رواية عشقت حسناء الصعيد الحلقة التاسعة 9 بقلم هبة الله عوض
 |
| رواية عشقت حسناء الصعيد الحلقة التاسعة 9 بقلم هبة الله عوض |
رواية عشقت حسناء الصعيد الحلقة التاسعة 9 بقلم هبة الله عوض
جذبها اليه واحاط خصرها بيديه واقترب منها ليقبلها ولكنه وجد عينيها مغلقه وانفاسها مضطربه فابتعد عنها واتجه إلى باب الحجره قائلا:انى مش هجفل عليكى ولو عايزه تمشى امشي بس اعرفى ان دى جرارك وانى مهغصبكيش حتى لو عكس اللى رايده
فتحت عينيها ونظرت اليه بصدمه قائله:يعنى امشي وانت مهتمنعنيش
سليم وهو ينظر للجهه الاخرى قائلا:ولو عايزه تطلجى هطلجك كمان
نظرت اليه بصدمه قائله:هتتكلم چد؟
سليم:ايوه مش انى اللى اغصب على مره تعيش معاى
حسناء تنظر اليه بغضب قائله:ايوه طلجنى دلوجت
نظر اليها قائلا:هحدد خالك وعملك دلوجت ياچو ونخلصو الموضوع ده
حسناء وهى تتجه إليه قائله:لاه طلجنى دلوجت
سليم.:انى مهمنعش انى اطلجك ياجو ونطلج
وتركها وخرج من الحجره بدون ان يتحدث بكلمه اخرى ولكنها ركضت خلفه وتشبثت بيده قائله بغضب :انت ماشي وسيبنى اكده
سليم وهو ينظر اليها بخبث قائلاً:سيبك كيف يعنى مانتى زينه اها
قطع شجارهم المستمر صوت صراخ قادم من الغرفه المجاوره
حسناء وهى تنظر اليه بدون ان تتحدث بكلمه
ركض الى الحجره المجاوره وهى خلفه فتح الباب ودخل ليجد الغرفه فارغه اتجهه الى الحمام ليجدها تجلس على الارض تبكى
اقترب منها قائلا:فى ايه يا نبيله بتصرخى ليه ؟
نبيله ببكاء:الحجنى يا سليم انى بنزف
سليم وهو ينظر اليها بصدمه قائلا: ازى ده جومى نروح للدكتور
حسناء وهى تمسك بيدها قائله:جومى معايا يا حبيبتي
قام بحملها وخرج من الحجره متجها إلى السلم نظرت اليه وهو يهبط السلم وهبطت خلفه قائلا :اچى معاكو
سليم وهو يهبط السلم دون ان ينظر اليها قائلا :تعالى اهو تجعدى معاها لو روحت اكده اوالا اكده
اتجهت خلفه وخرجو من المنزل واستقلو السياره نبيله بجانبه وحسناء بالخلف وانطلق بالسيارة
نبيله ببكاء:يا رب يا رب احفظلى ابنى يا رب
حسناء وهى تربط على كتفها قائله:متبكيش باذن الله خير
نبيله بغضب: طبعا خير مهو لو ابنى سجط هيفضالك الچو مش انتى عايزه اكده
حسناء بدهشه:انى انى عايزه ابنك ينزل والله ربنا اللى عالم أنى بتمنالك الخير وان ربنا يفرح جلبك
نبيله بغضب:ايوه عشان اكده هتدحلبى وعايزه تسرجى سليم منى ووجعتيه فى عشجك
حسناء:لاه انى وهو هنطلج اتفجنا على اكده لو ممصدجنيش اساليه
شعر بالغضب من حديثها فنظر إليها قائلا: نبيله انتى فى ايه والا فى ايه دلوجت
نظرت من النافذة المجاوره لها واخذت تفكر قليلا واخذت قرارها تتحدث بداخلها : كفايه لحد اكده يا حسناء
رعشه بعينيها وودمعه محتبسه مسحتها سريعا لم يشعر بها غيره لاحظها من مرأة السياره اوقف سيارته ونظر اليها قائلا: حسناء انتى بتبكى ليه ؟
ابتلعت ريقها ورسمت ابتسامه مزيفه على وجهها قائله:انا مببكيش دى عفرايه داخلت فى عنيا
نظر الي ابتسامتها تلك فهو يعلم انها ابتسامه مزيفه وليست حقيقيه ولكنها اول مره تبتسم له
نبيله بصراخ:انى هسجط وانت جاعد تحب فيها مهتبكيش وايه اللى هيخليها تبكى هى خسرانه ايه انى اللى ابنى بيموت وابوه والا هو اهنه وعملى نفسه مهند وهيحب الست حسناء
رمقها بنظره غاضبه وانطلق بالسيارة مره اخرى
بعد قليل وقف بسيارته امام احدى العيادات النسائيه وهبط من السياره واتجها اليها ليساعدها على النزول من السيارة ولكنها نظره اليه قائله:لو ابنى نزل يا سليم مهسمحكش طول عمرى انت السبب
