رواية ملاكي الفصل التاسع 9 بقلم نيللي ياسر

حازم: ايه انت بتقول ايه

المتصل: الواد اللي كان معانا هرب 

حازم بغضب: وانتو ازاي تسبوه يهرب

المتصل: كان محبوس في المخزن القديم زي ما حضرتك طلبت دخلنا نشوفو لقيناه هرب والراجل اللي واقف معاه مضروب بحجر علي دماغو دورنا عليه بس ملوش أثر

حازم بغضب: هو انا مشغل معايا نسوان علشان يهرب منهم رد عليا انا مشغل معايا نسوان!!

المتصل: احنا أسفين جدا بس..

   ( حازم قفل في وشو السكه)

كامل: في ايه يا حازم

حازم: مفيش حاجه يا بابا شويه مشاكل في الشغل

كامل: طب انت رايح فين

حازم: هروح اشوف حل للمشاكل دي وهاجي علي طول

كامل: ايوه بس الوقت متأخر اوي يا حازم

حازم وهو يقفل الباب: معلش يا بابا الموضوع يستاهل

كامل: ربنا معاك يا أبني

????♥️????♥️????♥️????عند ملاك????♥️????♥️????♥️????

   ( ملاك صحيت فجأه من النوم لقت ادهم قدامها)

ملاك بخضه: انت…انت بتعمل ايه هنا

ادهم: هو مش انا قولتلك اقفلي علي نفسك جامد

ملاك بغضب: انا بقولك انت بتعمل ايه هنا

ادهم بغضب: بت وطي صوتك عشان مرزعكيش قفا

ملاك: طب..انت بتعمل ايه

ادهم: جيت اطمن علي زوزو لقيت الباب مش مقفول جامد فدخلت اطمن عليها عادي يعني

ملاك: زوزو..انت خلاص بقيت بتقولها يا زوزو

ادهم بخجل: احم..اقصد الحاجه زينب وبعدين انتي مالك

ملاك: طيب اتفضل بره بقي علشان عايزه اتخمد

ادهم وهو بيحدف عليها المخده: نامي ..نامي داهيه تاخدك

ملاك بضحكه: اهو انت 

  ( ادهم سرح في ضحكتها وبعدين كشر وخرج)

ملاك: هو انا ايه اللي خلاني اهزر معاه ده ضربني قلم بره ….ههههه بس بني ادم معندوش دم

    ( وابتسمت ونامت)

  ( زينب كل ده صاحيه وادهم كان داخل علشان يصالح ملاك وزينب حست أن في قصه حب هتبدأ ولازم تدعمها)

????♥️????♥️????♥️????♥️عند ادهم????♥️????♥️????♥️

ادهم لنفسه: هي البت دي عملت فيا ايه .. انا معرفش انام غير لما اصالحها… يعني انا ميجليش نوم غير لما اصالحها

   ( وبعدين ابتسم وقال )

ادهم: بس انا كده صالحتها

ادهم: يوووه ايه العبط ده 

   ( وبعدين نام)

????♥️????♥️????♥️????عند حازم♥️????♥️????♥️????♥️

  ( حازم سايق العربيه بسرعه جدا لبيت أميره و وهو سايق

    بيتصل ب اميره بس مش بترد وقلقان عليها جدا جدا)

حازم: يووووه ردي يا اميره

حازم وهو يعاود الاتصال: يعني هيكون حصل ايه

  ( حازم وصل قدام بيت اميره و وهو طالع علي السلم جاله اتصال )

حازم بصوت عالي: الو يا اميره انتي كويسه

اميره بنوم: ايوه انا كويسه يا حازم انا قلقت علي صوت الموبيل لقيتك متصل كتير اوي خوفت وكلمتك

حازم تنهد بخوف: خلاص كملي نومك انا كنت بطمن عليكي

اميره بخوف: انت متأكد أن مفيش حاجه

حازم بهدوء: ايوه محصلش حاجه والله انا كنت بطمن عليكي

اميره: طيب تصبح علي خير

حازم بحب: وانتي من اهلو

 ( حازم ركب العربيه واتحرك بيها قدام بيت اميره بالظبط

   وفضل واقف قدام العربيه وعنيه علي بيت اميره ايوه فضل سهران لغايه الصبح قدام البيت خايف عليها من عمار)

     ( اللهم واحد زي حازم كده او ادهم عادي????????)+

????♥️????♥️????♥️????عند جمال♥️????♥️????♥️????♥️

  ( جمال مكلف واحد يراقب ادهم والراجل ده اتصل بجمال)

