رواية جنية المقابر الفصل الأول 1 بقلم اسماعيل موسى

رواية جنية المقابر الجزء الأول

رواية جنية المقابر البارت الأول

رواية جنية المقابر الحلقة الأولى

هذه القصه ليس لها علاقه بقصة التميمه المعدنيه
انها قصه أخرى احتفظت فيها بنفس الأسماء ليس أكثر
انا قولتلك ميت مره متاخديش حاجه من اى شخص غريب يا كوكى؟ اعمل ايه كنت جعانه يا سمسم، من بعد ما والدتى ماتت وانت طول اليوم فى الشغل وانا برجع من المدرسه جعانه كنت عايزنى اعمل ايه؟
متزعلش بقا يا سمسم دى مجرد تفاحه مش حاجه كبيره يعنى، وبعدين الست اصرت انى اخدها، الظاهر صعبت عليها وانا راجعه من المدرسه شايله شنطتى إلى مليانه كتب
انتى قابلتى الست دى فين يا كوكى؟
عند المقابر يا سمسم، دى ست غلبانه جدا وى وى
وقفت كلام ليه يا ست كوكى؟ طبعا افتكرتى انى محذرك تمرى من طريق المقابر، لكن حضرتك زى عادتك بتعملى إلى فى دماغك صح؟
اسفه يا سمسم لكن انت عارف ان الطريق دا مختصر وانا مش معايا فلوس اركب مواصلات لانى المصروف إلى ياخده يدوبك يكفى السندوتش
كملى يا كوكى، والشكولاته التى حضرتك لازم تشتريها كل يوم وتضيعى فلوسك عليها، يعنى الذنب مش ذنبى
متعيطيش لو سمحتى وتقعدى تقولى لو ماما كانت حيه كانت اهتمت بيا
ماما ماتت يا كوكى ومش هترجع تانى واحنا مضطرين نعيش فى البيت المعفن ده وانا مضطر اشتغل كل يوم عشان نقدر نعيش!
متزعليش يا كوكى انا عارف انك لسه صغيره عشان تتحملى كل ده، انا اسف بجد، متعيطيش بقا؟
مش هعيط يا سمسم، انا عارفه انك بتخرج من النجمه عشان تكسب فلوس واكمل دراستي، لكن غصب عنى والله، بص لو انت زعلان مش هشترى شيكولاته تانى وامرى لله
لا كوكى يا حبيبتى، اشترى كل إلى انتى عايزاه، انا اسف بجد
لكن متعديش من عند المقابر تانى
حاضر يا سمسم انا عارفه إلى حصل معاك هناك والشبح إلى طلعلك لكن صدقنى والله الست دى كانت لطيفه جدا وغلبانه ومش شكل شبح خالص ولو مكنتش مصدقنى عدى عليا بكره فى المدرسه وانا هخليك تشوفها بعينك عشان تتطمن
ماشى يا كوكى هعدى عليكى بكره وامرى لله
امشى يا سمسم شويه عشان منتأخرش الست بتكون قاعده هناك عند المقبره الخضره مش بتغير ماكنها ابدا
وصلنا المقبره الخضره ومكنش فيه اى شخص قاعد هناك
فين يا كوكى الست بقا؟
كانت هنا والله العظيم، انا مش بكدب، كل يوم بلاقيها هنا ومش بتتكلم مع حد غيرى انا