نظر اليها بصدمه فلا يوجد لديه ما يقوله امسك يدها قائلا:ان شاء الله انتى وهو هتكونو بخير
صعده معه السلالم وهى خلفهم ودخلو الى العياده وبعد دفع اجره كشف مستعجل دخلو الى حجره الطبيب
الطبيبه وهو تنظر اليها قائله:ايه المشكله؟
نبيله بصوت مختنق :انى حامل ودلوجت انى بنزف
الطبيبه:تمام انتى فى الشهر الكام؟
نبيله:انى معرفاش بس عملت التحليل من اسبوع
الطبيبه:طيب اتفضلى اطلعى على السرير افحصك
صعت الى السرير لتفحصها الطبيبه
الطبيبه وهى تنظر الى الشاشه امامها قائله:مين قالك انك حامل ؟
نبيله:الدكتوره *****
الطبيبه:مش باين عندى ان فيه حمل خالص
نبيله:يعنى ايه ابنى نزل ؟
الطبيبه وهى تنظر للشاشة مره اخرى قائله:اللى ظاهر قدامى ان دى عاده شهريه وان مفيش حمل
نبيله وهى تنظر اليه بصدمه قائله:يعنى ايه يعنى انى مش حامل والا عمرى حملت اتاكدى الله يباركلك انى عملت التحاليل وطلعت حامل
الطبيبه:والله هو دا اللى قدامى دى عاده شهريه ومش نزيف ومفيش اى حمل الدكتوره شافت الحمل على الجهاز
نبيله:لا جالت هنشوفه كمان اسبوعين بس جالت التحليل بيأكد الحمل
الطبيبه وهى تعطى لها مناديل ورقيه لتمسح بطنها قائله:اكيد التحليل فى غلط مش مقصود اتفضلى
نهضت الطبيبه من مقعدها واتجهت الى المكتب لتجلس عليه مره اخرى
نهض من الفراش واتجهت اليه قائله:انى مش حامل يا سليم
انهت جملتها وكادت أن تسقط على الأرض فاقده الوعى لولا يديه التى حملتها
الطبيبه:فى قوضه جمبنا فيها سرير نايمها على السرير وانا هاجى اديها حقنه تفوقها لو مفجتش بعد نص ساعه
حملها واتجه بها الى الحجره المجاوره ووضعها على الفراش
كانت تنتظرهم بالخارج وجدته يخرج وهو يحملها ويتجه لاحدى الغرف ركضت حلفه بقلق
حسناء بقلق وهى تضع يدها على على خد نبيله قائله:مالها ايه اللى حوصل الدكتوره جالت الحمل بخير؟
سليم وهو ينظر اليها قائلا:مغمى عليها والدكتوره جالت ان مفيش حمل اصلا
حسناء :يعنى ايه كيف يعني مفيش حمل اصلا
سليم:معرفش الدكتوره جالت مفيش حمل اصلا وبتجول اكيد فى غلط في التحاليل
حسناء بحزن:يا حبيبتي عشان اكده وجعت من طولها ربنا يصبرها
سليم وهو ينظر اليها قائلا:انى اللى مجننى ازاى دا حوصل ازاى المعمل يطلعو النتيچه غلط
حسناء:يمكن نتيجه حد تانى واتلغبطو ماخدتوش بالكو من الاسم ؟
عاد بتفكيره للوراء قليلا يوم ان علما بالحمل حديثهما معا
نبيله وهى تنظر لنتيجه التحاليل قائله:غريبه كتبين انى عندى٢٢سنه
سليم ضاحكا :هههههه هياكلو من عمرك ٥سنين
نبيه :هما شايفينى صغيره متغاظ ليه ها
سليم :وانى اكره انك تكونى صغيره دا احب شئ لجلبى
سليم:الاسم ثلاثي صحيح بس السن كان غلط
حسناء بحزن:اكيد اتلغبطو عشان الاسامى شبه بعضيها بكره ربنا يعوضكو بالذريه الصالحه
سليم وهو ينظر اليها قائلا:كنتى بتبكى ليه واحنا فى الطريج
حسناء وهى تبتسم له قائله:صدجنى مكنتش ببكى
سليم:انى عارف ان حديت نبيله ضايجك
حسناء وهى تنظر اليها وتربط على كتفها قائله:لاه انى منيش مضايجه منيها هى عنديها حج اى بنى ادم لما يملك حاچه ويلاجى حد هيجاسمو فيها لازم يدافع على اللى يملكه والا يكون غبى وهى هتحبك وهتدفع عن ملكيتها فيك
سليم وهو ينظر اليها يتمنى ان ترد جوابه :وانتى مهتحبنيش ؟
نظرت اليه بصدمه وابتلعت ريقها لم تتوقع أن يسالها ذلك السؤال ابدا هى بالاصل لم تساله لنفسها
سليم وهو ينظر اليها قائلا:مچوبتنيش على سؤالى
حسناء سريعا :لاه انى مهحبكش