جمال بنوم: انت يا حيوان في حد يتصل دلوقتي

الشخص: معلش يا جمال بيه بس الموضوع يستاهل

جمال بنوم: امممممم … ارغي

الشخص: ادهم بيه بايت النهارده في مستشفى

جمال وهو يقوم بفرحه: ازاي.. مات

الشخص: لا .. ده بايت مع بنت هي وجدتها وكمان عرفت ان هو اللي عمل لجدتها العمليه فا اكيد دي واحده مهمه اوي

جمال بعدم تصديق: اكيد الكلام ده مش حقيقي ده ادهم بيكره جنس الستات كلو اخرو مع البنات ليله عندو في البيت

الشخص: صدقني الكلام ده بجد انا كنت فاكر كده بس دخلت وسألت ناس حبايبي وأكدو ليا ان هو اللي عامل العمليه للست الكبيره وكمان بأيت في اوضه جمب الأوضه بتاعتها

جمال بخبث: انت عارف لو كلامك ده صح .. هيبقي ليك عندي مكافأة كبيره اوي

الشخص بفرحه: خيرك سابق يا باشا

   ( جمال حس بسهير مراته وراه)

جمال: طب سلام انت دلوقتي

الشخص: سلام

جمال: ايه اللي مصحيكي يا سهير

سهير بدموع: انت عايز ايه من أبني

جمال بسخرية: ابنك!!! ..كلمه كبيره اوي علي ادهم

سهير بغضب: رد عليا عايز ايه من ادهم

جمال ببرود: عايز .. لا خليها مفجأه احسن يا سهير

سهير: انت شخص مريض ..  مجنون مش طبيعي

جمال وهو يمسكها من شعرها: لا بقولك ايه هتقلي ادبك هموتك .. مش كفايه اني سترت عليكي لما جوزك رماكي في الشارع بفضيحه.. وخلاكي متشوفيش ابنك ده تاني ..لا وكمان ابنك بقي بيكرهك .. كل ده ولسه بتدافعي عنه لايهههههههه…وانا اللي بحبك تعملي فيا كده

سهير بضحكه مجنونه: بتحبني..هههههههه.. لا قول تاني كده 

انت عمرك ما حبتني انت كنت عايزني بس علشان انا كنت مع صحبك ( السويدي) ايه نسيته..انت اناني كنت عايزني عشان طول عمرك بتبص علي اللي في ايد غيرك بس لاكن عمرك ما حبتني

جمال:_____

سهير: حقك تسكت ..اصل هتقول ايه يعني بس انا مش هسكت..سامعني مش هسكت يا جمال يا اسيوطي

   ( وتركته وذهبت غرفه أخري)

♥️????♥️????♥️????♥️عند ملاك????♥️????♥️????♥️????

   ( صباح جديد اشرق ..لتستيقظ ملاك )

ملاك بنوم: امممم…صباح الخير يا زوزو

زينب وهي تقفل المصحف: صدق الله العظيم..صباح الخير يا عيون زوزو

ملاك: انتي احسن دلوقتي

زينب بهدوء: الحمدلله يا حبيبتي بقيت كويسه

ملاك: طيب انا هتوضاء واصلي واطلب من الممرضه تحضر فطارك

زينب: ماشي يا حبيبتي

 ( توضاءت ملاك وأدت فرضها وخرجت تأتي بالطعام)

مصطفى: انسه ملاك

ملاك وهي تقف: صباح الخير يا دكتور مصطفى

مصطفى بتوتر: ص..صباح النور

ملاك: في حاجه

مصطفى: لا..اه

ملاك بضحك: لا .. ولا اه

مصطفى: بصي الحقيقه انا شوفتك امبارح وانتي في الجنينه

ملاك بتوتر: شوفتني إزاي يعني

مصطفى: انسه ملاك .. هو مين اللي ضربك امبارح ده

ملاك:____

مصطفى: هو الراجل ده من ساعت ما جيه وهو بيتحكم فيكي هو..هو خطيبك او جوزك

ملاك بتسرع: لا.. مش خطيبي أو جوزي

مصطفى: طب هو ازاي يمد ايدو عليكي كده

ملاك:_____

مصطفى: واضح انك مش عايزه تحكي انا هسيبك براحتك و لما تعوزي تتكلمي أو تحكي اي حاجه انا مكتبي مفتوح ليكي

