تواااا
جهاد/ واااضح شن ح ايصير الجريمة لبستنا حتى البنت الثانية الشاهدة الوحيد ممكن اتساعدنا قتلها????
معاذ/ قعمز بتعب… نبي نوكل محامي مستحيل انا انخش السجن ????
جهاد/ شوف عبود تلقاه مايعرفش قوله يقعد في الحوش مايطلعش راهو يتهور و ايدير في روحه حاجة …
معاذ/ بوجع… تم توا انكلمه…
صكر منه واتصل بعبود
و مافيش اسرع من اخبار السؤ طول ماتنتشر في البلاد وقعدوا حديث الناس
.
.
في المستشفى
طلب الدكتور ايوقعوا على العملية وخذوا من جوري دم لزوم التحليلات وقرر الدكتور المختص اتخش العمليات ساعة ستة المغرب والكل يدعيلها و غالية اللي نزحت دموع تدعي وتبكي بحرقة و صفية و ساجدة جنبها ايواسو ويصبروا فاها
و طبعا ادم اللي لا تحرك ولا نطق بكلمة ????
امقعمز بعيد عليهم وعيونه مانزلوش من على الباب وكانه ايشوف في جوري ????????????
……
عند عزيز ومريم عايشين في العسل والوز ونجوى كذا مرة تتصل ب مريم وتلفونها مقفل استغربت اختفاها فجأة اتصلت على اخت مريم تسال عليها
ولما شافت اختها رقم نجوى مابتش اترد
ومع هذا ماجاش في بالها ولا واحد في المية ان العروس ممكن تكون مريم بلعكس مشى عقلها انها طالعة رحلة مع خواتها
سيدرا/ ماما عندي مسائل في الرياضيات سعديني فيهم
نجوى/ توا اتجي وردة اتقريك…
ورجعت تتصل بمريم
سيدرا/ بس اعميمة تاخرت واني نبي نكتبهم في الكراس توا
نجوى/ اااااوف خلاااص توااا اااشوية وتوصل هذااا وقت مرواحهاااا
سيدرا/???? بخيبة… باااهي
????????????????????
مريم/ بدلع… حبيبي بصراحة مانبيش نعيش مع نجوى في نفس الحوش خلينا اناجروا حوش بروحنا
عزيز/ بحزم… نحن اتفقنا من الاول ولالا
مريم/ بزعلة… اييه بس انت تعرف نجوى ومشاكلها مش ح تريحني
عزيز/ ماعليكي فاها انتي بس فوتيها
مريم/ لوت وجهها… هكي اتردني من اول طلب يعني حرام نعيش بروحي وناخذ راحتي مع زوجي وحبيبي
عزيز/ يشبحلها بشهوة… ممكن تغيري الموضوع وتخلينا مبسوطين…
ونزل باس رقبتها
مريم/ بدلع… الله غالب نخاف بعد تشبع مني نجوى تغيرك عليا اني نعرفها كويس
عزيز/بغضب… اييييي ع الاهم الززززح
ضروري اتنكدي علينا ????
مريم/بدلع… لاااا كل شي الا زعلك بيبي
… وباست فمه
زاد عزيز ايبوس ويتغزل وووو????????????
.
.
في الطريق كنت نهدرز مع يامن ومنسجمة في الحديث مانتبهتش للطريق والمسافة اللي مشيناها في الاخير انتبهت الطريق شبه خاليا
انا/ يااامن مش هذه طريق الحوووش
يامن/ بملل…همممم عارف
انا/ عقدت حاجبي… وووين ماااشي هيا رد بيا حطني بالحوش وامشي وين ماتبي
يامن/ ابتسم بخبث… هههه علاش مستعجلة توا اتروحي للحوش خوك مش قاعد مافيش من ايقولك وين كنتي ????
انا/ بصدمة????… ياااامن شن في ررراسك
يامن/ بخبث????… توا تعرفي…
انا/ بعياط… هياااا ووووقف السيااارة
يامن/ هز راسه… تؤتؤ مش قبل مانوصلوا
انا/ بغضب… و ربي يااا يامن نقتل رررروووحي قبل مااادير اللي في راااسك…
ويامن ايسوق بكل برود وثقة و زاد صوت المسجلة
????قعدت نفتح في مقبض الباب بالقوة ونخبط ونعيط عليه ايوقف ????????????????�
.