ظهرت على وجهه تعبير الانزعاج والصدمه قائلا بداخله:يااااه للدرجادى هتكرهينى يا حسناء
لم تدرى لما اعلنت عن عدم حبها له وكانها ارادت ان تقتل اى مشاعر بداخلها له وكانها ارادت ان تؤكد عدم وقوعها بعشقه لنفسها قبل ان تؤكده له
اراد ان ينصرف من امامها باى طريقه يشعر بان قلبه محطم لما لم تقع فى عشقه مثلما وقع في عشقها دون أن يشعر فتحدث دون ان ينظر لها قائلا:انى هروح اشوف الدكتوره النص ساعه عدت
هزت راسها دليلا للموافقه
لم تستطيع ان تتحدث بعد كلماتها اليابسه ولم ينتظر ليرى اهتزازه راسها انصرف من امامها
نظرت اليه وهو يخرج من الحجره ويغلقها خلفه اتضربت انفاسها و لمعت عينيها بالدموع عضت على شفتيها لتكتم صوت بكائها
فتحت عينيها ببطئ تنظر اليها وهى تبكى فهى استمعت لنهايه حديثهما قائله بداخلها:انتى عشجتيه وهو عشجك وانى مبجاش فى حاچه تربطنى بيه انى وافجت انك تتچوزو بس موفجتش انكو تعشجو بعضيكو وانى ميبجاليش عازه بس انتى جفلتى اللي بيناتكو أكده يا حسناء
نبيله وهى تصدر صوت لتنبه حسناء بانها استعادت وعيها
حسناء وهى تنظر اليه قائله:نبيله حمدالله على سلامتك يا حبيبتي
نبيله : الله يسلمك (وبدات فى البكاء)
حسناء وهى تربط على كتفها قائله:هدى روحك بكره ربنا يرزجك بالذريه الصالحه
نبيله بحزن:دا كان حلم وخلاص صحيت منه يا حسناء
حسناء تواسيها قائله:متزعليش والله خير ربنا مبيچيش منه حاچه شينه ابدا بس انتى چولى يا رب
نبيله:يا رب
حسناء وهى تحتضنها بمزاح قائله:يا ستى اعتبرينى بتك مانى يتيمه بردك
نبيله وهى تنظر اليها بخجل قائله: متزعليش منى يا حسناء
حسناء بعدم فهم:ازعل منك؟طب ليه ؟
نبيله وهى تخفض راسها قائله:على الحديت اللى جولته في الطريج
حسناء وهى تربط على كتفها قائله:لاه منيش زعلانه انى مجدره خوفك وكمان انتى زى فاتن اختى وفاتن لو اتخلجت هتحملها ومهزعلش منيها
اخفظت راسها بخجل من افعالها قائله:انتى طيبه جوى يا حسناء
حسناء بابتسامه رقيقه قائله:وانتى كمان طيبه جوى واميره وكنتى واجفه چارى دايما
نبيله وهى تحاول تغير مجرى الحديث قائله:امال سليم فين
حسناء :راح يچيب الدكتوره تعطيكى حقنه عشان تفوجى
نبيله :طب شوفيه اكده وخلينا نمشي من اهنه
حسناء:حاضر
خرجت من الحجره تبحث عنه وجدته يقف خارج العياده (على السلم)
حسناء وهى تقترب منه قائله: نبيله فاجت وبجت زينه وعايزه تروح
هز راسه دليلا على الموافقه وبدون ان ينطق بكلمة تحرك ناحيه الحجره
ظلت مكانها تنظر اليه وجدته يخرج من الحجره وهو يمسك بيدها
خرجو العياده واستقلو السياره متجهين إلى المنزل
تجلس مع زوجة خالها تشعر بالقلق على شقيقتها قائله:هى جالت مش هتتاخر
فهيمه:انا هجوم اخلى خالك يتصل على سليم ويطمن عليها
ونهضت من جانبها متجهه الى الحجره الموجود بها زوجها
وصلو الى المنزل وهبطو من السياره متجهين للداخل
اقرب منها ليسندها ولكنها تحدثت قائله:انى زينه يا سليم
دخلو الى الداخل ليقابل بوالدته تقف وهى تتحدث بالهاتف قائله:اهى جات اهى خدى يا بتى مرات خالك على التليفون
اخذت الهاتف ووضعته على اذنها قائله:ايوه يا خالتى فهيمه
فهيمه:ايوه يا بتى انى جولتى مهتتاخريش جلجتينى عليكى
حسناء:معلشى يا خاله
فهيمه :انتى هتاجى امتى يا بتى والا جاعده عندك
حسناء وهى تنظر اليه قائله: انى معرفاش هجدر اجى والا لاه
سليم وهو ينظر اليها قائلا:لو عايزه تروحى بيت عمك انى هوصلك
حسناء وهى تنظر اليه بصدمه قائله:…..
يتبع..
لقراءة الحلقة العاشرة : اضغط هنا
لقراءة باقي حلقات الرواية : اضغط هنا