ملاك بأبتسامه: شكرا جدا لحضرتك

مصطفى: انا اسمي مصطفي مش حضرتك

ملاك: حاضر يا مصطفى

مصطفى: طالعه منك زي القمر

ملاك بكسوف: طب عن أذنك

مصطفى: اتفضلي

مصطفى: انا مشفتش جمال بالشكل ده

????♥️????♥️????♥️????عند اميره♥️????♥️????♥️????♥️

  ( استيقظت اميره من نومها وبعد وقت دخلت البلكونه)

حازم: بس….بس

  ( اميره بتبص حوليها مش شايفه حد وفجأة شافت حازم)

اميره بصدمه: حازم!! انت بتعمل ايه هنا

حازم بأبتسامه: انا هنا من امبارح اصلا

اميره بتوتر: طب تعالي أطلع

حازم: مش هينفع

اميره: انت مينفعش تكلمني من هنا الناس هتقول ايه يعني

حازم: علي فكره الساعه 8 الصبح و ومفيش حد .. انتي صاحيه ليه اصلا بدري كده

اميره: انا ببيع لبن …اطلع بقي

حازم بأستفزاز: طب اتحايلي عليا شويه

اميره بغضب: يا حااازم

حازم بضحك: هههه خلاص طالع

    ( اميره كانت خايفه لحد يعدي في الشارع ويشوفها وهي بتكلم حازم)

حازم: انا طلعت اهو

     ( اميره فاتحه الباب نص علشان لوحدها)

حازم: هو انتي هتكلميني من الخرم ده

اميره: اه إذا كان عاجب

حازم: الصراحه عاجب اوي

اميره بكسوف: انت… ليه هنا من امبارح

حازم: طب افتحي الباب اتعرف علي اونكل وطنط

اميره: انت هتستعبط يلا…. انا هنا لوحدي

حازم: بعيداً عن كلمه يلا…بس انتي لوحدك ازاي

اميره: بابا راح الشغل وماما راحت الشغل

حازم بخبث: قولتيلي

   ( اميره خافت من حازم وقفلت الباب)

حازم بغضب: انتي بتقفلي الباب لايه

اميره: معندناش زباله النهارده

حازم بصدمه: زباله !!!!

اميره وهي تضحك: اه زباله

حازم وهو يجز علي أسنانه: وحيات أبويا لوريكي يا أميره

اميره: هتوريني ايه فيلم…هههههه

حازم بغضب: لا هوريكي خصم نص شهر ولا انتي نسيتي اني المدير بتاعك في الشغل

اميره ضربت علي رأسها بخفه وقالت: يا حوستي السوده يا انا يا اما 

( اميره كانت فعلاً نسيت انو المدير بتاعها حست انو

 صاحبها)

اميره وهي تفتح الباب: خلاص .. انت رايح فين

حازم: هنزل استناكي تحت لغايه ما تغيري هدومك

اميره بشهقه: اغير هدومي انت اتجننت

   ( حازم طلع تاني أداها علي قفاها قفا عباسي)

حازم: غيري هدومك علشان الشغل

اميره وهي ماسكه قفاها: طب انت عصبي كده لايه يا اسطااا

حازم: هو كده يا برنس تخلصي في ربع ساعة والا همشي واسيبك…وتركبي مواصلات بقي

اميره بتسرع: لا لا خلاص يا زميكس مين جاب سيره المواصلات انا ربع ساعة واكون قدامك

   * وقفلت الباب وحازم نزل استناها قدام عربيتو*

اميره: البس ايه … البس ايه 

اميره: بس تعالي انت .. انا هلبسك النهارده

( ارتدت اميره بنطلون باللون الاسود ضيق ومقطع من الركبه وتيشيرت ابيض جوه البنطلون وكوتش ابيض وشنطه علي ظهرها باللون الاسود وكاب باللون الاحمر ونظاره لون الزجاج بتاعها اصفر)

اميره وهي تنظر في المرايه: موزه يا بت ايه الجمدان ده

  ( حازم بيزمر من تحت)

( اميره نزلت بس كان رد فعل حازم غريب جداً)+

????♥️????♥️????♥️????عند ادهم♥️????♥️????♥️????♥️

     ( صحي ادهم وبعد ما فوق كده دخل عند زينب الأوضه لقاها قاعده بتضحك هي وملاك فضل سرحان معاهم شويه سرحان في ضحكه ملاك وجمالها وفي طيبه زينب و حكمتها اد ايه عيله صغيره بس سعيده بيقول لنفسه انا لايه مش كده لايه معنديش عائله كده لايه مش مبسوط كده انا لايه كده)