.
عند الحاج سليمان جاه اتصال وقفز امصبي
ح سليمان/ كيييف اااامتى صااار الشي هذاااا
????…*********
ح سليمان/ ااانت متاكد بالكي تشابه في الاسماء
????….*********
ح سليمان/ قعمز مهدود الحيل… لا حول ولا قوة الابالله ????…
خ محمود/ يشبحله بخوف… خيررر ياحاج شن في
ح سليمان/ شبحله وعيونه مدمعة… كاارثة ياااخوي يااامحمود ????…
وقعد يبكي
خ محمود/ قرب منه…ممممن اللي مااات ياااحاج
????????????
.
.
.
عند حنين
نزلت تغدت في حوش عمتها و سراج من طلعته معش روح قعدت تحت تستنى فيه بيش تمشي لشقتها عاد ماعندهاش مفتاح الشقة
بعد العصر خشت دارت القهوة وجت قعمزت مع عمتها وخوات سراج وسلفتها اسمها ابتسام في دار المعيشة شبحتلها عمتها بستفسار
عمتها/ مزال ماروح سراج!؟
حنين/ لا ياعمتي مزال
عمتها/ ماقالكش وين ماشي!
حنين/ باحراج… لا والله ماقليش
ابتسام/ اتصلي شوفيه
حنين/ بلعت ارياقها… اااتصلت حطني مشغول…
وطبعا ماتصلتش خايفة ايعاركها
عمتها/ بقلق…ان شاءالله خير
خلود/ ماتنشغليش يام من قبل يطلع مايردش ع التلفون
عمتها/ هذاك قبل توا هو عريس شن ايطلع فيه من الصبح ولتوا ماروحش…
وحنين وجهها الوان قعدت ساكتة تسمعلهم و ماتقدرش اترد
خلود/ كان قلقتي يا حنين خشي ارتاحي في داري
حنين/ لااااا عادي مرتاحة…
وصبت خذت سفرة القهوة ومشيت للمطبخ
لحقتها سلفتها ابتسام
ابتسام/ خليهم توا نغسلوهن توا تفسدي حنتك مزلتي عروسة
حنين/ ابتسمت…لا عادي ماتثرش…
وقعدت تغسل في فناجين القهوة
ابتسام/ قربت منها… نبي نسالك ومعش قعدنا ابروحنا ناخذوا رحتنا
حنين/ على شنو!
ابتسام/ شبحت للباب ورجعت شبحتلها… سررراج شن جوه
حنين/بتعجب… كويس الحمدلله
ابتسام/ تؤ لا مافهمتش عليا قصدي شن جوكم انتي وياه
حنين/ قلبها نقزها… عااادي شن بيكون جونا يعني! كيف كل العرسان
ابتسام/ اهااااا بااهي ربي ايهنيكم…
وجت طالعة تلاقت مع سراج بيخش المطبخ ارتبكت وقعدت اتلكلك لين حس سراج ان في حاجة او كانوا يحكوا عليه خش على حنين عيونه نار ????
سراج/ عض ع سنونه… اااطلعي فوووق بسررررعة
حنين/ بخوف… حاااضر بس ااانكمل اللي في يدي
سراج/ جاء شدها من يدها… قلتلك اااامشي فوووق ااحسن مااانقلب ااالحوووش على راااسك ????…
و حنين بلعت بخوف ونشفت يدها في حوايجها وطلعت ترعش مع بعضها
وسراج طالع وراها وناوي ع الشر ????????
في المستشفى
دخلوا جوري العمليات و خش المخذر يبي يعطيها جرعة التخذير شاف لتقرير الحالة بيش يقدر كمية الجرعة اللي تتماشى معها وفجأة
دكتور تخذير/ هز راسه… يادكتور المريضة ماتتحملش
د عمران/ شبحله بستفهام… ليش يادكتور
د تخذير/ شوف التقرير
د عمران/ شاف التقرير… قصدك ياثر على باقي الاعضاء
د تخذير/ اها المشكلة في الضرر بالقلب نفسه لان وظائف الاعضاء ضعيفة جدا
الافضل يادكتور اتأجل العملية
يتبع..
لقراءة الحلقة العاشرة : اضغط هنا
لقراءة باقي حلقات الرواية : اضغط هنا
نرشح لك أيضاً رواية رقية للكاتبة هاجر محمود.