زينب: ادهم تعالي يا حبيبي واقف كده لايه

ادهم: هه…معلش انا كنت سرحان شويه

ملاك بضيق: انتي مش هتكملي فطارك

زينب: لا فطرت يا حبيبتي شوفي ادهم لو هيفطر

ملاك بضيق: ما هو سامع لو عايز يفطر يروح يجيب لنفسو

زينب: عيب كده يا ملاك

ادهم بغضب: سبيها يا زوزو … انا مطلبتش منها حاجه

زينب: طب ممكن تخرجي يا ملاك

ملاك بصدمه: نععععععععععم!!!

زينب: اطلعي بره عايزه اتكلم مع ادهم شويه

ملاك بغيره: ماشي يا زوزو.. ماشي ( وخرجت من الاوضه)

زينب بضحك: هههههه.. شوف البت

ادهم: هههه … غريبه اوي

زينب: طب أحكي بقي

ادهم: أحكي ايه يا زوزو

زينب: انا سيبتك امبارح ترتاح… بس الواضح انك مش هترتاح غير لما تحكي كل حاجه

ادهم تنهد بحزن: حاضر هحكي…بابا كان بيحب ماما جدا ولما خلص الجامعه قرر انو يفتح شركه بس خد واحد صاحبو هو الحقيقه كان بيعتبرو اخوه … وفتحو شركه وبابا اتجوز ماما وكانت الحياه كويسه جدا وانا جيت الدنياا وكل حاجه كانت تمام لغايه اما بقي عندي 10 سنين صاحب بابا لما بقي معاه فلوس بدأ بلعب اومار ويضيع في فلوسو بطريقة غريبة ولما فلوسو خلصت بدأ ياخد من فلوس الشركه .. بابا كان بينصحو بس من غير فائده لغايه لما الشركه بقي عليها ديون وصاحب بابا بقي عادي مش بيحس بحاجه كل اللي عايزو الفلوس وبس .. بابا فض الشراكه وساب الشركه ليه وفتح شركه لوحدو بس هو الشركه بتاعتو اتحجز عليها وكان هيتحبس بس بابا كان بيحبو اوي علشان كده دفع الديوان اللي على الشركه..وبعد كده بابا ربنا رزقو وفتح كذه شركه وبقي ليه اسم بس صاحب بابا بدأ يغير منو وكمان وقع بين بابا وماما بدأ يكلم ماما كتير بحجه انو بيطمن عليا وبيجبلي لعب وكل اللي اعرفو بعد كده أن في يوم ماما قالت لي انها خارجه تشتري حاجات ليها وسبتني مع الخدامين لوحدي وبعدين بابا جه من الشغل متعصب اوي وبدأ ينادي على ماما بس انا قولتلو أنها خرجت تشتري حاجات ليها اتنرفز وسابني 

 وبعدين جيه وهو ماسك ماما من شعرها وبيقولها يا خاينه يا خاينه وماما بتصرخ وبتقلو انا مليش ذنب متظلمنيش وهو بيصرخ و وبعدين وقف ماما قدامي وقالها ( الحقي شوفي ابنك علشان مش هتشوفيه تاني) انا كنت بصرخ ومش فاهم حاجه بس من ساعتها ومشفتش ماما تاني بابا رماها في الشارع قدام عيني.. بابا بدأ يقولي امك خاينه وانا مكنتش بصدق لغايه لما عرفت انها اتجوزت صاحب بابا كانت صدمه كبيره اوي علي بابا بدأ يلجأ لبنات الليل ويشرب خمره ويجي نص الليل بيطوح ..مكنش مصدق أن حب عمره تعمل كده … بدأ يقولي أن الستات خاينه بس مكنتش بسمع كلامه … لغايه لما بقي عندي 20 سنه حبيت اه حبيت …بس كانت بنت الخدامه كانت بتيجي مع امها .. امها اللي كانت بتربيني من وانا صغير كانت أسهما ندي كانت اصغر مني1 بسنه واحده تفكيرنا كان قريب من بعض علشان كده حبيتها بس لما قولت لابويا اني عايز اتجوزها رفض مش علشان بنت الخدامه لا… علشان مش عايز يكسر قلبي لما اتعلق بيها ..كنت هحارب الدنيا علشان وقررت اهرب انا وهي بس من غير عربيتي ولا فلوسي ولا اي حاجه من أبويا…بس لما عرفت بعدت عني..بعدت بدون سبب وراحت اتجوزت واحد قد أبوها علشان غني… مقدرتش استحمل وسافرت أكمل تعليمي بره وكنت ناوي مرجعش بس رجعت لما عرفت أن ابويا مات كان عندي 22 سنه … شيلت كل حاجه علي كتفي كبرت الشغل وبقي عندي بدل شركه واحده حوالي 20 حول العالم بس بقيت آله بتتحرك وبس معنديش مشاعر ولا احساس بس أتأكدت أن كلام ابويا صح … وبقيت بكره الستات كلها بقيت خايف من الخيانه خايف احب واحده وتخوني … وعلي فكره امي عايشه مكدبش عليكي سعات كتير بحتاج حضنها بس بمجرد ما افتكر اللي عملتو اكرهها زياده….????

زينب بأبتسامه: طب مفكرتش تلجأ لحد

ادهم: تقصدي دكتور نفسي..انا مش مجنون انا محتاج احتواء بس محتاج عيله وأهل 

زينب بهدوء: بس في واحد ممكن يعوضك عن كل الناس 

ادهم بعدم فهم: تقصدي مين

زينب بابتسامة: ربنا!!….ربنا يا ادهم هل فكرت مره تلجأ ليه ..من غير تفكير اكيد لا لو انت كنت لجأت لربنا مكنش ده حالك ابدا .. ربنا ابتلاك بس كان قصدو من الابتلاء ده انك تقرب منو.. بس انت بعدت..بعدت اوي عنو..نسيت اللي قادر يحل مشاكلك..نسيت ربنا يا ادهم ربنا اداك فلوس وشغل وشركات وذكاء…ده غير انك عشت حياه مرفها جدا وخد منك حاجه واحده بس ( العيله) يعني ربنا اداك كل ده وانت زعلان منه علشان خد منك حاجه واحده وكمان ممكن تعوض الأهل…تقدر تتجوز وتكون أسره وتسامح امك وتنسي الماضي وتبدأ حياه جديده…بس الأول تبدأ مع ربنا حياه جديده

ادهم بحزن: صعب اوي يا زينب

زينب: لا مش صعب … بس خد وقتك وجرب 

ادهم: انا ارتحت اوي اني اتكلمت معاكي

زينب وهي تلمس علي رأسه: ربنا يريح قلبك يا أبني

ادهم وهو يقبل رأسها: طب عن أذنك اشوف ملاك شكلها زعلت 

  ( استوقف ادهم صوت زينب)

زينب: ادهم

ادهم: نعم

زينب: قرب من ملاك يا ادهم .. دي اول علامه من ربنا ليك

   ( ابتسم ادهم وخرج يبحث عن ملاك)

????♥️????♥️????♥️????عند حازم♥️????♥️????♥️????♥️

اميره بضحكه طفوليه: انا جهزت

   ( انفجر حازم في الضحك علي اميره)

اميره بغضب: انت عبيط يا اض

حازم: ههههه شبه لبسي أوي

  ( اميره ركزت ولقت نفسها فعلاً لابسه نفس لبس حازم)

اميره بحزن: ايه ده بقي.. انا مش هينفع اروح الشغل كده

حازم بضحك: ولا انا البنات صحابي يفتكروني مظبط اللبس معاكي ولا كابلز بعد الشر يعني .. اطلعي غيري

اميره وهي تضع يدها في خصرها: نعم يا اخوياا.. طب انا مش هغير .. روح انت غير هدومك

حازم: بت انتي هتغابي عليكي اطلعي غيري

اميره وهي تركب السياره: والله براحتك بقي انا مش عايزه أتأخر علي شغلي

حازم وهو يركب: صبرني يا رب

  ( وتوجهو الي الشركه)

♥️????♥️????♥️????♥️عند ملاك????♥️????♥️????♥️????

     ( ملاك سانده علي الحيطه ومتعصبه جداً)

ادهم: ملاك

ملاك: نعم

ادهم: تعالي هنا

ملاك بعند: ما تيجي انت

ادهم بنظره حاده: بقولك تعالي هنا

ملاك وهي تقترب بخوف: عايز ايه

ادهم: انتي…..

     ( وقطع حديثه صوت سيده تأتي من بعيد)

السيده: ادهم… ادهم

ادهم بصدمه: انتي****

يتبع..